* * *

Harholda, koʻzimga sanchilganda chang,
Yordamga shoshadi "toza" qoʻllarim.
Harholda, hamrohim qilganda nayrang,
Oyogʻim tanigay sodiq yoʻllarin.

Harholda, hech yerda qolmagan yukim,
Yelkamga olsam bas, ketaman tortib.
Harholda, payqasa sal ogʻu yuqin,
Tishlarim tilimni oladi artib.

Harholda, shuncha yil oʻzni yolgʻizlab,
Qoʻrquvga botgandim shu qadar chuqur.
Harholda, yuragim qolmapti muzlab,
Seni sogʻinyapman...
Xudoga shukur...

08.01.2018

@jaloliddinsayid