ببداية طلعتهم كان الكل يحبهم بس صراحة كان ميولي الأكبر للأخرس ..
ما كنّا نشوف حدا عم ينتقدهم أو حدا عم يسيء الهم أبداً ،
كان الكل ينزللهم ستوريات وع كروبات البديل وصفحات الانستا و غيرو من مواقع التواصل الاجتماعي ،
تعبوا ع حالهم كثير والأرقام اللي عندهم بيتمنّاها أي حدا مشهور !
راح تحكولي الشغلة مو بالأرقام لأنو اللي بسمعولوا مواليد الـ 2007 وما فوق ،
طيب صحيح هالحكي ..
بس تعوا لا نشيل مشاهدات تبعين مواليد الـ 2007 وما فوق " مثل ما عم يدّعوا "
وقتها راح تلاقي ع كل غنية أقل شي 10 او 20 مليون مشاهدة من جيل الـ 2003 وما تحت ،
مو جاي لوضّح أنو الأرقام اللي عندهم قوية بدون فانز الـ 2007 ،
بس بعد ما نزّلت الفيس( وياريت ما نزّلتو ) صرت حس وقت أسمع لهالشخصين كأنّي عم أسمع تحريف للقرآن أو كأنّي عم أسمع كُفر ،
ما هو المشكلة مش هون ..
المشكلة مثلهم اللي عم ينتقدوه في بجوالاتهم ستوريات لأغانيهم وحتى أغاني إلهم !
الخُلاصة ..
لمّا تنتقد شخص انتقدوا باحترام مو ضروري تشوّه سمعتو وتشوّه التعب اللي تعبوا لحتى وصّل لهالمكان لأنو أني وأنت وغيرو بيتمنّى يكون عندو هيك شُهرة وهيك أرقام حتى لو كانت من مواليد الـ 2010 ،
وعفكرة مشان ما تفكروا أنّي جاي أعمل حالي الشخص الفهيم اللي بعرف يحكي كلمتين
أني شخص بسمع ( بديل و قديم و راب وكل هاد بقعدة وحدة)
فـ الأغنية اللي بحبها مش شرط ما اسمعها أو أخجل أسمعها لمجرّد شخص ما انتقد صاحب الأغنية ،
مثل ما أنت بتكره السيلاوي غيرك بحبو
ومثل ما بتحب جورج وسوف غيرك بكرهو ..
افهموا الانتقاد صح يا جيل الزمن الجميل .💛• حسين علوش
