روايات دُكس ??

هااااااااااي
تؤامي قدس رجعت تكتب الروايه واخخخخخخيرا بس ما بتنشرها الا لما تخلص تكتبها." 😭💙😍

أن كنت صديقي ..
ساعدني .. كي ارحل عنكك
او كنت حبيبي ..
ساعدني .. كي اشفى منكك
لو اني اعرف ..
ان الحب خطير جدا .. ما احببت .#
لو اني اعرف ..
ان البحر عميق جدا .. ما ابحرت
لو اني اعرف خاتمتي ..
ماكنت بدأت ..

#قدس_قحطان

بدايه روايه هاكذا ببلدي يعشقون. 🇾🇪
https://t.me/Rwayat_Quds/17

ننتقل من الحديده لِ صنعاء ..
شهاب جالس بغرفته وهو ضااااابح قد عيقرح ..
اوووووفف الله يشلك يا اصيل قمت تسافر فجأه عشان تقهرني والله ماراحت والله لا اقهرك وارد لك الصاع صاعين ..
والتفت لتلفونه الي رن وعين المتصل "هشام"
جاوب : ها هشام
هشام : هلا كيف انت يا ولد اين سرت معد اتصلت من الصبح !!
شهاب وهو ضااانك : سرنا بيت الـ........ من الصبح
هشام بصوت متفاجأ : امااااانهه
شهاب : والله .
هشام : ومال صوتك ضابح ؟
شهاب : ابن الكلب بزها وساروا شهر عسل
هشام : منهو؟؟
شهاب : من غير اصيل الـ####
هشام بضحكة : هااااهه هههههههههه سهل يا عمري عتعوضها انت بشهر عسل اضخم من حق اصيل
شهاب : قول ليت والله ..
هشام : ليت والله .
شهاب : ليت وانا بدل اصيل الكلب
هشام تنهد : هو لا عيال الـ....... هم هكذا يتزوجوا الي يشتو حتى صميل عن المكالف
شهاب : لكن انت داري نواصل الي لا نفعله ببنتهم ونوريهم من يكونوا وعنكسر ظهرهم
هشام بخبث : ايوووهه وعننتقم من احمد عشان عذاري حين بزها مني غصب عنها وعننتقم من اصيل على غصون حين بزها عليك
شهاب : وماراحت لهم .

عند اصيل وغصون..
وصلوا للفندق قبل دقايق ..
وغصون جالسه تدور بالشنطة على اغراضها عشان تدخل تتغسل
واصيل بالحمام لايتغسل
كملت تخرج اغراضها خرجت لاصيل اغراضه مثل ما طلب منها وطرحتهن فوق السرير
وسارت جلست فوق كرسي التسريحة وفكت شعرها وجالسه تحرك اصابيعها ببشرة شعرها وهي مبتسمة ابتسامحه خفيفه ومكشره لان شعرها خاااامد/ناكي

