DeBEeRAT??

وطن مجروح ، وطن نازف ، وطن باكي ، وطن خانوهو بالكاكي ...)💔

وطننا اليوم يجتمع ف آيتين
" كتب عليكم الصيام "
"وكتب عليكم القتال "
ربنا يرحم شبابنا ووطننا 😔💔

الحصل امس ف #القيادة دا حال عايشين فيو اهلنا الفي دارفور من سنه2003💔

‏لا جيش معاك لا دعم سريع معاك لا مجلس عسكري معاك ، معاك الله وأخوانك الفي الشارع بس.

الحصل أمبارح وبإختصار شديد/

كنا في شارع النيل ومترسين الشارع كلو ومترسين بي جهة جامعة الخرطوم هندسة، جاتنا تاتشرات دعم سرييع ياها تاتشراتهم وناسهم وأشكالهم البنشوفها كل يوم في الإعتصام وجا معاهم دفارين ولودر شالو الترس الأول بتاع شارع النيل مع كلية هندسة ودخلو علي الثوار في الترس البعديه وبدو يفكو فينا ذخيرة حية وقنابل صوتية لحدي ما حصلونا كبري الحديد وهناك ارتكزت تاتشراتهم ونحنا قاعدين هناك والناس بتقع قدامنا بالرصاص واصابات مباشرة في الراس وكمية بتاعت ذخيرة إتفكت فينا ما عادية ونحنا ما شايفين حاجه لمن وصلنا الكبري بس رصاص ودوشكا وثنائي بيتفكا ما معروف بيمشي وين والناس الجمبك بتقع في الأرض والمكان الجمبي بقى دم كلو وفي ٣ تاتشرات جيش كانت مرتكزة قريب لينا لكن ما اتحركو ولا فكو طلقة واحدة، الضرب كان شغال قريب الساعه وحاجة وشفنا مدرعات تابعة للدعم السريع جات داخلة انا جريت بالشارع التاني عشان امشي بي وراهم الترس التاني لحقته الترس ولقيت فيهو شباب كتار ارتكزنا قريب للمدرعات والرصاص لسه شغال جات شرطة عسكرية سايقة وراها تاتشرات دعم دخلو لناس الترس وفكو فيهم رصاص والناس مرات بتجري علي التاتشرات ودايرا تطلع فيها عدييل من كتر الغضب والهلوسة العشناها وبعديها بي نص ساعه القوات حقت الدعم السريع بدت تنسحب شويه شويه ووراهم جيش بيرجع فيهم والناس ماشه وراهم وبتهتف رغم الرصاص لحدي ما وصلناهم نهاية شارع النيل وسحبو مدرعاتهم ونحنا رجعنا التروس واقوى كمان وبقينا في المصابين الكتار.
نحنا ماعارفين الحصل شنو ولا المجلس العسكري قال شنو لكن الضربونا ديل دعم سريع وشفناهم ياهم الشفع البنلاقيهم في الميدان كل يوم، مافي كتائب ظل ولا مندسين بيكون عندهم أسلحة زي دي ولا مدرعات كتيرة زي، ما كان في إي تضارب بيناتهم ولا اشتباك كانو منظمين ومتناسقين وعارفين نفسهم بيعملو في شنو.

ياجماعة أفراد الجيش المعانا جوه الاعتصام في جزأ منهم مجردين من سلاحههم وكانو بيبكو معانا بي دموعهم لانهم ماقادرين يحمونا /البحير انو ليه ديل مامسلحين وديلك مسلحين وبساعدو في الدعم السريع على القتل ؟
أكتر ليلة مأساوية مرت على في حياتي بعد ليلة وفاة والدي ربنا يرحمو ليلة أمس دم في كل إتجاه في الارض في ملابسنا في جسمنا / والاصعب من كده إحساس العجز الكنت فيهو بالجد ماف أصعب من إنك تشوف حد بيضيع قدامك وانت ماقادر تنقذ روحو .
وما أصعب من إنك تشوف دم إخوانك سائلة في الارض وانت دمك جارية في عروقك جوه.

