ДИЛРОЗ!!! ШЕЪРИЯТ


Channel's geo and language: not specified, not specified
Category: not specified


Шеърият олами
KUN REJALARI:
YAKSHANBA_ONA OTA HAQIDA SHERLAR
DUSHANBA_SEVGI HAQIDA SHERLAR
SESHANBA_DUST HAQIDA
CHORSHANBA AKA UKA QARIDOSHLAR

Related channels

Channel's geo and language
not specified, not specified
Category
not specified
Statistics
Posts filter


YouTubeda "Digi digi viji viji" videosini ko‘ring
https://youtu.be/t-xx5RwRbuw


YANA TASHAYMI SHERLAR
Poll
  •   Ha
  •   Yuq
2 votes


НЕГР ҚИЗГА УЙЛАНМАСАМ БЎЛМАС ЭКАН!

Ўзбек қизлар гапларимни олмас экан, 
Туркмани хам узун кўйлак киймас экан. 
Лўли эса вохей, тўғри келмас экан, 
Негр қизга уйланмасам бўлмас экан! 

Тожик қизни севдим лабин бужмайтирди, 
Ўзбеклари қошларини чимрайтирди. 
Тор кийишиб юрамиз деб жанжал қилди, 
Негр қизга уйланмасам бўлмас экан. 

Барчасини кўз остидан синаб кўрдим, 
Тўғри келиш келмаслигин ўйлаб кўрдим. 
Анча ўйлаб яна бир бор фикр қилдим, 
Негир қизга уйланмасам бўлмас экан! 

Туркманига бориб анча пулга куйдим, 
Узун кўйлак кўраман, деб бекор қилдим. 
Энди мана бор сиримни ошкор қилдим, 
Негр қизга уйланмасам бўлмас экан! 

Эртадан то кеч бўлгунча мехнат қилар, 
Кунга куйиб рўзғорингни обод қилар, 
Уйинг капа бўлса хамки шукр қилар, 
Негр қизга уйланмасам бўлмас экан! 

Қоронғуда тополмасдан тўлғонайин, 
Кези келса қайдасан ,деб қидирайин. 
Етар ахир қачонгача тоқ юрайин, 
Негр қизга уйланмасам бўлмас экан! 

Қиз қидириб бўйдоқлик хам жонга тегди, 
Ўзбек қизлар ўзларини ойдек кўрди. 
Румол ўра, десам менга юзин бурди, 
Негр қизга уйланмасам бўлмас экан! 

Кўмиргина юзларини сийпалайин, 
Ўзбек қизин хўб аламин келтирайин. 
Не бўлсаки пешонамдан кўрайин, 
Негр қизга уйланмасам бўлмас экан! 

Хатто мато олиб бериб юрмайман, 
Алламбало лаш-лушларни билмайман. 
Тегингина тайёр қизча олгайман, 
Негр қизга уйланмасам бўлмас экан! 

Рўзғорингда камчиллигинг юзга солмас, 
Солса хамки тилларини қушни билмас. 
Ғийбатчилар аралашиб уйинг бузмас, 
Негр қизга уйланмасам бўлмас экан!