عند احمد ..
دخل الشقه وهو حاسس بضيق توجه لغرفة النوم طوالي وعين عذاري جالسه قدام الدولاب والملابس كلهن بالقاع والدواليب فااضيه والي يتذكره احمد انه لمن بدل ملابسه قبل ماينزل كان الدولاب عشره على عشره بالترتيب عينها بأستغراب لتعطف الملابس والمعطف ترجع نعطيه من جديد
جلس يتأملها وهي مدية له ظهرها ولابسه بجامه سودا قطيفه فيها شخابيط بدرجات اللون الوردي ورافعه شعرها كعكه بأهمال
قطع تأمله لها صوتها الهامس الي وصله بقوه : اخرج وغلق الباب
احمد جلس فوق السرير : وليش اخرج ؟
حرفت راسها صليه وقالت بجمود : مش ما يقع اشوفك ولا اسمع صوتك ولا طايقه ان انا وانت نجتمع بمكان واحد .
احمد بسخرية : هه احلفي
عذاري وبسرعه بدأت تبكي وتنفل كل الملابس الي عطفتهن وترجمهن بكل الغرفه
اما احمد جلس مذهول من الي يشوفه منها
سنبت بصعوبة وهي تبكي قويه وعينت له بقهر : ليتك ماكنت بحياتي ليتني قتلت نفسي ولاتزوجتك كم كرهتك يا احمد وكرهت حياتي انك فيها والله يشلك انت وحياتي والله ما اسامحك الله يجعلني بذمتك لا يوم الدين جعل ربي مايغفرها لك ولاتنسى ان معك اخت ومثل ما انت تفعل في اخت غيرك عيجي من يفعل بأختك مثلك الله لاسامحك الله لاغفرها لك يا رجال
اما احمد مذهووووول من كل كلمه يسمعها وكان هي عليه مثل الرصاص
وتوجهت للباب تشتي تخرج بس وقفت بمكانها من احمد الي جاء سنب قبالها وقطع طريقها
جت يمين وجاء يمين واليسار مثل
رفعت راسها والتقت عيونها القويه بعيونه الي باين فيها الحزن والندم وقالت بصوت قوي : بعّد
احمد بدووون تردد حجفها قوووووويه وهي زي الصنم ماتحركت ولا نطقت بكلمه غير يقشعر جسمها من دموع احمد الي لاتنزل لفوق كتفها اليمين
احمد بصوت مكتوم : اسحبي دعاويش سامحي واغفري الله عيستجيب ياعذاري .
عذاري بصوت جامد : لأنك داري ان انا مظلومة وربي يستجيب للمظلوم
احمد بهمس : سامحي يا بنت ابوش
عذاري : ماسامحك
ودهفته منها وخرجت من الغرفه ودخلت غرفة الكنب وغلقت الباب بالمفتاح وجلست فوق الكنبة وضمت أرجلها لصدرها وطرحت راسها فوق ركبها وصوت بكاها يوصل لأحمد الي تمدد فوق السرير وحجف مخدتها وغمض عيونه يمنع الدموع لكن زادت بدون ارادته


✸ اختناق ..
هذا ما اشعر به .
وكأن شي عالق بحنجرتي
اشعر بأني اريد الصراخ بصوت عالٍ
ان تشعر بي أمي وتأتي لتضمني لصدرها
اتمنى ان اللحظات التي كنت أعيشها سابقاً أن تعود أعيشها هي دون ان تتغير
ما هذا يا ابي !
ظننت بأن جميع الرجال يشبهونك بكامل الصفات
اتمنى ان أشكو لك من مافعلته بي الحياة ..
ابي اتمنى اني الان بجانبك
افضل الموت على هذه الحياة
ايتها الحياة ارفقي بي ..
فأنا مازلت بعمر صغير يسمى عمر الورد
ولكن أراني كـ شائب توفي احب أبنائه لقلبه
ارجوكِ يا الاقدار دعي مذاقك حلوٌ كالسابق وليس ببشاعة هذا المذاق


【گتابتي الگاتبه : دُگس】

★ٱلبـــــــ18ـــارت الثامن عشر ..


عند احمد ..
خرج من شقته وهو حازب بالثوب نزل الدرج بسرعه وخرج من بيت ابوه وتوجه لديوان عمه علي وهو يعين بأستغراب للجده وعمه علي وحل الصنادل باب الديوان ودخل وهو مبتسم وبعيونه نظرة نصر وبدأ يسلم باليد ولما وصل لابوه توطى وحب راسه ونظرات الغضب باينه بعيون ابوه احمد وهو رافع حواجبه مكن ابوه الكيس الدعايه الصغير الي بيده وقال : هذا لك يا تاج راسي .
خالد عين للكيس بأستغراب ووطى راسه وفتح الكيس يعين ايش داخله ونشفين عروقه من الي عين والي تأكد ان احمد دخل على عذاري
ورفع راسه وهو مبهرر وعين احمد الي ابتسامة النصر عاد هي بوجهه
واحمد دعمم وكمل يسلم وجلس جنب اسعد وناصر
اسعد بفضول : ايش اديت لعمي علي ؟
احمد : ما عليك انت قولوا لي ايش الاجتماع الي خارج ؟
ناصر : امك دوله شعبت تسفر اصيل ومرته شهر عسل
احمد تفاجأ : هاه
اسعد : والله وزد مجهزه كل شي واقنعت ابي واعمامي
احمد : واصيل وغصون ؟
اسعد : مدري ما غصون لكن اصيل اتصلت له وهو رااااافض قوووي

