★•• استشهاد الإمام علي "ع" ••★

يم باب الولي الليلة دمع ونياح
جبرائيل كَبَّر وبسمانة صاح
تهدمت وحق الله••
أركان الهدى تنعاه••
——————————

فجيعة بدار حامينة الغمض عينه
يهل دمعه المَلَك واسمعنه لونينه
وبصوته سَعَر جمرة محبينه
أجت احبابه تنعى وينه والينه

راح وخله دمعات وألم وجراح
يم باب الولي الليلة دمع ونياح
صعب ماينحمل فرگاه••
أركان الهدى تنعاه••

✍🏻#ولائـية_وافتـخر (دعاء العامري)
❉━━━━━❰･❉･❱━━━━━❉

طلع صبح المناحة ولاهله بصبحه
أنچتل والينه أبو الحملة ونزف جرحه
انشطر راسه الوضع ماينحمل شرحه
ولون شايل بعد مــانعرف الفرحة

هدم ركن الإمامة المرتضى من طاح
يم باب الولي الليلة دمع ونياح
دمع الحزن هليناه••
أركان الهدى تنعاه••

✍🏻#آلّشآعرهً آلــــّ؏ــلّويِـــــه آلّمٌوسويِــــۿ
❉━━━━━❰･❉･❱━━━━━❉

والينه ال رحيله شد حيازيمه
دنيانه بكبرها صارت ايتيمه
والاسلام لابس ثوب الاهظيمه
اهل الكوفه لا نخوه ولاشيمه

من جرحك يغالي اييس الجرّاح
يم باب الولي الليله دمع ونياح
ماتنفع حسافه و آه••
أركان الهدی تنعاه••

✍🏻#ام_محمد_الحجاج
❉━━━━━❰･❉･❱━━━━━❉

اركان الهدی انهدمن اويااصوابه
وجه الله دمه الهامه اصبح اخضابه
تفايض من دماه ياوسفه محرابه
تنزف هامته ماتنفع اعصابه

بعد شيعوّضه حامي الحمه لو راح
يم باب الولي الليله دمع ونياح
والمصحف تسيل ادماه••
أركان العرش تنعاه••

✍🏻#ام_محمد_الحجاج
❉━━━━━❰･❉･❱━━━━━❉

بتراب اللحد نايم عَمَدْ الإسلام
ما يرجع بعد ويرد أبو الإيتام
علي الماتمم صيامه انضرب عالهام
إشحلاته من قبل يرحل بشهر الصيام

يا عيد اليمر باكر فجر لو لاح
يم باب الولي الليلة دمع ونياح
الما تم الفرض لولاه••
أركان العرش تنعاه••

✍🏻#خادمة_أبي_الفضل
❉━━━━━❰･❉･❱━━━━━❉
https://t.me/alweyaamosaweyarrrr2626