kitobmen📚

#basqileynafs

– Kuni bilan shu yerda o'tirib kitob o'qimaymiz-ku! Qara odamlar ham ko'payib ketibdi. G'alati qarashi mumkin, – dedim.

– Nima bo'pti o'qisak? Ovoz chiqarib kitob o'qish aybmi? Odamlar jamoat joylarda nimalar qilmaydi, uyalmaydi ham-ku! Nega biz kitob o'qiganimiz uchun uyalishimiz kerak? "Qilayotgan ishingdan vijdoning xotirjam bo'lsa, nega undan voz kechishing kerak? Ular tirnoq ichidan kir qidiruvchilar-ku" deyapti bu kitob, – dedi do'stim.

✍️Deyl Karnegi ijodidan odamlarning o'zaro suhbatida muhim bo'lgan qoidalar haqida so'z boradi. Tinglovchida ijobiy taassurot qoldirishingiz uchun bu chaqiriqlar hayotingizda muhim o'rin topishingizga yordam beradi.

1-qoida. Tortishuvda baland kelmoqchi bo'lsangiz – undan voz keching.(ya'ni tortishuvdan).

2-qoida. Hamsuhbatingizni fikrlarini doim hurmat qiling. Odamga hech qachon "sen nohaqsan" demang.

3-qoida. Agar siz nohaq bo'lsangiz, bunga tezda iqroq bo'ling va buni tan oling.

4-qoida. Gapning boshidanoq do'stona ohangni qo'llang.

5-qoida. Sizga nisbatan hamsuhbatingiz ko'proq gapirsin.

6-qoida. U gapirayotgan voqea-hodisalarni sidqidildan tinglang va e'tibor bilan qarang.

7-qoida. O'z g'oyalaringizni jiddiy ekanligini isbotlang. Samarali ekanligiga ishontiring.

8-qoida. Ularni xayrli ishlarga da'vat qiling. Harakat qilishsin, to'xtab qolishmasin.

📚Kitobda bu qoidalarni har biriga chuqur tarzda yondashilgan. Ko'plab mashhur insonlarni hayotiy tajribalari misol qilib keltirilgan. Bu degani sizga nazariy tajriba. Har qanday korxona yoki ofisda ishlar ekansiz, bu kitob sizga albatta yordam beradi.

Assalomu alaykum aziz kitobxonlarim!
Siz hayotda ham, kitob mutoalasida ham zamonaviymisiz? "Modniy" kitobxonmisiz? Ko'pchligingiz bu savolga albatta ijobiy javob berasiz. Lekin "kitob trendi" degan ibora sizga yangilik bo'lishi mumkin. Hozir sizga 2023-yil trend bo'lgan kitob janrlari haqida qisqacha ma'lumotlar beraman.

1. Muhabbat mavzusi hech ham eskirmas mavzu. Odamlar zamon va makon tushunchalaridan farqli o'laroq hamisha sevib , sevilib yashab kelishadi.
Chicklit – so'zma-so'z tarjimada "xonimchalar uchun adabiyot" ma'nosida keladi. Bu janr yengil melodramma va komediya uslublarini aralashmasidagi muhabbat haqidagi romanlar. Ko'proq ayollar auditoriyasini qamrab olgani uchun shunday nom olgan.

2.Young adult – o'smirlikdan ulg'ayish davrini, ba'zida o'rta yosh davrlarini o'z ichiga olgan janr. Shu yerda eslatib o'tishni joiz topdim , bu janr nafaqat ulg'ayish muammolari balki 18+ muammolari ham yuqoriga olib chiqib ko'rsatadi.

3.Feelgood – yengilgina kayfiyatni ko'taruvchi , o'qishga oson asarlar. Bunday asarlar kitobxonni ko'p ushlab qolmaydi. Bir martalik kitoblar ro'yhatiga kiradi.

4.Retelling – eski, unutilgan asarlarni boshqa nuqtai-nazardan ko'rib chiqilgan asarlar. Yana shuni ta'kidlab o'tish kerakki, bunday asarlarda eski qahramonlar yangi sharoitlarga moslashishi va salbiy obrazlarni ijobiy tomondan obrazlashtirilishini ko'rish mumkin.

5.Manga – kunchiqar yurt (Yaponiya) kitob janri. Bu janrda ko'proq rasmlarda ma'no yashiringan bo'lib, dialoglar komikslardan ko'ra kamroq. Biz kitobxonlar manga janri orqali Yaponiya, Koreya madaniyatlariga yanada yaqin bo'lamiz.

Bundan tashqari, geopolitik, siyosiy, detektiv, psihologiyaga doir asarlar ham keng urf oldi.

#taqriz_kitob
​#Mark_Menson
📚"Beparvolikning nozik san’ati"

Assalomu alaykum.
Kitob nima haqida ekanligini nomidan bilib olish qiyin emas. Mukammal va kriminalniy muammo deb o'ylaganlaringizni...oddiy bir holat ekanligiga amin bo’lib borasiz.