فيما بعد ..
الجو بالسياره هاااادي ما غير صوت أنفاسهم
اصيل جنب السياره : هيا ننزل نتعشى هانا وبعدا نواصل .
غصون : هيا
ونزلت من السياره بعدما نزل اصيل
ودخلوا للمطعم
وبعدما جلس غصون بمكان العوايل قال بهدوء : ايش تشتي نتعشى
غصون وقد هي تاعبه من الطريق : عادي اي شي اهم شي نتعشى .
اصيل هز راسه وسار يطلب لهم وبعد دقايق رجع وعين غصون طارحه راسها فوق الطاوله وابتسم وقال بصوت هادي : حرام انش مثلي مشتي الا ارقد
غصون رفعت راسها : يمممكككن نتعشى وننشط
اصيل جلس قبالها وقال : اشتي اسألش كيف لو ما شعبت امي دوله ؟
غصون كشرت : بسبب عمتي وبنتها وقع موقف خلا امي دوله تشعب من بعده
اصيل هز راسه : يله الله يجعل السفره خير لنا
وخرج تلفونه من جيبه وانشغل به وغصون رجعت راسها لفوق الطاوله.
ودقايق وجاء الفاصوليا الناشف والرشوش وشاهي بثلاجه
اصيل وقد هو جااااوع قسم من الرشوش وبدأ ياكل
غصون عينته : ماعنغسلش
اصيل عينها وحرك يده بمعنى اكلي وبس
غصون هزت راسها : بعدك

عند اصيل ..
بعدما فعل رساله "معد اجيش" لسلطان الي قد كان حاكاه ان هو يلاقيه
توجه لبيتهم وتفكيره عند الجده دخل سيارته للحوش ونزل وعين الجده وابوه جالسين فوق الكراسي الي جنب باب بيت العم صالح
توجه لهم ونظرة هاديه بعيونه ويداته بجيوبه



★ٱلبــــــــــارت ٱنتهــــــــــى★

غصون رفعت راسها للجده بصدمه من الي تسمعه !
اصيل : هااااه!
الجده : الي سمعت وغصون ذاهي تسمع وعتجهز ملابسها لما انت توصل
اصيل بضحكة مش مستوعب الي يسمعه : يماااه صلي على النبي إيش بتقولي كيف شهر عسل فجأه ؟؟
الجده : انا قلت الي عندي .
اصيل : يماااه فكري فيها ماجهزنا شي ولافعلنا حسابنا
الجده : تهم الزلط ياولدي ؟؟
اصيل : إيش من زلط يمااه مش وقت هذا الخبر .
الجده : اقسم بالله ان ماتجي ذلحين ما انت ولدي ولا اعرفك لا يوم الدين
اصيل : ناااهي يمااااه عد اجي نتفاهم بعدا سهل
الجده رجمت التلفون فوق السرير وقالت لغصون بأمر : قومي جهزي لكم ملابس .
غصون سنبت وقالت تحاول تستوعب : اماه دوله !!
الجده وهي تتوجه للباب : قلت لفي اوانيكم
وفتحت الباب وصيحت : ياحنااان
ثواني وحنان قبالها : هاه اماه
الجده دخلت الغرفه واشرت لحنان تدخل وحنان دخلت وهي مستغربه وغلقت الجده الباب وقالت بأمر لحنان : انا اعرف غصون بنتي غصون خجفا وريها ايش تبز من ملابس عتسير هي وزوجها شهر عسل .
حنان عينت للجده : هاااه!
الجده بصياح: عتجلطوني انتم كل واحد هاه وهااه افهموا يله انا بدأت اضبح
حنان : ناهي يماه صلي على النبي من قال انهم عيسيروا
الجده : انا قلت
حنان : وقلتي لعلي واصيل وعمام اصيل ؟؟
الجده : قد قلت لاصيل باقي علي وأخوته الان اسير لعندهم انتي جهزي الملابس معاها امد ما ارجع
وخرجت الجده من الغرفه وحنان التقتت لغصون : إيش رايش ياغصون
غصون رفعت اكتافها بإستغراب !
حنان بعد ثواني كثيره قالت : اصه وانتي إيش عيوقع افتهنو لكم تعالي نجهز الشنطه قبل ماتجي امي دوله
غصون بهررت : خاله !
حنان توجهت للدولاب : اصه ولا كلمه يله وانتي جهزي نفسش

