ميم هنا| لتصنع أثر? ?.

ترددت في اني اكتب هالكلام او لا ، لكن بقوله لعل وعسى يكون له اثر طيب وتشجيع لكم💗☁.
.
اليوم بعد العشاء تقريبا واحنا نشرب الشاي فرحت لما امي قالت انه كانوا مسويين اليوم محاضرة حق افتتاح مسجد وهي حزينة لأنها ماراحت ، وهذا المسجد ساهموا فيه اهل الخير الله يسعدهم عشان يبنوه للنساء وكله من فضل الله وان شاء الله بنصلي فيه ونقرأ فيه قرآن برمضان ، والله يتقبله خالص لوجهه يارب ويكتب اجر من ساهم في بناءه يارب ، اللي بقوله لكم تسابقوا للأعمال الخيرية ، اذا سمعتوا ان في بئر بينحفر او مسجد بينبنى او افطار صائم او اي شي يكون صدقة جارية لكم وعندكم قدرة حتى لو ريال واحد ! لاتبخلون ابدا ، يمكن هو الشي اللي به ربي يحرم وجوهكم عن النار ، وفكرة حلوة كمان تخلين في اللي بتساهمين به نية لك ولصديقاتك ووالدينك وموتانا وموتى المسلمين ، محتسبة بذلك الاجر من الله ، تخيلوا صديقتي تدخل من فلوسها بنيتي في بناء مسجد واجي يوم القيامة انصدم بالأجر وجبال الحسنات !!خير الوفااء والله 😭💗💗 واكيد هذا الشي بيسعد الموتى في قبورهم ، واللي يعين الناس ربي بيعينه بإذن الله حتى بعد موته بيسخر له اهل الخير اللي يدعون له وما ينسونه ، خلوا لكم اثر طيب في الحياة ، مصحف او سجادة او سبحة تهدونها احد، دراهم تدخلونها في عمل خيري، نصيحة تنصحونها لأحد فتغيره للأفضل بإذن ربي ،كلمة طيبة ' فالكلمة الطيبة صدقة'، تذكير بالاستغفار والذكر في مواقع التواصل ، كونوا نبيهين ولاتضيعون فرصتكم في الحياة واسألوا الله الهداية والصلاح احبتي في الله 💗🌿.

ربي قال { ولقد خلقنا الانسان في احسن تقويم } ، وتدلعي ياقلبي بماسكات ومقشرات واشياء حلوة، رأي الناس فينا ما يهمنا ، رضاك عن نفسك هو اللي بيخلي اللي حولك حابينك ومتقبلينك على ما انتي عليه ، وغايتنا الاولى والاخيرة رضى الله مو احد سواه ، وتخلي عن اي شي نفسك تبغاه وربي ما يرضاه ، ومن ترك شيئا لوجه الله عوضه الله خيرا منه ،
واخيرا ؛ حبوا انفسكم يا اصدقائي ، لا تسوين شي يضرك وماينفعك لمجرد ان نفسك تبغاه او لمجرد انك ترضين الناس ، والله يجعلكم صالحات مصلحات راضيات مرضيات يارب💗☁.
.
وادعوا لزينب بالشفاء لعل دعوة احدكم تستجاب 🌿💗💗.