Masalan:
👉 “sizga kimdur yoqmasligi tabiiy, shu qatorida kimgadur sizni yoqmasligingiz ham odatiy hol”
👉 “muammolar har doim, hammada bo’ladi. Uni qayta-qayta o’ylaganingiz bilan foydasiz. Muammolar insonni harakatga yo’naltiruchi narsadir.”
👉 “insonlar sizning xabaringizga javob yozmasligi sizni ranjitishi kerak emas, chunki hammani o’ziga yarasha tashvishi, ishi borligini to’g’ri tushunish kerak.”
👉“boshqalarning siz haqingizdagi fikri yaxshi yoki yomon bo’lishiga siz javobgar emassiz. Lekin siz yaxshi yoki yomon bo’lishingiz uchun o’zingiz javobgarsiz”

Asar boshidan to oxirigacha kitobxonni tarbiyalab boradi. Hamma narsani boricha qabul qilishga o’rgatadi, asabiylashish emas balki muammolardan zavq olishga undaydi.
O'ylab qarasam hozirgi hayotim juda qiziq bo'layotgan ekan. Sinovlar, javobi yo'qdek savollarga to'la hayotimda – maqsad va orzularim uchun qat'iyatli harakat qilib kelyabman.
Agarda Amerikada yuqori maosh olib, maqsadsiz va rejasiz yashaganimizda hayot bizga bunchalik qiziq tuyulmas edi!

P.s.s
Ancha beg’am qivordi lekin))
Semirib ketsam shu kitob sababchi bo’ladi😁

#taqrizz

©️Akrom Malik. Halqa📚

Olamlarning va bizning Rabbimiz bizni yaxshiyam musulmon qilib yaratgan ekan, beadad shukrlar bo'lsin o'ziga! Alhamdulillah.Payg'ambarimiz Muhammad Mustafo sollallohi alayhi va sallamga behisob salovatlar, durudlar bo'lsin! Bugun vanihoyat Akrom Malikning "Halqa" kitobini o'qib tugatdim. Mehribon zot yagona Alloh. Marhamati, mehri, kalomi keng Zot❤️

Bu kitobni har bir musulmon kishi o'qisa, qay darajada iymon egasi ekanligingizni bilib oladilar. Men uchun bu kitob qahramonlari oddiy obrazlar emas, har biri mukammal iymonga ega bo'lgan, haq dini uchun kurashuvchi qadrdon dindoshlarimga aylanib ulgurdi desam ham bo'ladi. To'g'ri kitoblar meni oldingidek hayajonlantirmayapti, lekin chuqur xulosa va tafakkur qilib o'qiyotganim bunga sabab deb o'ylayman  Anchadan beri taqriz yozmaganimga, so'zlarim ham qovushmayapti. Lekin fikrim ko'p bu kitob haqida.

Kitobni tugatdim va bir narsani o'ylab qoldim. O'sha zamonda men ham yashaganimda o'z dinim uchun  Abdulloh Yorqindek qamoqxonayu, jamloqlarda, to'rt tarafi qiynab azob beruvchi mixlar bilan to'la xonada qolsam, qonlarga bo'yalgan, qanchadir qovurg'alari singan taqdirda bahaybat  va yirtqich itning xonasiga tashlab qiynashganlaridachi? Atrofingizdagi mahbuslar faqat fahshbozliklar haqida gapirsa, ichkilik va tamakidan og'izlari bo'shamasa, qamoqda ibodat qilish, namoz o'qish mumkin bo'lmagan taqdirda nima qilardingiz?! Men shu savolni o'zimga berdim va javob topolmadim. "Ha" deyishga jur'atim yetmadi.

Bizning qahramonimiz – haqiqiy qahramon! Uning qanday yo'l tutganini asarni o'qigach bilib olasiz!:) Va bu go'zal asarda yana Shafiqa xonimning, Mubina Xonimning, Umar Sayfullinning naqadar ibratli taqdir yo'llariga guvoh bo'lamiz.. Va asar yakunida ham 1000kishilik musulmonlar kemasidagi ikki musulmon bo'lmagan jurnalist juftliklar Jozef  va Anna ham bu ibratli taqdir, hayot hikoyalaridan so'ng islom dinini qabul qilishadi.

Buni kitobni o'qib o'zingiz anglab olasiz, albatta. Har bir dindoshimga, ushbu kitobni o'qib chiqishini tavsiya qilaman. Asardan olgan taassurotlarim ko'p.Yozsam, tugamaydi. Ammo, hammasini yozsam, sizlarga qizig'i qolmaydi va kitobni o'qiganchalik ta'sirlana olmaysiz! O'zingizga havola qilaman yaxshisi!)