@Mirabror_Mirxalilov


ОНАЖОН

Илон” чақса, гоҳо қолсам чорасиз,
Малҳам излаб келгум яна
ўзингизга.
Бошим силаб, бор дардимни
оласиз,
Лол қоламан она сизнинг
сеҳрингизга.
Қуёш тафти яширинми
дилингизда?
Ой жилваси юздаги нурингизда.
Қуёш дейму, оташ дейму
билолмайман,
Ўхшаш борми онажоним
ўзингизга ?
Дўстларим бор, шод кунимда
парвонадур,
Ёрим эса гўзал чоғда девонадур.
Бир зот борки: шод-қайғумда
ягонадур,
Таьма йўқдир она сизнинг
севгингизда !
Ўзи емай фарзандига қўяр она,
Ўзин эмас, дилбандини суяр она.
Керак бўлса юрагини ўяр она,
Таьриф борми онажоним
меҳрингизга ?
Сизникидир уйим тўри онажоним?
Сизникидир қалбим қўри
онажоним.
Тўғри йўлни кўрсатгувчи
жонажоним
Қиёсни ҳеч тополмайман
ўзингизга.
Ҳалолликни сингдирдингиз
аллангизла,
Садоқатни ўргатдингиз яллангизла,
Билсам пойингизда экан жаннат
ҳам,
Гул тўшасам камдир босган
изингизга.
Не қилсам арзир экан ризонгизга,
Бизларни деб чекан захмат
жафонгизга?
Фидо бўлсам тенг келарми онажон,
Еру-кўкка алиштирмас вафонгизга?
Қариганда қўлингизда асо бўлсам,
Нури қочса кўзингизга зиё бўлсам.
Елкамдамас, бошга қуйиб хажга
борсам,
Арзирмикан бедор ўтган
тунингизга ?
Нуридийдам узун бўлсин умрингиз,
Дилимдадир ҳар бир ибрат
сўзингиз.
Тополмайин бошин эгар
углингжиз…
Тўлов йўқдир онажон оқ
сутингизга!

@Mirabror_Mirxalilov


SevGi baribir shirin...

Bazan sog'inch qiynaydi,
Bazan utinch qiynaydi.
Nima bo'lsa ham mayli,
Sevgi baribir shirin.

Bazan qiynar masofa,
Bazan yor qilmas vafo.
Bersa ham ming bir jafo,
Sevgi baribir shirin.

Bazan hafa bo'lasan,
Bazan yig'lab kulasan.
Nima bo'lsang bo'lasan,
Sevgi baribir shirin.

Majnunlarni yondirgan,
Laylilarni yondirgan.
Ne'mat bu Alloh bergan,
Sevgi baribir shirin.

Kuydirsa ham dilni cho'q,
Sevgi bo'lsa ko'ngil to'q.
Ahir usiz hayot yo'q,
Sevgi baribir shirin...


©Komola Qiz

💚... @KamolaQiz ...💚


Sevib qoldingmi...

Ovval boshqacha eding,
Tushunmay qoldim seni.
Keyin birdan o'zgarding.
Sevib qoldingmi meni.

So'rab surishtiribsan,
Izlarimdan yuribsan.
Aytgin nahot rostanam,
Sevib qoldingmi meni.

Qarashlaring boshqacha,
Turishlaring boshqacha.
Yurishlaring boshqacha,
Sevib qoldingmi meni.

Bilmam ne bor ko'nglingda,
Balki men bor dilingda.
Do'stlarim aytishicha,
Suratim bormush senda.

Hayol surar emushsan,
Bazan biroz homushsan.
Har kun mening ortimdan,
Poylab yurar emushsan.

Qiziq judayam bu hol,
Agar kelmasa malol.
Beray senga bir savol,
Sevib qoldingmi meni.

Sezdirmasdan sevgingni,
Topolmaysan ko'nglimni.
Rostini aytgin menga,
Sevib qoldingmi meni.

Darding qilma dasturxon,
Izhoring qilma bayon.
Shundog'am bari ayon,
Sevib qolibsan meni...


©Komola Qiz

💚... @KamolaQiz ...💚


💚... T.me/KamolaQiz ...💚


Men judayam baxtliman...

Quvonch to'la ko'zimda,
Gul payondoz izimda.
Shukur bor har so'zimda,
Men judayam baxtliman.

Armonim yo'q qalbimda,
Yaqinlarim yonimda.
Hali bari oldinda,
Men judayam baxtliman.

Har onimda ming huzur,
Kamim yo'qdur hech kimdan.
Allohimga ming shukur,
Men judayam baxtliman.

Armon nima bilmayman,
Hijron nima bilmayman.
O'z-o'zimga sig'mayman,
Men judayam baxtliman...


©Komola Qiz

💚... @KamolaQiz ...💚


💚... T.me/KamolaQiz ...💚


Sizni juda sevaman...❤️

Sizni juda sevaman,
Tariflashga ojiz til.
Hatto jonim beraman,
Faqat sizni der bu dil.

Sizni juda sevaman,
O'zimdan ham qizg'onib.
Ko'zingizga qarasam,
Yonib ketaman yonib.

