MIKRE AIMRO | ምክረ-አዕምሮ™

ጊዜ ይጠራችሁ!
➡️➡️➡️🗣️
ራሳችሁ ላይ በመስራታችሁ ሰዎችን ለመጥላት ጊዜ ይጠራችሁ፣ ራሳችሁን በመውደዳችሁ ሰዎችን ለመናቅ ጊዜ ይጠራችሁ፣ ራሳችሁን በማክበራችሁ ሰዎችን ለመግፋት ጊዜ ይጠራችሁ። ትኩረታችሁ ሁሉ ራሳችሁ ስትሆኑ ለአሉታዊነት ጊዜና ቦታ ታጣላችሁ፣ በራሳችሁ ችግር ላይ ስታተኩሩ፣ በዋናነት ለራሳችሁ ቅድሚያ ስትሰጡ፣ ሁሌም በራሳችሁ የግል ጉዳይ ስትወጠሩ ከአላስፈላጊ ድራማና ጫወት ነፃ ትሆናላችሁ። አይናችሁን ጨፍኑ፣ በልባችሁ ፊትለፊታችሁን ተመልከቱ፣ ጥልቅ ፍላጎታችሁ ላይ አነጣጥሩ፣ ስሜታችሁን፣ ትኩረታችሁን፣ ሀሳባችሁን ሁሉ እርሱ ላይ ጣሉ። ማንንም በክፉ አይን ለመመልከት፣ ከማንም ጋር በቅራኔ ለመቆም፣ ማንንም ለማስቀየምና ለማሳዘን ጊዜ ይጠራችሁ። ሰዎችን መክሰስ ያቆማችሁ እለት ራሳችሁን መቀየር ትጀምራላችሁ፣ በሰው መመቅኘትን ከውስጣችሁ ያወጣችሁ እለት በረከታችሁ መብዛት ይጀምራል። ከምንም በላይ ውስጣችሁ ባለው ጥሩ ስሜትና ፍላጎት እመኑ፣ ከየትኛውም ውጫዊ ሃይል በተሻል ከውስጥ ባለው ብርቱ ሃይል ተመሩ።

አዎ! ጊዜ ይጠራችሁ! ለክፋት፣ ለምቀኝነት፣ ለተንኮል፣ ለሴረኝነትና ለዘረኝነት ጊዜ አይኑራችሁ። ብዙዎች ጊዜ ለማሳለፍ ብለው መጥፎ ስራ ላይ ይሰማራሉ፣ ብዙዎች በትርፉም በዋናውም ጊዜያቸው አጀንዳቸው ሰዎች ይሆናሉ። ከራሳቸው ጋር ጊዜ ማሳለፍ የማይፈልጉ፣ የውስጥ ጩሀታቸውን ማዳመጥ የሚፈሩ፣ በአንድም በሌላም አጀንዳዎች የታጠሩ ሰዎች ከራስ በላይ ለሰውና ለማይመለከታቸው አጀንዳዎች የሚሰጡት ብዙ ጊዜ አላቸው። "ራሴን እወደዋለሁ፣ ለራሴ ቦታ አለኝ፣ ራሴን አከብረዋለሁ፣ ራሴን የተሻለ ቦታ ማድረስ እፈልጋለው" ካላችሁ ለየትኛውም ዋጋቢስ ከንቱ ነገር ጊዜያችሁን አትስጡ፣ ከማንኛውም የማይረባ ጎጂ የውድቀት አስተሳሰብ ካለው ሰው ጋር ህብረት አይኑራችሁ። ከእናንተ ውዴታና ፍላጎት ውጪ ማንም ሰው ወደ ህይወታችሁ መጥቶ ጊዜያችሁን ሊወስድባችሁ አይችልም። ከራስ ተርፎ ለማይጠቅም ነገር የሚውል ትርፍ ጊዜ እንደሌላችሁ አስታውሱ፣ ራስን ከማዳን የሚቀድም ምንም ብርቱ ጉዳይ እንደሌላችሁ እወቁ።

