قـصـة ولـيـل🌿📖

وإذا يتـبره مـني الكـون اريـدك تبـقى سـانـدنـي..♥️💍

للبعض دع الحب فـأنت لست اهلاً لهُ.

لا تقلق سأغادر حياتك بصمت .

أمضيت عمري في بناء سفينتي ، وعندما انتهيت جف البحر ، وعندما حطمتها هطل المطر ، وهكذا هو حظيً🙁😞

سوال،؟
القلب ينكسر ، ؟
اذا كنت تحب وتركك المحب هل ستموت .؟

عزيزي كـ وجهة نضر مني بمعرفتي بل حياة انو الحب ماكو بهل كون شي اسمه حب الاغلب راح يختلف وياي ويكول لا اكو لا صدكني مجرد عواطف لان
الحب ،؟
لما نكون ناس وحيدين ونلاكي ناس وننخبرهم بلي نشعر بي هوه راح يتحكم ع عواطفك وينطيك جواب يريحك وبل الاخير انت بنفسك تكله مادري حسيت نفسي رتاحيت من حجيتلك الي بكلبي
يوم بعد يوم حيتكون شي اسمه صداقه
او حب طيب ليش، ؟
لان كل هذا بسبب عواطفنا
انت شايف لما المحب او العزيز لما يسمعك كلام يجرح تحس قلبك يحترك .؟
وشتكول انت تكول كلبي انكسر.
لا عزيزي كلبك ما نكسر مجرد انهيار لعواطفك العاطفيه وبس.

.بـ احداث الاخيره صار الانتحار شي عادي واذية النفس بصوره قاسيه
واكثر شي اداول بين البنات
عافني حبيبي تروح تموت نفسها
او بصوره اخره اذا عفتني اموت او اذا عفتيني اموت، ؟
لا عزيزي محد يموت تتعذب اي تعاني انكسارات اي بس تموت لا ..
@jmane20

راجعو نفسكم وغير الخطا بـ الصح ترى الحياة قصيره.

تأكد ؟ لو يهمه جرح قلبك ما غاب . .

للشّخص احبه :
أُحبّكَ دائمًا أرجو أن لا تنسى هذا.

قد يكون الإبتعاد أحيانا طريقتنا في إعطاء البعض الفرصة لتقدير الأشياء التي " كانت " بين أيديهم ..

༄I leveo༄
ڪٱטּ ڵضحڪتهَا ﭑثـࢪ ﭑلتـُوت ڪٱטּ قڵبـَʊ̤ قَمِيصاً ﭑبَيض 🧘🏽‍♀️🤎.

رُغمَ هَوسَي بالإتزان إلا أن قلبَي بَك ميّال.❤️

12:12

ف

-سمعت من اسماعيل ابنه مخطوف، الحمدلله على سلامته و تشرفت بمعرفتج ستتتت

-ميعاد

-تشرفت

-الي الشرف يالطيب، يلا ماما حبيبتي گومي دنروح لبيت اخوج وحده

-اوصلكم

-تسلم يالغالي سيارتي ويايه، راكنتها بالكراج ما تقصر

-اااه زين لعد

كام و طلعنا سوا مشا ويانا للكراج

سألها بالطريق:- ربة بيت انت لو تشتغلين ست ميعاد

ميعاد:- لا اشتغل بوزارة المالية، امانة الله شتحتاح هناك خابرني ولا تتردد واني بالخدمة

-ان شاءالله ان شاءالله الي اصدقاء كثر بالوزار

-تشرفنا لو مريت استاذ

-تسلمين ان شاءالله اكيد النا لقاء اخر نتعرف اكثر على حضرتج

-اكون سعيدة جدا

-اني اسعد

صافحته ايد بأيد، ابتسمتله و دارت وجهه تمشي و هي تتمايل، صعدنا السيارة، هو بقى واكف يباوعلها، لوحتله بأيدها و بأبتسامه مشينا

