الشاعر علي كاظم المنصوري

♥️♥️مولد النبي محمد ص♥️♥️

تهانينه تهانـــينه الك نبـــعث تهانينه
يهادينه يهادينـه يبو القاسم يهادينه
👏👏👏👏👏👏👏👏👏
نبينا الليله مـيلاده
نهني الكون بعياده
هلا يا سيد الساده

هلا بجيتك يوالينه
تهانينه تهانـــينه الك نبـــعث تهانينه
👏👏👏👏👏👏👏👏👏
يهاي الليله مـــحلاها
بزخ نور النــبي طـه
صطع والدنيا ضواها

گـــــــمر نور ليالينه
تهانينه تهانـــينه الك نبـــعث تهانينه
👏👏👏👏👏👏👏👏👏
أنــــس والّجان مسروره
وسط هالفرحه مغموره
تشـــعشع بالـسمه نوره

ضلام وهوه يضوينه
تهانينه تهانـــينه الك نبـــعث تهانينه
👏👏👏👏👏👏👏👏👏
رسول اويا عظم شانه
نبي والمصحف السانه
حبيب الباري عـــنوانه

جميله جگد عناوينه
تهانينه تهانـــينه الك نبـــعث تهانينه
👏👏👏👏👏👏👏👏👏
اصطفاه الباري وختاره
حفظ دين الله وسراره
امين وشــاعت اخباره

گبل هالكون تكوينه
تهانينه تهانينه الك نبـــعث تهانينه
👏👏👏👏👏👏👏👏👏
انه اعله الفطره حبيته
يعيش بروحي حسيته
گبل لا صيّر والايــــته

على نهجك تربينه
تهانينه تهانـــينه الك نبـــعث تهانينه
👏👏👏👏👏👏👏👏👏
يالسمك ما يفـــــارگني
قريب جگد احس مني
عشگتك من صغر سني

محبتك من صغر بينه
تهانينه تهانـــينه الك نبـــعث تهانينه

👏👏👏👏👏👏👏👏👏
ابو الزهره شكثر غــالي
شغل فكري وشغل بالي
يردد بســــــــمه دلالي

نبي وحُبه يعلينه
تهانينه تهانينه الك نبـــعث تهانينه
تهانينه تهانينه الك نبـــعث تهانينه
👏👏👏👏👏👏👏👏👏
حبيبي وساكن ابروحي
دواي وبلسم اجـروحي
محبتك بالگلب تـوحي

قريب امن النفس لينه
تهانينه تهانـــينه الك نبـــعث تهانينه
👏👏👏👏👏👏👏👏👏
على كل البشر فــضله
عليه رب العرش صله
عجيب الـعنّه يتــخله

نبي وبس هوه ينجينه
تهانينه تهانـــينه الك نبـــعث تهانينه
👏👏👏👏👏👏👏👏👏
رسول الرحمه يا طه
نبينا اوبيك نتــباهـا
محبتك جنه معناها

طريق الحق تدلينه
تهانينه تهانـــينا الك نبـــعث تهانينه

👏👏👏👏👏👏👏👏👏
يروحي ونبض شرياني
يردد بسمك اللساني
حشاك بيوم تنساني

حشاه بالشده يجفينه
تهانينه تهانـــينه الك نبـــعث تهانينه
ــــــــــــــــــــــــــــــــــــــــــــــــــ
علي كاظم المنصوري

هوسات لمولد للنبي ص

فرحانه الخلگ هالليله محـــــــلاها
بزخ نور النبي والدنيا ضـــــــــوّاها
وإخذ نوره الگمر منّ النبـــــــي طه
الشمس نزلت عليه وتمم اضـــواها

(والدنيه اتضوت من نوره)
👏👏👏👏👏👏👏👏👏
عيد الليله عدنه وكلـــها مسروره
تشعشع بالسمه وجّه النبي نــوره
نزلت يا محمد بيــــك جِم سـوره
الامه الوالتك منّ الله مــــنصوره

(للجنه الباري ايوديها)
👏👏👏👏👏👏👏👏👏
هالليله انولد بالــدنيه مــولانه
خاتم للرسل ولمصحف السانه
بميلاده السمه والدنيا فرحانه
املاك وُرسل مـــحتفله ويـانه

(فرحانه الدينه وما بيها)
👏👏👏👏👏👏👏👏👏

انزرع وسط الگلب حبك يهادينه
يمن لجله انخلق هالكون تكوينه
يبو الزهره الشفيع انته وتنجينه
على دربك نسير ونمشي خلــينه