Sizni juda sevaman,
Hatto jonimdan ortiq.
So'rang jonim beraman,
Borim etaman tortiq.

Sizni juda sevaman,
Qanday berayin tarif.
Izhorimni yozishga,
Ojizlik qilar harif.

Sizni shunday sevaman,
Izhor qilolmam sevgim.
Lekin sizni hech qachon,
Mendek sevolmas hech kim.


©Komola Qiz

💚... @KamolaQiz ...💚


Nega...

Jonim-jonim deysan-u,
Jonimni og'ritasan.
Seni sevdim deysan-u,
Nega tashlab ketasan.

So'z aytishga so'z bermay,
Yo ketishga yo'l bermay.
Nega buncha qiynaysan,
Aytgin men nima qilay.

Shu kungacha indamay,
Jim tinglab keldim seni.
Ahir qiynalib ketdim,
Sen ham tushungin meni.

Agar ko'nglingda o'zga,
Bor bo'lsa ayt ketaman.
Meni sevolmaganga,
Suykalib men netaman.


©Komola Qiz

💚... @KamolaQiz ...💚


Qiz yo'q uyda sarin sabo esmaydi
Qiz yo'q uyda jambil rayhon o'smaydi
O'g'illarni ota bilan ishi yo'q
Qiz otasin har qadamda eslaydi
Ko'zlariga surgay yurgan izingiz
Qay o'g'ildan kamdir ayting qizingiz

Qiz yo'q uyda tonglar erta otmaydi
Tomda oftob ayvonda oy yotmaydi
O'g'il qanday do'st bo'ladi bilmadim
Qiz do'st bo'lsa siringizni sotmaydi
Og'ir kunda jovdiratmas ko'zingiz
Qay o'g'ildan kamdir ayting qizingiz

Umr daryo tolega kim kafildir
Qizning borar yo'li faqat sohildir
Qiz qadriga yetmaganlar g'ofildir
Qizli uyda yorug' bo'lar yuzingiz
Qay o'g'ildan kamdir ayting qizingiz

Dunyo ko'rki shu ko'zlari shahlolar
Qizlar borki chamanzordir sahrolar
Bir qayrilib Qaysni Majnun aylagan
Tohirlarni Tohir etgan Zuhrolar
Qiz tufayli butdir risqu-ro'zingiz
Qay o'g'ildan kamdir ayting qizingiz

Ayting kimni paymonasi to'lmagan
Qizi bor ota yot bag'irda o'lmagan
O'g'lim yo'q deb o'kinganlar johillar
Hatto Payg'ambarni o'g'li bo'lmagan
Bilib ayting aytar har bir so'zingiz
Qay o'g'ildan kamdir ayting qizingiz

(Muhammad Yusuf)

Aziz opa - singillar bayram muborak!

@Mirhalilov
@Mirabror_Mirxalilov


_🎙 Bu she'rni eshitishingiz kerak...

Har gal shu she'rni tinglaganimda yuragimdan ajib hisni tuyaman. Onajonlarimiz baxtimizga soğ-omon bôlishsin. Bizni deya dunyoning koʻp ne'matlaridan kechgan Onajonimiz Omon bôlsinlar....

BAYRAMINGIZ MUBORAK BÔLSIN ONAJON!


...Bir ikki so'm oshirganim bor,
Yuring, ketdik boramiz bozor.
Imkonim bor, ayting bemalol,
Nima kiygingiz kelyapti ona...😢


🥳🥳🤩🤩🌸🌷🌸🌷
Niyat qiling yomon bo‘lmasin,
Orzu qiling armon bo‘lmasin.
Yangi kunni qarshilang asta,
Olloh yo‘llarizga omad bog‘lasin.
Dildagi mehringiz bo‘lmasin ado,
Aziz boshingizni asrasin xudo.
Qalbingiz doimo quvonchga to‘lsin,
Barchaga bayram muborak bo‘lsin.
💐💐💐💐💐💐💐💐


✯┄┅┅✿❀♥️❀✿┅┅┄✯
Barchani bayram bilan chin dildan tabrikliman.Har kuningiz bayram boʻlsin mehribon opa -singillar😊
✯┄┅┅✿❀♥️❀✿┅┅┄✯


Video is unavailable for watching
Show in Telegram


Video is unavailable for watching
Show in Telegram


Нега шукр қилмаймиз?