አዎ! ጀግናዬ..! ውጭ ውጩን መሮጥህን ቀንስ፣ የማይመለከትህ ጉዳይ ውስጥ መግባት አቁም፣ ዙሪያህን ፋታ በማይሰጥ ነገር ማጠር ይቅርብህ። ስለሰዎች ክፉ ማሰብህን እስክትረሳ፣ ከዓለም ፍቅር መላቀቅህን እስክታስተውል፣ በአምላክህና በፈጣሪህ ሀይል መተማመንህ እስኪገባህ ከራስህ ጋር የጠበቀ ትስስር ይኑርህ፣ ከገዛ ማንነትህ ጋር በፍቅር ውደቅ። የለውጥ ሁሉ መጀመሪያ ራስን መውደድ ነው፤ የእድገት ሁሉ መሰረት ደግሞ ራስን ከልብ ማፍቀር ነው። ብልጭልጯ ዓለም ጊዜያዊ ነገር እየሰጠችህ እንድታዘናጋህ አትፍቀድ፤ በዙሪያህ ያሉ ሰዎች ብዙ ጉዳይ እያቀበሉህ የራስህን እንድትረሳ እንዲያደርጉህ አትፍቀድ። ምርጫህ ከባድም ይሁን ቀላል ታመንለት፣ ፍላጎትህ ብዙ ጥረት የሚፈልግ ቢሆንም ባይሆንም ራስህን ስጠው። ራስን መውደድ ምንም ይሉኝታ የለውም፣ ለራስ መልካም ፍላጎት መገዛት ነውር አይደለም። ትርፉን ሳይሆን ዋናውን ጊዜ ለራስህ ስጥ፣ ትኩረትህን የሚስብ ነገር ስላጣህ ሳይሆን መጀመሪያውኑ ራስህ ላይ አተኩር፣ ራስህን በማብቃት ቢዚ (Busy) ሁን።
ግሩም ድንቅ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

📣💥 ስልጠናችን 1 ሳምንት ብቻ ቀርቶታል!

የተግባር ሰው መሆን!
BEING PRACTICAL

❗️ፈጥነው ይመዝገቡ!

✍️ ለመመዝገብ በዚህ አድራሻ መልዕክት ያስቀምጡ
@epha_aschalew or
0960411282

ምክረ-አዕምሮ ለተሻለ ነገ! 🦋

የታየህን አሳይ!
፨፨፨//////፨፨፨
አዲስ ንጋት፣ አዲስ ጀምበር፣ አዲስ ብረሃን፣ ልዩ በረከት፣ ልዩ ስጦታ ከአምላክ ውጪ ከሌላ የማይታደል፣ ከማንም የማይሰጥ እጅግ የተዋበ ስጦታ ዛሬ። በግሩም ቀን ግሩም ተግባር ያስፈልገናል። የአምላክን ድንቅ ስራ ማስታውስ፣ በፈጣሪ መልካም ተግባር መደነቅ፣ የእጆቹን ስራዎች ማስታወስ፣ በየመንገዱ የወደቁ ነፍሳትን መርዳት፣ ለወገን መድረስ፣ ወገንን ማሳረፍ፣ ከጎኑ መቆም፣ ከመጣበት መከራ በተቻለን አቅም ለመታደግ መጣር ይጠበቅብናል። አንዳንዴ ተፈጥሮ ትዛባለችና የእኛን የማስተካከል ድርሻ ትፈልጋለች። ሚዛኑን የሳተ ኑሮ መጨረሻው ጥፋት ነውና ሙሉ በሙሉ ሚዛኑን እንዲጠብቅ ማድረግ ባትችል እንኳን ደጋፊውን መደገፍና፣ ከጎን መቆም ትችላለህ። የንጋትህ እዳ አለብህ፣ በሰላም ያየሃት፣ በጤና የደረስክባት ብሩህዋ ዛሬ አደራ ጥላብሃለች። ያለምክንያት ለዛሬ አልደረስክም፣ የዛሬን ብረሃን በሙላት አልተመለከትክም።

