Bisotim | Xatoiy&Vafoiy

Dunyo amallaring jannating boʻlsin.

Sogʻinchli salomlar yoʻllab Aqsoga,
Mazlumlar duosi ijobat beshak.
Agar ilm olib niyyat qilmasang,
Din va dunyoga foydang ne kerak.

Esla Ayyubiy va yigit suhbati,
Yigit dedi: qachon janga chiqamiz?
Mazlumlar koʻzyoshi oqdi-ku daryo,
Qoʻrqoqlik qilyapmiz, qayda orimiz..

Ayyubiy indamay masjiddan chiqdi,
Tun tonga ulanib Bomdod ham keldi.
Najotga shoshilib keldi Rijollar,
Hamma keldi lek u, yigit kelmadi..

Salohiddin dedi: qayda u yigit?
Kechagi daʼvolar bugunga mosmas.
Oʻz nafsiga magʻlub, abadiy magʻlub,
Soʻzlasa amalsiz, bu gʻolib emas.

Toʻgʻri niyyat bilan oʻz ilmingni ol,
Soʻzlar amallarga egizak boʻlsin.
Din-dunyo ajratmay ikkisini ol,
Dunyo amallaring, jannating boʻlsin...

©Xatoiy

|^°√@Bisot_m

Endi boshqa sheʼr yozmasam kerak..

Maqsadim ne edi, erishdim qancha?
Niyyati goʻzal lek amali boʻlak
Shoshqator yoshlarim timsoh yoshimi?
Qilgan ishlar riyo, behuda ertak.

Quyosh sharqdan chiqdi demak vaqting bor,
Quyosh gʻarbgʻa botti, ulgurdingmi ayt.
Qalbing taslimyati bormi? Senda-ya?
Tavakkaling qadar nasibangni ol.

Dengizdan tomchisan, tomchidan -tomchi.
Quyoshni nuri ham soyaga qadar.
Umring, qadaringni bilmassan ey voh,
Qiyomatda gunohlar turadi hamroh.

Hamrohlaring qadar makoning sening,
Tanlab tanlab savob gunohing sening.
Bu dunyo oxiri qabri vayrona
Boʻstonga aylantir, boʻlma hayrona.

Umid, madqsad, orzu senga hamxona..
Qadriga yetmasang , katta mayxona.
Birma-bir soʻraydi xonama-xona,
Deydi qoʻlingni och koʻrsatchi bola..

Bir qadam sharq-u gʻarb senga shundaymi?
Yashaysan nafsingni dunyosida shoh.
Oʻzi dunyomisan yoki dunyogar,
Bemalol aytaver, nafsi kimyogar..

Endi rostan boshqa yozmaysanmi-a?
Nimaga yozmading muhabbat, sevgi
Baxtim yaralganim, hayoyimdandur
Asl muhabbatni ha, sogʻinganimdir.

Qaytaman qachonki shijoat bilan ,
Iymonim kelyapti deyman nafsim qoch.
Shaytonga hay bergan qalbi sakiynat,
Allohim sabot ber, yoʻllarimni och.

©Xatoiy

|^°√@Bisot_m

Nafs balosi otsa hakalak,
Unutdimmi? Umri kapalak🦋
Ulgurdimmi? rozi-rizoga,
Arziymanmi? Firdavs-aloga

©Xatoiy

|^°√@Bisot_m

Dardi*sar

Zabonlar tinmasdan aylasa minnat,
Qani kimlaring bor koʻrsatsin himmat.
Unday insonlar yoʻq, topish alomat
Yetar jim boʻl qilma, aytib malomat.

Yaxshi insonman de, oʻzgarib bir kun,
Yaxshi boʻlganingni bilmay qolasan.
Oq-qora dunyo bu boʻlari besh kun,
Uch kun deganida tugashi mumkin..

Gʻaflat bosib koʻzlarim ochilmay qolsa,
Dardim oshqozon-u shahvatim boʻlsa.
Sabri Jamil soʻrab shoshib borsam-u,
Jannat eshiklari ochilmay qolsa...

