TGStat Bot

Bot to get channel statistics without leaving Telegram

Telegram Analytics

Subscribe to stay informed about TGStat news.

SearcheeBot

Your guide in the world of telegram channels

TGAlertsBot

Monitoring of keywords in channels and chats

Statistics Favorites

Bo’lajak marketolog

@bolajak_marketer

Channel's geo and language: not specified, not specified

Category: not specified

Ismim Shohrux. Texnomart kompaniyasida marketing manager bo’lib ishlayman.
Bu yerda oddiy marketing manager ko’zi bilan marketing olami haqida gaplashamiz.
Obuna bo’lishni unutmang :)

Related channels | Similar channels

Channel's geo and language

not specified, not specified

Category

not specified

Statistics

Posts filter

Hide deleted

Hide forwards

Bo’lajak marketolog

16 Aug 2022, 11:42

Mentor'ning marketing menejeri hayotidagi o'rni 👨‍🏫

Bugun murabbiy, zamonaviy tilda aytganda «mentor»ning marketing manager hayotidagi o'rni haqida gaplashamiz.

Murabbiy - bu katta hayotiy va kasbiy tajribaga ega bo'lgan, bilim va javoblar manbai. U ilhomlantiradi, o'z tarbiyachisiga shaxsiy va professional hayotida rivojlanishiga yordam beradi.

Marketing sohasiga endigina kirganlar uchun nega mentor kerak? Shaxsiy tajribamdan kelib chiqib foydalarini aytaman:

⁃ Aniq, to'g'ri yo'l. Mentor sizni qobiliyatlaringizni bilgan holda aniq karyera yo'li bilan birga hayot yo'lingizni ham chizib beradi.
⁃ O’zingizga bo’lgan ishonchni kuchaytirib, jiddiy qarorlarni qabul qilishni o'rgatadi.
⁃ Barcha yutuq va mag'lubiyatlaringizni muhokama qilib to’g’ri xulosa chiqarishga yordam beradi.

Marketing sohasini murabbiy bilan o’rgansangiz, X2 tezlikda tajriba oshib boradi.

@bolajak_marketer

97 1 6 8

Bo’lajak marketolog

26 Jul 2022, 19:42

Nafaqat ishda, balki hayotda ham ishonchli "hamkorlar" kerak. Masalan, sartarosh.

Mening sartaroshim kech payt 23:00 da bo'lsa ham ishlashga tayyor. Bemalol, o'zimga qulay payt borishim mumkin.

Hafta xulosasi: o'zingizni ishonchli hamkorlar bilan o'rab oling 🤝

120 0 2 5

Bo’lajak marketolog

25 Jul 2022, 21:43

Ishonchli hamkorlar bilan uzoq muddatli munosabat o’rnating 🤝

Har bir sohada bo'lgani kabi marketingda ham doimo sizga hamkorlar kerak bo'ladi.

Ammo ularni tanlashda albatta eng ishonchlisini tanlang. Marketing menejerga doimo qandaydir bannerlar, futbolkalar, skretch karta va hokazolarni chop etish kerak bo'ladi.

Shunday vaqtda sizda sinalgan va ishonchli hamkorlar bo'lsa, siz ham vaqtingiz ham naqdingizni tejaysiz.

Shunday ekan, atrofingizga doimo ishonchli va professional hamkorlarni yig'ing.

Bir inson aytganidek: Yaxshi hamkor bilan yetarsan murodga, yomon hamkor bilan qolarsan uyatga!

@bolajak_marketer

138 0 4 8

Bo’lajak marketolog

20 Jul 2022, 20:54

BILLBOARD TANLAB OLISHNING TO‘RT SIRI 🎯

Orientatsiya

Bilbord qaysi tomondan yaxshiroq o'qiladi? Ko'pgina hollarda, haydovchining o'ng qo'lidagi reklama taxtasi mashinaga yaqinroq, shuning uchun uni o'qish osonroq.

Yo'lga noto'g'ri burchak ostida joylashtirilgan yoki juda baland yoki past joylashtirilgan reklama taxtalaridan ma'lumotlarni o'qish qiyin bo'lishi mumkin.

