Marca. "Real" sardori Serxio Ramos tez orada klub bilan shartnomasini uzaytirishi mumkin.
Ramos jamoa prezidenti Florentino Peres bilan tez-tez aloqada bo'lib turibdi. Ular shartnomani uzaytirishga ishonishmoqda.
34 yoshli himoyachi "Real"ni o'z uyim deya hisoblamoqda va faoliyatini madridliklar safida davom ettirishni istamoqda.
Ramosning amaldagi shartnomasi 2021-yilgacha mo'ljallangan. Kelishuvda shartnomani yana bir yilga uzaytirish ko'zda tutilgan.
Ma'lumot uchun, Ramos "Real" safida 2005-yildan beri o'ynab keladi. U shu paytga qadar "qaymoqranglilar" safida 644 o'yin o'tkazib, 94 gol urdi va jamoasi bilan 22 sovrinni qo'lga kiritdi.
Ispaniyalik himoyachi joriy mavsum La Liganing 29 uchrashuvida ishtirok etdi va 8 bor darvozani ishg'ol qilishga erishdi.
@Serxio_Ramos_uz