Saodat Asri | Rasmiy Kanal

#УМРА #Зиёрат сафари

🕋 УМРА ЗИЁРАТИ - 2022

📆 24- Декабрь – Самарканд дан кетиш, 18 кунлик

4 - кеча Мадинайи Mунаввара
13 - кеча Маккайи Мукаррама

✅ Режалаштирилган зиёратга қуйидаги хизматлар киради:
🔸Авиачипталар
🔸Аэропортдан кутиб олиш ва кузатиб қўйиш
🔸Умра ВИЗА
🔸Меҳмонхоналар
🔸Икки маҳал иссиқ овқат
🔸Мадина ва Маккадаги зиёратлар
🔸Мадинадан Маккага олиб борувчи замонавий автобус хизматлари
🔸Умра амалларини ўргатувчи хизматлар хам мавжуд

☪️ Ҳар бир кишига Мадина Қуръон китоби ҳадяси.

❗️ Хоналарда 4 кишилик жойлашув.

⚠️ Сафардаги режа кунлари Виза холатига биноан ўзгариши

📱+998992708848📱
📱+998932708848
📱+998982708848

«Fotih travel» -
Бизни ижтимоий тармоқларда кузатиб боринг♻️
Instagram | Telegram | Facebook

#БИЛДИРГИ

Ҳозир асрнинг талаби билан ишлаб чиқарувчилар ҳамма нарсада истеъмолчи учун қулайлик яратгиси келади.

Бироқ диний маҳсулотлар ишлаб чиқаришда бундай қулайликлар яратиш фуқаҳолар ва илм аҳллари билан маслаҳатлашган ҳолда бўлиши лозим.

Макка-Мадинадан эҳром либоси харид қилсангиз, баъзида сизга қулай бўлсин деб эҳром либосига тугмалар, тугма вазифасини бажарувчу магнитли ёки темирли нарсалар, тўғноғич, игна ва шу кабилар қадалган бўлади.
Эҳром либосини устингиздан ташлаб, тугмаларни қадаб олсангиз, кўйлакдек мустаҳкам тураверади.

Фиқҳ китобларида эҳром либоси махийт (مخيط) бўлмасин дейилади. Махит сўзи خياطة - тикиш сўзидан олингани учун, кўп араб сотувчилар эҳром тикилган бўлмаслиги керак, демак, магнит ёки бошқа шу кабилар билан қадаб қўйса бўлади деб ўйлайдилар.
Оқибатда бундай “эҳром либослари“ жуда кўпайиб кетди.

Фуқаҳолар наздида эса мана шу каби либослар шариатда қайтарилган ўша махит ҳукмида бўлади. Сабаби, махит игна-ип билан тикилган маъносида эмас, “ одам танасига мослаб бичилган“ маъносида бўлиб, ҳар қандай кийимни устингиздан тушиб кетмай, танага мос бўлиб турадиган қилсангиз, у эҳром либоси бўлмай қолади.
Шунинг учун фуқаҳолар айтадиларки, масалан, эҳром либосини қоқ ўртасидан тешиб, тешикдан бошингизни киргизиб, уни олди орқангизга ташлаб олсангиз, ҳеч қандай ип-игна ишлатмадингиз, бироқ эҳром либоси танага мослашиб, тушиб кетмайдиган бўлиб қолди, шунинг учун у эҳром либоси ҳукмида бўлмайди.

Бинобарин, мана бу суратдаги каби лисоблар эҳром либоси бўлмайди. Ҳанафий фуқаҳолар наздида бундай кийим кийиш макруҳ таҳримий бўлади. Бошқа мазҳабларда кўп фуқаҳолар ҳаром деган. Бундай кийим кийган киши мазҳабимиз ва бошқа мазҳаблар фуқаҳолари наздида гуноҳкор бўлади.

Шундай экан, Аллоҳ таоло насиб қилиб, ҳаж-умрага келсангиз, эҳром либоси танлашда эҳтиёт бўлинг. Эҳром либосини тўғноғич ва бошқа нарсалар билан баданингизга мослаб, кийим қилиб олманг. Бирини белдан пастига ўраб, иккинчисини елкангиздан ташлаб олинг.

Камар (белбоғ) ҳам тақиб олманг. Агар чўнтакли (телефон, ҳужжат ёки пул соладиган ҳамёнли) камар бўлса, чўнтаги учун тақсангиз бўлаверади. Асосий мақсад ҳамён бўлгани учун, камар унга тобеъ равишда жоиз бўлади.
Бироқ камарнинг ўзини изорни (белдан ўраладиган эҳром либосини) маҳкамлаш учун тақишдан фуқаҳолар қайтарганлар.

Шайтон сизга “сен ҳаж, умра учун келдинг, Аллоҳ раҳмли, сен катта ибодат учун келгансан, бу ишлар эса оддий ишлар, Аллоҳ кечиради, қулайини қилавер“ каби васвасалар қилса, Аллоҳдан паноҳ сўранг. Диннинг ҳар бир ҳукмига қаттиқ эҳтиром ва жиддийлик билан бўйсуниш лозим.
Айнан шу эҳром ва ҳаж ҳукмларидан бир қанчаси зикр қилинган оятнинг сўнггида Аллоҳ таоло айтади:

وَٱتَّقُوا۟ ٱللَّهَ وَٱعۡلَمُوۤا۟ أَنَّ ٱللَّهَ شَدِیدُ ٱلۡعِقَابِ

“Аллоҳдан қўрқинг ва билингки, Аллоҳ азоби қаттиқ Зотдир.“

Бақара, 196 - оят.

Бу биргина масала. Ҳаж умра аҳкомлари кўп.
Билингки, Умра ибодатининг савоби гуноҳларнинг мағфират қилиниши, мабрур - мақбул ҳажнинг савоби эса - жаннат. Бироқ бу буюк ибодатларининг масъулиятида буюк.
Шундай экан, ҳаж-умра сафарини ният қилган экансиз, фиқҳ китобларидан ушбу ибодат масалаларини ўқиб ўрганиб юринг. Бақара сурасининг 197- оятида Аллоҳ таоло айтади:

{ وَتَزَوَّدُوا۟ فَإِنَّ خَیۡرَ ٱلزَّادِ ٱلتَّقۡوَىٰۖ وَٱتَّقُونِ یَـٰۤأُو۟لِی ٱلۡأَلۡبَـٰبِ }

Оятдаги “тазаввада“ сўзи сафар йўли учун озиқ-овқат ғамлаб олиш маъносини билдиради.
Бинобарин, оят маъноси қуйидагича:
“Ҳаж сафари бошлашдан олдин ўзингиз билан сафар учун зарур бўлган озуқангизни олинг. Албатта, энг яхши озуқа тақводир! Аллоҳдан тақво қилинглар, эй ақл эгалари!“

Шундай экан, меҳмонхона, овқат, сафар чипталари ва бошқа шу кабиларни тайёрлар экансиз, албатта ҳаж-умра ҳукмларини ҳам ўрганиб, қалбингизни ҳам тайёрланг, уни ушбу сафар учун тақво билан зийнатлашга алоҳида аҳамият беринг!

Кейин, мабодо, Каъбатуллоҳга борганда ушбу ёзганимни эсласангиз, биз фақирни ҳам дуода эслаб қўйинг.
Аллоҳ барчамизга ва зурриётларимизга кўплаб ҳаж ва умралар қилишни насиб айласин.

Mahmud Usmon