- حچي ،

- الرساله ؛ حالات الطلاق دتزيد بمجتمعنا واسبابها هواية، وأغلب حالات الطلاق تكون بسبب الأختيار الخاطئ لشريك الحياة، إما أن يكون الزواج تقليدي من غير حُب وبالتالي يبحث احد الطرفين عن الحب بغير أماكن بعد الزواج وتكوين علاقات أخرى، والنتيجة حتكون الطلاق بعد اكتشاف الطرف الأخر للموضوع، أو يكون الزواج غير تقليدي بحيث يختار الشخص شريك حياته عن طريق الإنترنت وينصدم بعد الزوج بشخصية تختلف تمامًا عن الي جان يعرفها بالمحادثة،(تخيلي توصين على فستان من النت ومن يوصلچ تتفاجئين بأنهُ الفستان محلو وميشبه الي لابسته العارضه بالصور وتضطرين ترجعينه) إما يكون الشريك متعصب أو معقد أو مُعنف أو نسونجي أو سكير والنهاية حتكون الطلاق، الحل هو التأني بأختيار شريك الحياة وعدم الإستعجال والتعرف على (الكراش) من جميع نواحي حياته من صفاته وعاداته واطباعه الحلوة والي محلوة، اخلاقه وسلوكياته، عيوبه وجوانبه المظلمة، والإقتناع 100% قبل الدخول بعلاقة جدية
والتوفيق للجميع.

- الرساله ؛ كثرة الطلاق لأسباب عده منها يتزوجون بوكت مبكر ويه مرور الايام لا البنت تكون عارفه شنو تسوي ولا الولد او زواج البنات القاصر! والاكثر من هاذ التعنيف الاسري الي يصير مثلا الولد ينجبر ياخذ بنت تعودله لان عادات وتقاليد اهل الولد تكون هيج ف ويه الايام تبدي المشاكل لان محد يملك مشاعر تجاه الخ يعني بختصار الاجبار ع الزواج كارثه للولد وللبنت + التعنيف او الاهمال من الطرفين🤷🏻‍♂

- الرساله ؛ كلنة نعرف انو الحب بيه سلبيات، ايجابيات، تضحيات، تعب، انهيار، وهواي هواي أشياء بيه، بس الحب من طرف واحد مؤذي ومدمر أكثر، من حيث الطرف الواحد هذا راح يضحك، يبجي، يهتم، يضحي، ينطي، بس هو كل هذني راح يسويهن وحدة، راح يضعف وينكسر ويتعب، الحب من طرف واحد هو نكدر نوصفة (دمار ذاتي)، حتضيعين هواي امور من حياتج وايامج تستحق انو تنتبهيلها، وتحبيها، بس من أجل مااحب من طرف واحد زين ليش؟، على شنو؟
منو يستحق؟
منو يستاهلج؟
النظرات
الاهتمام في بعض الأوقات (اهتمام جزئي)
الكلام الحلو على المزاج
وكثير امور نعرفها كل هذني مؤقتات، اليحبج صدك، مراح يتعبج، يظلمج، يأذيج، يبجيج، يهملج، والخ.
اليحبج صدك حيعترفلج وياخذج، يضحي علمودج🙂💔
بس حاليا احنة بوقت مو مال احد يحب احد، مو مال حب من طرف واحد فقط من أجل إقناع نفسي حيجي يوم ويعترف!
لا حيجي يوم وتتندمين لان فاتتج هواي فرص حلوة بحياتج، وهواي امور منطيتيها حقها، حيجي يوم وتضحكين على قلبج لان حب ناس متستحق، حتظلين صافنة فقط لان ها احس احب هالشخص، لا حبيتي شكلة، ممكن جمالة، ضحكتة😕، شوي كلام حلو منة، كل هذني مراح يعوضنج ترة ولا راح يسعدنج، كافي تكونين بنية ضعيفة وتلطمين ٢٤ ساعة وتتقنين دور الضحية، خليج قوية، اقري كتب تنمية ذاتية، شخصية، كتب تثقفج وتوعيج، طوري مواهبج وإمكانياتج، خلي الزواج آخر همج.
نصيحة من شخص مجهول والكل خل يعتبرها رسالة الة.
أنويلكم أيام مليئة بالسعادة، وراحة البال، وتحقيق طموحاتكم، وزيادة إنجازاتكم.
عيشوا لنفسكم وإسعدوها بأبسط شي، ولا تدمرون وتأذون هالروح لان هي أمانة عدكم وحتحاسبكم على حد أذى سببتوه الها.
أبتسموا💙