Kitobni zapretga tushganligi haqida esa: Islom dinining siyosiy tarmoqlashuviga nisbatan yozuvchining subyektiv fikrlari – tanqidga uchragan deb o'ylayman.

#Halqa
#kitobmen
@panj1yev_1

#doст_танлаш

•Биров билан дўст тутинишдан аввал уни яхшилаб ўрганиш ва сифатларини(ҳарактер) текшириб кўриш лозим.

,,Расулуллоҳ соллаллоҳу алайҳи васаллам:
,,Бир киши бошқаси билан биродар тутинса, унинг исмни, отасининг исмини ва кимданлигини сўрасин. Албатта,  бу меҳр-муҳаббатни мустаҳкамлайдиъъ, дедилар.

Термизий ривоят қилган.
Жумладан, дўст тутунишда қуйидаги шартларга қарасин:
1. Етук ақл.
2. Тўғри диндорлик.
3. Гўзал аҳлоқ.
Бир сўз билан айтганда, дўстининг тақводир бўлишини ниҳоятда исталган ҳолатдир.

Жаъфар Содиқ розияллоҳу анҳудан нақл қилинади: ,,Қуйидаги беш тоифани асло дўст тутма:
1. Ёлғончи каззобни. Чунки у сени алдаб қўяди. У саробга ўхшайди. Сенга узоқни яқин, яқинни узоқ қилади.
2. Аҳмоқни. Чунки сенинг унда ҳожатинг йўқ. У сенга наф бераман деб, зарар етказади.
3. Бахилни. Чунки у энг муҳтож бўлиб турган нарсангни ҳам сендан кесиб қўяди.
4. Қўрқоқни. Чунки у қийинчилик пайтида сендан қочади ва сени истаган пайтда сотади.
5. Фосиқни. Чунки у сени бир луқма таомга ҳам сотади.

​​Millat!

Bu millat bir umr, bir uy quradi,
Umrini chiritar to‘y degan illat.
Dunyoga sig‘olmay ranjib yuradi,
O‘zining yurtiga sig‘magan millat.

Bu elga shunchaki yashamoq qayg‘u,
Shunchaki nafasi bo‘g‘zida minnat.
Yostig‘in ostiga pulni yig‘aru,
Hayotdan bir mazmun yig‘magan millat.

Hurmati so‘yilgan, yo‘qqa yo‘yilgan,
Har yerda bosilgan qadami zillat.
Tillari uzilgan! ko‘zi o‘yilgan...
O‘zining ko‘ksini tig‘lagan millat.

Yozlarda sovqotar, qishlarda kuyib,
Ko‘nikib o‘lganga yashamoq o‘lat,
Farzandin ajalga topshirib qo‘yib,
Ortidan "bolam!" deb, yig‘lagan millat...

Ey millat!
O‘z yo‘ling ko‘ra olmasang,
Sen qanday to‘fonsan, sen qanday jur’at?
Bolangga kelajak qura olmasang,
Yaxshisi,
Tug‘dirma!
Tug‘magin!
Millat...

Farzandini Rossiyaga jo'natib yuborib, patolakka qarab, yeb-ichib semirayotgan otalar haqida(.

Ayol kishi erkakka sevgi izhor etmasligi kerak. Bu haqida uning chaqnab turgan baxtiyor ko'zlari gapirsin.
Ko'z iqrori har qanday so'zdan afzalroq!

©️Remark
         

#at_the_moment

Derazadan nogoh kelayotgan shamol.
Shuhrat Daryo. So'zlasam mp3.
Akrom Malik Halqa.
Chalkash tuyg'ular
Go'zal kunlar, kelajak hayollari...
G'aflatda qolmasdan, bu bevafo dunyodan go'zallik qidiryabmiz!

📚⭐🌷

#odob

•Масжидга намоз ўқиш учун кетаётганда виқор ва сокинлик билан, шошмасдан, бачкана ҳаракатлар қилмай, қалбда хушу билан борилади!

Муслим, Термизиú ва Насаий ривоят қилган:
,,Набий соллаллоҳу алайҳи васаллам:
,,Ким ўз уйида таҳорат қилиб, Аллоҳнинг уйларидан бирига Аллоҳнинг фарзларидан бирини адо этиш учун юриб борса, унинг икки қадамидан бири ила хатоси ўчади, бошқаси ила даражаси кўтарилади, дедилар.

,,Масжид сўзи луғатда ,,сажда жойи, макони маъносини англатади. Уламолар истилоҳида эса беш вақт намоз адо этиладиган макон масжиддир. Масжидларни эҳтиром юзасидан ,,байтуллоҳ" - Аллоҳнинг уйи дейилади.Демак масжид Аллоҳнинг уйи экан, бу йўл Аллоҳ таолонинг зиёратиган олиб бораётганини ёддан чиқармаслик керак.

📚,,Ижтимоий одоблар" китоби, Масжиддаги одоблар мавзусидан))