【消費券最大贏家：藍色地產商？】
「消費券？係幻覺嚟嘅啫，呃我唔到嘅！」
這兩天，通街都係排隊打蛇餅嘅人潮，市道彷似恢復暢旺。
早喺消費券接收登記之前，多個大品牌同支付平台，已經展開鋪天蓋地嘅宣傳。亦因為咁，唔少小店希望不落人後，都特意花錢安裝電子錢包收款機...只不過，當計劃真正開始，唔少小商戶才發覺，消費券只係「幻覺嚟嘅啫」，佢哋根本不會受惠。
最重要嘅原因在於，藍色地產商（唔好話我知你唔記得19年佢地做過乜）加持嘅連鎖鋪，因為本身財雄勢厚，可以打出平凡小店遙不可及的促銷攻勢。有商場毋需消費，只要有登記消費券，已即可獲數百元優惠；有的可購物後參加抽獎，獎金高達數萬元；見過最癲嘅係，消費2000元再送2000元優惠券，洗5000則送5000。
其實今次嘅消費券計劃，係一個不可多得嘅機會。
假設計劃最終涵蓋逾八成人口，位位五千嘅總數，就係超過三百億。喺每每倒錢落大白象工程同維穩費嘅政府手下，有幾可全民回水三百億？呢三百億，最終係流向大財團，定令到喺經濟寒冬之中苦苦支撐、小本經營嘅同路人得以受惠，其實係取決喺香港人手上。
無大水喉泵錢助攻、無資源造勢落廣告，黄色經濟圈好似注定難以匹敵藍色財團。
但我地唔想放棄，揾左8間黃店攜手，嘗試喺呢場消費券爭奪裡面、喺霸權壟斷之下，揾一條出路。推出「#攞你命伍千」商品包嘅初心，就係集合多個本地小品牌嘅力量，讓大家「唔用自己錢shopping」買得夠爽之餘，更可以買得有意義。
講左咁耐，都係想大家買到心頭好之餘，都可以幫返同路人。依家更新左嘅Mee app，㩒個掣就可以好方便清晰咁，揾到支援消費券嘅黃店，仲可以揀返心水鋪頭類型，希望大家都唔好吝嗇呢一分鐘時間。
=============
💛攞你命伍千・消費券幫手足： link.meeapp.com/5000
📲下載App： meeapp.com/download
🛍支援消費券商戶登記FORM： link.meeapp.com/5000form
🛠 支持Mee App繼續改良開發
https://www.patreon.com/PunishC
