انت عارف ايه اللي فيها
والحاجات اللي مداريها
الحياة بتبيعني دايماً
واما بتبيعني اشتريها
والفروض الواجبة عندك
عبدك الغفلان ناسيها
كل حاجة خلاص ف عيني
لون رمادى وميه فاترة
كعبي داب وفؤادي طيب
ياما لف على الدكاترة
والنهاردة ياحبيبي
سبت كل الناس وجيتلك
وبدموع العين بكيتلك
اه باجيلك لما بتعب بس عارفك
مش هترضى تردني
اللي كان مهدوم يا ربي
لو غفرت هيتبني
مش هاقول انا جاي لحدك
بعد مخي خلاص ماشاط
مش هاقول من فترة قلبي
مش بيمشي ع الصراط
الصراحة انا جاي لإني
عندي رغبة ف العياط.