አዎ! ጀግናዬ..! የታየህን አሳይ፣ ያለህን አካፍል፤ ብረሃኑን ለሌላውም አብራ፣ የአምላክህ ማመስገኛ ሁን፣ በመፅዋች እጆችህ መፅውት፣ የተራቡ ወገኖችህን፣ የተጠሙ ነፍሳትን ከልብህ አስባቸው፣ በቻልከው ድረስላቸው። ሰው መሆን ፈተና ነው፤ በተለይ የተቸገሩ ነፍሳትን እያዩ ዝም ማለት ሰውነትም አይደለም። ምንም ማድረግ ባትችል ከሁሉ የሚበልጥ ፀሎትና ተማፅኖን በጉያህ ይዘሃል። የፀሎት መፅሐፍህን አንሳ፣ ስለተቸገሩ ነፍሳት ፀልይ፣ ስለደከሙ እናት አባቶች ተማፅኖህን አቅርብ፣ ለሚሰቃዩት እንስሳት ቃልህን አውጣ። አዛኝ ልብ በመከራው ጊዜ እረፍት የለውም፤ በሰቆቃው ሰዓት ሰላም አይሰማውም፤ በእርዛቱ ሰዓት ሳቅ ጫወታ አያምረውም። አስተዋይ ነውና የወገኑ ህመም ያመዋል፤ ስቃዩ ይደርሰዋል፤ ችግሩን ይጋራዋል።

አዎ! ምናልባትም ካለህ መቁረስ ላይጠበቅብህ ይችላል፣ ህመማቸው ከተሰማህ፣ ችግራቸውን ከተጋራህ ግን ትልቁ አበርክቶትህ ይሆናል። ለወገን በማሰብ ውስጥ የሰውነት ደስታ አለ፤ ሰውን በመርዳት ውስጥ ጥልቁ ሰው የመሆን ባህሪ ይታያል። ማንም ለእራሱ እንደፈለገው በልቶ ጠጥቶ ማደር ላይከብደው ይችላል፣ ነገር ግን ሰው የመሆናችን አላማ ለእራስ ጉርሳችን ብቻ እንድንኖር አይደለም። ከእራስህ በላይ እጅህን ለሚጠብቁ፣ ምፁዋትህን ለሚናፍቁ ነፍሳት መድረስ እንዳለብህ አስብ። ተመችቶህም እያማረርክ፣ ሳይመችህም እያማረርክ ህይወትን መግፋት አትችልም። የፈጠሪህን መቅድም፣ የአምላክን መልካም ፍቃድ ጠይቅ። ጠንክረህ አጠንክራቸው፤ ጎብዘህ አጎብዛቸው፣ ሰርተህ አሰራቸው። የመጣህበትን የህይወት አላማ አሳካ። እንዲሁ ከንፈር መጠህ፣ አዝነህ፣ አንገትህን ደፍተህ ዝም የምትል እንዳልሆንክ አስተውል። አቅሙ አለህ፣ ብርታቱ አለህ፣ በበረከቱ ተሞልተሃልና ወገንህን ለመርዳት፣ ለመታደግ እንዲሁ የአምላክህን ፍፁም በረከት ለመቀበል ወደኋላ አትበል።
ግሩም ድንቅ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

ዘግተህ ስራ!
➡️➡️🗣️🗣️
በዝምታ ውስጥ፣ ያለምንም ኮሽታ፣ ምንም ሳታሳዩ እንዲሁ በድብቅ ስትቀየሩና ስታድጉ ሰዎች መቼና የቱጋ ሊያጠቋችሁ እንደሚችሁ አያውቁም። የዓለም ጥበበኞች፣ የምድር ታላላቅ መሪዎች፣ ህይወትን በአግቡ የተረዱ፣ አቅማቸውን በሚገባ ያወቁ፣ ተደብቆ የማደግ ሃይል የገባቸው ሰዎች ትናንትም ተደብቀው ይሰራሉ፣ ዛሬም ዝም ብለው ይሰራሉ፣ ነገም እንዲሁ ከብዙዎች ተሸሽገውና አቀርቅረው ራሳቸውንና ግዛታቸውን ይገነባሉ። ሰው አውቋችሁ እናንተ ግን ራሳችሁን ባታውቁት፣ ሰው አጨብጭቦላችሁ እናንተ ግን ውስጣችሁ ባዶነት ቢሰማችሁ፣ ዓለም ስማችሁን እየጠራ አመስግኗችሁ እናንተ ግን ራሳችሁን መውደድና ማክበር ቢሳናችሁ ትርፋችሁ ምንድነው? የምርም ምንም ትርፍ የላችሁም፣ እንዴትም ሰላማችሁን ልታገኙ አትችሉም። መስሎን እንጂ ከውጭ የሚመጣ ነገር ሊያሳርፈን አይችልም፣ መስሎን እንጂ ከዓለም የምናገኘው ነገር ሙሉ ሊያደርገን አይችልም። በጥቅሉ የህይወት ትርጉም ያለው ግልፅ በወጣውና ሰው በሚያውቀው ማንነታችን ውስጥ ሳይሆን በተደበቀውና ማንም ሰው በማያውቀው የብቸኝነት ህይወት ውስጥ ነው።