ديار:- انت شلون هيج تكدرين تكسبين الشخص و تحجين وياه شو اني بالكلية يحجون سوالف ما اعرف اطبكلي احجايتين اغلط بوحدة منهن

-ابوج العار ذبني بالشارع من جان عمري ١٤ سنة اشتغل ، عاشرت الزين و الموزين و تعلمت اطباع الكل
ما صرت هيج من فراغ، الدنيا لجمتني هواي يلا عنت نفسي و صرت

-بس طريقتج مو حلوة اني ما احب هيج

-اي طبيعي انت اذا مو لطم و تعبس و الحواجب متحاضنه ما ترهم وياج

-ما ابيه حيل ارد بلاعيمي توجعني

-اذا انت شفطتي نص الكلاص ووكعتيله تمصمص شلون ما تورم بلاعيمج

-ماما اسكتي

رجعنا للبيت اسامه على حطيته بس هاي العرمة فاتحة الثلاجة و ماكله و كالبة الدنيا بقت تصيح امي عليها، رجعت صاحت عليه:- دياااار بدلي و لمي المطبخ

اني صوتي اختفى من بلاعيني، اشرتلها، بلاعيمي توجعني ما بيه خيل، صاحت :- بس من دعيت على صوتج اختفى لو ادري هيج دعائي مستجاب جان كتله ربي ذب عليه فد كم مليون، يحظي

رحت نمت، خابرني خالد كوة كمت احجي وياه، كالي:- رايح اجيبلج علاج واجي من راس الشارع اذا الصيدلية بعدها مفتحه

سدة مني و اني الوب، و امي تكلي: غرغري بجاي و ملح هسه ترتاحين
كمت من الوجع بأستكان حطيت ملح و جاي بارد و شربت شوية هسه جاي اغرغر بلعت من عنده، الطعم يخرع كلبت معدي كلها بالمغسلة و زوعت، كمت ابجي

اجت امي:- حتى بمرضج تلطمين شجاج كتلج غرغري مو تبلعينه، هسه شفطتي العصير و مشيناها حتى هذا بالعته

كمت اصيح:- بلاعيميييييييي

اندكت الباب، طلعت امي:- صاحت اجا السوبر مان مالتج جابلج دوا
حجه هو :- هاي هي جاي تبجي ؟

-غير ربك ستر ما طبوا علينا المغاوير من صوتها عبالهم غارة ، فوت يابه فوت انت مو غريب

فات هو كال :- السلام عليكم
طلعت من الحمام رافعة ايدي و رفعت ايدي

خالد:- يا يابه حتى صوت ما تكدر تحجي، هذا جبت الج شراب و كبسول اخذيهم بسرعة هسه ترتاحين

ميعاد:- شلون حظ تعاركت ويا اختها و دعيت عليها يختفي صوتها و صدك و اختفى و طحت بيها انشل حالي مدري لاخوها مدري لاختها اقري مدري للبيت

خالد:- كلها سهلة المهم هي خطية بلاعيمها كاعد توجعها

-تشرب شي يعيوني

-سالمة ان شاءالله

اخذت العلاج شربته كوة و اجيت شكرته، كال :- يلا ارتاحي اني اكوم اروح اذا تحتاجين شي خابريني

ميعاد:- عساك سالم سوبر مان الله لا يحرمنا منك

ابتسم الها و راح طلع، اني رحت للغرفة مالتي لهناك خف وجع بلاعيمي و نمت، كعدت الصبح هم مورمات

رحت للجامعة و خالد يكولي:- خل اطلب الج اجازة و نرجع ارتاحي

واني ارفض وصلت للجامعة كلهم فرقوا عليه اني مو طبيعية كلت الهم:- اللوزتين ملتهبات عندي

دخلت المحاضرة، من الملل و الهدوء شكلت اذاني وياي، شكلت اذاني وياي متت كمت الوب اخر شي ما اتحملت كمت ابجي

جان وسام كعد كدامي و مريم يمي، هي تسألني شبيج و هو دار وجهه يسأل، صارت شوشرة بالقاعة لان بجيت