ببيت العم علي ..
بالمجلس البنات والنسوان مجموعات
الجده صيحت لغصون الي جالسه بطرف الديوان مع البنات : تعالي ياغصون جنبي
غصون عينت لجدتها وقامت متوجهه لها
ريم : وانا يماه دوله ؟؟
الجده : مشتيش الا غصون مرت ولدي اصيل
سهير : الله عليك يا اصيل
ام شهاب (فايزه) : كيف لو ما مرت اصيل او حين انا وبناتي موجودات
حنان استغربت الكلام : يوووهه يافايزه إيش بتقولي والله ان امي دوله تحنج غصون قوي من حنجها لاصيل الزايد
فايزة بأبتسامه : قلت
الجده مطنشه الموقف والتفتت لغصون الي جلست جنبها وقالت لها ويدها التفت فوق أكتاف غصون : كيف الزواجه ؟
غصون وطت راسها : الحمدلله
الجده : واصيل ؟
غصون : بخير
الجده : اتصلتي للعياده يأجلوا لش الموعد ؟
غصون هزت راسها بـ ايوه
ثريا قامت من بقعتها وجلست جنب امها من الحال الثاني : حرام ان قدنا لا اغير قوي وانا اسأليني على زوجي وعيشتي
الجده عينتها وقال : اصه اعقلي قالت لا اغير
ثريا : فـ انتي امي ..
ورده اخت شهاب الكبيره : مااااشي ماتملي عينها الا مرت اصيل بنتنا غصون
فايزة شافتها فرصه قالت : يوووووهه الله لا وراش ياغصون كيف شهاب مرض حين عقدوش على بن خالش
الجده بصوت قوي : امر الله
فايزة تكمل : اقسم بالله ان هو وجع قلبي
ورده : ايوه والله اني تمنيت وانا احاكيش ترفضي اصيل
الجده بصوت عالي : عادش ببيت اصيل
حنان توترت من الموقف : وحياهن فوق العين والراس
الجده التفتت لغصون : قومي ادخلي غرفتش وانا عد الحقش اشتي احاكيش
غصون قامت خرجت من المجلس بدون ما تقول اي كلمه
الجده قامت من مكانها والتفتت لفايزه : ما يجوز تقولين هذا الخبر وهي على ذمة رجال
فايزة تبرر : ليش ايش قلنا ماقلنا الا الواقع
الجده هزت راسها وخرجت من الديوان متوجهة لغرفت اصيل وغصون وفتحت الباب ودخلت عينت غصون جالسه بطرف السرير وارجلها بالقاع وبيدها تلفونها وباين انهي زاعله
الجده بأمر : دقي رقم اصيل وهاتي احاكيه
غصون : من تلفوني ؟؟
الجده : ايوه .
غصون ضربت رقم اصيل ومكنت جدتها التلفون
ثواني وجاها صوت اصيل : الو
الجده : اصيل وين انت ؟؟
اصيل بأستغراب من امه دوله : بأرض الله الواسعه
الجده : انت بالديوان ؟
اصيل بصوت هادي : لا
الجده : وين انت ؟
اصيل مستغرب : أأمري يماه دوله انا خدامش
الجده عينت لغصون الي موطيه راسها لفوق ركبتها وشعرها نازل من فوق اكتافها وباقي شويه ويوصل للقاع : تعال شل غصون وسيروا افعلوا لكم شهر عسل .

عند احمد فوق سيارته ..
عين اصيل فوق سيارته مسسرع وما انتبه له رفع اكتافه بلامباله وتوجه بسيارته للبيت وهو مقرر قرار برأسه واكيييد عينفذه ومستحيل يتردد
دخل السياره للحوش ونزل منها وملامحه هاااديه خاليه من اي تعبير التفت لديوان العم علي وعين صنادل الرجال الي باب الباب وتذكر كلام ابوه(( اختك ياهين يا#### مش انت رجال ولا تنتمي للرجوله بهذا كلامك ولا تدخل مجلس بين الرجال ومش انت رجال ))
توجه لبيت ابوه وطلع الدرج وخرج المفاتيح من جيبه وفتح باب شقته ودخل وهو حاسس انهي ماسارت بيت عمه علي لان هو فلتها وهي تبكي
رجم المفاتيح لفوق الطاوله وصيح : ياااعذاري ..
عذاري خرجت من غرفة النوم وعيونها منفخات ولابسه بجامه قطن ورديه عينته بدون ماتنطق حرف
احمد قرب منها بخطوات بطيئة : سمعتي ابي إيش قال لي اليوم ؟
عذاري عينته بنظرات استغراب وما ردت
احمد بضحكة ماتطمنت لها عذاري : ههههههههههههه قال مش انا رجال هههههههههههه وما عزمت اليوم ادخل مجلس الرجال هههههههههههههههههه
ومسك ساعدها بقوه وقربها منه وقال بغضب : حصلت ملطام من ابي بسببش
عذاري وهي خايفه وتتنفس بسرعه : وانا ايش دخلني ؟؟
احمد ضغط على ساعدها اكثر : كيف ايش دخلش وانتي مرتي مش انتي اختي
عذاري تحاول تفك يداته منها : احممممد
احمد : وانا حرام وطلاق بالثلاث لا انزل الديوان واجلس بينهم وراسي مرفوع
عذاري وقد هي عتبكي : ناهي انزل .
احمد فلت ساعدها ومسك كفها بكفه وقال وهو يتوجه للغرفه ويسحبها معه : عد انزل اكيد بس بعد ما اوقع رجال ..