قلت لكم في مرة من المرات ان 'طريق الجنة ماهو مفروش بالورود ' يعني ايش؟ يعني ان الوصول للجنة مو سهل ، بتتعبين كثير ، تطيحين وتقومين ، بتجاهدين نفسك كثير في ترك الحرام ، ويا كثر المحرمات اللي تغرينا ، ونميل عن الطريق الحق بسببها واحنا ما ندري ، تبين ترتبين حواجبك بالنمص ! لا ترتبينها لأنه حرام وهذا شي ربي مايرضاه ، نفسك تبي تنمص وربي يقول ما ارضاه ! هل بتتبعين هوى نفسك؟ ، معناه تفضلين رضا هوى نفسك على رضى الله ولا! ، اجتهدوا في الوصول للجنة عشان تنالونها ، ولا تأجلون التوبة لأن محد يضمن عمره متى ينتهي ، ارضي بقسمتك اللي ربي قسمها لك ، واحنا كلنا حلوين لو نرضى باللي ربي قسمه لنا ، حبي حواجبك وحبي شعرك على ما خلقتي عليه ، صدقوني اللي يسوي الحرام مو مثل اللي مايسويه ، الاول تبع هوى نفسه وعصى ربه وحصاده ايش؟' رضى نفسه وغضب الله وذنوب' ، والثاني ترك اللي يحبه لوجه الله وربي بيعوضه خير مما تركه لوجهه ويحبه ويرفع درجته ، وبيكون مطمئن وراضي عن نفسه وماهو خايف يموت وهو يرتكب معصيه ، اسعوا لأنكم تكونون الافضل عند الله ، ربي خلقنا حلوين عشان كذا احنا نحب حواجبنا وشعورنا على ماهي عليه ؟كذا ولا مو كذا!💗

مساء الخير يا حلوين ، كيف حالكم؟ اتمنى يكون يومكم كان خفيف ولطيف يارب، والحمدلله على كل شي💗.
.
كلنا نعرف حكم النمص ووصل الشعر ، وكلنا حافظين الحديث حق ' لعن الله النامصة والمتنمصة و الواصلة والمستوصلة والواشمة والمستوشمة ' وللأسف الشديد ، صار عادي النمص والوصل ، واكثرها شيوعا نمص الحواجب ، اسوء شي ممكن يحصل انك تعرف ان الشيء محرم وتستهين فيه وتمارسه وكأنه شيء'عادي' ، حتى ماصار يجينا تأنيب ضمير من الحرام تدرون ليه؟ لأننا نموه للحرام في بالنا حتى يصير كأنه حلال ! ونصير مطمئنين واحنا نسويه ، وحدة تنمص وتقول والله ما انمص بس انظف حواجبي ! او توصل شعرها وتقول بس في الزواج! ، الحلال واضح جدا والحرام واضح ، عدم الاعتراف بالخطأ يدمر كل ذرة احساس فينا ببشاعة الحرام وبإنتهاك حرمة الله ، لما تغلطين وتقنعين نفسك او بمعنى اصح ' تخدعينها ' بإنك ماغلطتي وتحطين اعذار لنفسك ! ابدا مارح تتصلحين لأن كل شي بيصير عندك عادي ، وكذا بتصيرين تتبعين هواك وتسوين كل شي تبغينه ،

زينب مريضة يا اصدقائي ، ادعوا لها من كل قلبكم ان ربي يشفيها ويعافيها وتقوم بصحة وعافية ، ادعوا لها بالوتر الله يسعدكم..💔

على قد ما كنت اكره اللون الأخضر ! انا صايرة اكثر وحده تحبه ، تأسر قلبي الطبيعة الخلابة ، الله لا يحرمنا جنته يارب يارب، كنت بقولكم استمعوا للقرآن كثيير وانا اعني كلمة' كثير'، سماع القرآن يرقق القلب ويلينه ، يخليك تحبين الحياة ، وتنشطين للطاعة ، يخليك تصلين بخشوع وتلذذ ، يتقشعر بدنك وانتي تتأملين الآيات ، يشرح صدرك ويزيل همك ، ويصغر الدنيا بعينك عشان تكون الآخرة اكبر همك ، يالله على الشعور الحلو اللي فيني الحمدلله!💗☁ ، الله يبلغنا جنته يارب ويجمعني بكم على سرر متقابلين ، خلوكم مزهرين مهما حاولت الحياة تضيق عليكم ، خلوكم قويين ودائما مشرقين وواجهوا مواقفكم بإبتسامه ،وروا الحياة انها ماتقدر تزعلكم طول مافي قلبكم ايمان وطول ما الله معكم وانتو تحبونه وتثقون فيه ،الله يجعلنا من اصحاب هالآيات الجميلة من سورة الواقعة ، وسورة الواقعة من السور اللي قريبة لقلبي جدا جدا تأملوا هذه الآيات جيدا واستشعروها في مكان هادئ💗💗🌿☁.