Aloqa

Yo'lovchilar reklama taxtasini deyarli o'tib ketguncha ko'rmasa, aloqa davomiyligi xabarni o'qish uchun juda qisqa bo'lishi mumkin. Ushbu mantiqdan kelib chiqqan holda, chorrahalardagi bilbordlar avtomobillar svetofor yoki taqiqlovchi belgilarda to‘xtagani uchun ma’lumotlarni o‘qish uchun ko‘proq vaqt beradi.

Yo'lda transport zichligi qanchalik baland bo'lsa, reklama xabari shunchalik ko'p kontaktlarni oladi. Tashqi reklama operatorlari buni tushunishadi va ular bu haqda so'ralishini bilishadi. Ular har bir reklama tuzilmasi uchun tasdiqlangan trafik ma'lumotlarini taqdim etishi mumkin.

Ko'rinish

Billboard oldida turgan daraxtlar, yorug'lik ustunlari, simlar, binolar yoki boshqa reklama inshootlari kabi to'siqlarga e'tibor bering. Ba'zida to'siqlar mavsumiydir. Barglar daraxtlardan tushganda, billboard yaxshi ko'rinadi. Ammo bahor keladi va uni deyarli butunlay barglar bilan yashirish mumkin.

Ko'rinish borasida yana bir omil: ba'zi bilbordlar yoritilgan. Kechqurun yoritilmagan reklama tuzilmalari hech qanday qiymatga ega emas. Shuni ham yodda tutingki, barcha reklama taxtalari bir xil soat davomida yoritilmaydi. Tashqi reklama operatori bilan ularning inventarizatsiyasi qancha vaqt qoplanganligini tekshiring.

Atrof muhit

Atrofdagi bilbordlar qancha kam bo'lsa, sizning bilbordingiz shunchalik ko'p ajralib turadi. Bu erda yana bir nechta qo'shimcha omillarni hisobga olish kerak:

- Ushbu yo'lda kim ko'proq sayohat qiladi? Muhim - bular asosan sayyohlar yoki mahalliy aholi. Agar xabar mahalliy aholiga qaratilgan bo'lsa, ularni kundalik yo'nalishlari bo'ylab joylashtirish kerak.

- Bu yerda kim yashaydi va ishlaydi? Agar joy yirik ish beruvchiga yaqin boʻlsa yoki maktab/universitet kabi tirbandlik koʻp boʻlgan joy boʻlsa, bu auditoriya demografiyasiga xalaqit berishi mumkin.

@bolajak_marketer

125 0 2 7

Bo’lajak marketolog

10 Jul 2022, 21:22

Forward from: Dildora Bakhtiyarovna | Blog

Marketingga oid eng oddiy ta'rif

Ba'zi insonlar marketingni reklama, brendlash yoki boshqa noaniq tushuncha deb o'ylaydi. Garchi bularning barchasi marketingga bog'liq bo'lsa ham, marketingning o'zi emas.

Sizga hayotingizda uchratgan eng oddiy va jargonlardan xoli marketing haqidagi ta'rifni aytaman:

Agar sizning shahringizga sirkchilar kelayotgan bo'lsa va siz "Shanba kuni ko'rgazmalar maydonida sirk bo'lib o'tadi", deb e'lon bersangiz, bu – Reklama.

Agar siz katta filning orqasiga o'sha yozuvni yopishtirib butun shahar bo'ylab aylantirib yursangiz, bu – Promotion.

Agar fil shahar hokimining gulbog'idan o'tib bog'ni payhon qilsa va bu haqda mahalliy nashrlar yozib chiqsa, bu – Ommalashtirish.
Agar hokim bu jarayonni bilib qolib, hazilga olib ketsa yoki boshqacha munosabat bildirsa, bu – jamoatchilik bilan aloqa ya'ni PR.

Agar shahar aholisi sirkka borsa, siz ularga ko'ngilochar ko'chma do'konlarni ko'rsatsangiz, ular shu do'konchalarda pul sarflab vaqtini juda maroqli o'tkazishi mumkinligini tushuntirsangiz, savollariga javob bersangiz va oxir-oqibat, ular sirkda juda ko'p pul sarflasa, bu – Sotuv.

Agar yuqoridagilarning barchasini rejalashtirsangiz, bu – Marketing.