اصيل ببرود : خير
اسعد بحماس : ناصر ولد خالتي لو تشوف مخطره
اصيل ببرود : ماله ؟
اسعد : شفت اليوم هو جالس مخزن جنبي وقال لي حاجه يوووووووووهه يااااااصيل اقسم بالله ان هو صدمني
اصيل عينه وقال بطفش : ابوها المقدمات .
اسعد : والله للان إني ما قد استوعبت الحمار هذا
اصيل زفر بضيق وقال بصوت ناعس : اسعاااااد هيا إيش به ولا اسكت
اسعد يتصلح بجلسته : ناهي ناهي قول يا طويل العمر ناصر اليوم قال لي ان هو يحب ريم من يوم كنا نلعب بالحوش
اصيل التفت له ببطئ مش مستوعب الي قاله اسعد
اسعد يكمل : وقال يسألني لو يتقدم عمي خالد عيوافق عليه .. انت إيش رايك عيوافق
اصيل بهدووووووء ظاااهري : وليش يرفض
ورفع الشقاره لفمه
اسعد : ايوه قد قلت له م اظن ان هو يرفض شفت ما اخطره يحبها ومحد داري او انت كنت داري ؟؟
اصيل هز راسه بـ لا
اسعد : لا قول او المهم مسكين عندما كانت زوجت خطاب كيف شعوره
اصيل ابتسم بسخرية
اسعد : طرحت نفسي بقعته وسهير بدل ريم حرام ان انا قشعرت
اصيل رجم الشقاره من الطاقه وولع السياره
اسعد : ياوسخ انا احاكيك وانت تدعممني هكذا
اصيل ببرود : عتنزل ولا احرك السياره ؟
اسعد فتح باب السياره ونزل وهو يقول : الله يقلعني من يوم جيت ازف لك الخبر المفرح هذا
اصيل بصوت لامبالي : امر الله
واشر للحارس يفتح البوابه ودعس السياره قوووي وخرج من الحوش
اسعد عين سراب السياره وقال لنفسه : كيف عاد هو عيوصل بهذه السرعه .. الله يستر عليه
وتوجه للديوان يكمل تخزينته

اصيل خرج من بيتهم وبباله مشطة غصون بباله الي كان يحبها وبسبب منظر تسنيم وهي ممشطتها كرهها ردد بصوت وااااطي : حسبي الله فيش ياتسنيم

