Маълумки, Коронавирус пандемиясининг аҳоли турмуш даражасига салбий таъсирини юмшатиш, аҳолини ижтимоий ҳимоя қилиш ва кўмакка муҳтож оилаларни моддий қўллаб-қувватлашга қаратилган тизимли ишлар амалга оширилмоқда.
Хусусан, Ўзбекистон Республикаси Президентининг 2020 йил 30 июлдаги «Коронавирус пандемияси даврида ижтимоий ҳимояга ва ёрдамга муҳтож аҳоли қатламларини моддий қўллаб-қувватлашга доир қўшимча чора-тадбирлар тўғрисида»ги ПФ-6038-сон Фармонига мувофиқ кам таъминланган ва ҳимояга муҳтож одамларга кенг кўламли ижтимоий ёрдам кўрсатилди.
Бугунги кунда ушбу қарорга мувофиқ, “Самарқанд ҲЭТК” АЖ раҳбарининг ташаббуси билан Оқдарё туманига ҳам кам таъминланган оилаларга кўмак кўрсатилди.
Жумладан, “Мустақиллик” МФЙ да яшовчи фуқаро Раҳмонова Нафосат бугунги кунда ёлғиз она бўлиб туман хокимлигига ёрдам сўраб борган. Ёрдамда ҳозирги кунда электр энергияси бўйича бир қанча камчиликлари борлигини ва ушбу камчиликларни бартараф этиш учун амалий ёрдам сўраган. Бугунги кунга келиб Раҳмонова Нафосатга траверс, ҳисоблагич, 100 метлик сим тортилиб берилди.
Шунингдек, “З. М. Бобур” МФЙ да яшовчи фуқаро Ҳасанова Шоира ҳам уч нафар фарзанди билан ёлғиз аёл бўлиб туман хокимига электр энергияси бўйича унга ҳам траверс, 120 метр сим ва ҳисоблагич сўраган. Ўша заҳотиёқ ушубу камчиликлар бартараф этилди.