Ha, juda oddiy, marketing – o'zingiz istagan odamlarning siz haqingizda bilishi, sizni yaxshi ko'rishi, sizga ishonishiga erishib, ularni mijozga aylantirish strategiyasidir.

Marketing bilan bog'laydigan barcha harakatlar esa marketing taktikasi deyiladi

Allan Dib - "Bir varaqli Marketing reja" kitobidan 🌊

139 0 2 4

Bo’lajak marketolog

22 Jun 2022, 07:11

DALL-E sun'iy intellekti tomonidan yaratilgan tasvirni qarshi oling!

Matn so'rovi quyidagicha edi: Future marketer

Dizaynerlarni ishdan bo'shatishga hali erta ekan 🙂

174 0 2 3

Bo’lajak marketolog

22 Jun 2022, 06:15

Sun'iy intellekt dizayn hududiga birinchi qadamini qo'ydi.

Cosmopolitan jurnalining yangi sonining muqovasi Dall-E 2 neyron tarmog'i tomonidan tayyorlandi.

20 soniyada 🔥

@bolajak_marketer

166 0 1 4

Bo’lajak marketolog

20 Jun 2022, 11:02

Faqat menda xorijlik muxlislar bormi? 😂

143 0 0 6 3

Bo’lajak marketolog

8 Jun 2022, 11:32

Rejasiz daraxtzor — changalzor. 🌳

Ishonch bilan aytolamanki, kunlik, haftalik, oylik va yillik reja tuzish marketolog uchun juda muhim bosqichlardan biri. Nega reja tuzish kerak? 🧐

Bunday odat sizga vaqtni boshqarishga va xotirjamlikni tarbiyalashga imkon beradi. Reja tuzganingizdan so'ng, siz osonlikcha kuningizni tashkil qila olasiz, global muammolarga e'tibor qaratasiz, vazifalarni ularning muhimliligiga qarab taqsimlaysiz.

Masalan, to'y marosimini kelgusi yilga mo'ljalladingiz va jadvalingizga kiritdingiz. Ushbu muddatga asoslanib, barcha to'y bilan bog'lik ishlarni deadline bilan, kunlarga bo'lib tashladingiz. Endi siz har kuni tongda uyg'onganingizda, qachonga nima tayyor bo'lish kerakligini bilasiz va bu haqida boshqa o'ylamaysiz.

@bolajak_marketer

339 0 4 6

Bo’lajak marketolog

3 Jun 2022, 10:27

01:45

Video is unavailable for watching

Show in Telegram

Ikki yil oldin agar shu rolikni qo'yib berishganida edi, "2-3 ta odam ishtirokida olingan rolik bo’lsa kerak. Zo’r olishibti" degan bo’lardim.

Aslida bu kabi professional roliklarni olish jarayonida bir necha komandalar ishtirok etadi, ya'ni Production studiya, Kreativ agentligi, mijoz va hokazo.

Natijada shunday ajoyib roliklar tayyorlanadi! Baho bering 😍

Oddiy marketing manager ko’zi bilan marketing olami haqida - @bolajak_marketer

341 0 3 2 10

Bo’lajak marketolog

26 May 2022, 11:28

Yaxshi marketing direktori bo'lish uchun har xil foydali manbalarni o'qib turish kerak deyishadi. Keling, ular bilan birma-bir tanishib boramiz

Foydali manbalardan biri: vc.ru

Bu kichik, o'rta va yirik kompaniyalarning tadbirkorlari va yuqori malakali mutaxassislari uchun asosiy platformalardan biridir. Bu yerda siz asosiy yangiliklar, fikrlar, sharhlarni bilib olishingiz mumkin.

Oxirgi o'qigan maqolam:

Skyeng boshqaruvchi hamkori Aleksandr Laryanovskiy o'z karierasining boshida vazifarni qanday taqsimlashni bilmas edi. Bu nimaga olib keldi va u buni qanday o'rgandi - shaxsiy tajribasi bilan o'rtoqlashadi.

Maqolaga havola.

Siz qanday foydali manbalarni taklif qilasiz? Izohlarda qoldiring 👇

@bolajak_marketer

280 0 1 2 9

Bo’lajak marketolog

19 May 2022, 22:27

Community manager - bu qanday kasb va men bu pozitsiyada ishlab nimalarni bilib oldim?

