Husniddin Ismoilov | Blog

O'zbekiston mevalari endi Ummon bozorlari va savdo tarmoqlarida

Mamlakatimizning Ummondagi elchixonasi tomonidan O‘zbekistonning "MilMax Group" kompaniyasi va Ummonning "Lulu Group International" kompaniyasining hududiy vakolatxonasi o‘rtasida onlayn uchrashuv tashkil etildi.

Muzokaralar natijasi joriy yilning 26 iyun kuni O‘zbekiston kompaniyasi tomonidan Maskatdagi Lulu supermarketlar tarmog‘i va mahalliy bozorda sotilayotgan 2 tonnalik meva – gilos, shaftoli va o‘rikning birinchi partiyasini Ummonga yetkazib berish bo‘ldi.

Ummonga jo‘natilayotgan mahsulotlar xalqaro standartlar bo‘yicha qadoqlanmoqda, mahsulot va ishlab chiqarilgan mamlakat haqida ma’lumotni “karantin kodi” orqali olish mumkin.

"Lulu Group International" kompaniyasining Ummondagi mintaqaviy menejeri Shaberning so‘zlariga ko‘ra, mahsulotlarning tashqi ko‘rinishi va ta’mi a’lo darajada, shuning uchun uning kompaniyasi O‘zbekiston bilan hamkorlikni boshlaganidan juda mamnun va uni davom ettirishga tayyor.

O‘simliklar karantini va himoyasi agentligida OAV vakillari, jurnalistlar va blogerlar ishtirokida press-tur o'tkazildi

O‘simliklar karantini va himoyasi agentligida “Markaziy Eksport shtabi” tashkil etilib, 21 nafar mutaxassis biriktirildi hamda  14 ta hududda “Eksport shtab”lari faoltiyati yo‘lga qo‘yildi.

Press-tur ishtirokchilari shtabda respublikamizdagi eksportbop qishloq xo‘jaligi mahsulotlarining kunlik narx-navosi monitoringi, omborxonadagi mavjud qishloq xo‘jaligi mahsulotlarining qoldig‘i va yaqin 20 kunda pishib yetiladigan mahsulotlar bo‘yicha ma’lumotlar, eksportchi korxonalarning eksport masalalari bilan bog‘liq muammoli masalalarini o‘rganish va ularni tezkor xal etish bo‘yicha zarur chora-tadbirlar amalga oshirib kelinayotgani haqida ko‘plab ma’lumotlarga ega bo‘lishdi.

O‘zbekiston Respublikasining xorijiy davlatlardagi elchixonalar bilan hamkorlikda ishlar tashkil etilgan bo‘lib, “Eksport shtabi” a’zolari 39 ta xorijiy davlatlar elchixonalariga biriktirilgan.

O‘simliklar karantini va himoyasi agentligining Axborot-kommunikatsi-ya texnologiyalari va raqamlashtirish boshqarmasi mutaxassislari tomonidan maxsus “narx.karantin.uz” platformasi ishlab chiqildi. Mazkur pltformaning afzalligi va qulayligi to‘g‘risida ham ma’lumotlar berildi.

Telegram | Instagram | Facebook