Эй Улуғ Турон, арслонлар ўлкаси! Сенга не бўлди?..
Бизда онг ўзгариши жуда қийин кечяпти. Раҳбарларимизда мустақил ҳаракат кам. Тепадан айтилсагина, “хўп” деб, пионерлардек ёппа сафарбарликка ўтамиз. Бўлмаса, ёпиғлиқ қозон ёпиғлиғича тураверади.
Президент ҳам шу ҳақда жуда кўп гапирди. Буни кўплаб мисоллар билан исботлаш мумкин. Масалан, Президент улуғ жадидчи бобомиз Абдулла Қодирий уй-музейини барпо этди (Ҳолбуки, шаҳар мутасаддилари адибдан хотира қолган уйни бузмоқчи бўлишганди). Халқ ҳам зиёлилар ҳам бундан хурсанд бўлди.
Очиғини айтганда, фарзандларимизни миллий руҳда тарбиялашда бундай ишларнинг қиймати беқиёс. Мен шу иш бошланганда хурсанд бўлгандимки, энди Андижонда Чўлпоннинг, Бухорода Фитрат бобомизнинг хотирасини абадийлаштириш бўйича катта ишлар қилинади, деб. Лекин жим-жит. На Ўзбекистон Ёзувчилар уюшмаси, на Маънавият ва маърифат маркази... Минг афсуски, улар мутлақо тескари радиусда фикрлашаркан.
Бугун ҳурматли сенатор шоирларимиз (айни пайтда шу масалага масъул бўлганлар) жойларда турли тадбирлар уюштириб, “Ахборот-24”да кўрсатиш, баҳор ва сиёсий мотивлардаги чучмал шеърларга клип ишлаб экранларни тўлдириш билан овора...
Муҳтарам устозлар, шу Ватан ва халқ учун ширин жонидан кечган боболаримиз олдидаги фарзандлик қарзимиздан қутилишниям ўйлайлик. Улар тириклигида “халқ душмани” деган сиёсий айбдан бошқа ҳеч нарса олмаган. Ҳақиқий миллат ва Ватан фарзанди бўлса-да, уларда халқ шоири деган унвон бўлмаган...
Кечагача уларнинг номини матбуот саҳифаларидан ўчириш, жадид сўзини муқобилига айлантириш билан шуғулландик. Шу топшириқларни берган одамлар бугун ҳам ишлаяпти, Қодирийнинг ҳайкали пойида унинг “гўзал прозаси” ҳақида лутф қилаяпти...
Майли, ҳозир ўпка-гинанинг мавридимас. Қолаверса, асосий гапдан чалғияпмиз. Асосий масала шулки, энди Бухоро ва Андижондаям худди пойтахтдаги Абдулла Қодирий мажмуасидек гўзал бир маданий-маънавий ансамбль ташкил қилишни яна Президент айтмагунча кутиб ўтирамизми?!
👇каналга уланиш:
@MARKAZ16Uz
Бизда онг ўзгариши жуда қийин кечяпти. Раҳбарларимизда мустақил ҳаракат кам. Тепадан айтилсагина, “хўп” деб, пионерлардек ёппа сафарбарликка ўтамиз. Бўлмаса, ёпиғлиқ қозон ёпиғлиғича тураверади.
Президент ҳам шу ҳақда жуда кўп гапирди. Буни кўплаб мисоллар билан исботлаш мумкин. Масалан, Президент улуғ жадидчи бобомиз Абдулла Қодирий уй-музейини барпо этди (Ҳолбуки, шаҳар мутасаддилари адибдан хотира қолган уйни бузмоқчи бўлишганди). Халқ ҳам зиёлилар ҳам бундан хурсанд бўлди.
Очиғини айтганда, фарзандларимизни миллий руҳда тарбиялашда бундай ишларнинг қиймати беқиёс. Мен шу иш бошланганда хурсанд бўлгандимки, энди Андижонда Чўлпоннинг, Бухорода Фитрат бобомизнинг хотирасини абадийлаштириш бўйича катта ишлар қилинади, деб. Лекин жим-жит. На Ўзбекистон Ёзувчилар уюшмаси, на Маънавият ва маърифат маркази... Минг афсуски, улар мутлақо тескари радиусда фикрлашаркан.
Бугун ҳурматли сенатор шоирларимиз (айни пайтда шу масалага масъул бўлганлар) жойларда турли тадбирлар уюштириб, “Ахборот-24”да кўрсатиш, баҳор ва сиёсий мотивлардаги чучмал шеърларга клип ишлаб экранларни тўлдириш билан овора...
Муҳтарам устозлар, шу Ватан ва халқ учун ширин жонидан кечган боболаримиз олдидаги фарзандлик қарзимиздан қутилишниям ўйлайлик. Улар тириклигида “халқ душмани” деган сиёсий айбдан бошқа ҳеч нарса олмаган. Ҳақиқий миллат ва Ватан фарзанди бўлса-да, уларда халқ шоири деган унвон бўлмаган...
Кечагача уларнинг номини матбуот саҳифаларидан ўчириш, жадид сўзини муқобилига айлантириш билан шуғулландик. Шу топшириқларни берган одамлар бугун ҳам ишлаяпти, Қодирийнинг ҳайкали пойида унинг “гўзал прозаси” ҳақида лутф қилаяпти...
Майли, ҳозир ўпка-гинанинг мавридимас. Қолаверса, асосий гапдан чалғияпмиз. Асосий масала шулки, энди Бухоро ва Андижондаям худди пойтахтдаги Абдулла Қодирий мажмуасидек гўзал бир маданий-маънавий ансамбль ташкил қилишни яна Президент айтмагунча кутиб ўтирамизми?!
👇каналга уланиш:
@MARKAZ16Uz