الشاعر مجيد الصالحي

الكعبـه سدو بابهه وقـبر النبي والاوصياء:
ظاگت الدنيه علينه وقفلـت ابواب السماء:
ارحم الناس ابرحمتك:
ياالاهي انته وفزعتك:
ياالاهي…..ياالاهي:
…………………
مذنبين ابرحمتك اعطف علينه يارحيم:
ياغفـور ويـاشـكور وياسميع ويا عليم:
بـجـاه عـيسى وحـب مــحـمد والـكليم:
بحيدر ولــده انـتقرب ابدعانـه ياعظيم:
ماكو غيرك للدعاء
زاد اعلينه الوباء:
ياالاهي………ياالاهي:
…………1………
چنه من يــوم القـــيامه والابو عاف الابن:
وم ولـد تـركت ظناها بحــجر عايـفته يون:
ملتهي كلمن بروحه الناس بخيافه وحـزن:
حته الــدفنه شنيعه الخلگ كامت تندفن:

نرفع اعليك الايادي:
ارحمنه ياربي ننادي:
ياالاهي……. ياالاهي
………2………
ظاگت بهـمهه عليـنه والفـرج يــابو الفرج:
الذنب كلــه من أدينه اي وحـق ذاك العرج:
نحترف بـهل البشر منـطوره ودينه خرج:
بيادعاء ندعليك ونـدري دعــانه بي حرج:

خاف ماتقبل دعانه:
ياحلم اشتد بلانه:
ياالاهي……… ..ياالاهي:
………3………
لازيـاره ولا حجيـج بــهل سنـه هاي التمر:
بلكي ترحمنه ابرحمتك تنطي من عندك امر:
تنفتـح الــكعـبه اليـنه وبـيها انطــوف ونمر:
وتفتـح ابــواب المـناير الذهــب ذيج الحمر:

نزور حيدر الامام:
وتكشف الغم والظلام:
ياالاهي……… ياالاهي:
………4………
الروح مهظومه بذنبها وتختنگ وكت المسيه:
ربي يــــاربي دخليك وانته احكم بـل قضيه:
أشتـدت اعلينــه بلاهـه وقسـت هــاي الدنيه:
يارؤوف انتـه ابـعبادك ارحم النـاس التـــقيه:

يالــي عينك ماتنام:
عم عله الناس السلام:
ياالاهـي………… ياالاهـي
………5……
……………
مجيد گيطان الصالحي
https://t.me/joinchat/AAAAAFJ2DjoE5ZanyQUWUw

اه يـتوديع الفواطم من مشه وسار الظعن:
چـنه عــاشر…… چـنه عــاشر:
اه مــن عند المدينـه لكربله النـوگ اطلعن:
بـل حراير..…. بـل حراير:
………………………
ذيچ التودع ابنـها وذيـچ اخوها.....تنتخيله:
وطفله حيل مـعانقه رگبت ابوها….تشتكيله:
تريد تمشـي ويـالظـعن ماركبوها.....العـليـله:
جنهاعاشر مـن مـحرم هم حيوها....جنهاليله:

اه هم بيها نياحه وعافو اديار الوطن:
حسين حـاير…… چـنـه عاشر:
…………1…………
لزمت ام عـباس ابنها وســولفت.....يابنـي لاله:
مـوش تتعـذرهـا اخيتك لــونخت...بـــالـكـفاله:
وحدي الناگه اعله هونك لومشت....مو عجـاله:
وعــدل الهـودج بـعـد لـو نـوخت....وشـدحباله:

اه يبو فاظل على امك گربن ايام الحزن:
كلـه باچر…… .چنـه عاشر:
…………2………..
باچــر يصـير الحـزن بـاول نـهار....مـن يروحون:
لوحده الحادي وگطع بيها مسار...وساگ الظعون:
ويمسح الريح البگت مــن الاثار....ومـا يــــردون:
اه يـافـرگ الاحــبه چــنــها نـار....دمـــــع العيون:

اه يافراگ الاحبه عيون من عندي شلعن
وبيش اناضر…….. چنـه عاشر:
…………3……..
هـوا اليفارگ محب ينتظر جيه…..بالكن يعود:
بس المودع الحسين عله المنيه...يلبس السود:
وعگب كافله ترد زينب سبيه…. فـااگـد ازنود:
يبقى نايم عـل نـهر بالغاظريه.....وحده ممدود:

اه يزينب فاگده الكافل ومظيـعه الحسين:
بنص عساچر……… چنـه عاشر:
…………4…………..
وسفه اخت عـباس ابذاك الدرب….تمشي اسيره:
تشاهد اخوتهاضحايه بهل حرب....كـــلـه غــيره:
ويـن تنخـه عگـب سادات العرب….يـــا عـشيره:
والي تحدي اظـعونها وادم غرب....هيـــــه حيره:

اه يامصاب العقيله على خوتها الطيبين:
وكسر خاطر……چـنه عاشر:
……………5…………
………………
مجيد گيطان الصالحي
https://t.me/joinchat/AAAAAFJ2DjoE5ZanyQUWUw