Риштондаги ширк макони
12:00 31.12.2017 1862
Фарғона водийсининг Риштон туманига кираверишда, кулолчилик маҳсулотлари кенг ёйиб қўйилган бир макон бор.
Шу ерни ширк макони дейишга етарлича асосларим бор. Дарвозадан киришдан “тўла-тўла”лар бошланади, яъни сиз учун сўраб беришлари учун, “Ҳожи она”лар тилаб беришлари учун, исириқ учун, чой учун, туз учун, қўрғошин учун, бало-баттарлар учун.
Кимдан?
– Ҳизр алайҳиссаломнинг рамзий қабридан. Шу ерга ихлос қилиб келаётганларнинг тили билан айтганда “Ҳизр бува”дан. Нима сўраб?
Фарзанд сўраб, омад сўраб, бойлик сўраб, уй сўраб, эр сўраб, хотин сўраб...
Хуллас сўраб... сўраб... Астағфируллоҳ! Биз қайси асрда яшаяпмиз ўзи?... Сўрагувчи Зот Битта эмасми? Бергувчи Зот Бир эмасми?
Сизларга Ким айтди “Ҳизр бува” нинг рамзий қабри атрофига келиб олиб, эркак-аёл аралаш ҳафталаб навбат кутиб ётиб олиб Кимлардир орқали пул бериб тилатсангиз, сўратсангиз истагингиз амалга ошишини?
Сиз ўзингиз сўрай олмайсизми? Ягона зотга шерик қўшган ҳолингизда “кетиб” қолишдан қўрқмайсизми?..
Ноила ХОЛМАТОВА
O'zim Rishtonlikman Toshkent islom universitetini bitirganman. "shirk makoni" haqida ko'plab odamlarni ogohlantirganman ba'zilari to'g'ri tushunib tavba qilishgan bo'lsa aksari ayollar "eeee qo'ysangchi sen kim bo'libsan olganing bitta diplom bo'lsa nimani ham bilarding chalamulla" deyishardi afsuski odamlar o'zlarini o'zlari aldab xalol nima xarom nima iymon nima shirk nima, gunoh nima xudoniyu shaytonni bir biriga qorishtirib yuborishdi afsus ming afsus xasratim ichimda. Nega deysizmi sababi abiturientlik davrimda tengdoshlarim o'sha joyga qo'rg'oshin quydirgani borishar, kiyimlarini, ruchkasini olib borib go'yoki "balo qazolarni daf" qildirishar edi. Men esa o'sha paytlari aqlan bunga aslo ishonmas edim universitetda o'qib yurgan paytlarimda esa diniy va dunyoviy ilmlarni qo'ldan kelganicha egallab ham aqlan ham ma'nan anglab yetdim. Vatan xissi ekan man bunaqangi "shirklar makoni" yurtimning bir qismi ekanligi o'zim esa tumanimizdagi maktablardan birida milliy istiqlol g'oyasi fanidan dars o'tganim sabab, fuqarolik burchimdan kelib chiqib siz azizlarni ogohlantiraman. Nima sorasangiz yakka-yu yagona xudodan so'rang. Zero Xudo so'raguvchidan ko'ra zikr qilguvchiga ko'proq beradi. Zafar Soliyev
Azon.uz saytidagi maqolaga qo'shimcha qildik