Dardi*sar deydilar Telba bir bola,
Soʻzlashib yuradi oʻzlari bilan.
Gʻalati bola u oʻzi shunaqa,
Yashab oʻtsam deydi dardlari bilan.

Oʻtkinchi dunyoning bahridan oʻtib,
Ba'zida qoladi nadomat chekib.
Alloh ilhom qilgan soʻzlarni bitib,
Iqro...esla bergan vaʼdalar oni.

© Xatoiy

|^°√@Bisot_m

Ota tilim

Oʻylab yetolmayman oʻyimga bilmam,
Yoki iddaolar koʻpmikin juda .
Ona siz oʻrgatgan tilimizni ham,
Qachon unuttim-ki yuripman zada.

Ona tili deyman ...Otam qaydalar,
Yoki Ota tili boʻlmaydimi hech.
Onajon uygʻotgin Otamiz kerak ,
Andisha qilma hech, boʻlmasidan kech.

Uyqu nima oʻzi, vaqtinchalikmi?
Uxlaganlar koʻpmi yoki uygʻoqlar.
Derlar, uxlaganlar.. boʻling uygʻot tez,
Uxladikmi biz, yo uxlatildikmi.

Shimollik ogʻalar, Sharqlik ogʻalar
Goʻyo madaniyatni bergan ogʻalar.
Otajon bir kelib qulogʻidan tort,
Onamni yegʻlatti katta ogʻalar.

Onamni bagʻri keng bu ham bolam der,
Mehnatda oʻtdilar, koʻzlari senda...
Ona tilim otam qaydalar desam,
Koʻksi toʻlib ... paxta tergan onamlar.

Qoʻrqoqqa chiqargan andishasizlar,
Mehmoningman desa ishonibman a..
Etagimni qoqdim oʻtirmayman hech,
Onajon bunaqa ogʻalardan kech.

©Vafoiy

|^°√@Bisot_m

🌙✨🌤
Sening rejalaring bu ajib bir sir
Dengizdagi toshman, sen goʻyo bir qir.
Uzr hayosizman oʻxshashi yoʻq sen,
Nafsim erkaladi, Qaro yerman men

Ne qilayin, zulmatgaman hamxona,
Nurni koʻrsam turolmadim, hayrona..
Sabab shudir, ilmsizman vayrona..
Nafsi sabab oʻlib ketgan parvona...

Yoʻq isyonmas, aybim nedur bilaman
Qazo-qadar roziman men, sezaman
"Bilganiga amal qilgan bandaman" ..
Oh qaniydi huzuringda aytsam man.

© Xatoiy

|^°√@Bisot_m

#Bir
Ilm ol, ziyo boʻl, mayli borma osh,
Ilm ber, qoʻrqma gar oʻlim kelsa bosh.

©^°|@Bisot_m

...

Najot soʻrab taqillatdim ming bora eshik,
Unutdim, Yomon bola tishlari kemshik.
Kalit soladigan kissam ham teshik,
Bandam de,yoʻlim yoʻq..imkonsiz Beshik
(2.05.24)

©^°|•@Bisot_m

...

Dangasalik qildim ilm olishga,
Vaqtimni oʻtkazdim bekorchi ishga .
Mana endi umrim soʻngida
Oʻzimni koʻmdim nadomatlarga,
Tuproqdan oldin kirdim qabohatlarga .

Hozir koʻrib bildim yomoni nima,
Yomoni shudir qabohat dema.
Ibodatinga ulgurding qancha?
Nolib qoʻydingda birodar, yetadi shuncha.
Hop mayli barchasiga aylagin sabr
Iloji ham yoʻq, oz qoldi umr..

Maqsad ilm olish, yo yoʻlda Vafot ...
Ustoz top, duo qil, soʻragin Sabot.