صاح الدكتور:- هدوء شنو ديصير يمج ديار

وسام:- دكتور جاي تبجي من الالم اذا تسمحلي نطلعها برا نشوف الها دوة

-طلعوها

طلعني هو و مريم برا، وكفت بين القاعتين ابجي حيل احس الالم جاي يزرف اذني و هم يتوسلون بيه حتى امشي وياهم ياخذوني لأي صيدلي او طبيب

مشيت وياهم، اخذوني لصيدلية قريبة من الجامعة، كعدوني و انطوني دوا و مسكن شربت، خابرت على خالد كلت اله :- طلعت من الجامعة هسه اني بصيدلية كبال الجامعة تكدر تجي تاخذني

كال:- مسافة الطريق و اني يمج

وكف وسام :- ها ارتاحيتي ؟ اذا بيج شي حتى ناخذج للمستشفى

-لا لا خليني

شويه و اجا خالد، خابرني انطيته اسم الصيدلية دقيقتين و فات علينا، سلم علينا، وكفت عرفته :- وسام زيميلي بالجامعة

-اها اهلا وسهلا
مد ايده يسلم

وسام:- اهلا بيك اغاتي، شيصير منج

خالد:- تكدر تكول خطيبها

وسام :- اهاا مخطوبة اسف ما جنت اعرف المهم موفقين ان شاءالله

خالد:- تسلم، يلا حبيبتي امشي نطلع اخذج للبيت ترتاحين

خالد، اخذت ديار للبيت، ردت ابقى اذا تحتاج شي، كالت :- لا ما احتاج روح ارتاح

رجعت للبيت، لكيت رافد ما مداوم :- شعجب شو اليوم ما مداوم ؟

-جاي افكر

-بشنو ؟

-قررت

-ان شاءالل

نف السافرات المستورات الما يهتكن للمكياج و هيج سوالف ويحترمني ، و اذا هو من ذوله ال ها ها راح يصير حجل برجلي و ما يفك حلكة وياي، امشي يلا

هزيت ايد و طلعت، ورجعت درت و جهي الأسامة :- تكدر تبقى وحدك

ميعاد:- يكدر وليدي بطل كام يمشي مبيه شي، بس سدوا الباب ورانا راح نروح ساعة و نرجع و اجيبلكم وياي بركر و بيبسي

اسامه:- روحوا اني راح اكعد العب بلاي

اثار :- معليه اني اريد اروح

ميعاد:- تأدبي و اكعدي منطول

كامت تصرخ، دارت امي و كالت :- اطلعي عوفيها

-عاد انطيها ربع لا تخلينها هيج تصرخ ورانا

صاحت عليها انطتها ربع و كالتلها :-روحي اشتري و ارجعي يم اسامه ديري بالج عليه ماشي

راحت تركض كدامنا، تشتري، صعدنا بالسيارة، دكت رقم، نعمت صوتها و حجت :- الووو مرحبا

-الو تفضلي

-اني اللي اتصلت الصبُح وكلت الك عندي موضوع خاص وياك و اتفقت نلتقي العصر، هياني دا اطلع من البيت، دا انطيك خبر حتى اعرف اذا انت متذكر

-اي اي على بالي بالربع ساعه و اني اتواجد بالمكان اللي اتفقنا عليه الصبح

-اوكي، شكرا

سدت الموبايل:- شكلة خوش وجبة دنشوف

-ماما !!

-و غمة لا تلطمين خلينا نشوف دربنا

درت منها، اتصل خالد، باوعت بموبايلي:- خلودة ردي ردي دنشوف شيريد الحلو

-ماما !!