بعد الغدا ..
الكل مجتمع ببيت علي
النسوان داخل البيت والرجال بالديوان الخارجي
عند الرجال ..
عصام : كيف الزواجه يا طارق ؟
طارق هز راسه وقال وهو حاسس ان هو مخنوق من وجود عمه وولد عمه وبأبتسامه مزيفه : حاليه
عصام : الزواجه مسؤلية ان انت قدها ولا طلقت من ذلحين
علي عين لعند عصام وهو مبهرر من كلامه
صالح والي انصدم من كلام عصام بس ما بين : ماشي طارق ولدنا قدها وقد الف مثلها
عصام : ان شاء الله ان هو قدها
اما اصيل الي جالس جنب ابوه براس الديوان فكان يحس ان معدته لاتحرق من ضيوف اليوم
اسعد وكالعادة يغير الموضوع : القات اليوم شوعه يا عمار من وين اشتريتهن
عمار : اشتريتهن من سوق عنس
شهاب : يوووهه اخس سوق بصنعاء كلها
اسعد التفت له وبنظرة ساخره : ايشو احسن سوق ياشهاب ؟
شهاب : سوق الهندوانه عين على قات ورفع حقه القات الروس وكمل : اقسم بالله ماتلقوا مثل قاتي باليمن كلها
عصام : السوق اليوم بوره
شهاب : ايوه صدق قاتي اشتريتهن بعشرين الف وقدهي بوره وانت يا طارق بكم قاتك ؟؟
طارق : ثلاثه الف وخمس
عصام بهرر : ولد غسان الـ........ يخزن بثلاثة الف
طارق : هذا الي يعجبني يا عم عصام قاتي عاجبني
خالد يغالط الموضوع : ايحين عتتزوج ياشهاب ؟
جاء شهاب عيرد بس قاطعه ابوه : والله قد كنا عنزوجه لكن جاء من شل نصيبه
صالح : محد يشل نصيب احد يا عصام
عصام وهو يمسح فمه بفاين : لولا وصية غسان اخي ولا كانت بنتنا لولدنا
اصيل وقد النار لا يخرج من عيونه : غير الموضوع يا عم عصام افظل لك ولي
عصام : هو هذا الصدق لو إيش ما قلت انا وقلت انت .
اصيل جاء عيرد بس سكت من ابوه الي طرح يده فوق فخذه يهديه
واصيل قام طوالي خرج من الديوان طااافح من الجو المكهرب
وطلع فوق سيارته وولع الشقاره وبدأ يشقر التفتت لباب الكرسي الي جنب كرسي السواق وعين اسعد طلع السياره وغلق
واصيل مواصل يشقر بهدوء
اسعد بحماس : عندي لك خبر بعشرة مليون

اصيل سحبها من شعرها لعند الباب وقال وهو يحس ان قد نتف شعرها ليده : والله ياتسنيم انش واحده واطيه ولو مانا خايف من زعل خالتي ولا عد افعلش مرمطه قبال خلق الله والعباد
تسنيم بعناد متجاهلة كلامه حبت ذراعه الي ماسك بها شعرها وقالت : فديت اسمي من فمك
اصيل وهو يحس داخله يحرق فتح الباب وما اهتم لو احد موجود ويلقاهم ودهفها لا خارج ورجع غلق الغرفه
وجلس فوق السرير ومسح على وجهه وهو كااااره نفسه
خرج تلفونه من جيبه بعدما سمعه ليرن وعين رقم غصون الي مسجل بأسم
(نقطةضعفي)
وجاوب بصوت هادي : ها غصون
غصون : قدنا باب بيتنا وين انت
اصيل : ادخلي انا بغرفتنا
غصون : يله تمام
وثواني وهي لتدقدق باب الغرفه وقام فتح لها
دخلت ونزلت الطرحة من فوق راسها
واصيل عين لعندها وبها حاجه ماعجبته غصون عينت اصيل بأستغراب من شكله الي واضح ان هو ضاابح
جلست جنبه وقالت بهمس : مالك ؟
اصيل وهو يهز راسه وقال ببرود : إيش قالت لش عذاري ؟
غصون توترت من الموضوع لان عذاري قالت ماتتحاكى وقالت وهي ترجع قصتها لورا اذنها : ولاشي ما بلا بيتهيبلوا
اصيل عين لعندها : هم بخير ياغصون
غصون ماقدرت تخبي عنه : بينهم المواضيع الي بين اي زوجين
اصيل : وليش يكبروها ويبان ان بينهم حاجه مش هم حق زواجه اشهد لله
غصون قالت وهي موطيه راسها : احمد ما قد دخل عليها وخالي خالد دري قام ضرب احمد
اصيل التفت لها وعينها وهو مبهرر
اما غصون فعينته وابتسمت على شكله
اصيل وهو يهز راسه وبصوته الهادي : امر الله
وقام قد عيخرج بس وقفه صوتها : ليش بدلت ؟
اصيل التفت لها : اكترع الشاهي
غصون كشرت : يوووه كون انتبه
اصيل هز راسه بـ تمام
والتفت مسك مفتاح الباب بس التفت لها وقال وهو : ياغصون
غصون عينته : هم ؟
اصيل توجه لها ومسكها من اكتافها وسنبها قباله ورفع يده وسحب البيم(فرتقه سودا)
من شعرها الي رافعته كعكة
وانتفل لفوق اكتافها وهي وطت عيونها بخزا
مسك راسها بين يداته و حب جبهتها وشكلها [جذبه]
قال بهمس ووجهه قريب من وجهها : فديتش هذه المشطه بطليها
غصون رفعت عيونها لعيونه بأستغراب وكشرت كشاره خفيفه
اصيل حب الكشاره الي فعلتها بجبهتها
ولصق جبهته بجبهتها : داري انش تحبي هذه المشطه بس عشاني بطليها تمام ؟
غصون بصوت هاااامسسسس وهي مرتبكة من قربه : تمام
حجفها قوووويه حست ان هو يشتي يدخلها بين اضلاعه