Xatoiy

©^°|•@Bisot_m

Soʻzlagan soʻzlaring duri marjon qil,
Soʻzla gar ishonsang, daryo misol tosh.
Oʻylamay, soʻylasang misoli hangi,
Jim boʻl, hatto eshit kipriklar jangi.

Xatoiy

©^°|•@Bisot_m

Saloti Janoza...

Odamlar oʻzgarib ketyapdi deyman,
Nahotki.. hammasi boʻlsada oddiy.
Oʻzim oʻzgarganim, oʻzim bilmasman
Oʻzimga bek, goʻyo sultoni oliy..

Taʼsirli soʻzlari-u , jiddiy maʼruza
Eng afzali esla.. oʻlimga boqqin.
Bundan oshirib doʻst gapirolmaysan,
Urinma, xato koʻp umringa boqqin..

Xatoiy

©^°|@Bisot_m

Qilgan tavbalarni qabul aylasin ,
Koʻzlar lol, dil hayron, zabon muzlasin.
Umrim yetsa agar dema birodar,
Suygan zot suysin-u, Alloh qoʻllasin.

©^°|@Bisot_m

Minbarlarni toʻldirib aytgan soʻzlarim,
Boshimni kundaga qoʻyishi mumkin.
Dod voy qilib yegʻlaganlarim,
Hoyin- u sotqin deb aytishi mumkin.
Adolat qaytsada, gar oqlansam men,
"manabu doʻstim" deb aytishi mumkin ..

Vafoiy

©^°|@Bisot_m

...

Yana oʻsha oʻrindiq, oq qogʻoz-u qalamim
Qizgʻonchiq kotobxon-u, oʻsha fikrlar jangim.
Oʻqilmagan kitoblar negadur xafa mendan,
Xafa boʻlmang oʻqiyman, ertagamas bugundan.

Hayolparast kitobxon, siz oʻshamu dersiz
Kutilmagan qanday baxt, kitob oʻqish oʻzi baxt .
Baxtiyorman, baxtliman..baxt ummonida suzgan
Hayotdamas, hayolda baxtni qoʻlidan tutgan..

Asli koʻp oʻqimayman, dangasaman shunaqa,
Yangi kitob muhabbat, avvalgisi qanaqa?

Qaysi biridan boshlay, dunyoda kitob koʻpki
Mening bilganim-chi oz, bilmaganlarim koʻpki..
Oʻqiganman, esladim qadrli Sogʻuniyni
Turkiston qaygʻusi-yu, Tarixi Muhammadiyni.
Rasulimiz bilan hech, kitobda yashaganmisiz..
Kitob tugab qolsa-chi, yum-yum yegʻlaganmisiz.

Dinimizni oʻrgatib, malomatga qolgan siz,
Xatto soʻngi nafasda, Ummatim ham degansiz..

Meni ular yaxshi, bilishmaydi deb
Qoʻyaqol, duo qil degan ediz-a?
Hafa boʻlib ketib, paygʻambarim deb,
Kabaga suyanib yegʻlaganmisiz..

"Saodat asri"-chi Qozonchi bilan,
Bilaman havasga oʻqimagansiz.
Shayxning "Ruxiy tarbiyasini" ,
Balki bir oʻqishda tushunmagansiz.

"Ey farzand" "Oʻkinma" "Yashash fursati"
"Kitob oʻgʻrisi-yu", "Kakku uyasi".
Qodiriy, Choʻlpon-u, Sadriddin Ayniy
Gʻazzoliy, Mavlono, Ahmad Yassaviy.

Kitoblar gapirar, yaxshi suhbatdosh
Yaxshi odamlar bor, aziz zamondosh

"Asirga tatigulik kun"ni kutyapmiz?
Yoki qani ayting, kimni kutyapmiz.
Ular "Ufq"dagi "Oʻzbeklar"mi-yo,
"Oydinda yurgan odamlar"midi.

Qaraydi "Mungli koʻzlar"i bilan,
Bir qarashda "Manqurt" emas kimsalar.
Muhammad Alining Sarbadorini,
Osib oʻldirganlar, balki oʻshalar.