አዎ! ጀግናዬ..! ተደብቆ የሚሰራን ሰው ሰዎች አያውቁትም፣ ሰዎች ሊረዱት አይችሉም፣ ሰዎች በፍፁም ሊገባቸው አይችልም። ብቻህን ስትሆን ምን ታደርጋለህ? ማንም በሌለበት፣ ከፈጣሪ በቀር ማንም በማያይህ ሰዓት ምን ትሰራለህ? ማንም ሰው ሰፊ ማህበራዊ ህይወት ቢኖረው እንኳን ብቻውን ሲሆን የሚያደርገውን ነገር መርጦ የሚያደርግ ከሆነ ያለምንም ጥርጥር ህይወቱ ከብዙዎች የተሻለ መሆኑ አይቀርም። ብዙዎች ብቸኝነትን አጥብቀው ይፈራሉ፣ ብዙዎች ተደብቆ ማደግ ያስጨንቃቸዋል፣ ብዙዎች ሰው ካላያቸው የሰሩም አይመስላቸውም። ነገር ግን በቀዳሚነት የሚኖረው ለሰው ወይም ለዓለም ሳይሆን ለራስ ነው። ራስህን ካላዳንክ የዘመናት ልፋትና ጭንቀትህ ሁሉ ከንቱ ነው። ጥረትህ ሁሉ አደባባይ በወጣ ቁጥር፣ ለውጥና እድገትህ ሁሉ ግልፅ በሆነና ሰዎች ባወቁት ቁጥር እንቅፋቶችህ እየበዙ፣ በላይ በላይ መሰናክሎች እየተደራረቡብህ፣ አቅምና ተነሳሽነቱ እያጣህ ትመጣለህ። ሀይልና ብርታትህ፣ ንቃትና አሸናፊነትህ ከማንም እንዴትም ልታገኘው የማትችለው ስጦታህ እንደሆነ አስተውል።

አዎ! ብዙ የለውጥና የእድገት መንገዶች ይኖራሉ፣ ብዙ የስኬትና የከፍታ መንገዶች አሉ ነገር ግን የትኞቹም ተደብቆ የማደግን ያህል በቀላሉ ለትልቅ ውጤት ሊያበቁ አይችሉም። ብዙ ጠላት ካልፈለክ በርህን ዘግተህ ስራህን ስራ፣ ብዙ እንቅፋት ካልፈለክ ለሰው ሁሉ ሚስጥር ሁን፣ ረጅም ርቀት መጓዝ ከፈለክ ለማንም የግል ጉዳይህን አታሳውቅ። ብዙዎች ግልፅ አለመሆን ንቀት ይመስላቸዋል፣ ብዙዎች ራስን ከድራማ አርቆ በራስ የግል መንገድ መጓዝ ጥላቻ ይመስላቸዋል። ነገር ግን ሰው መሰለው ማለት እውነት ነው ማለት አይደለም። ትልቁ ድል ራስን ንቆ በሰው መከበር ሳይሆን ከሆነ ራስን አክብሮ በሰው መከበር ካልሆነም ራስን አክብሮ፣ ራስን ከልብ ወዶ በሰው በመገፋት ብዙ አለመረበሽ ነው። የየትኛውም ታላቅ ስኬት ሚስጥርህ አንተ ጋር ነው፣ የማንኛውም መሰረታዊ ለውጥህ መነሻ አንተጋር ነው። ህይወት ትርጉም የሚኖራት ዘመኑን በሙሉ ለሰው በመኖር ሳይሆን ለራስ ኖሮ ለሰው በመትረፍ ውስጥ ነው። ጊዜ ወስደህ ከሰው ሁሉ ተሸሽገህ በመኖርህ እትሸማቀቅ፣ ከምንም በፊት ለራስህ ለመድረስ በመሞከርህ አትፈር። ዘግቶ መስራትህን መገለጫህ፣ ተሰውሮ ማደግንም ማንነትህ አድርጋቸው።
ግሩም ድንቅ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

