Tezkor xabar! Masharipov terma jamoaning navbatdagi yigʻinida ishtirok etmaydi!
Yaxshi bilasiz, Oʻzbekiston milliy terma jamoasi oktyabr oyidagi FIFA kunlarida ikkita oʻrtoqlik uchrashuvi oʻtkazadi.
Iordaniyada boʻlib oʻtadigan mazkur yigʻin davomida Srechko Katanes shogirdlari 9-oktyabr kuni Malayziya, 12-oktyabrda esa Iordaniya terma jamoalari bilan oʻrtoqlik uchrashuvida maydonga tushadi. SPORTS.uz saytiga maʼlum boʻlishicha, Saudiya Arabistoni chempionatida harakat qilayotgan legionerimiz Jaloliddin Masharipov mazkur oʻyinlarda ishtirok etmaydi.
“Al-Nassr” klubi yetakchi futbolchisini ehtimoliy jarohatdan saqlamoqchi. Riyodliklar OCHL chorak finalidan oʻrin olgan “Al-Vahda”ga qarshi bahsda legionerimizga tayanishni reja qilgan. Bu borada jamoa rasmiylari OʻFAga murojaat qilgan va bu haqda tez orada rasmiy maʼlumot berilishi kutilmoqda.
https://t.me/Futbol_FUL_HD