Muhammad Nur

Ulashing❗️

Hozirgi kunda aksar odamlarning muammosi, tashvishlari, zaruratlari va istaklarini Allohning ne'matlaridan biri bo'lgan pulga bog'liq holatda. Hamma uni topish va unga ko'proq ega bo'lishni payida har turli sabablarga murojaat qilib ko'rmoqda. Sizlarga boshimdan o'tayotgan holatni ulashmoqchi bo'lib ushbu maqolani yozishga g'ayrat qildim. Mavzu ota-ona roziligi va duosining barakoti haqida. Hayotda moddiy va boshqa turli tashvishlarsiz xotirjam hayot yashamoqchi bo'lganlar uchun quyidagi o'zim sinab natijasini ko'rayotgan tavsiyalarni aytaman:
1. Ota-onangizga yaxshi muomalada bo'ling.
2. Ularning so'zlari ustiga gapirmang.
3. So'zlari tugamasidan oldin huzurlarini tark etmang.
4. Savollariga to'liq javob bering.
5. Fikrlarini xurmat qiling.
6. Uzoq joyda turib olib ularga noqulay holatda gapirmang.
7. Ular uchun hech narsangizni, ayniqsa pulingizni ayamang.
8. Izni bo'lmagan ishni qilmang va buyurgan ishini to'liq bajaring.
9. Ular sizda bo'lishini xoxlamagan sifat va odatlaringizni tark qiling.
10. Qo'ng'iroqlarini aslo javobsiz qoldirmang.
Xullas bir so'z bilan aytganda ularga "yaxshilik" deb nomlangan har ishni qiling. Ular sizdan ranjib qolishidan juda extiyot bo'ling. Ular sizga bir narsani aytishga o'ylanmasliklari ya'ni sizni rayizga ko'ra gapirmasliklari kerak. Shu darajada yumshoq bo'lishga harakat qiling. So'ng yaxshlikni Allohdan kuting. Albatta bularning natijasi bir oyda yoki bir yilda ham bilinmasligi mumkin. Lekin bu tavsiyalarni davomiy qilib yurgan kishi hayotida baraka topadi. Alloh uning ishlarini oson qilib qo'yadi. Shaxsan men ota-onamga oxirgi yillar yaxshi muomalada bo'ldim va bu yil Janubiy Koreyaga ishlash maqsadida keldim. Kelganimda ko'pchilik buyerdagi qiyinchiliklarni ayniqsa qish faslida ish bo'lmasligi va tirikchilik qiyin bo'lishini aytdi. Haqiqatda hozirgi kunda ishlar kamroq. Men bilan kelgan sheriklarim ishga chiqaolmayapti. Chiqsa ham juda og'ir va arzon ishlarga chiqyaptilar. Alloh menga oson va yaxshi pul to'laydigan ishlarni beryapti. Qisqaroq qiladigan bo'lsam, Alloh juda ko'p yaxshiliklarni beryapti. Boshimdan kechayotgan holatdan xulosa qilib, siz qanchalik ota-onangizga yaxshilik qilsangiz Alloh ham sizga yanada ko'proq yaxshilik ato qiladi.
Va buning muqobilida ota-onasiga yaxshi muomalada bo'lmagan kishilarni ko'rdim. Ularni g'am-tashvish, qarz va shunga o'xshagan muammolar o'rab olgan. Juda ko'p mexnat qilsa ham muammolaridan qutula olmayapti. Hayotida huzur-halovat yo'q. Albatta bu juda achinarli holat.
Umid qilamanki sizlarga bir yaxshilik ulasha oldim. Barchangizga Allohdan yaxshilik so'ragan holda maqolani tugataman. Vassalamu Alaykum.

©Ibn Avf

Nima bo’lyapti?

Bir tanishim aytib beryapti, 18 yoshli singlisini Maksim Gorkiyda ishdan chiqib taksi to’xtatyotganda, PPS kelib mashinaga chiqishini so’rabdi.

Avvaliga “Hurmatli, fuqaro mashinaga o’tir, bo’lmasa kuch ishlatib majburlab o’tirgizamiz”, deya senlab gapirgan.

Mashinaga o’tirmayman, avval akamga tel qilib olayin degan singlisi. Hali akalaring bormi, deya masxoronomus gapirgan PPS ning bir xodimi.

U qiz akasiga telefon qilgan, akasi zudlik bilan yo’lga chiqqan. Akasi kelgunga qadar ham bu xodimlar kurakda turmaydigan gaplar gapirgan, telefonini berishini so’ragan.

Akasi borgunimcha biror gap gapirma, mashinasiga ham chiqma deb tayinlagani uchun qiz ham jim turgan. Akasi 10 daqiqaga qolmay yetib borgan.

Akasi borishi bilan pasportlarini bergan, lekin xodimlar endi bo’ldi, kerakmas Idorada borasan va o’sha yerda gaplashamiz, - degan.

Akasi bilan singlisini mashinaga solib obketishgan. Va o’zlarini idoralariga olib borgan.

4,5 soat ushlab turishgan. Avval telefoningni ber deb, olishgan. Telegram kanallarini ko’rishni boshlagan, birma-bir kanal va guruhlarni titib chiqqan, youtube ichini ham qattiq tekshirgan.

Musiqa va nashidlar eshitmaysanmi deb so’ragan, rostan ham bunday narsalar eshitmaganligi uchun hech narsa topisha olmagan. Qayerga berkitgansan, ochib ber deya do’q-po’pisa ham qilgan.

Nega qora ro’mol o’rab olgansan, jihodchilarga havas qilyapsanmi, - deya savollar bergan.

Qizni sumkasini ham birma-bir ichidagi narsalarni qarab chiqqan, ro’mol uchun ignalarni ko’rib bu qanaqa qurol, mushk ambarni ko’rib, qora ro’mol o’rab bunaqa narsa ham surasizlarmi deya masxara qilgan.

Sumkasidan Qur’on va joynomozini olib qo’yib, qaytib bermagan.

Insonni qalbi toza bo’lsa bo’ldi, joynamoz va Qur’onni olib yurishi shart emas, uyda tursa bo’ladi, - deb “nasihat” qilgan.

Kamiga himoyasiga kelgan akasini telefon va mashinalarini ham qattiq titkilab chiqqan.

Tushunyapsizmi, 18 yoshli qizga bunday ruhiy bosim berishga nima haqqi bor, kim bo’lsa ham?!

Qur’onsiz o‘tkazgan har kuning sening zararinggadir!

Tobe’in Abu Oliya aytadi: «Biz bir kishining Qur’on o‘rganib, so‘ng undan hech narsa o‘qimay uxlashini katta gunohlardan deb bilar edik».
Ey do‘stim, har kecha Qur’ondan o‘zing uchun vazifa tayinlab ol! Zero bir mo‘minning Qur’on tilovatidan uzilish zarari ekstremistning mus'hafni yoqib yuborish zararidan ko‘ra kattaroq va xavfliroq. Uyda o‘qilmaganidan chang bosib ketgan mus'haf bilan yoqib yuborilgan mus'hafning nima farqi bor?!

«Biz Qur’onni yo‘qolib ketishidan qo‘rqmaymiz. Zero Alloh uni himoya qilishga O‘zi kafil bo‘lgan. Biz musulmonlarning uning tilovatidan yuz o‘girishlari, Qur’on o‘z ichiga olgan usul, haqiqat va odoblarni bilmasliklaridan qo‘rqamiz». (Muhammad Xizr Husayn rohimahulloh)

Shamsuddin Sadruddin "Do'stimga maktub" kitobidan