መድመቁን እወቅበት!
➡️➡️➡️➡️🗣️🗣️
ሌሎች ማድረግ የማይፈልጉትን አንተ ታደርጋለህ፤ ብዙዎች ማወቅ ያልፈለጉትን አንተ ታውቃለህ፤ ሌሎች መማር የማይፈልጉትን አንተ ትማራለህ፤ ብዙዎች ለመስራት የሚያፍሩበትን አንተ ትሰራለህ፤ እነርሱ የማይመርጡትን የተለየ ምርጫ አንተ ትመርጣለህ፤ ብዙዎች የሚጠየፉትን ስራም በኩራት ትሰራለህ። የክብርህ ማነስ ከሰዎች መለየትህ ሳይሆን ሌሎች ስለቆዩ ብቻ በማትፈልገውና በማይገልፅህ ስፍራ መቆየትህ ነው። በመንጋው መዋጥህ መኖርህን እንዳያሳጣህ ተነጥለህ መታየቱን፣ አዲስ ተግባር መተግበሩን አትፍራ።

አዎ! ጀግናዬ..! እለት እለት በእራስህ ቀለም መድመቁን እወቅበት። እነርሱ ማድረግ የማይፈልጉትን ስላደረክ፣ በእርግጥም እነርሱ ያላገኙትን ነገር ታገኛለህ። አቅምህንና የሚያዋጣህን የምታውቀው አንተ እስከሆንክ ድረስ ማንም የህይወት ምርጫህን እንዲወስንልህ አትፍቀድ። ብዙዎች ባለመፈለግ ቢያፈገፍጉ አንተ ግን ከብዙዎች ተነጥለህ፣ ከጥቂጦቶች ትቀላቀላለህ፣ በእራሳቸው መንገድ ከሚጓዙት ጋር ጉዞህን ትቀጥላለህ፤ የብዙዎች ምኞት የሆነውን ህይወት አንተ ትኖረዋለህ፣ ለብዙዎች ሃሳብ የሆነውን ነገር አንተ በቀላሉ ትፈፅመዋለህ፣ ለብዙዎች ቅንጦት የሆነውንም ለእራስህ መደበኛ ታደርገዋለህ።
ግሩም ድንቅ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

🔴ℹ️ ዛሬ ምሽት 12:00 ሰዓት

የዝምተኛ ሰዎች 10 ድብቅ ባህሪያት
10 HIDDEN TRAITS OF SILENT PEOPLE

⚠️ የዝምታን ሃይል ለመጎናፀፍ የግድ እነዚህን ነገሮች ማድረግ ይኖርባችኋል!

አሁን SUBSCRIBE 🛎  አድርጋችሁ ጠብቁኝ!
👇👇
https://www.youtube.com/channel/UCSdpYXLmn4YzEzA3y_Qn64A?sub_confirmation=1

የትኛው ላይ ነህ?
➡️➡️➡️🗣️
ከሶስቱ የትኛው ላይ ነህ? ስቃይ ላይ? ትምህርት ላይ ወይስ ለውጥ ላይ? ከሶስቱም ውጪ ከሆንክ ግን ህይወትም ብዙም ላንተ እያዳላች አይደለም። ካወቁበት ዛሬ ስቃይ ላይ ያሉ ሰዎች መዳረሻቸው በምንም የማይቀለበስ ለውጥ ነው፤ ከገባቸው አሁን ከስቃያቸው በሚገባ የተማሩ ሰዎች በቅርቡ የለውጥን ጉዞ ይቀላቀላሉ፤ አሁን በለውጥ መንገድ ላይ የሆኑ ሰዎች ደግሞ በሚያስገርም ሁኔታ ከዚህ ቀደም የማያውቁትን የተለየ ማንነትን እየገነቡ ነው። የእይታ ለውጥ የህይወት ለውጥ ነው። ከራስህ ጋር ሰላም ብትሆን፣ ውስጥህን ብታረጋጋ፣ ህይወትን ከልብህ ብታጣጥም ዋናው ቁልፍ የሆነብህ ነገር ሳይሆን ለሆነብህ ነገር የሰጠሀው ምላሽ ነው። እንዲሁ በተቃራኒው ከራስህ ጋር ሰላም መፍጠር ቢሳንህ፣ መረጋጋት ቢያቅትህ፣ ህይወት ፊቷን ብታዞርብህ የዚህ ሁሉ ዋና መሰረት የሆነብህ መጥፎ ነገር ሳይሆን ስለሆነብህ መጥፎ ነገር የሰጠሀው ግብረ መልስ ነው። ሁን ብለው ስቃይን የመረጡ፣ አውቀው ውጣውረድ ውስጥ የገቡ፣ ከዛሬው ህመማቸው ጀርባ ያለውን ድል አስበው ዛሬ በፍቃደኝነት የሚሰታመሙ ሰዎች ያለምንም ሌላ መመዘኛ በምርጫቸው ብቻ ታላቅ ሰዎች ናቸው።