- الرساله ؛ اني جنت احب ابنخالي، ٨اشههر وحرفييا بذنيي الثمانييههه اشهر ادمرت بيهن كلش واني اعترف انيحيل ضعيفهه كلش ونبي لمهم فعشتهن بدمار جان مينتهلي وميهتملي وعكسي يعني نهائييا كل كلمهه يكولها احسبلها ميت حساب وجنت اهاتملهه اهتماممم موطبيعيي فهوا جان يدري احبههه وجان احسهه يعاندنيي يعني كلش يجرحني بكلامه كلش فانيي يعني لحمدالله احمداللهه واشكرا يعني فشنو قريت كتب كمت اقرا كتب لا مبيها مجال دمرت متت كلش فقرييت كتب وللهه يمكن،، خمس كتب السادس مكملتا نص وذني لكتب علحبمنطرف واحد والاهمال وهيج ودادلال ومدريشون فاني من قريت وعيت كمت افتهم فشنو تركتا يعني تركت اهتمامي اله تركت اي كلمه يكولها اركضلها ركض تركت كلشي وبس على عناديي كلش كلبي يوجعني من اسوي هيج يحجي ماهتملهه وماانتبهلهه يعني كوا تحملت بس علمود كلبي الخرا لمهم فستمريت هيجي شهر فورا الشهر كلي ليش متغيرا اني نصدمت فكتله مكوشي هوا ني هيجي لمهم فورا تلث اشهر كرهتا لان جان يحرك كلبي كلش يعني يدري بيا احبا ويعانديي وهيج فشنو ورا تلث اشهر هايي هم اعترفلي كلي اني احبج بس شنواني كلبي مات بعديش؟ وحقاللهه يعني كرهتا كرهه موطبيعي وهسا اعترفلي واني يعني من كلي لا كلف رف لا كمت ارجف لا حسيت بشي اجه لكلبي طبعا هاي مشاعر مو اني اتحكم بيها لوحدها واني مجنت موتقعا اكرها بيوم منالايام وكلت مستحيل ونيالييي اذا كرهتاا بيوممنالايام والله وفقني وكرهتاا كره مو طبيعي وصدكت بععبارا جنت مستحيل اصدك بيها..
#يتحوال_الحب_الى كره...

- الرساله ؛ تابع ...

الحب من طرف واحد يستمر ؟ وشنو علاجه ؟
طبعاً مو مستحيل أنه يتحول الحب من طرف واحد الى حب متبادل بس بمعظم الحالات ما يستمر هذا النوع من الحب !!
لأن الحب يحتاج إلى مكونات هواي حتى تخليه يبقى ويدوم ، ولكن بالحب من طرف واحد ماكو بس جزء يضحي بنفسه من أجل سعادة الآخر وهم يخفي مشاعره بداخله لأنه يخاف لا يُرفض من الشخص اللي يحبه إذا عبر عن مشاعره تجاهه ، وهواي بشر يگولون أنه علاقة الحب لازم تنتهي من جانب واحد في سبيل يتجنب المشاكل الصحية والنفسية التي تسببها والتوتر اللي تسببه للتفكير البشري.

شلون ممكن أعالج الوضعية ؟
طبعاً الحب من طرف واحد كلش خطير ع صحة الشخص وطريقة تفكيره ، لأن بهذه الحالة من الحب يستنزف الشخص مشاعره بدون أي فائدة ، وبنفس الوقت يكون الجانب الآخر من العلاقة بحالة من اللامبالاة وعدم الإهتمام، وسر هذا الخطر بهذا الحب هو أن الإنسان عنده خوف دائم من الرفض وعدم القبول ، وهذا الشي يولد الإحساس بالنقص ، ببداية الأمر ، اذا نريد نعالج هذه المشكلة لازم نعترف بأنه اللي نشعر بيه من منظور الحب هو شعور غير متبادل ، ولازم يكون عندنا العزم والإرادة حتى ننهي هذه العلاقة حتى ما تستنفذ مشاعرنا ، ولازم يقتنع الشخص من الداخل بأن قرار إنهاء هذه العلاقة هو القرار الصحيح ، لأن علاقة الحب من جانب واحد هي علاقة ما بيها فائدة ، والشخص اللي يوشك ع إنهاء علاقة حب من طرف واحد لازم يبدأ يقترب من الآخرين حتى يقضي وقته وياهم ويدعموه ويساعدوه وينصحوه حتى يگدر يجتاز هذه المرحلة ، ويبدأ الشخص يبحث عن شغفه بالحياة ويلهي نفسه عن التفكير بالشخص اللي يريد إنهاء العلاقة وياه.

وأعتذر جداً ع الإطالة 😊♥️.
#تحياتي_صابر.

- الرساله ؛ الحب من طرف واحد
هو اكثر شي يهلك المشاعر
الانسان لازم يمتلك الشجاعه
الي يحب لازم يتقدم خطوه ويحاول بقدر الامكان انو يعبر عن حبه بشي ملموس
لان الفرص للجميع اذا ماتقدمت انت ح يجي احد غيرك ويتقدم وتكون الإ الأولويه

ومن الاخير الحب من طرف واحد لازم الانسان يكون
To be or not to be