Razzoq soʻfini "kecha"si ushlab,
"Kunduzi" oʻldirgan eshon buvalar.
"Molxona"da yashab, "84" da,
"Jinoyat jazo"sin olgan oʻshalar.

Bilmadim, adir boʻsh "Lolazor" qani,
Yoki "Kambagʻallar" boʻldimi "Telba".
Endi Fyodorga tushunish qiyin,
Lek Hayyom ikkisi yaxshi odamlar,
Yaqinda aytgandi, bir inson soʻzni
Hozir juda kerak, "Atom odatlar"

"Ulugʻ onaning janozasi"ni,
Onasiga sovgʻa, qilganlar bormi..
"Iymon"im, bebaho mana koʻr desa
"Baxtiyor oila"ni koʻrganlar bormi..

Kitoblar gapirar, yaxshi suhbatdosh
Yaxshi odamlar bor, Aziz vatandosh.

"Qoʻrqma" Xatoiy sheʼring ham bitar..
Ozroq yashab bilding.., Hammasi oʻtar.

©^°|@Bisot_m

Haq talablar hamma joyda bilganicha javrashadi,
Javrab javrap gap soʻngida malomatlar aylashadi.

Muammolar soʻylanadi, gʻiybatlar ham bosh mavzu
Foydasizmi? Bilding va lek axmoqsanda uzuru..

©^|@Bisot_m

Tarixdan koʻp soʻzlab yashadikda hoʻp,
Yashadik til burro bobom falon deb.
Boʻldi yetar doʻstim, yetadi shuncha ..
Tan ol toki jim boʻl umring yetguncha.

Bol tomgan labingni chumoli bosdi,
Asl tarixingni goʻyo chang bosdi.
Oʻzgalar aytadir-ki, oʻtmishing bunday boʻlgʻon,
Tarixingni oʻzing oʻqi, soʻzlama yolgʻon .

Vafoiy

©^|@Bisot_m

Suratga tanlagan narsalar mosmi?
Oʻzingni aldaysan, barchasi sozmi?
Xatto sezmayapsan hozirda yozmi?
Qachon oʻqiysan qazoi namozni?

©^|@Bisot_m

Der edilar...

Yashasang koʻrasan der edi bobom,
Bu gaplar manosin endi tushundim..
Yoshligim qaytmaydi, katta boʻldim a?
Kattalik yoqmadi, qaytsammikin a..?

Nimalar deyapsiz, bola-ku axir
Hozir tushunmaydi bunaqa gaplar..
Yoki tushundingmi ayt-chi qaqajon,
Alhamduni yana bir, aytgin bolajon.

Xudoyim chevar zot der edi momom,
Mana endi sizni ozroq tushundim..
Degansiz bu hayot, yamoq chok boʻlar
Hammasi foniydur , hammasi oʻtar..

Bular qaysi zamon odamlari-ya?
Koʻngli ham, bagʻri ham juda keng edi.
Zamona notinch lek islomda yashab,
Zimiston qalbimni Fotixi edi.

Bu hayotda chekdi, endi qiynama
Ey Xoliq, kamaytir azoblarini.
Bizlar duodamiz, qabul aylagin
Allohim kechirgin gunohlarini..

Xatoiy

©^|@Bisot_m

Mehribonlarim

Olam charogʻon, koʻngillar sokin,
Sokin koʻngilga sigʻadi olam.
Lek betob boʻlsang sigʻmaydi hech ham,
Toʻy-u maraka, kulgu falsafa.

Sizni sogʻindim aziz doʻstlarim
Yoʻqligimda yoʻqlagan mehribonlarim.

Yangi doʻstlarim bor edi ancha
Angladim soʻng soʻradim, adadi qancha?
Shuning uchun derlarki, sochimdan koʻp doʻstim dema
Gar tushsa boshinga ish, sezdim kalligimni dema...

Vafoiy

©•|@Bisot_m