Битта зоҳид-художўй киши,
Ибодатда экан туну кун.
Дарё суви тошиб ногаҳон,
Эгаллабди водийни бутун.
Бир қайиқда келиб одамлар,
Қутқармоқчи бўлишса уни,
Пинагини бузмай айтибди:
"Аллоҳ ўзи қутқарар мени".
Сув белига етгач, қайиқда
Келиб, дебдилар:-Чиқинг энди.
Зоҳид дебди: -Кетаверинглар,
Аллоҳ ўзи қутқарар мени.
Учинчи бор келибди қайиқ,
Бўғзига етганида сув.
Яна: "Аллоҳ қутқаради", деб
Ўз жойидан силжимабди у.
Зоҳид чўкиб кетиб, Аллоҳнинг
Ҳузурида бўлибди пайдо
Ва айтибди: - Бир умр сенга
Ибодатда яшадим, Худо.
Ва ўзингга таваккал қилдим
Нега қутқармадинг ўшанда?
Аллоҳ шундай жавоб қилибди:
-Нега тушунмайсан эй,банда?
Сувга чўкиб ўлмоғинг, демак,
Пешонангда ёзилган тақдир.
Сенга уч бор қайиқ жўнатдим,
Нега ўзинг чиқмадинг ахир?!

@Mirabror_Mirxalilov


ВАСИЯТ

Бева бирчол ўтди, бу ҳам бир ибрат,
Қасд қилдимки, ёзай шундай васият,
Отангизни уйлаб қўйинг, болалар.
Ўша куни "касал” бўлиб ёлғондан,
Болаларни чақиртирдим ҳар ёндан,
"Оҳ-воҳ”, қилиб, дедим: Айрилсам жондан,
Отангизни уйлаб қўйинг, болалар.
Умрим қанча, мен ҳам,
сиз ҳам билмаймиз,
Қазо қилсам, гап шу:
- Аза қилмайсиз,
Онам биздан рози бўлсин, десангиз,
Отангизни уйлаб қўйинг, болалар.
Келин, қизлар уй қизғониб турмасин,
Хотинига лабларини бурмасин,
Туфлиси чанг, ёқаси кир юрмасин,
Отангизни уйлаб қўйинг, болалар.
Сиздан бошқа уни ким ҳам ўйлайди,
Оғриб қолса ўша аёл қарайди,
Ҳоли сўраб, чой тутишга ярайди,
Отангизни уйлаб қўйинг, болалар.
Қўшнимизни ўлган эди онаси,
"Ёлғиз қолдим, уйланг”, деди, отаси,
"Йўқ”, деб қарши бўлди ҳамма боласи,
Отангизни уйлаб қўйинг, болалар.
Ота нораози бўлди-ю сал ўтмай,
Ётиб қолди, бир томони ишламай,
Ана, энди қарашяпти ухламай,
Отангизни уйлаб қўйинг, болалар.
Маъракамни ўтқазинг-у бўлиб жам,
Излаб, топиб, олиб беринг бир махрам,
Ўзингиз ҳам бўласиз тинч, хотиржам,
Отангизни уйлаб қўйинг, болалар.
