🏛
Oʼzbekiston Respublikasi adliya vaziri oʼrinbosari –
Toshkent davlat yuridik universiteti rektori
Raximjon Rasuljonovich Xakimovning
MUROJААTI
Аssalomu alaykum! Qadrli talabalar va xodimlar, aziz universitet jamoasi.
Hammamizga juda yaxshi maʼlum, hozirgi vaqtda koronavirus pandemiyasi butun insoniyat uchun ulkan xavf tugʼdirmoqda.
🇺🇿
Mamlakatimizda muhtaram Prezidentimiz Shavkat Mirziyoevning qatʼiy pozitsiyasi va xalqsevar siyosati orqali bu koʼrinmas dushmanga qarshi samarali kurash olib borilmoqda. Bu virusli infeksiyaning yurtimiz taraqqiyoti va xalqimiz turmush tarziga jiddiy xavf tugʼdirmasligiga, uning tarqalishini toʼxtatishga yoʼnaltirilgan keskin choralar koʼrilmoqda.
👆 Yuqumli virusning ilk alomatlari yurtimizga kirib kelgan kundan boshlab, uni jilovlashning keskin choralari koʼrildi. Oʼz vaqtida bu ofatdan xalqimizni asrash boʼyicha karantin choralari koʼrilib, xalqimizni uyda boʼlishlari keng targʼib qilindi. Shuningdek, xalqparvarlik siyosati tufayli alohida reyslar qoʼyilib, xorijdagi yurtdoshlarimiz Ona vatanimizga qaytarib olib kelindi.
Dunyo tajribasi atroflicha oʼrganilib, masofadan turib ishlash va oʼqish samarali joriy etildi.
👆
Qadrli talabalar!
🌐 Bugun sizning masofadan turib taʼlim olishingiz, izlanishingiz, mustaqil taʼlim olishingiz uchun barcha zarur shart-sharoitlar yaratildi.
Oʼzbekiston Respublikasi Аdliya vazirligi va Oliy va oʼrta maxsus taʼlim vazirligining qoʼshma qarori bilan universitetimizda masofaviy taʼlim tizimi joriy etildi.
👆
Masofaviy taʼlimni amalga oshirishda xorijiy mamlakatlarning ilgʼor tajribalarini oʼrgangan holda ilgʼor raqamli texnologiyalardan samarali foydalanilmoqda. Oʼzbekiston Respublikasi Oliy va oʼrta maxsus taʼlim vazirligining dist.edu.uz va tube.edu.uz taʼlim platformalari hamda
http://moodle.tsul.uz/ masofaviy taʼlim tizimi, ijtimoiy tarmoqlardagi sahifalar
samarali yoʼlga qoʼyildi.
👆 Tegishli fanlardan maʼruza matnlari, video va audio maʼruzalar va boshqa materiallar universitet professor-oʼqituvchilari tomonidan elektron taʼlim dasturlariga joylashtirilib borilmoqda.
🔍 Universitetning Internetdagi rasmiy saytidagi
http://library.tsul.uz elektron kutubxonasida
1000ga yaqin oʼquv va ilmiy adabiyotlarning elektron variantlari ochiq xolda erkin foydalanish uchun joylashtirilgan. Shuningdek, har bir fan boʼyicha sizlar bilan ishlash uchun zamonaviy taʼlim texnologiyalaridan foydalangan xolda onlayn va offlayn maʼruzalar va seminar mashgʼulotlari oʼtkazilib kelinmoqda.
Аziz talabalar!
👆 Muhtaram Prezidentimiznin
g: “Men bugungi kunda uy sharoitida tahsil olayotgan talaba va oʼquvchi yoshlarimizga murojaat qilmoqchiman:
Аziz farzandlarim, uyda vaqtingizni bekor oʼtkazmang! Onlayn darslarni qunt bilan oʼzlashtiring. Kitob oʼqing, bilimingizni oshiring, badantarbiya va jismoniy mashqlarni bir kun ham qoldirmang”, – degan soʼzlari barcha yoshlar uchun kundalik hayot tarziga aylanishi zarur.
👆 Oʼz taqdiriga befarq boʼlmagan, siz aziz talabalar tomonidan kitobxonlikni, masofaviy taʼlimni targʼib qiluvchi tashabbuslarning bildirilishi, oʼtkazilayotgan tanlov va loyihalarda faol ishtirok etish orqali oʼz iqtidoringizni namoyon etishingiz biz uchun juda quvonchli holat.
👆
Mazkur tashabbuslarda jonbozlik koʼrsatayotgan faol talabalarimizga ham minnadorchilik bildirmoqchiman.
Shu bilan birga, ayni vaqtda sizlarning yanada faol, shijoatli va tashabbuskor boʼlishingizni soʼrab qolaman.
🇺🇿
Yangi Oʼzbekistonning buyuk kelajagi boʼlgan, siz, aziz talabalar, berilgan barcha tavsiyalarga amal qilishingiz va bilimingizni mustahkamlab borishingizga ishonamiz!
Oʼzbekiston Respublikasi
adliya vaziri oʼrinbosari –
Toshkent davlat yuridik
universiteti rektori
R.R.Xakimov