RaqobatMen sizlar bilan o'zim doim foydalanadigan bir usul bilan bo'lishmoqchiman. Raqobat har qanday sohada insonni doimiy o'sishga undovchi muhim omil hisoblanadi. Raqobatsiz, o'zimizni qanchalik rivojlanayotganimizni yoki pasayayotganimizni aniq bilishimiz qiyin. Shu sabab, men o'zim uchun kamida ikki raqobatchi tanlab olaman. Ular men bilan tajribasi deyarli teng bo'lishi va doimiy rivojlanishda bo'lishi kerak.
Agar ulardan ortda qolayotgan bo'lsam, demak, menda qandaydir muammo mavjud. Bunday vaziyatda, muammoni tezda aniqlab, uni bartaraf etishga harakat qilaman. Bu raqobatda raqiblarning yutuqlaridan "kuyish" emas, balki ularning muvaffaqiyatlari ham mening yutug'im deb bilish kerak. Chunki, ularning yutuqlari sizga yanada ko'proq turtki beradi.
Bu raqobatdan faqat siz habardor bo’lasiz. Ular bilan bir xil "oqimda" yuravermaslik uchun, sizdan tajribali bo'lgan yangi raqobatchilarni marra sizfatida belgilab olish kerak. Har bir yangi raqobatchi — bu yangi imkoniyat va o'sish uchun yangi yo'l.
Shunday qilib, yangi marralar zabt etilaveriladi va o'z maqsadlaringizga yanada yaqinlashaverasiz. Raqobatni o'sishimiz uchun qulay sharoit sifatida ko'rishimiz kerak.
Blog |
Portfolio