لاتنسون الوتر قبل تنامون ، واذكاركم وسورة الملك ، وتصبحون على خير وسعادة💌.

، اهم شي في هذا كله تنظيم الوقت اهم شي اهم شي مثلا انا بنشر شي في القناة ، بحدد لي عشر دقائق بالكثير واول ماتخلص اقفله ، وكل شغلة تسوونها اذكروا الله وانتو تسوونها ، عشان ايش! تستفيدون من كل لحظة وتستحقون عليها الاجر بإذن الله ،لا للكسل كل ماجيتي تتكاسلين استعيذي بالله وارجعي اقوى، كل عمل تسوينه حطي فيه النية الطيبة والاجر، وممكن تصلين اقاربك برسائل تطمئنين عليهم او تزورينهم ساعة مثلا وترجعين وفي الطريق اذكري الله وانتي رايحة وانت راجعة بعد ،ولا تتلفظين الفاظ سيئة ولا تغتابين احد،وابتعدوا عن مجالس الغيبة حتى في جمعاتكم ، يلا هذا جدولي تقريبا وبإذن الله ، احتاج استفيد منكم بالمزيد واحتسبوا الاجر في ذلك☁🌿💗.
جعلنا الله من الصالحات المصلحات يارب ووفقنا في رمضان للطاعات🌜💗.

تصدقي بعد حتى اذا ما قدرتي تطلعين من البيت اعطي اخوك او ابوك يعطي اي مسكين يلاقيه ، واكثروا من الدعاء في كل حين ، فالدعاء في رمضان مستجاب بإذن الله ادعوا للموتى وابائكم واخوانكم ولكل من تحبون ولاتنسون اخوانا المستضعفين في بلاد المسلمين ، وترقبوا ليلة القدر في العشر الاواخر ، ليلة خير من الف شهر💗💗 الله يبلغنا اياها، لازم لازم يكون لكم في بيتكم ختمة جماعية 'انتي وامك وابوك واخوانك واذا جدك او جدتك معكم' هالختمة بيكون مثلا كل يوم جزء او جزئين ، تاخذون مصاحفكم وتجلسون كأنها حلقة وكل واحد يقرأ جزئية لين تختمون' ، وتسحروا فإن في السحور بركة ، بعد ماتتسحرون وتخلصون اجلسي استغفري واذكري الله لين يأذن الفجر عشان تصلين وتجلسين في سجادتك تقرأين قرآن الين يجي وقت الشروق صلي ركعتين واذا بتنامين ! نامي💗💗 ،،، الشي الاخير قيام الليل قيام الليل ، اجمل شي وقت صلاة الليل وقت تكونين فيه انتي مع الله وبس ، تبوحين وتفضفضين وتدعين ربك بكل مافيك ' لا تضيعون هالصلاة ابدا ابدا واختموها بالوتر ، جنة القلوب 💗

