AlQuran Passion _قرآن _وكتبات دينية

حبيبتي 💌🌷

١-مينفعش رجلك تبان وأنتي بتصلي"

٢-مينفعش وأنتي بتصلي تقعدي تبصي في كل حته لازم تركز علي اتجاه القبله"

٣-وأنتي بتقرئي التحيات عينك تبقي علي اصبع " السبابه" مش في اتجاه القبله ،
بعد ماتخلصي التحيات متسلميش علطول وادعي علشان دعوتك هتبقا بأذن الله مجابه ،
الدعاء المستحب قبل التسليم " اللهم إنا نعوذ بك من فتنة المحيا والممات ومن شر فتنه المسيح الدجال ونعوذ بك من عذاب ف النار وعذاب ف القبر "

٤-مينفعش تبقي مسلمة ومتصليش الفرض إللي فاتك صليه قضاه ف اي وقت تفتكريه قومي صلي علي طول "

٥-اقرأي آية الكرسي بعد كل فرض مبيبقاش بينك وبين الجنه إلا الموت"

٦-قيام الليل من أجمل النعم إللي ربنا نعمه علينا" حافظي عليها

٧-قيام الليل لو قمته مش بتتكتب من الغافلين،ولو اقمته ب100آيه بتتكتب من القانتين ولو ب 1000بتتكتب من المقنطرين"

٨-أفضل وقت لقيام الليل الثلث الأخير من الليل حوالي الساعه 1 بقول أفضل يعني،ممكن تصليه بعد العشا لو بتنام بدري عادي"

٩-أي دعوه بتدعيه عند الفطر وانت صايمه مجابه بأذن آلله"

١٠-في آخر ساعه من يوم الجمعه إللي هو بعد العصر و قبل المغرب بساعه دي إسمه ساعة استجابه
خدي مصحفك وصلي واقرأي قرآن واقعدي مع ربنا شويه متقوليش أنا مش عايزه حاجه إنتي عايزه بس مش عارفه هتعرفي لما تقعدي مع ربنا وتلقيكي بتدعي تلقائي"

١١-صلاة الضحي إللي بيصليها بيتكتب من التوابين"حافظي عليها

١٢-لما تكوني عملتي ذنوب ومخنوقه ومش عارفه تروحي فين روحي لربنا وصلي ركعتان
حتي لو انتي مزعلاه هيرجعلك طيب الخاطر صدقيني"

١٣- استغفري كتير علشان ربنا يغفر لك ،طوبي لمن وجد ف صحيفته استغفاراً كثيرا"

١٤-ربنا بيقول ادعوني استجيب لكم مش مصدقه ربنا ولااي امال عمال تقول أنا ربنا مش بيستجيبلي واصبري وابشري بالخير"

١٥-صلي على سيدنا محمد صلي الله عليه وسلم واسالي الله ان يرزقك شفاعته

١٦_ عند الوضوء " قولي بسم الله " قبل الوضوء "

١٧_ ابدأي الصلاه بدعاء الاستفتاح" اللهم باعد بيني وبين خطايي كما باعدت بين المشرق والمغرب، اللهم نقني من خطايي كما ينقي الثوب الابيض من الدنس، اللهم اغسلني من خطايي بالماء والثلج والبرد "

١٨_ سوره الملك تنجي من عذاب القبر أقرأيها قبل النوم وذودي معاها سوره الكافرون بتحمي من الشرك "

وأسأل الله ان يعينك علي طاعته ويتقبل منك صالح الاعمال ويجعلك من الصالحات ونساء الجنة يارب العالمين 💌🌷

بنت بتحكي إنها كانت متعلقة بشاب جدا ... كنت ببعتلها وكانت بتشوف بوستات ليل نهار عن ان حرام الكلام بينهم
ورغم كدا كانت بتطنش وتقول منا مش هقدر أبعد برضو !!
أهملت العبادة ... والقرآن وأهلها وأصحابها... مكنتش شايفة غيره في الحياة.. ومبسوطه بدا وعادي

وفضلت مستمرة علي تطنيش كل الرسايل اللي متوجهه ليها ..

بقت متعودة علي شعور القلق من انها تنكشف قدام أهلها....وكان لسان حالها بيقول فداه أهم حاجه نكون سوا

بتقول في يوم أختها الصغيرة قاعدة بتحفظ قرآن جمبها وهو كان قافل فقررت تسمعلها ...
_حفظتي!
=آه
_ بدأت البنت تسمع.. مكملتش أول آية وهيا اتشنجت

" وَاللَّهُ يَسْمَعُ تَحَاوُرَكُمَا ۚ إِنَّ اللَّهَ سَمِيعٌ بَصِيرٌ (1)"

فضلت تبص للآية وتكررها...الله يسمع تحاوركما؟
سميع بصير؟!