////الغريبة المجلس العسكري بقول ديل مندسين !!
واقسم لكم بما شفتو قدام عيني لا في مندسين ولا جن احمر الحكاية الحكيتها دي ده الشئ الحصل وقدام عيونا وأي زول كان في القيادة أمس عارف الكان بضربنا زخيرة منو ؟

#الاستباح دمنا وروحنا في شهر رمضان منو ؟
الناس الاستشهدت افضل مننا والله انا اقتنعت بي كده صيام وحر وهجير بالنهار وشهادة بعد اتمام صيام 😭😭😭😭
منقوووووول
لاحول ولاقوة الا بالله.

وين رفيده ياسين
وين الاء صلاح
وين اللمه الكانت دي

نص الشعب جبان
بتخافوا من الموت؟
خايفين تقابلوا ربنا؟
خايفين علي روحكم من الجنه ونعيمها

شفتوا خيابه وهم قدر ده؟

عاميلين جووطه ساي في الفاضل
لكن وقت الحاره الناس بتخاف وبتتدسدس في بيوتها
م بتخجل انت راجل منتظر حقك يجيبو الارجل منك؟

أي زول طالع من بيتم في الايام الجاية دي ماشي الشغل يعمل حسابو لأنو الشوارع مليانه #دم لسه ما نشف ..

خايفين عليكم تتوسخوا يا أفنديه ..

#إحترس_قدامك_دم_أخوانك

ننُوم كيفِن و أُم الشّهيد صاحية...
ننُوم كيفِن و أُم الشّهيد باكية..🚶‍♀💔🔥
كُل الشّوارِع دَم .. كُل البلَد صِيوان .. كُل المدائن غَمّ .. كُل البيُوت أحزَان.🔥

*"الله في نار البيوت.. الله حي لايموت."*

عارفين ديل يعني شنو ومفعولهم شنو
ديل ح يعملو الاتي
1/انسحاب ناس سيلفي القيادة
2/انسحاب ناس كنداكة رقمك كم
3/انسحاب ناس ح نعرس كنداكة وح نعرس جياشة وشفاته
4/انسحاب ناس الحفلات
5/انسحاب الحرامية
6/انسحاب المتحرشين
7/انسحاب ناس الجبنات
8/ظهور الشفاته

زمن #السلفي #والفارغه انتهي 🔥✌️

لا جيش معاك ✨لا دعم سريع معاك💦 لا مجلس عسكري معاك🐾 معاك الله واخوانك الفي الشارع بس 🔥 🇸🇩 🔥 ✊

بغض النظر عن كل شئ💔
بغض النظر عن مشاكلهم مع الشعب اللي هم اخوانهم منهم وفيهم لو بعرفو💔بغض النظر عن انو بطالبو بحقوقهم المشروعة ليهم وسلبوها منهم💔بغض النظر عن سلطة وحكم وغدر وخيانة💔،،،،
بس شي واحد اللي هو يضربو اخوانهم ومجازر في #شهر_رمضاااان كمان💔 شهر العبادة والناس تتوب عن الذنوب وتتصافي💔ضرب رصاص وقتل💔هم مسلمين زينا وزيهم معقول بس💔! خلي دين دا اصلا ما شغالين بيهو ديل بخافو من البشر اكتر من خالقهم وعمايلهم واضحة💔بس اقلاها إنسانية ساي ماف💔

حسبي الله ونعم الوكيل عليهم🔥
حسبي الله ونعم الوكيل عليهم🔥
حسبي الله ونعم الوكيل عليهم🔥

اللهم نستودعك الوطن واهله جميعا اللهم احفظهم بحفظك يا رحمن يا رحيم ، اللهم انصرهم اللهم ثبتهم يارب💔🙌