አዎ! ጀግናዬ...! የትኛው ላይ ነህ? ወደህም ይሁን ተገደህ፣ መርጠህም ይሁን ተመርጦልህ፣ ፈልገህም ይሁን ሳትፈልግ አንተ የትኛው ላይ ነህ? የትኛው ወቅት ውስጥ ነህ? የስቃይ፣ የትምህርት ወይስ የለውጥ? የህመም፣ የአስተውሎት ወይስ የሽግግር ጊዜ ላይ ነህ? ከውጪ ሆኖ የሚያይህ ሰው የቱ ጋር እንደሆንክ ላያውቅ ይችላል አንተ ግን በሚገባ ጠንቅቀህ ታውቃለህ። የመማር ፍላጎት ካለህ ከህይወት በላይ የሚያስተምርህ ነገር አይኖርም፣ መነቃቃት ከፈለክ አሁን ካለህበት ከባድ ችግር በላይ ሊያነቃህ ቤትህ ድረስ የሚመጣ አካል የለም። ማጣት፣ ድህነት፣ ልመና፣ ሰው ፊት መቆም፣ በትንሽ ጠብታን በምታህን የወር ገቢ መኖር፣ የቤተሰብ ችግር፣ የሀገር የፈተና፣ የግል ግንኙነት አለመግባባት ይህ ሁሉ ለለውጥህ ቀይ መብራት ነው። ለምንም ነገር ምክንያት ከፈለክ ምክንያቱ እዛው አጠገብህ ነው። ጨለማ ላይ ማፍጠጥ ያለሰዓቱ ምረሃንን አያመጣም፣ ብረሃን ላይ መጣበቅም ዘላለም በብረሃን ውስጥ እንድትመላለስ አያደርግህም።

አዎ! መማር ካለብህ ነገር ተማር፣ መልቀቅ ያለብህን ነገር ልቀቅ። በቀላሉ የምትሸበር፣ እላፊ ልፍስፍስ የምትሆን የሚታዘንልህ ሰው አትሁን። ሰው አዝኖልህ የሆነ ነገር እንዲያደርግልህ ከምትጠብቅ አንተ ለራስህ ብታዝን ብዙ ማስተካከል የምትችለው ነገር ይኖራል። አንተ ሙሉ እንደሆነች ማሰብ ካልቻልክ ህይወት መቼም ሙሉ ልትሆን አትችልም፣ አንተ ውስጥህ ያለውን ሙሉ አቅም አውጥተህ መጠቀም ካልቻልክ መቼም ህይወትህ ሊቀየር አይችልም። ሁሌም የለውጥና የእድገት በርህ ክፍት ነው፣ ሁሌም ቢሆን ላንተ የሚገባህ የተሻለ ነገር ከፊትህ አለ። አሁን ነገሮች ሁሉ ባሰብከው መንገድ አልሔዱም ማለት እድለኛ አይደለህም ወይም ህይወት ፊቷን አዙራብሃለች ማለት አይደለም። የሆነው ይሁን፣ ለምን እንደሆነ፣ እንዴት እንደሆነ ለማወቅ ሞክር፣ አውቀህም አትቅር በእውቀትህ መሪነትም ቀና ብለህ በድፍረት የማይቀለበሰውን የለውጥና የእድገትን ጉዞ ተቀላቀል።
ግሩም ድንቅ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