حددي لك ساعة او ساعتين تكون ذكر انتي وعائلتك او لوحدك اذا ما اتفقت اوقاتكم ، هالساعة او الساعتين كلها تستغفرين وتكثرين من الباقيات الصالحات ' سبحان الله والحمدلله ولا اله الا الله والله اكبر ' ، الصلوات في اوقاتها وبتأني وتقريبا ورد القرآن بعد كل صلاة تقرئين جزئية حسب تقسيمك وعدد ختماتك اللي ناوية تختمينها ، لما تطبخون للإفطار حاولوا تطلعون لجيرانكم شوي من اللي طبختوه حتى لو مو كل يوم ، العزائم في العشر الاولخر يفضل انه مايكون فيه عشان نتفرغ للطاعات وماتاخذ من وقتنا ، تجنبوا الاسراف في طبخ الاكل الكثير عشان ما ينكب بعدين ، وممكن تعطون العمال اللي يشتغلون في الاماكن اللي جنبكم ' ومارح اقولكم شكثر راح ينبسطون '،،، كل صباح خذي لك علبة صغيرة حطي فيها ماء وارفعيها سطح بيتكم او في الحوش عشان الطيور ، الاطفال الصغار دايم يقولون 'نبي نصوم' واهاليهم قد يرفضون ، فلا تمنعونهم بالعكس شجعوهم ، صلاة التراويح اكثر شي فيه روحانية حافظوا عليها حتى اذا مو في المسجد صليها في البيت ' والمسجد يشجعك اكثر عشان لا تتكاسلين'،اختاروا قراءات جميلة لمشايخ تحبونهم وانا راح اضع لكم فيما بعد اصوات بعض القراء اللي احب اسمع لهم وخلوا صوت القرآن يصدح في بيتكم بالطمأنينة والسكينة ، في الليل خذي مساحة لنفسك ساعة او نص ساعة اذا بتعتنين بنفسك او تتابعين محاضرات دينية او اي شغله بتسوينها اهم شي ماتكون معصية ، اهم شي حاولوا تبتعدون عن المسلسلات لأنها مجرد ضياع وقت واغلب المسلسلات الحين حتى المحتوى فيها غير لائق ، فحاولوا قدر الامكان تبتعدون عنها خصوصا واحنا في رمضان ، هو شهر واحد بس ، لا تضيعونه 💗

بما ان الشهر الفضيل على وشك انه يقبل علينا ، نعتبره ضيف وبنستقبله ولا!💗 اكيد كلنا نفكر شلون نستغل الشهر ومايخلص الا واحنا متغيرين ، فمن الحين خلصوا كل شي يلهيكم ، نظافة ، سوق ، خرجات ، ' حاولوا بعد تستبدلوون الكتب اللي تقرؤونها زي الروايات بكتب مفيدة ونافعة مثل' لأنك الله، او علم نفس قرآني،صور وخواطر لعلي الطنطاوي ، مواعظ الصحابة ، يوم نبوي ' والتمسوا الفائدة في هذه الكتب وبإذن الله راح تخرجون منها بفوائد كثيرة تغيركم للأفضل ولاتملون من القراءة، وانا تقريبا اخترت علم نفس قرآني واذا قدرت اخلصه بدري اخذت بعده مواعظ الصحابة بإذن الله ، شي ثاني تعودوا على صلاة الضحى من الحين صلوها عشان ماتستثقلونها في رمضان ، وجهزوا سبحكم عشان تذكرون الله بها ، وذكرت السبحة بالذات لأن من تجربتي احسها افضل وتخليني اذكر وقت طويل ، الشي الثاني جوالكم استخدموه في التذكير لغيركم مبتغيين بذلك الاجر بإذن الله ولاتخلوه يلهيكم ويضيع وقتكم ، والشي الاكيد كلنا مجهزين انفسنا للختم في رمضان ، حاولوا تختمون مرتين وثلاثة ولو قدرتوا اربع ، خلي لك من الحين سورة او سورتين تحفظينهم في رمضان كل يوم جزء مثلا ' البقرة' و ' آل عمران '! للي مو حافظتهم عشان تجيك كغمامتين' تظلك في ارض المحشر يوم لاظل الا ظله وحتى اذا ماخلصتيهم قبل رمضان تكملينها بعده💗☁ ،

تغذية سمعية ، القارئ: عمير شميم🌿💗.

