O'quvchi qizlarimdan biri oyisini ikki marta umraga olib bordi. O'zi ishlab topgan puliga. Qaysi kuni xurmo, zamzam va bodroq olib yo'qlab kelishibdi, Alloh rozi bo'lsin, men bemorligim sabab ko'rgani borolmagandim.
Shu qizim aytyapti:
"Falonchi qarindoshimni ko'rgani bordik-da, bizga qarab "namuncha qorayib ketdinglar, pistonchixonni qara, qanaqa oqarib nurli bo'pketibdi", - deydilar. Indamadim. Ha endi, zamzam ichib mehmonxonada yotgan odam bilan issiqda tavof qilgan kishi bir xil bo'lmaydi-ku, deb o'yladim."
****
Umra va Hajj -- jismoniy-moliyaviy, kuch-g'ayrat talab qiluvchi, mashaqqatli ibodatlar. Birgina umrada tavof uchun, say' uchun qaaancha yurasiz, masjidgacha yurasiz, ehromni yangilash uchun Tan'imga borasiz-qaytasiz, oftob tig'ida qolasiz.
Shu ibodat safaridan qaytgan odamning qorayishi, ozg'inlashi va toliqib qaytishi o'ta tabiiy emasmi?

Kim aytdi oqarib-yaltillab ketish qabuliyat alomati deb?

G'alatimiz-a?!

#meaningless
@qqizingiz_yozdi