قصيدة : حياة الأربعين
الشاعر : #سلطان_عبدالخالق_الحلي
الرادود : #حسن_الصالحي

🏴🏴🏴🏴🏴

بعيوني يالعايش نحر
مو راية شايلك نهر
يالضامي بأيامي ألامي حسين
وي زينب تلقاني يوم الأربعين
حسين .. حسين

1️⃣1️⃣1️⃣1️⃣1️⃣

عشق مات يقولون بالجنون حب ليلة
لو انقسوك الدار على الفراق هد حيلة
عشق صار بالنفوس مرد رووس نحجيلة
شغف صار ملايين للحسين نمشيلة
يالحبك بحاء الحمد
ايموت الزمان وتنولد
يالذابح ذباحك بأحبابك حسين
وي زينب تلقاني يوم الأربعين
حسين .. حسين

2️⃣2️⃣2️⃣2️⃣2️⃣

حزن شوق يا محبوب بالقلوب يتوالة
المشي ليك نشعر وجه نور يتلالة
الدمع صار عطر ليل مسك هيل خلالة
الوقف صاح الجفن ذاب يا زوار هنيالة
يالدربك أجمل كل درب
يمشيلة محبوبك قلب
بكلماتة بخطواتة ودمعاتة حسين
وي زينب تلقاني يوم الأربعين
حسين .. حسين

3️⃣3️⃣3️⃣3️⃣3️⃣

غفة الليل سهر عين موالين أحبابك
يا مشاي ندة يطيح تواشيح باترابك
علي اوياك يشم نور يا مذبوح باثيابك
على التل نلاقيه نواسيك ابمصابك
جم خطوة محسوبة الك
بدفتر حبيب يسجلك
خل تصبح آهاتك لوعاتك حسين
وي زينب تلقاني بيوم الأربعين
حسين .. حسين

4️⃣4️⃣4️⃣4️⃣4️⃣

على ادماك عطش طاف الك عاف أثارة
وقف شاطي هيهات منو المات تذكارة
نحر عاش بالوريد وين يزيد وأخبارة
بقى حسين بالعيون يشيلون خطارة
جم عابس ابموكب وهب
يحلالة لحسين التعب
هم ترضى بهالخدمة يا نعمة حسين
وي زينب تلقاني يوم الأربعين
حسين .. حسين

🏴🏴🏴🏴🏴

القصاید المکتوبه للرادودين حسن الصالحي و محمد الجنامي (صوت+کتابة)

https://t.me/alradodeinpoems