بقولكم حاجة الحين نبي نجهز قائمة اشياء حلووة نسويها برمضان ، او انتو تسوونها دائما كل رمضان ، او حتى ناويين تسوونها ، ونتشارك الفائدة ونتذكرها بعدين في الجنة بإذن الله ، المهم ارسلولي الأشياء اللي حابين تسوونها في رمضان وارتبها في قائمة وانزلها في القناة وبإذن الله نطبقها ونتشارك الأجر ، 💗 http://t.me/b9bot?start=NMx-SA

حمااسي لرمضان ألف والله ، عاد انا دايم اذا تحمست حماس مبالغ افكر داخلي اقول شكلي بموت قبل اوصله😂😭، بس جد احس كل رمضان اكون متحمسة اكثر من اللي قبله ، الله يجعلنا فيه من السابقين بالخيرات يارب ويوفقنا للطاعة ، لما يكون الصباح كله صلاة وقراءة قرآن وذكر ، والعصر تجهيز الفطور والحوسة حقته ويالله تخلصين عشان تسرعين تقرين ورد العصر من القرآن ، عشان لايتراكم مع حق المغرب ، بعدين نفطر ونستعد للصلاة ، ونروح نصلي في المسجد، ترجعون تغسلون المواعين وتداركون وضع البيت ، تجلسون مع اهل البيت امك وابوك واخوانك وتجيبون مصاحفكم تجهزون ختمة للقرآن لكم مع بعض ، كل واحد يقرأ جزئية بالدوور ، مثلا كل يوم جزئين او ثلاثة، يارب بلغنا ياارب😭، رمضان شهر اعتبره هديه من الله عشان نرجع نطمئن بعد 11 شهر من العام ، نجتهد كثيير فيه عشان نترك الاشياء اللي ماترضي الله ، كثير يقولون نفاق انهم يخلون المعاصي في رمضان بس لا انا اقولكم ' ومن يعظم شعائر الله فإنها من تقوى القلوب' الله راح يحب اجتهادك وتعظيمك لهذا الشهر الفضيل ومجاهدة نفسك فيه على ترك المعصية ، بس لا تحطين بقلبك انك تتركين مثلا سماع الاغاني بس في رمضان ! لا انوي بقلبك انك بتتركين المعصية ومارح ترجعين لها واسألي الله يثبتك على الحق ، واحذركم من تضييع الوقت في رمضان في المسلسلات والافلام ، احذرككم بقوة ، دايم افكر اقول الحين انا جالسة كذا اكيد في ناس ماتوقف ذكر وسعي للجنة 💗💗 استغرب من اللي يقول جا رمضان شهر المسلسلات! ، رمضان شهر الطاعة يا أصدقاء، شهر القرآن ، فيه سكيينة وروحانية التراويح ، شهر العتق من النيران ، فيه الشياطين تكون مصفدة، اصدقائي الله يبلغنا اياه واحنا ومن نحب والمسلمين بخير ، والله يرحم من كانوا معنا رمضان المضى وهم الآن في باطن الأرض ، اللهم انهم كانوا يشهدون لك بالوحدانية ويعظمون هذا الشهر الفضيل ، الله يرحمهم ويغفر لهم يارب ويتقبلهم بقبول حسن ، الله يجعلهم يتقلبون في نعيم الجنة الذي لايفنى ياارب😢💗.