Аввалом бор Аллоҳ, инсон боласин,
Дарду касал чангалига солмасин,
Ювиш, тўсиш келинларга қолмасин,
Отангизни уйлаб қўйинг, болалар.
Волидангиз аввал ўтса, агарда,
Отани ҳам, тирик кўмиб қўйманг-да,
Ёлғиз қўйманг, у ҳам ожиз бир банда,
Отангизни уйлаб қўйинг, болалар.
Ялининг, ёлворинг, топманг бахона,
"Уйланишга кўнмаяптилар”, дея,
Соғлигида, куч-қуввати борида,
Отангизни уйлаб қўйинг, болалар.
Ё ижара, ё уй олиб, тинч холи,
Келинларига тушмасин малоли,
Ҳар куни хабар олинг, қандай ахволи?
Отангизни уйлаб қўйинг, болалар.
Бу отангиз сизни катта қилгунча,
Тинмаганлар, тонг отиб, кун ботгунча,
Уй сол, тўй қил, сарфлаган қанча ақча,
Отангизни уйлаб қўйинг,болалар.
Юз ховлига кирдим, уйлаш-чун сизни,
Юра-юра ковушларим йиртилди,
Битта чолни жуфтлаб қўёлмайсизми?
Отангизни уйлаб қўйинг,болалар.
Ўзи айтмас, сиздан ҳаё қилади,
Хотирамга хурмат бажо қилади,
Лек ёлғизлик уни адо қилади,
Отангизни уйлаб қўйинг, болалар.
Битта уйда ёлғиз ётса отангиз,
Сиз қандоқ ҳам хотин билан ётасиз?
Падаримни рози қилай,
десангиз,
Отангизни уйлаб қўйинг,
болалар.
Полпис хотин топиб,
қийнаман яна,
Чолим ўзи тақводор,
пок, олифта,
Доно, хушрўй аёл топиб,
албатта,
Отангизни уйлаб қўйинг,
болалар.
Бирларингиз уй топиб,
тайёр қилинг,
Бирларингиз сеп ёйиб
тайёр қилинг,
Отангизнинг тоқ
юришин ор билинг,
Отангизни уйлаб қўйинг,
болалар.
Ота рози – Худо рози
билволинг,
Уйланг, боқинг, хуллас,
хушнуд қилволинг,
Дуо олиб жаннатларга
кирволинг,
Отангизни уйлаб қўйинг,
болалар.
"Уйланипти”, деб, жуфти
халолимни,
Ким устидан кулса, агар,
чолимни,
Худойимга солдим ўша
золимни,
Отангизни уйлаб қўйинг,
болалар.
Марҳабо дер: Кўп
яшасин, илохим,
Неча йиллик қадрдоним,
ҳамрохим,
Ёлғиз қолса, чирқирайди
арвохим,
Отангизни уйлаб қўйинг,
болалар.
Тарбиялаб, ғалвангизга
бериб дош.
Умрингиз ёритди ўша
қуёш,
Кўнмаса ҳам, оёғига
уриб бош,
Отангизни уйлаб қўйинг,
болалар.