( بس دربك هوه ينجينه)
👏👏👏👏👏👏👏👏👏
نحبك سيدي ومن حگنه نتّباها
مثل نعـمة محـبتك وين نلگاها
محبتك جنتة الله وهذا معناها
وبس البايعك هالجـــــنه نالاها

(يالحبك جنة بارينه)
👏👏👏👏👏👏👏👏👏

علي كاظم المنصوري

🌺بذيات ولادة النبي محمد ص🌺

🌼🌼🌼🌼🌼🌼🌼🌼🌼
بأفرآح النبي اللـليه بدينه
تعنينه اوْ ورد شلنه بدينه
نبينه الاسس الدنيه بدينه
انولد رحمه الًنبي الّكل البريه
👏👏👏👏👏👏👏👏👏
يريح الهاب يم قبته ودّينه
وخل اگلوبنه تصفگ ودينه
محمد رحمــة الباري ودينه
هديه امن العلي العالي النبييه
👏👏👏👏👏👏👏👏👏
جاريت العدو لــــجلك وجاري
يالسمك يمشي ويه دمي وجاري
يمك كون احط بــــيتي وجاي
تصير وحتى اطوفك كل مسيه
👏👏👏👏👏👏👏👏👏
امنيتي المرقده امّشــي وصلي
ودعاء اقره بحضرته انه وصلي
روحي ومهجتي وعقلي وصلي
ايتروّن عطر من ســــــيد البريه
👏👏👏👏👏👏👏👏👏

علي كاظم المنصوري

فرحانه الخلگ هاي المــسيه
هــــاليله انولـد سيد البـــريه
👏👏👏👏👏👏👏👏👏
هالليله انولد بالــدنيه مــولانه
خاتم للرسل ولمصحف السانه
بميلاده السمه والدنيا فرحانه
املاك وُرسل مـــحتفله ويـانه

انس والجّان محتفله ســويه
فرحانه الخلگ هاي المــسيه
👏👏👏👏👏👏👏👏👏
فرحانه الخلگ هالليله محـــــــلاها
بزخ نور النبي والدنيا ضـــــــــوّاها
وإخذ نوره الگمر منّ النبـــــــي طه
الشمس نزلت عليه وتمم اضـــواها

نزل حتى الوحي يلقي التحيه
فرحانه الخلگ هـــــاي المسيه
👏👏👏👏👏👏👏👏👏
عيد الليله عدنه وكلـــها مسروره
تشعشع بالسمه وجّه النبي نــوره
نزلت يا محمد بيــــك جِم سـوره
الامه الوالتك منّ الله مــــنصوره

الجنه الباري يطيهم هـــــديه
فرحانه الخلگ هاي المــسيه
👏👏👏👏👏👏👏👏👏
انزرع وسط الگلب حبك يهادينه
يمن لجله انخلق هالكون تكوينه
يبو الزهره الشفيع انته وتنجينه
على دربك نسير ونمشي خلــينه

غيرك ما نحب يا بو الزجــيه
فرحانه الخلگ هاي المــسيه
👏👏👏👏👏👏👏👏👏
نحبك سيدي ومن حگنه نتّباها
مثل نعـمة محـبتك وين نلگاها
محبتك جنتة الله وهذا معناها
وبس البايعك هالجـــــنه نالاها

تصير ايامه ورديه وزهيـــــه
فرحانه الخلگ هاي المــسيه
👏👏👏👏👏👏👏👏👏

علي كاظم المنصوري

السلام عليكم ورحمة الله وبركاته
احبتي خدام الحسين ع

عتبنه على بعض الاخوه الرواديد

وهو.. عندما يوثق الرادود القصيده وخصوصاً القصيده إلي هوه طالبها ع ذوقه وعلى اللحن او الوزن الي ايريده.. ويتعب عليها الشاعر ويسهر
يجب على الردود ان ايقدر تعبه


يعني انته موثقها وناشرها ع اليوتيوب
وماكو ذكر للشاعر لا بالوصف ولا بالمونتاج ولا باللاقاء باجر القصيده تنسب الغير شاعر
وهو ما عنده حجه ودليل يگول اليه هذه القصيده

والله يا مهدينه لشوفتك حنينه
ــــــــــــــــــــــــــــــــــــــــــــــــــ
انته خيمتنه اوطنه ونته عزنه وســـــورنه
بيك يالمهدي نصرنه وبيك تشفه صدورنه
لطلعتك مولاي كلنه نفدي هاي انحــــورنه
ما حظرنه العاشر احنه طلعتك عاشـورنه