حالة من البكاء والخشية اتمكنوا منها، ومبقاش يتررد على لسانها غير
" ربنا سامعنا وشايفنا.. وأنا اللي كنت بتداري من الناس."

بتقولي رغم أنها مش حافظة القرآن بس في آية كانت بتكرر جواها..
" وَتَخْشَى النَّاسَ وَاللَّهُ أَحَقُّ أَن تَخْشَاهُ ۖ "
بكائها ازداد بندم شديد.. علي تفريطها في حق الله...
قالتلي والله ما بِتُّ تلك الليلة إلا وأنا قاطعة بيني وبينه كل الصلة بقلب عازم، نادم..

رجعت لحياتها وصدقت التوبة.. ومن يومها وكان مبدأ حياتها

" وَتَخْشَى النَّاسَ وَاللَّهُ أَحَقُّ أَن تَخْشَاهُ ۖ "

أما آن لكِ أن تعودي؟! 👊💚

ما الحب !؟ 💚;-)

👈 الحُب هو :
"أنّ تتعفف هيَ ، وتستعفف أنت"..
حتى تلتقيا على غيرِ موعدٍ ، وكأن كلاكما قد حفظ للآخر أمانتهُ في نفسهِ دون أن يراه .. 💚

_ ماكان الحُب بكثرة الوصلِ ولا بجميل الكلمات ، إنما ماوقر في القلب وأبى الخروج إلا في كنف الله ، قد أفلح من اتخذ لذلك سبيلا وقد خاب من رضي دونهُ بديلاً 🍃

_ ذلك والحُب رزق ؛ وهو الرزاق ، وماعند الله لا يُنال إلا بطاعتهِ ،
ومن يتقِ الله يرزقهُ من حيث لا يحتسب 💚

ولقدرتهِ عز وجل ، يُقرب البعيد ويُدني القصي، وهو على جمعهم إذا يشاء قدير ..

👈 فقط سلم أمرك لله وتوكل عليه
🌿ومن يتوكل على الله فهو حسبه🌿..

جمعكم الله بمن ستُأمنوه على قلوبكم 💚💍..

🔮فتنة الحب الحرام.


📎الحب الحقيقي هو حبك لربنا.أعظم حب ف العالم.

✨حبيبك أكتر حد بيحبك،بيسامحك،بيتودد ليكِ،اكتر حد بينعم عليكِ،اكتر حد قادر ع حل مشاكلك..مينفعش حد حبيبك غير ربنا..)" 🤍


(وَالَّذِينَ آمَنُوا أَشَدُّ حُبًّا لِّلَّهِ)


✨الحب الحرام ده مش حب ده شهوة 💔

✨وتجرأ ع الله عزوجل.

(﴿ فَوَرَبِّكَ لَنَسْأَلَنَّهُمْ أَجْمَعِينَ * عَمَّا كَانُوا يَعْمَلُونَ ﴾.

🔖اسعي بالحلال عشان توصل للحب وخلي حبك ده منضبط بحدود الشرع.(الخطبة،العقد)💪


🖇️اوعي تستعجلي ع مشاعرك فتخسري.

📎من تعلق بغير الله، فهو مخذول.💔

✨قلبك لحد يستاهلك يا بنتي 🤍

.✨..فالحب الذي لا يرضاه الله لا يتمه.. )

✨ماعند الله لا ينال، إلا بطاعته..

عبدي...‼️

لمَ جعلتَنِي أهـوَن النّـاظريـنَ إليـكَ..‼️

#مؤاخاه_سفينة_الدعوة
#الشيخ_حازم_شومان

بنت بتحكي ماما كانت عاملة بسلة ورز على الغدا .. وبابا رجع من الشغل تعبان .. قعدنا على الأكل وبدأنا ناكل ..كلت معلقتين رز وحطيت معلقة بسلة على الرز وبدوق لقيت #البسلة_حادقة جدا جدا متتاكلش .. ومن الظاهر إن ماما وقع منها غصب عنها أو سهو ملح زيادة .. لسه هتكلم لقيت بابا بيقولها الأكل طعمه جميل أوي النهاردة

أمي إستغربت جدا لإنها حست بملوحة الأكل هي كمان .. وأمي مش متعودة تدوق الأكل وهي بتطبخ لانها شبه حافظة المعايير

قالتله يعني الأكل مش حادق .. قالها لا جميل وبعدين أوقات بحب الأكل حادق شوية .. تسلم ايدك يا ست الكل .. خلص أكل وقام وقالها كوباية شاي من إيديكي الحلوين بقى

قمت وغسلت إيدي ورحتله وهو قاعد بيقرأ الجرنال مستني الشاي .. ومن عادتي إني كنت بهزر معاه دايما فقلتله : بقى بذمتك يا راجل الأكل طعمه حلو .. ده حادق كانه معمول من بحر اسكندرية

