//د رحمت او مغفرت میاشت//
شاعر//زينت الله حیدري
د اسلام تر بیرغ لاندې هر انسان روزه روزه
مومنان روزه روزه
شرق او غرب،شمال،جنوب او ټول جهان روزه روزه
مومنان روزه روزه
چې دټول کال په جریان کې په مونږ یو ځلي راځي
داده میاشت بــرکتي
رب دهر ایام ثواب بنده ته خپله ورکوي
داده مياشت بــرکتي
دالله رب العزت ټول بندګان روزه روزه
مومنان روزه روزه
له اسمانه شو نازل پکې په پاک نبي قرآن
داده میاشت د رمضان
دنبیانو دسر تاج شو پکې پاک نبي سلطان
داده میاشت د رمضان
دنبي ټول امتیان دحق کاروان روزه روزه
مومنان روزه روزه
یو په لسه يې ثواب ده ستا د هر یو عبادت
دا ده میاشت د مغفرت
د الله له لوري اوري په مومن ملت رحمت
دا ده میاشت د مغفرت
په هر کنج ددنیاګۍ کې مسلمان روزه روزه
مومنان روزه روزه
دبنده او ذالجلال تر منځ وي کمه فاصله
پکې وکاږه توبه
په سجدو شه ذالجلال ته ای دپاک الله بنده
پکې وکاږه توبه
خوله او ژبه لاس پښې دواړه چشمان روزه روزه
مومنان روزه روزه
داده میاشت د مغفرت او دا ده مياشت د ورولۍ
ډېر ډېر خیال به يې ساتۍ
(حيدري) په کې خوند واخله د الله له بندګۍ
ډېر ډېر خیال به يې ساتۍ
دسپېڅلي پاک اسلام ټول خادمان روزه روزه
مومنان روزه مومنان روزه
@Haidari1
