المشهد الأول
طفل عمرو 6 سنين
لطيف ؛ بريء ؛ همومو لطيفة متلو
الهم الأكبر يخلص دروسو ليطلع يلعب
منطقياً قلبو كبير كتير ؛ عقلو صغير

المشهد التاني
طفل أكبر 11 سنة
لسا البراءة ع وجهو
همو أكبر بشوي
منطقياً عقلو كبر أكتر ؛ قلبو لساتو نفس الحجم

المشهد التالت

مراهق بعمر ال 16
الحياة عم تسرق قسم من هي البراءة يلي بوجهو
همو كبير نوعاً ما ؛ دراستو؛ مشاعرو ؛ مخربط
عقلو أكبر ؛ ع حساب قلبو طبعاً هون رح يبلش يصغر شوي شوي

المشهد الرابع

بعمر ال 20
ما بقا في كتير ملامح براءة بدك تدقق بعيونو لحتى تلاحظها
همو كبير تماماً ؛ أكبر منو حتى
عقلو عم يكبر وعم يسحب طاقتو من قلبو يلي عم يصغر شوي شوي
نص الناس بيفقدوا قلبن بهي المرحلة

أنا بهي المرحلة ما بقدر كفي مشاهد تانية ما مريت فيها
بس يلي بعرفو إنو الحياة بتصغرلك قلبك خلال السنين
وبتكبرلك عقلك ع حسابو
أنا شخصياً قلبي كبير قد العالم ؛ في ناس عم يعطوني حبّ لكبر قلبي
في سلام وأمان عم داري فيهن النقص يلي أخدته الحياة مني

الحياة بتكبر العقل وما كتير بتحسب حساب لقلبك هي المنطق

أما الحقيقة
الحياة بتاخد من جهة ؛ والحبّ من الي حواليك بيرجع بعبيلك فراغاتك ؛ بعبيلك نقصك ✨