قال لي وهو بيبتسم : يا بنت يعني أمك عمرها ما عملتلنا أكل حلو ولا عمرها بسطتنا .. وتعبانة وراجعة هي كمان من شغلها وواقفة على رجليها بتعمل اكل وشرب متستحقش كلمة حلوة حتى .. متلاقيش إيد تسندها وقت ما تقع .. هننسى كل الحلو اللي عملته في حياتها ونعلق المشنقة عشان غلطة مش مقصودة ..
يا بنتي أمك بتتعب عشانا ومش قصاد ده متلاقيش كلمة ترد روحها .. هنستفيد إيه اننا نضايقها أو نهز ثقتها في نفسها .. تراهنيني ان الأكل المرة الجاية هيبقى أطعم من أي مرة ..
الكلمة الحلوة والحنية يا بنتي مبتبقاش في اوقات الفرح بس حتى في الشدة الكلمة الحلوة ليها تأثير السحر .. جبرت بخاطر أمك لأني حلفت ما أكسر نفسها لأن نيتها طيبة ونقية ..وهي كمان بتجبر بخاطري وبتستحملني .. يبقى مردش الجميل ولو بكلمة .. وبعدين ربنا يا بنتي رده ليا في ولادي و بيجبروا بخاطري هما كمان أهو يا عسل

بتقولي يومها قمت معيطة وابويا علمني درس يعني إيه وجعلنا بينكم مودة ورحمة .. قمة الرحمة والمودة طبقها أبويا الله يرحمه .. عمره ما كسر بنفسها ولا قالها كلمة تضايقها .. كان دايما حنين ..لأنه كان مدرك قد إيه هي بتتعب عشان جوزها وولادها .

#جبر_الخواطر_على_الله والكلمة الحلوة بتصنع المعجزات وبتفتح كل الابواب المقفولة وتقصر علينا كل الطرق الطويلة وتهون الوجع ..
علاج رباني لا بفلوس ولا بيتباع في صيدليات .. والروشتة سهلة كاتبها الرحيم جل شأنه ..
ربنا يجعلنا جابرين خواطر الناس ويوقف لنا ولاد الحلال اللي يجبروا بخاطرنا
#قولوا_آمين 😊

- نفسي الاقي حد جنبي ..

=وَنَحْنُ أَقْرَبُ إِلَيْهِ مِنْ حَبْلِ الْوَرِيدِ.💛

- كل ما اعمل حاجه تفشل تعبت ..

= اسْتَعِينُوا بِاللَّهِ وَاصْبِرُواْ.💛🕊️

- بس دي صعبه اوي ..

=‏ وَاللَّهُ عَلَى كُلِّ شَيْءٍ قَدِيرٌ.💛

- اللي أنا فيه مش بيتغير تعبت ..

=‏ لَا تَدْرِي لَعَلَّ اللَّهَ يُحْدِثُ بَعْدَ ذَٰلِكَ أَمْرًا.👀💛

- بس دي طولت وانا تعبت ..

=‏قُلْ عَسَى أَن يَكُونَ قَرِيبًا.💛🍂

- ضاقت عليا اوي ..

=‏سَيَجعَلُ اللَّهُ بَعدَ عُسرٍ يُسرًا.💛

أشعر بضيقة مجهولة لا أعرف سببها، فما الحل؟
ج/ هذه ذنوبك تطلب منك أن تستغفر الله منها.
- الغزالي

‏"والله لو علمَ العبادُ ما عندَ ربِّهم من الفَضل والكرَم ، لما قبضوا أكفَّهم عن الدعاء أبدًا🪞🌿."

‏"إني أخافُ أن يمسَّكَ عذابٌ من الرَّحمن"

‏المحبَّة الحقيقية أن تخافَ على من تُحب دُخوله النَّار وكُنْ على يقين بأنَّ :
‏من لا يُذكِّرك بآخرتك .. لا يهتمُّ بك !

وَإِذِ اعْتَزَلْتُمُوهُمْ وَمَا يَعْبُدُونَ إِلَّا اللَّهَ فَأْوُوا إِلَى الْكَهْفِ يَنشُرْ لَكُمْ رَبُّكُم مِّن رَّحْمَتِهِ وَيُهَيِّئْ لَكُم مِّنْ أَمْرِكُم مِّرْفَقًا

‏كثرة الحديث تُثقل القلب، ولذا كثيرًا ما يجد أحدُنا فرقًا في قلبه بين المجلس الذي كثُر حديثه فيه وبين المجلس الذي غلّب فيه سكوته، فيجد قلبه بعد الأول فيه نوع ثِقَلٍ وهمّ بخلاف الآخر؛ فكثرة الحديث تمنع تمام التحرّز، وفي هذا قول الإمام الزُهري: "إذا طال المجلس كان للشيطان فيه نصيب".