وتشفي جرح لبينه والله يا مهدينه
ــــــــــــــــــــــــــــــــــــــــــــــــــ
َننتظر ساعة ظهورك يمته يا مهدينه
يمته يتحقق حلمنه لشوفتك حــنينه
طالت الغيبه علينه ولعشگ يــأذيذنه
احنه ننتظرك يمهدي بعازتك تـدرينه

طوليت اعلينه والله يا مهدينه
ــــــــــــــــــــــــــــــــــــــــــــــــــ
انه كل جمعه اْتأمل مطلعك ومّتاني
عاهديتك يابو صالح ما ابايع ثـاني
بيك تنزل رحمة الله ويكتمل ايماني
حبك امن الباري نعمه عالعدل دلاني

نصرتك تنّجينه والله يا مهدينه
ــــــــــــــــــــــــــــــــــــــــــــــــــ
روحي مهمومه وكأيبه والحزن مــاذيها
خاف باجر ميته روحي لو ظهر مهديها
وخاف متشوفك يمهدي والگبر غاطيها
كون من تظهر بجاهك سيدي تـــحيّيها

ابجيشك اتخلينه والله يا مهدينه
ــــــــــــــــــــــــــــــــــــــــــــــــــ
لو گصر عمري يمهدي ولگبر ظــــــــــماني
كون من تضهر تردني وكون اعيشن ثاني
كون شاهر سيفي اطلع مؤتز بـــــــكّفاني
وبين جفينك اموتن يابو صــــــــالح اني

وجفك ايعلينه والله يا مهدينه
ــــــــــــــــــــــــــــــــــــــــــــــــــ
يالغبت من عيني لجن عايش ابــــدلالي
يالسكنت بروحي وسمك ما يفارگ بالي
حلمي بين ايدك اموتن ياحبيبي الغالي
هايه امنيتي ابحياتي وهايه كل امالي

امن الصبر ملينه والله يا مهدينه

علي كاظم المنصوري

نعي للامام الحسن العسكري ع

الـــــزهــره اليوم يتجدد حـــزنها
يــــــهمل يا خلگ من دم جِفــنها
الـــــمصايب كثرن اعليها وعمنها
ابـــــسامره الحسن مسموم ابنها

السامره الزجــــيه اتعنــت اليـــوم
اجت من المدينه امحمّله اهــــموم
وگلبها اعله الحسن يا ناس ملجِوم
تصيح العسكري ابيا ذنب مــسموم

مســــــــــموم الحسن هاي المسيه
انــــــــــصبوله العزاء يالجعفــــريه
وعــــــــــزوني يشيعه بهــــــالرزيه
ولــــــــــطموّ روسكم ويه الزجــيه

الّــــــطمو روسكم والدمعه هــــلوها
حزنـــــانه ام حسن هالليه واسوها
ومجــالسكم يشيعه اليوم انصبوها
وشيلو اجنازت العسكري وشيعوها

علي كاظم المنصوري

احنه منتظرينك لحضه ما ناسينك
ــــــــــــــــــــــــــــــــــــــــــــــــــ
ضاكت الدنيا يمهدي وكل عدل ما بيها
بيها ضل يحكم الباطل بالضلم يمليها
راية الحگ نكّساها ورايته ايــعليها
ننتظر جيتك يمهدي وانته التصفيها

سيدي متانيـــــنك
لحضه ما ناسينك
ـــــــــــــــــــــــــــــــــــــــــــــــــــــــــــ
نحلفك ابضلع الزجيه عجّل ورد لينه
تدري بغيابك يمهدي ســيدي اتأذينه
الفتن كثرت علينه انهـض ونــــجّينه
يمته يا ساعه النشوفك بيها يا مهدينه

طوّليت اسنينك
لحضه ما ناسينك
ـــــــــــــــــــــــــــــــــــــــــــــــــــــــــــ
والله يالمهدي غيابك جمره تجوي ابروحنه
تبقى تلهب نار بينه وما يبطّل نــــــــــوحنه
احنه كل همنه نشوفك حتى تشفه اجروحنه
هايه غايتنه يمهدي وهذا كل اطموحنه

فدوه كلنه العينك
لحضه ما ناسينك
ـــــــــــــــــــــــــــــــــــــــــــــــــــــــــــ
لشوفتك مولاي كلنه ننتضر ونتاني
ندري مو بيدك يمهدي والامر ربّاني
لكن الغيبه طويله وتدري بينه انعاني
بجوره ضل يحكم علينه القاصي ويّه والداني