امس ارسلت لصديقتي اسأل عنها وتفاجأت انها متضايقة جدا جدا ، ولما توصف لي حالها وشكثر كرهت كل شي حزنت جدا 😢وهنا بقولكم انه لازم لازم ننتبه لمشاعر الناس اللي حولنا خصوصا اذا كانوا ناس نحبهم ، هي متضايقة لأنها تتحفظ بمشاعرها اللي تضايقها من تصرفات الناس اللي تحبهم ، ولا تقدر تصارحهم لانها خايفة تخسرهم ، ويمكن هنا في نقطة مهمة قد ماننتبه لها كثير ، راعوا مشاعر الناس وخصوصا اللي تحبونهم مثل ما تهتمون لمشاعركم واكثر
والشي اللي يزعجك حطي احتمال انه ممكن يزعج غيرك وابتعدي عنه، عاملوا الناس مثل ما تحبون يعاملونكم ، كونوا انيقين في اختيار كلماتكم ، وفي تصرفاتكم ، راح يسألنا الله عن الشعور السيء اللي نتركه في قلوب من حولنا ، الكلمة اللي نطلعها بدون لانحسب حسابها ، ممكن تجرح اللي قدامنا ألف جرح مايبرى ، وتذكروا ان اللي نحبهم يحتاجون مننا احتواء ، حتى لو كان بكلمة وحدة تسعدهم ، تعودوا بينكم وبين اللي تحبونهم تتصارحون ، يعني اذا شي يضايقك في الشخص المقابل اوتصرف منه ماعجبك ! بادر وصارحه عشان لايرجع يخطأ في حقك ، ممكن الواحد يتحمل ويكتم داخله مرة واثنين وثلاثة ! لكن تراكم المشاعر السلبية ممكن يولد برود في علاقاتكم باللي تحبونهم ، وراح تحسونهم ثقيلين عليكم ، بالتالي ممكن تنهار علاقتكم وقتها ! وشي جميل ان صديقي يصارحني بشغلة مني له ضايقته ، عشان ما ارجع مره ثانية اعيدها وانتبه اكثر ، كذا نحافظ على علاقتنا صافية ونقية بإذن الله 💗.

اصدقائي الجدد اهلا فيكم ،والله يجعلكم شاهدين لي يوم القيامة ويجمعني بكم في جنته وشكرا لكل من تعنى ونشر رابط القناة ، الله يسعدكم فردا فردا 💗.

السوشيال ميديا يا اصدقائي سلاح ذو حدين ، اما تستخدمه صح ،ويكون حجة لك يوم القيامة ، او تستخدمه عكس الصح ، ويكون حجة عليك ، بالله وش علينا من التعليق على الناس بتعاليق بذيئة وسيئة ، والسخرية في العلن ، يا اما ارسل فيديو واعلق عليه تعليق سيء ، يا اما صورة وكمان اعلق فيها تعاليق سيئة ، او تحت منشورات الناس برضو اعلق تعليق سيء!! وايش النتيجة ،؟؟ ذنوب جاارية
والتعاليق الواحد يستحي يقراها ، اعوذ بالله ، نسأل الله العافية ، ما احد مجبور يتابع احد ، والمشاهير احنا اللي نتابعهم ونخليهم مشاهير، لذلك اذا ماعجبك المحتوى ألغي المتابعة واطلع ، كافي خيرك وشرك ، مافي شي يستاهل تحط عليه ذنب جاري وتروح وتخليه ، تبي تنصح انصح بأسلوب ، لكن لا تقذف بالأعراض وتكتب تعليق جارح وتروح تتركه ، انت بتنساه بس ربي ما ينساه ولا صاحب الحساب يمكن ينساه ، بيجي يوم القيامة في قنطرة المظالم يسترد حقه منك وتذكروا هالكلام ' ليس المؤمن بالطعان ولا اللعان ولا الفاحش ولا البذيء' يساعدنا هالكلام على اننا نتخلق بالخلق الجميل ونعف نفسنا عن بذيء الكلام ، والنصيحة لما تكون بأسلوب تنقبل برحابة ويمكن ربي يهديه في يوم ، لكن انت جاي تتهجم عليه معقولة ياخذ نصيحتك؟ ارتقوا يا اصدقاء ارتقوا
سووا اللي عليكم من الامر بالمعروف والنهي عن المنكر بأسلوب راقي بالكلام الطيب ، اذا استمع لك كان بها والا! قال تعالى ' ولا تزر وازرة وزر اخرى ' والله الهادي.
انتبهوا لأنفسكم ولجوارحكم انتبهوا من حق الناس ترا ربي يغفر كل شي بإذنه الا حق المظلوم.💌