@Mirabror_Mirxalilov


ЯРАТГАНГА ТАШАККУР

Хўжайиним уйқудан,
Турди авзойи чатоқ.
Сўрасам, индамади,
Туш кўрдими ёмонроқ?
Айтмоқчи эдим, афсус,
Рўзғоримиз камини,
Бундай пайтда чиқариб
Бўларканми дамимни?!
Жаҳли чиқади баттар,
Кечга овқат қилмасам.
Ё хат ёзиб қўлига,
Тутқазсамми, Билмасам?:
"Бу - камчилик рўйхати”
Десам, аниқ, ўламан.
"Сизга ишқий мактуб
бор, Жоним”, - дея қоламан.
Хатни шундай бошладим:
"Салом, қалбим Қуёши!
Қўли очиқ, март, доно,
Оиламизнинг боши,
Сиз - суянчим, сиз –тоғим,
Сиз - жонимнинг парчаси,
Бўшаб қолди, Шунқорим,
Рўзғоримиз халтаси.
"Ахли аёлингизга
Келтирган ҳалол луқма
Садақа бўлади,” деб,
Ёзилган бир ҳадисда.
Сизчи, барака топкур
Қанча жонни боқяпсиз,
Ҳалол пул топиб, сарфлаб,
Тоғ-тоғ савоб оляпсиз.
Бу савоблар олтинга,
Айланишиб, албатта,
Сизга бир қасир бўлиб,
Қад кўтарсин жаннатда.
Ахли аёл сиз учун,
Аллоҳ берган омонат,
Улар деб ҳар бир босган,
Қадамигиз – ибодат.
Мана рўйҳат: Гўшт, гуруч,
Ёғ, шакар, сабзи, пиёз,
Нўхат, пишлоқ, картошка,
Ун ҳам оласиз бир оз.
Қўй гўшти нафис, енгил,
Суяги ҳам мазали.
Ёғсизгина жойидан,
Оласиз-да, асали.
Айтгандай, охирини,
Едик бугун асални,
Ўзингиз айтасиз-ку,
Асал, ҳайдар касални.
Шоколаднинг ўрнига
Қантак ўрик оласиз,
Ёнғоқ, майиз, наматак,
Ейиш керак боламиз.
Яна меҳмон-измонга,
Писта, мағиз, бодом йўқ.
Бозор қилишда сизга,
Етадиган одам йўқ.
Ёғсиз қатиқ ҳам олинг,
Юзларимга суришга,
Юз ҳам овқат емаса,
Кеб қолади қуришга.
Қалам қошни тўкади,
Ўсма ўстирар майин,
Қошимга ҳам сув керак,
Қайнонам айтгандайин.
Майли унутсангиз ҳам,
Ёзганларим ҳаммасин,
Ўсмам билан қатиғим,
Эсингиздан чиқмасин.
Пахта ўраб бир чўпга,
Тўнкариб пиёлани,
Ўтирибман олдимга,
Қўйволиб тошойнани.
Ахир, ўзингиз учун
Ясанаман, куламан,
Ўсмамни унутсангиз,
Аниқ йиғлаб бераман.
Унутмайсиз, албатта,
Сиз менинг йўғу-борим,
Харид учун олдиндан
Рахмат сизга, Шунқорим.
Сарфлаган ақчангизни,
Аллоҳ ўзи ҳаммасин,
Ҳар сўмини миллион, Йўқ!
Миллиард қилиб қайтарсин.
Сизни ўпиб қолгувчи,
Ва севгувчи умрбод,
Тантиққина ёрингиз,
Маликаи Турандот”.
Шомда қайтди хўжайин,
Ишонч билан ўзига,
Халта-халта нарсани,
Териб қўйди сўрига.
Қатиқ билан ўсмани,
Қўйиб шундоқ олдимга,
Болаларга билдирмай,
Шипшиди қулоғимга:
"Биринчи бор умримда,
Пул сарфлаб яйрадим,
Сизга ички кўйлак ҳам,
Сотиб олдим асалим”.
Мана сизга сўз сеҳри,
Камлар битди, минг шукур.
Аёлга ақл берган,
Яратганга ташаккур.

