#Юмор_тиме
ҲАР ХИЛ БАЛО БЎЛҒУМ КЕЛУР
Бошим калдир, таъбим нозик, аё, дўстлар,
На кун битта янги хотин олғум келур.
Ёшим етиб олтмиш бирга, қартанг чолман,
Баҳовуддин суд раиси бўлғум келур.
Ўлиб қолса эски хотин вой-вой, дўстлар,
Қайта бошдан дунё сари келгум келур.
Учта-тўртта ўғлум бордур ўзимга тенг,
Шу ҳолимға ёш қизларни олғум келур...
Хотин олсам, билиб қолса, амалдорлар,
Енг учида назр-у ниёз бергум келур...
Абдулла Авлоний
1927-йил, 2-сон.
( орадан 93 йил ўтиб давоми ёзилди)
Ҳар тарафда қиз-у жувон кўрганимда,
Нафсга ўзни парвонадай ургум келур.
Билиб қолиб хотин тутса гар ёқамдан,
Кўзларига қарай олмай ўлгум келур.
Ёшим борди бир жойларга сочларим оқ,
Мол-у дунё йиғиб, даврон сургум келур.
Олтмиш ёшдан ўтдим, лекин ўлгим келмас,
Яна минг йил умр кўриб юргум келур.
Ёш хотинлар олай, мол-у умрим ҳам кўп
Бўлса дея минг ҳаёллар қургум келур.
Авлонийнинг сўзи ҳақдир, тан ол Шамсий,
Нафс қўлидан бир кун озод бўлгум келур.
Кобул Дусов 28.03.2020-й
T.me/jadidlar