عباس الخزعلي

خلصت الجمعه يمهدي
وخلص وياها الحجي
عاده اليفارك حبيبه
ايموت من كد البجي
عيوني راحت يابو صالح
بيش اشوفك من تجي

قصيده إلى يوم البقيع العالمي وتهدم قبب الأئمة الأربعة عليهم سلام يوم ٨ من شوال

هاي الدنيه ابد ماخلت احباب
بغربه اعزاز گلبي جوه التراب
صب يادمع العيون
الراحو ما يردون
..................

عله طاري البقيع ويومه ومصابه
ضل كلبي الهضم والنوح محرابه
بحزانه الدهر فاتح عليّ بابه
أعز الناس مدفونين بترابه

مشتاك التربهم والله مشتاك
بعد روحي ابد ماتحمل افراك
همه بحالي يدرون
الراحو ما يردون
.................

لبو محمد إمامي الروح مشتاگه
ماعندي گلب يتحمل افراگه
ويه الحسن يمته يحين الملاگه
حنين البيه منه تاخذ الناگه

شكد اسهر وضل محارب النوم
من زيارته ليش اني محروم
لكبره اوصل شلون
الراحو ما يردون
.....................

علي السجاد ياهو اليعرف شلونه
جم مصاب يهضم شافت عيونه
ابد لا ماخلص من اليضدونه
ليش بياذنب كبره يهدمونه

خلص عمره ابد مانشفت العين
يشرب ماي وينوح اعله الحسين
بجروحه يلجمون
الراحو ما يردون
.......................

الباقر عاش لجمه وهدمت حيله
أمر بالطف وكول شينسه ياليله
رقيه وياه بدرب السبي وتحجيله
ومن سوط المتن كلساع تشكيله

رفاكه ثنينهم والگلب محتار
عله الرمله مشو وادري الرمل حار
تحامي بيهم ام عون
الراحو ما يردون
.......................

يمر ذكره عليه وروحي محتاره
وآنه وحزني نتعناه خطاره
عله الصادق تضل عيوني تتجاره
شاف بعينه نار وتحرك ادياره

هامت روحه وسط البيت محتار
شلون بخيم زينب شبت النار
والأيتام يبجون
الراحو ما يردون
...................

احير بياكلام احجي واوافيهه
والزهره الزجيه راضيه اعليهه
هدمو كبر ام عباس تاليهه
تمنيت الگمر حاضر يحاميهه

عايش عمري كله بجمرت الاه
ماناسي البقيع ويومه والله
ماانسه اليحنون
الراحو ما يردون

ابا عبدالله

كون اجيك واكعد ابنص الضريح😭
وكون ابجي وحتى ما تبقالي عين💦
وهيجي بلصدفه يجي المهدي يزور 💔
وانحسب زاير المهدي والحسين 💧😭

اعتذر شباب عله نشر بسبب ظروف لكن اوعدكم استمر بنشر الأهل البيت عليهم سلام

يوسف زماني
مني..... يعاني
حيل تعبان.
وعلي زعلان.
روحي يا مهدي تحن ليل ونهار
محتاج اشوف عيونك الذبلانه
كون انت تصلي بينه يا امام
ما نريد العيش من دونك يمولانه

شكولن للرسول
وشكولن للبتول
ضيعناك
ونسيناك
وما عرفناك
الصوچ بينه يا حبيبي.😔😭
#سيأتي_حتماً

رقية تكلم رأس ابيها ع :

ليش ساكت بوية بس اسمع انين
عزيزتك انه رقــيــة يا حسين
************
جيت اشكيلك يبوية من الشمر
مـن سياطة صارن متوني حمر
بوية اخذني وياك ماريده العمر
عكبك بلوعات اكضيهه السنين
************
بوية بس راس شعجب وين الجسد
وحتى راسك بوية مهشوم بعمد
بيك انده صار ساعه وما تــرد
علية بوية ادري بكلبك حنين
************
وداعتك تدري يبوية شكد اغار
وي اهلها لو شفت تمشي الزغار
ليش منك انحرم طول الدهــر
زغيرة انه وكلبي ما يحمل ونين
************
خل اشبكة راسك ويبدي الوداع
ويه راسك عمري بوية الليله ضاع
بالدرب كلبي شكثر لو تدري لاع
عني غايب بالسبي ياوبويه وين
***********
بوية عماتي نخنك ما اجيت
اخ لو تدري يبوية شكد بجيت
زعلت بوية عليك انه وعاتبيت
اعذرني ما ادري يوالد ميتين
*********

