Ўзбекистонда ҳеч ким очликдан ўлмайди лекин очкўзликдан ўлиши мумкин.НЕЧУН КЕРАК
Гар Худо ризқинг учун бўлса кафил,
Эрта-ю кеч нафс йўлида чопганинг нечун керак?!
Гар қолур бўлса йиғиб жам қилганинг,
Бир тийин бермай бировга йиққанинг нечун керак?!
Гар Худо тақдирига бўлса ишонч-у эътиқод,
Келганида дард-мусибат дод-у вой нечун керак?
Гар ҳидоят бермаса Аллоҳ таоло бандага,
"Қил ибодат!" деб уриб-сўкмоғлигинг нечун керак?!
Гар одамнинг ўзида бир зарра виждон бўлмаса,
Унга виждондин насиҳат қилмоғинг нечун керак?!
Гар дилингда бўлмаса Аллоҳ таолога ишонч,
Хўжакўрсинга ибодат қилмоғинг нечун керак?!
Ўтди умр оқибатсиз, бемеҳр дўстлар билан,
Бу синовдин Фозило нолинмоғинг нечун керак?!
©️Фозил қори Ёсин қори ўғли Собиров
🟢
@jurnalistuz