للشاعر ظاهرحبيب الهليجي
طلعة شمس الاحرار --- ضوت خلف الاسوار
من ال الزجيه – بارض الكاظميه
---------------------
اكتب يا قلم عن هاي الاحزان – وخل موسى بن جعفر الهه عنوان
بين يا قلم ما معنى طغيان – وما بين النذر كل عمره قربان
اكتب يا قلم هاي – خل تعرفها دنياي
عاشك للمنيه – بارض الكاظميه
-----------------------------------
وينه الحاربك يبن الميامين – هاورن وطغاته الليله ميتين
عايش انته بكلوب الموالين – ظل كبرك يشع وي كبر الحسين
ما ينفع سجنهم – بصبرك كيدتهم
الهيبه الهاشميه – بارض الكاظميه
-------------------------------------
من سجن السجن خلصه مظلوم – ارفع شكوته للباري هليوم
إيمام الروافض جبده مسموم – لاكن ظل شمس بس همه لغيوم
كبره كعبه للناس – يا طيب الك ساس
ذليت الاذيه – بارض الكاظميه
-----------------------------------------

صبرك للسجن هدم كيانه – يل الكاظم فزت صيحت لسانه
يا شمعه امل صرت بمكانه – ضوة نورت حقبه زمانه
ضوه الكاظم الكون – هارون انته مسجون
ثبته القضيه – بارض الكاظميه
-----------------------------------------
يم بابك تجي صبح ومسيه – مولاي ابدمه تبجي المنيه
وينه المثلك تحمل اذيه – بس حسين اظن بلغاضريه
دم نبجي اعله فركاك – هذا الشيعي نادك
أمام الرافضيه – بارض الكاظميه
-------------------------------------------------