Texnomart'ga ishga kirishdan oldin, community manager nima ish qiladi deb so’rashkanda, uning asosiy vazifasi facebook, instagram va telegram ijtimoiy tarmoqlarida javob berish deb aytgan bo'lar edim.

Darhaqiqat, community manager'ning brend yaratishda ro’li ancha katta ekan. Keling, birgalikda Community manager'ning asli qanday vazifani bajarish kerakligini bilib olamiz, biladiganlar bo'lsa, eslab olamiz.

Asosiy vazifasi: brendga sodiq mijozlar bazasini yaratishda yordam berish.

Qanday qilib?

Mijozlar bilan hamjamiyat yaratildi (masalan telegram guruhi). Unda siz foydalanuvchilarga nafaqat mahsulotni sotasiz, shuningdek mahsulot bilan ishlashni o'rgatasiz, balki ularga qimmatli ma'lumotlarni ham berasiz, odamlarni qiziqishlariga ko'ra birlashtirasiz va shunchaki muloqot qilasiz.

Sodiq mijozlar nega kerak?

Sodiq mijozlar kompaniyaga qiziqishi yo'q mijozlarga qaraganda brendga ko'proq foyda beradi. Ular har doim sizga foydali fikr-mulohazalarni bildiradilar, dardlari va muammolari haqida aytib berishadi, ijtimoiy tarmoqlaringizga obuna bo'lishadi va do'stlariga tavsiya qilishadi. Bundan tashqari, sodiq mijoz sizning raqobatchilaringizga kamroq murojaat qiladi.

Community manager kasbi haqida qisqacha ma’lumotga ham ega bo’ldik :)

@bolajak_marketer

242 0 2 12

Bo’lajak marketolog

17 May 2022, 21:03

Tajribasiz va marketing'ni asosiy atamalarini bilmagan holda katta kompaniyaga ishga kirsangiz, dastavval hamkasblarni tushunish qiyin bo'ladi.

Menda ham shunday bo'lgan. Shuning uchun, birinchi bo'lib menga uchragan atamalar bilan bo'lishishga qaror qildim. 👇

Lead - bu bizning reklamamizga qiziqish bildirgan foydalanuvchi. Boshqacha qilib aytganda - bu potentsial mijoz.

Masalan, siz trening reklamasini instagram sahifangizda uchratdingiz. Ushbu treningni narxini bilish uchun direct orqali instagram sahifasiga murojaat qildingiz, demak, siz Lead’ga aylandingiz, ya'ni potensial mijozsiz.

"Позиционирование" - bu kompaniyaning odamlarga o'zini qanday taqdim etishi. Masalan, Apple kompaniyasi o'zini innovator sifatida pozitsiyalashtiradi.

Reklama kampaniyasi - mahsulotga kerakli auditoriya e'tiborini jalb qilish uchun amalga oshiriladigan tadbirlar.

Masalan, texnomart'da hozirgi kunda konditsionerlarga odamlarning e'tiborini qaratish uchun reklama kampaniyasi boshlangan.

@bolajak_marketer

205 0 2 3 10

Bo’lajak marketolog

17 May 2022, 09:06

Keling, tanishamiz! Agar tanish bo'lsak - kimligimni eslaymiz! 😁

Agar mendan 2 yil avval o'zimni tanishtirishimni so'rashganda, ortiqcha, kerakmas bo'lgan ma'lumotlar bilan o'zim haqimda so'zlab bergan bo'lar edim.

Endilikda, bir nechta "Copywriting" haqida kitoblar o'qib, Lokals agentligidan instagram uchun yozgan matnlarimga "feedback"lar olib, qanday qilib qisqa va lo'nda yozishni o'rganib oldim.

Men haqimda:

Ismim Shohrux. Yoshim 23 da. Uylanmaganman. Oilam bilan yashayman.

Martabaga kelsak, texnomart'da 2 yil davomida ishlab kelmoqdaman. Community manager'dan boshlab - hozirda marketing manager pozitsiyasidaman.

Bu kanalni ochishdan maqsad?

O'zimga o'xshagan marketing manager va marketologlarni yig'ib, marketing olamidagi yangi bilimlarga birgalikga ega bo'lish.

159 0 1 15 17

14 last posts shown.

94

subscribers

Channel statistics