-دجيبي
اخذت الموبايل و هي دا تسوق، ردت على خالد:- الووو

-الو منو

-اني ام الحب مال انت

ضحك:- هلا ام ديار شلونج

-عوفك من لوني كالولي زعلان عليه لان سمعت امك احجاية، ترا لا تاخذ على الكلام بس ثق امك لو ما دايسة ابطني و تكول على ديار مشوهة ما احجيها و لا تطلع من الساني

-لا يلا فدوة

-فدوة الطولك يبعد عمري لا تزعل ترا انت معزتك من معزة ديار الله شاهد، الا شنسى من وكفاتك ويانا بس لو ما امك دايسة ابطني

-فدوة الج ام ديار هاي هي عدت

-ابو گلب الطيب يالمعدل سلم النا

-الله يسلمج هلا بيج

-مع السلامة

انطتني الموبايل:- شعجب اعتذرتي منه

-وليش احد كالج شايله خشمي ع العالم

-لا بس استغربت موقفج

-الكلمة الطيبة مو بفلوس يا بتي، تكسبين بيها ناس تحتاجين وكفتها، و بعدين هو رايدج عليس اخلي شايل عليه و متجبجب، دسنا ابطن امه و مشينا الامور وياه، وخلصت فضت.

-هذا اللي رايحيله منو ؟

-خطيبج

-خطيبي شنو يمة

- تجيج الامور لا تستعجلين على رزقج

سكتت، وصلنا للكرادة، صفت سيارتها و نزلنا تمشينا، كعبها يطك بالكاع و تتمايل بمشيتها و موبايلها و بأيدها اتصلت حتى تكوله (وصلت)

دخلنا مطعم، طلبت اليه و الها ( سموذي)، شربت منه شوية و تركته بارد يكتل جمد بلاعيمي و الجو بارد، بس حلا الطعم بحلكي بقيت كل شوية اجرلي نصة

-لا تخلصينا فضحتينا، اشربي من عنده ربع و عوفيه راح يجي الرجال شيكول هوش ووكع بكروش شافطة الكلاص، بيني كدامه احنه مثقفين و هيج شي

-ماما ترا ما احب اتصنع

-ومنو كالح اتصنعي عوفي الكلاص ابحاله لا تمصمصين بعد ، هسه رضيتي؟

دك موبايلها:- اسكتي يمكن وصل
ردت عليه طلع واكف اباب المطعم ادخل بنتي لابسه جاكيت بني و اني ماروني
شوية و اجا رجال فات من يمنا ، باوع
كال:- العفووو

ميعاد:-وصلت، تفضل اهلا وسهلا

كعد الرجال:- اهلا بيج، شلونكم

ميعاد:- الحمدلله يمكن انت متعرفني اني فقط كلت الك انو عندي موضوع خاص وياك، اني اصير طليقة اسماعيل طاهر

-اسماعيل طاهر

-ضابط صديقك

- ااا نعم اتذكرته

-جيد، هذه بنتي ديار

-اوو بنتج عبالي اختج بالله ممبين عليج عندج اطفال

-من ذوقك يبعد عمري

-يسلم عمرج

-الصراحة ما اخفي عليك، اجاني اسماعيل و كال طالب بنية من عندي

-صحيح

-هذه بنته عمرها ١٩ سنة و طالبة جامعة، من لما عرفت ابوها ديغصبها على الزواج و هي مبطلت بجي دتشوف عيونها شلون مورمة، و اني ام ما اتحمل بنتي تبجي كبالي و هو مهددني اذا منطيت ديار ياخذ ابني مني، و اني داخله على الله و عليك

-اني طلبت منه بنية بس اكيد ما اقبل اتزوح بنية مغصوبة

-مبين عليك شهم و معدل و ابن اوادم بس اذا اني رفضت راح يگلب الدنسا عليه و اني مرة لا الي اهل ولا ظهر وحيدة بهاي الدنيا، طالبة مساعدتك بهذا الموضوع

-اي امري و اني بالخدمة

-تخدم ربك يالمعدل، ما اريد منك غير ترفض من يمك و ما تحسسه بشي، ترا اسماعيل مجرم،دا تشوف اديها ، هو حركها و ما رفله جف و بالموت يلا كدرت اطلك منه و اخلص اطفالي من شره و مدا يعوفنا بحالنا