⠀⠀⠀⠀
رائحةُ الحَريق مُمتدّة إلى يوم يُبعثون، والشاهِد سيّد الجزع، رائحة احتراق اللحم الممزّق المطحون بحوافر الخيول الأعوجية على رمضاء كربلاء لا تزال تُبكيه ..

صوتُ العويل والبُكاء، صوتُ انتثار الرمال من تحت الأقدام الهاربة، صوتُ منحر(....)!. لا يزال كُل هذا الصوتُ في حاضره موجود.

بكى، فأبكى وأدمى، بكى، فانتثرت مع كُل دمعةٍ من دُموعه "حُسينية"، ومع كُل حَرف نطقه مُستذكراً كربلاء تشكّلت "مواكب" ..

بكى فصيّر عاشوراء حيّة في الضمائر، بكى فأعلنها ثورة الدُموع ..

#سيد_الساجدين 💔
⠀⠀⠀⠀

يحسين هاي الهضيمة .. خيمه تاكل خيمه😭💔

انت من كد ما حنين
ابيوم عاشر جنت واكف
سهم تايه وصل صدرك
كال ادخل
كتلة ادخل هذا بيتك

قصائد شهر محرم الحرام ١٤٤١ هجريه

شور حزين لمولاتي العليله

بيه لو مر الظلام
ابالي اتصور خيام
بويه ارجع راح اموت
وحدي ما اعرف انام
***
لمن يردون .. اتلكة الضعون
اشبگ رقية وحيل اشمها من اديها
واتلگة الاخوان .. وعبدالله كبران
وكبرانه سكنة والكبر باين عليها
يبو اجروحي الهجر هليله چواني
ما اندل ترة جا رحت لخواني💦
كلبي يوجعني وعلي
بويه رد ياهو الي
والمرض تعبني حيل
والله مشتاكه لهلي
*
ما جاني مرسال .. بس ريحة احبال
كلش مريضه والمرض خلالي جمرة
شو كلبي محروگ.. خاف اختي علنوگ
وعبدالله جاي اتخيل ايكطعون نحرة
ترة اعيوني انعمت من البجي اعليكم😭
اخاف انسيتو بتكم خاف شي بيكم💔
اكعد انا اعلى لدرب
ابجي واعيوني تصب
ازغيرة لكن شيبيت
وشيب اوياي الكلب
*
اتذكر اشلون .. من تغفه لعيون
وبحضينه نغفه كل مسه انا ورقيه
واتمنة الي ايعود .. ونتحاضن اردود
وبيده تراجي ايجيبهن صوغه الية
دللول الولد ابجي والوليله 💔
اهز كاروك اخوي الخالي وابجيله💦
سكنة خيتي كمت احن ...
كلبي مشتاك ويون
امنيتي احضر زفتج
وي ابن عمي الحسن
*
مشتاگه يا ناس .. للغالي عباس
البيدة يلاعبني اشكثر وانا زغيرة
وحلمانه مرتين .. ما عنده جفين
وعمتي الاميرة بلحلم جانت اسيرة
صفرة امن الوجع والمرض ماليني💦
مريضه يا خلك ياهو اليداريني💔
ابجي ولمدمع يهل ......
اوحيده انا ابلا اهل .....
بالي يم سكنة ترة .......
خاف جتفوها ابحبل ......
**
هيجي على الباب .. واتلكة الاحباب
واركاض اروح انا لرقيه ويمها اختل
وكل قوتي اشمها .. وسالم جدمها
واتجة جوة الناكه حتى ارقية تنزل
عليله والمرض ما خله شي بية💔
جنت اتمنى كون اتسمى مسبيه💦
دمعي موتني اعلى ابوي
امن الوجع كلبي يلوي
وحدي يا بويه بقيت
هسه لو عايف اخوي