يا ابو صالح وينك
لحضه ما ناسينك
ـــــــــــــــــــــــــــــــــــــــــــــــــــــــــــ
الفتن مولاي كثرت وانته اعلم بيها
نار شبت بينه تدري وانته الطفيها
مثل حيدر صول بيهم بس جثث خليها
مثل هدّة گمر هاشم من يهد عليها

يالثار احسيــــنك
لحضه ما ناسينك

علي كاظم المنصوري

نعزي المنتظر بمصاب ابوه العسكري الليله
ننصب مأآتم ابكل دار نون والمدمع انسيله
ــــــــــــــــــــــــــــــــــــــــــــــــــ
ابمصآب العسكري انعزيك نون يالمنتظر وياك
نلطم عالصدر ونّوح واجبنه وحگ عيناك
نعرف بالمصاب اليوم زيّد حـــزنك وأذاك
وحنه وياك ونــينه
ثوب الحزن لبسينه
يبو صالح يمهدينـه

كل شيعي وموالي اليوم تهدّم سيّدي حيله
ــــــــــــــــــــــــــــــــــــــــــــــــــ
منّ العسكري لحسين جم امصاب جم لوعه
جم حسره وألم مولاي جم علويه مفجوعه
امصاب الحسن ولكرار محسن طفّو اشموعه

جرح الطف لهسه ايفور
كسّر الظلع ما مجـــبور
هدمو بالبقيع اگـــــــبور

يعينك الله يا مولاي حزنك محد ايشيله
ــــــــــــــــــــــــــــــــــــــــــــــــــ
حاظر سيدي ندّريك تبجي وتلطم اويانه
وگلبك عالحزن ولـ اه نفتحت كلها بيبانه
يبو صالح جروح هواي روحك منها مليانه

الله يساعدك مـــولاي
حگك من تون ابــهاي
مو واحد جروح هواي


ونته لكل جرح عيناك دم ودمع تجريله
ــــــــــــــــــــــــــــــــــــــــــــــــــ
ابوك الليله يا مولاي ضلت موحشه ادياره
وبّسم الكفر يا حيف مات لربك اختاره
گوم انهض يبو صالح وطلب دمه وبثاره

اخذ ثاره يماي العين
وهتف يالثار حسين
الك كل احنه منتظرين

ملّينه الصبر مولاي الغيبه صارت اطويله
ــــــــــــــــــــــــــــــــــــــــــــــــــ
يمته الفرج يا مولاي ما ضل كل صبر بينه
انحلفك بمك الزهراء والصادق ترد ليــــنه
دعاء العهد نقرالك يبو صالح يواليــــــــنه

عهدنه وياك يــــــتجدد
علينه الدنيه خل تشهد
بينه اجروح ما تـــــبرد

بينه حروره من عباس ما نصبر على العيله

علي كاظم المنصوري

ريت وياك تاخذني المنيه
وأنامن بالگبر يمك سويه

ما احمل هجر ما احمل افراگ
اخذني وياك يا سيد البريه

بعدك انهضم ونعصر بالباب
واعيش ايامي لوعات واذيه

يتهدد عليه افلان وفــــلان
العصابه ابلا ذنب تهجم عليه

ينبتون ابصدر بنتك البسمار
ويكسرون ابحقد ضلع الزجيه

علي كاظم المنصوري

بذيات نعي للنبي محمد ص
كأني بمولاتي فاطمة الزهراءع تقول

بسم الحزن بسم ألالــم بسم اه
ابدي ابحسرتي عالمات بــسماه
اظل الهج وونـــن دوم بــسماه
لحد ما اندفن حدر الوطيه

يمن تلهج ابفاطم دوم شفــتاه
بعدك شفت ضيم والم شفت اه
نعشك يوم بيه گوطرو شـــفتاه
يبو القاسم تمنيت المنيه

دمع من دم عليه الوجن داره
على الظلت تون اعليه داره
گبل ليموت ليّه الوجه داره
او ودعني بدمع سيد البريه

رحيلك روحي عذبها وشلها
وهدّم حيلي والدمعه وشلها
لرفعها جنازتك بيده وشلها
احس وياه اخذ روح الزجيه




الزمان الجان ابوي وياي بسمار
بعده ما ضگت كل حلو بسمار
النسميهم صاحبه انبتو بسمار
بضلعي وهشمو صدري عليه

علي كاظم المنصوري