قصيدة : يا أبا الفضل
الشاعر : #سيد_فواد_الموسوي الرادود : #حسن_الصالحي

🏴🏴🏴🏴🏴

سنة ونص ما نسيت شصار بالطف ليلية طيفك يمر بالطيف سنة ونص من أقومن أكض بالطوف بعد ما أشوف سكنة تقود بيّة
نص ليلي خلص بالبجي نص ليلي خلص بالعتب
لو طلعت عليّة الشمس ابنار الخيم قلبي التهب
أفرك بيدية اعلى الخدر ظهرية من عندي انسلب
بالسوط جم طفل وطفل يسكت إذا مرة نحب
انهضلي يا غيرة علي عدوانك الحدي دنت
علويتك ابين الغرب أختك من الطق انعمت
يا أبا الفضل .. يا أبا الفضل

2️⃣2️⃣2️⃣2️⃣2️⃣

لو بعدة عمرك بي نفس انطيني من عمرك نفس
وين ألتفت وأشتم هواك مخنوقة من حر الشمس
أتلقب بجلمة حرام أم الخدر يل جنت أمس
ما يخلى قلبي شما أون كل ما أخلي ينترس
ضريلي قوم ابرايتك من راسي مايل معصبي
تزعل إذا مرني الهوى وابنومتك مرني السبي
يا أبا الفضل .. يا أبا الفضل

3️⃣3️⃣3️⃣3️⃣3️⃣

اشصعدك فوق الرمح وتعاين أختك عالهزل
وينك يبن حيدر تعال مو لايق ابجفي الحبل
السوط حملة شقد ثقيل وامتوني ميشيلن حمل
جنت أقضي عمري ابنخوتك لو هسة أنخاك أنكتل
عصرية رحتوا من ايدي والله افجعتني كربلا
محتاجة حنيّة أخو خافن أموت بهالفلة
يا أبا الفضل .. يا أبا الفضل

4️⃣4️⃣4️⃣4️⃣4️⃣

خانقني دخان الخيم وعيوني تبجي خوية دم
بس أنت تعرف لجمتي الما ينجرح ما يحس بألم
انطيهة لأختك جربتك أترسهة خل من أبجي دم
عنك تناشد بنت أخو محتاجة بالطف خوية عم
برداني أمسح دمعتي يا خوية جيت أودعك
ضعنك تحضّر للسبي مو حلوة نومة مصرعك
يا أبا الفضل .. يا أبا الفضل

🏴🏴🏴🏴🏴

القصاید المکتوبه للرادودين حسن الصالحي و محمد الجنامي (صوت+کتابة)

https://t.me/alradodeinpoems