-يعني هو هيح حارك بته ؟

-اي الله شاهد واكثر بس اللسان يصعب عليه يطلع الهم المضموم بالگلب

-لا سهلة

-اذا راح ترفض راح يشك

-لا تخافين اني اتصرف، ولو حاول يأذيكم او يمسكم بس كلولي و ان شاءالله ما اقصر

قربت ايدها من ايده بس ما لزمته:- مدا اعرف شلون اشكرك فعلا الله يسخر ناس لناس و يمكن انت دزك ختى تنقذني اني و بنتي اللي لا حول ولا قوة النا غير الله

-لا شتحتاجون اني بالخدمة، رقمي يمج صار وكت ما احتاجيتي خابري ولا تترددين

-كلش اشكرك، اترخص اني عندي ولد صارله اسبوع من سوا عملية جان مخطو

#ليتني_استطيع_فعلها

/// زينب ماجد ////

الحلقة_26

ديار:- دخلت، جانوا ابوية و عمامي كاعدين ويا امي، وكفت، كالو :- هاي اجت شيريها و القرار الج

كلت الهم -شنو ؟

اسماعيل:- واحد صاحبي طالب مني بنية للزواج لو توافقين و تجين وياي لو اخذ اسامة منكم بالغصب و ما تشوفونه بعد، والقرار الج و هاي اني كاعد احجي وياكم بالهداوة ولهسه ما مستخدم غير اساليب وياكم ، شكلتي ؟

ميعاد :- اني موافقة

ديار :- شنو موافقة ماما ؟ الرجال اكبر مني ب٣٥ سنة

ميعاد:- بس عنده خير من الله و الرجال ما يعيبه الا جيبه، و ابوج يريد يستفاد مهما كان بيناتنا يبقى هو ابوج من دمج و لحمج و انتم هم لازم تعينينه

اسماعيل:- اي هذا الحجي، قابل اني اكره اريد اعوض الماضي و اعالجها ما اريدها تبقى هيج

ميعاد:- بس بشرط

اسماعيل:- شنو هو الشرط ؟

-تنطيني اسمه و اروح اسأل عليه بنفسي، اذا ارهابي و من جماعتك ذوله ما انطي بتي

اسماعيل:- لا مدير عام يابه يا ارهابي

ميعاد:- عاد انت شريف روما خلك ارهابي و هالصرت ضابط

-مو جنه نحجي عدل ؟!

ميعاد:- اي نرجع لموضوع بتي كلت الك شرط اسأل عليه ياله، هيج و على معرفتك ما اقبل

اسماعيل :- اذا على هاي سهلة

ديار:- لا سهلة ولا صعبة ماما لو ما تعرفين انت

ميعاد:-ما الج علاقة بتي عيب هالسوالف تناقشين بيها فوتي جوا

عفتهم و رحت لغرفتي طالعة روحي منهم، و هم بقو يحجون بالصالة

عماد:- والله اخر وكت البنية و امها يوكفن و وحدة تتشرط و وحدة تتنعوص، اسماعيل شبيك خربت كوم و حط اضهورهن علوة و نصه و اكسرهن

ميعاد:- ردج عيني ابو علوة ونصة هاي مشاكل عائلية ما الك دخل بيها

اسماعيل؛-ميخالف عماد ميخالف الدنيا اطورت بعد الكتل و الضرب ما يفيد، موافق ميعاد بالليل ادزلج عنوانه و صورته و اسألي عنه و اني متأكد راح يعجبج

ميعاد:- نشوف، يلا من رخصتكم تعبانة و اريد ارتاح تعرفون عندي ولد مريض و شغل

كاموا عمامي ما قابلين بس ابوي كلش فرح برأي امي، سدت الباب ، اني طلعت الها من الغرفة فايرة