ﺿـﺎﺭﺑﻨﻲ _ﺑﻲ _ﺭﺻﺎﺹ ...
ﺣﺎﺭﻗﻴﻦ ﻗﻠﻴﺐ #ﺍﻣﻲ...
ﻗﺎﻳﻠﻨﻲ ﺑﺴﻜﺖ ﻟﻴﻚ..
ﻭﺍﻟﻠﻪ ﻣﺎ ﺑﺴﻜﺖ...
ﻭﺍﻟﻠﻪ ﺑﺲﺗﺴﻘﻂ...
#ﺗﺴﻘﻂ_ﺳﻘﻮﻁ_اﻟﻤﻮﻭﺕ...
ﺃﻧﺎ ﺣﻘﻲ ﻏﺎﺍﻟﻲ ﺷﺪﻳﺪ ...
# ﻳﺎ_ﻭﺍﻟﺪﻩ_ﺃﻧﺪﻫﻲﻟﻲ
ﺃﻧﺎ ﻣﺎ ﺑﺴﻴﺐ ﺣﻘﻲ....
#ﺣﻖ _ﺍﻟﺸﻬﻴﺪ _ﻏﺎﺍﻟﻲ
ﺩﻡ ﺍﻟﺸﻬﻴﺪ ﺩﻣﻲ...
# ﺃﻡ_اﻟﺸﻬﻴﺪ_ﺃﻣﻲ
ﺣﻖ ﺍﻟﻮﻃﻦ ﻣﻔﻘﻮﻭﺩ
ﻭﺍﻟﻠﻪ ﺑﻨﺠﻴﺒﻮﺍ...
# ﺟﻬﺰ- ﻋﺪﻳﻞ - # ﻛﻔﻨﻚ
- ﻱ -ﺍﻧﺖ -ﻱ - #ﻭﻃﻨﻚ
#ﺗﺴﻘﻂ _ﺗﺎﻟﺖ😭😭💔

إستشهد أربعة
والجرحى مية
والوجع زايد وحاشد في القلوب كمية
ي المجلس اسمع
ولد البلد
م باع قضية
حالف يشيل الدم قصاص
م راضي يشيل في اخوهو دية
ي مجلس ارجع
شوف الشوارع
قدمت كم للقضيه
كم وليد وكم بنيه
كم روح عشان تبقى عزه
شامخه وأبيه
ي مجلس اعرف
انو الشوارع مستعده
تزيدو ميه
ي مجلس افهم
انو البلد م راضيه بي موت الولد
بس السكوت فات الحدود
غلبو الصبر ....!
شارع ملان ثوار
حيكملو المشوار
حيعيشو بس احرار
لا طلقه لا بمبان
لا ضربه لا سيطان
لا كويه بالنيران
حتخلي ثائر يحيد
عن مطلبو الوحيد
ي مجلس خااف
ماف زول خواف
ي مجلس حس
ماف زول حيدس
قتلونا منو ...؟!
ناس دعمك ديل
ياخ شد الحيل ...
م عارفهم...!
طيب خلاص
ي مجلس فوت
الناس بتموت
طالعين وبنهتف
بي اعلى صوت
تسقطو تالت
ي حكومة الموت
#اعتصام_القيادة_العامة
#يسقط_المجلس_العسكري
#مجزرة_القيادة_العامة
#تسقط_تالت
#Ayah_Magdi

كل زووووول ينسخ البوست ده
بكره مليونيه
#مليونية_15مايو
زيييد الرصاص بنزيد في الناس
حباب الجنه الجات تدنـي🇸🇩🖤.

الليله مافى اتنين يا انت يا وطنك
امرق على الشارع جهز عديل كفنك
يا جبت حريتك يا الموت سلب بدنك...✌️🔥

ياااواحد يا أحد احفظ البلد😭

الشهيد محمد عبد المحسن
السكن شرق النيل حي الهدى استشهد بي طلق ناري في القياده اليوم 💔

ي جماعه هي الروح دي قدر شنو عشان نحافظ عليها بي خوف وجوع وفقر وعدم مستقبل

بعد ده الموت وجب ي ناس
صلي ليك ركعتين واتشهد وتعال القياده وي جبنا حقهم ي متنا زيهم
والعند ربنا احسن

الناس تطلع م تدخر روحك م تخاف انت سوداني وحق السوداني م بتقلع

هشام الجخ قال ( إن مات الاب فدا وطنا...م احلى عيش الايتام

واقفلوا معاكم القوس ده

#wadah