@Mirabror_Mirxalilov


ОЁҒИ ЙЎҚ КЕЛИНИМ


Олтмиш ёшда кенг уйнинг
Келини бўлдим ўзим
Ховлини супирётсам
Кириб қолдилар қўшним
Деди: - "Келинлар қани?"
Унга тегишиб дедим:
- Уй-уйларига ҳайдаб,
Янги келин туширдим.
Қўшним деди: - Ё, тавба!
Хазиллашманг, ўргилай.
- Нега хазиллашаман,
Тўйиб кетдим, не қилай?!
Куйлуклик келинимга,
Куйлукдан уй кибердим,
Чорсулик келинимга
Чорсудан уй кибердим.
Икки кунда соғиниб,
Колишарди онасин,
Яқин бўлсин, ичикиб,
Ўлиб-нетиб қолмасин.
Келинлар ўртасида
Қози бўлиб ўлардим.
Яна озгина турсам,
Юрак касал бўлардим.
Юрардим иккаловин
Қош-қовоғига қараб,
Айланай, ўргилай деб,
Ишга солардим алдаб!
Содда қўшним дер: - Унда,
Янги келинлар қани?
- Кичиги уй тозалаб,
Каттаси кир ювяпти.
Кичиги қўл-оёқли,
Чанг-ғуборим қолмади.
Тўрт уйни тозалаб ҳам,
Қовоғини солмади.
Кир ювяпти каттаси,
Оёги йўқ келиним,
Қоши, кўзи, лабида
Бўёги йўқ, келиним.
Ички кийимларимни,
Ювдираман бемалол,
Бировга айтса-чи деб,
Булмам хижолат, усал.
Ўзи сувин кайнатиб,
Ювиб, чайиб толмайди,
Тили йўқ қайнонасин,
Ғийбат қила олмайди.
Кирин бир ғарам қилиб,
Тўплаб қўймайди жомга.
Сочларининг қилини
Ташлаб чиқмас хаммомга.
Зарда қилиб, эрига
Олайгувчи кўзи йуқ
Қайнонани йиғлатар,
Захар-заккум сўзи йуқ.
Ишингни қиляпман, деб
Менга қовоқ солмайди.
Ит феъли келиб қолса,
Тишлаб-тишлаб олмайди.
Иккала овсин иноқ,
Камчиқимлиги зўр-да,
Бошқоронғу бўлишар,
Бири чанг, бири кирга.
- Бу келинлар қаерда
Турган экан? - дер қўшним.
- Чорсудаги "Келинлар Дўкони" дан обкелдим.
Юринг, кўринг, ғинг демай,
Бажаришар ишини,
Хаммомга олиб кириб,
Таништирдим қўшнимни:
- Бу кирмошин "Элжихон",
Катта келин ўрнида,
Оёғи йўқ,тили йўқ,
Кир ювади қорнида.
Бу чангютгич "Самсунгой",
Кичик келин супургим.
Шу десангиз бу "қиз"ни
Кореядан туширдим.
Буларнинг тугмасини
Боссам, тамом, иш битар.
"Элжихоним" кир ювиб,
"Самсунгхоним" чанг ютар.
Менинг хизматимни қил,
Деб эри бақирмайди.
Менга қаранг, деб инжиқ
Боласи чақирмайди.
Фақат бир ўзимники,
Қўйган жойда туради
Мен тўхтаганда, тўхтаб
Мен юргизсам, юради.
Олиб келдим таксида
Ёр-ёру улан айтиб,
Отасининг уйига
Хаётда бормас қайтиб.
Дедим: - Шу келинлардан
Олинг сиз ҳам, илтимос.
Биттагина айби бор,
Бола туғмайди холос.
Яна уч-тўрт ками бор,
Тузатса булар фақат.
Ота уй - заводига
Юбордим бир таклиф хат:
"Ассалому алайкум,
Қудажонлар, айланай,
"Элжихон" қизингизни
Қабул қилдим қизимдай.
Бир-икки нуқсони бор,
Тўғирласа бўлади.
Ўзбек қайноналарин
Шунда кўнгли тўлади.
"Ассалому алайкум!",
Десин мени кўрган он.
Тугмасин боссам десин:
"Хўп бўлади, Ойижон".
Салом бермаган келин
Ахир келин эмас-да.
Ярашарми иш айтсанг,
"Хўп бўлади", демаса?!"
Купроқ сўрасангиз ҳам
Майли қалин пулини.
Ҳар гал "Бисмиллох" айтиб,
Уч бор чайсин кирини.
Билмадим қандай экан,
Урфу одат сизларда?
"Бисмиллох"сиз ҳеч нарса
Халол бўлмас бизларда.
Бўлсин ўзбегу корейс,
Қардошлиги бардавом,
Мархабохон қудадан
Сизларга катта салом!
Не гаплигин тушуниб,
Қўшним кулдилар роса.
У ҳам уч келин билан,
Қилар эди муроса.
Қўшним деди: - Бошингиз
Оғриса, ким ушларкан?
Дедим: - Бошим оғриғи
Мана шу келинлардан.
Оғритган ўзлари-ку,
Ушлаган ҳам ўзлари.
Эрин хизматин қилиб,
Қўша қарисин баъри.
Келинларга озодлик!
Тинчлик чолу кампирга!
Қўшним секин ёрилди:
- Мен ҳам чарчадим жуда.
Улларга уй олиб,
Бир-бир чикарвораман.
Тугмаса хам мана шу,
Келинлардан оламан.
Дедим қиқирлаб: Бўлди,
Нафақани оламиз,
Чорсудаги дўконга,
"Совчиликка" борамиз.

@Mirabror_Mirxalilov

20 last posts shown.

180

subscribers
Channel statistics