:- انت شلون هيج توافقين بسرعة ؟

-لأني مو مثلج الطم بسرعة

-وشلون متريديني الطم و انت وافقتي على زواجي تدرين بيه شايب بالستين عمره لو لا ؟

-كلت الج تزوجيه ؟ اجا و عقد عليج و جبرتج

-لعد شتريدين تسوين ؟

-خلي هالموضوع على امج لا ما ازين شاربه بالقندرة فلا اتسمى مرة

-و شراح تسوين

-هسه خل يدز معلوماته و تجيج الأخبار

موبايل كام يدك بالغرفة:- روحي يمه روحي خلدلد ظل باله المسكين مناطر بالباب ما راح، ردي عليه و ريحي گلبه

عفتها و اني اهز ايد، فتحت خط، حجه :- الو ها ديار

-ها خالد

-كون اذاج

-لا بس يريد يزوجني وومخير امي يا اني يا اسامة

-بكيفه هو لا تخافين حبي ما بقى شي هالفترة نعقد و اذا هاي و ما امنه نطلع للاردن

-خالد امي وافقت

-امج ليش وافقت

-تكلي خلي الموضوع عليه

-ابالها شغلة

-اي بس ما جاي افتهم عليها شتريد تسوي

-لعد انتظري امج و شوفيها شتتصرف، لا تشغلين بالج كومي ارتاحي و اني راجع للبيت ارتاح شوية و العصر من اكعد اخابرج

-ماشي

.....ثاني يوم اجيت من الجامعة، لكيت امي كبالي :- ها شلونج ماما

-هلو ماما اتغدي و ارتاحي حتى تبدلين نطلع

-وين نطلع ؟

-بشغلة

-و اسامة ؟

-منتأخر ساعة و نرجع

- زين انت يمتى اداومين ؟

-ماخذة اجازة شهر منطية نص راتبي بمكانه

ماشي، فتت للغرقة حتى ابدل لكيت اثار كاعدة بكنتوري وخاتله ::- اثار شجاي تسوين ؟

-ما اثوي شي

-لا توثوثين و طلعي شضميتي وراج

-ماكو
نامت و على بطنها و هي تضم شي، شلتها من بلوزها و هي ادفع، شفت دفتر مذكراتي، صحت:- اهوووووو هم ماخذته

دفعتها حيل وجريته منها:- حيوانه اني مو كايلتلج لا تاخذينهاااااا

كمت اكلب بيه:- لا يا حقيرة ليييييش مشخبطة بدفتري يعني عفتي كل الدفاتر ااااااااالا هذا

ميعاد:- شبيج تجوعرين ؟

-تعاااي شوفي هاي، مشخبطة بدفتري

-ديلا هو عاد شلون دفتر ، احببت خالد و عشقت بجامته وقعت عينه علي ووقع خشمي عليه، دكعدي نازك الملائكة شوية اتهدي و عوفي الطفلة خلستيها

-يعني قاريته، هو من ورا هاي اكو واحد.ما قرة مذكراتي دولي يلا والله، اذا دخلتي غرفتي بعد الا اشلع اذاناتج العرمة

-ولج عوفيها للطفلة و كومي بدلي يلطامة

- اووووو دوخرو مني روحو يلا

-صخونه بصوتج كون ٤ ايام ما اسمعه ولا يطخ اذاني
تعاي انت شرنفصة امشي منها خلصيني

ضميت الدفتر بالكنتور، و بدلت ملابس بيت نمت ساعتين وكعدتني امي، كمت بدلت ملابسي و طلعت و هي ممكملة، شوية و نزلت لابسة قمصلة ماروني نفخ الكبوس مالتها فرو، و تيشيرت ابيض و بنطرون بوري اسود و بوت كعب عريض وياه،و شعرها منزلته ذيل احصان سرح

ولازمة موبايلها جديد يشتغل لمس و سلايت تكلب بيه، باوعتلي و كالت :- يلا

- شعجب محاطة مكياج ؟

-شوفي يا بنتي اللي رايحيله منعرف هو من اللذين امنو او من المغضوب عليهم، فأذا من الذين امنو فراح يعتبرني انو اني من ص