❁- شا اججمع قلــوب ﭑلمحبيـن ڪلهـم
داخـل فـؤادي وششاحبڪ بـهــن ❥

- واسسرق نجـوم ﭑلسسماء مـن ليلــهـم
واٲرصصهـاﭑ لـﻋيــونڪہ ڪلهــن


بعد عنها بسرعه وفتح باب الغرفه وخرج اما هي سنبت بعد خروجه لثواني وابتسمت بححب وفرحح
وتوجهت للتسريحه ظفرت شعرها

ودقدق باب البيت وهو يصيح : يماااه
فتحت حنان الباب وعينته وقالت : اين سقت غصون
اصيل دخل وهو يقول : عتجي ذلحين عيني لي طريق ادخل الغرفه ابدل
حنان عينت الثوب : يوووه كيف اكترع ؟؟
اصيل بهدوء : بالغلط
حنان توجهت لغرفته وهي تقول : تعال محد
ودخلته الغرفه وغلقت وتوجهت للمطبخ
وبعد دقايق كمل يبدل وسار للتسريحه رتب شعره وتوجه للباب عيخرج وفجأة افتتح الباب ودخلت مسسرعه وهو عينها ومش هو مستوعب انهي قباله البنطلون والفنيله التفت وقال بغضضضب وصوت مكتوم : تسسسسنيم 🔥
تسنيم وهي حاااسه بالمجازفه هذه : ياعيونها
اصيل وهو يحاول يهدي نفسه : احتفظي بعيونش والله معش من هانا
تسنيم بعناد : مااعه احترف نسد اول
اصيل بنبرة ساخره : نسد !
تسنيم قربت وبجراأه طرحت يدها فوق كتفه : ايوه نســ
قطع كلامها اصيل الي نفض يدها منه والتفت لها ومسك شعرها بقووه ومن قلبه : خلي نفسش عزيزه عشان يعزوش الناس
تسنيم وهي تمسك يده الي ماسك بها شعرها : اهم شي اني اعزك مش ضروري تعزني.

احمد توجه لها بسرعه ومسكها من اكتافها قويه وقال منبين اسنانه : ذنبش انش مرتي .
وفلتها وخرج من الشقه ورزع الباب بعده وهي جلست بالقاع تبكي بصوت عاااالي

نزل من الشقه وهو ضااابح وصادف بباب العماره (اصيل)
اصيل قال بصوته الهادي : وين انت ؟
احمد بطفح : بالجن
اصيل بأبتسامه حاليه : قد كنت عد اطلع ادورك
أحمد هز راسه ومشي من جنب اصيل وهو سااكت
اصيل مستغرب منه : احمد
احمد التفت له وقال وباين ان مش هو طايق نفسه : هااه
اصيل : مالك ؟
احمد : ولاشي
والتفت متوجه لسيارته
اصيل : اين عتسير ؟
احمد : معزوم
وطلع سيارته ومشي
واصيل توجه للبيت وهو مسسسستغرب
دق باب البيت وصيح : ياغصون
بعد ثواني فتحت غصون الباب
اصيل بدون ما يقولها اي كلمه سحبها لقدامه وشاف لبسها (مستوره)
مشي وهو ماسك يدها وهي تمشي بعده بالحوش
غصون : مالك ي اصيل اين عنسير ؟؟
اصيل دخل هو وياها درج بيت العم خالد وقال لها بصوت واطي : اطلعي لعند عذاري عيني مالها خرج احمد ضابح وانا قلق عليه
غصون هزت راسها : تماام
اصيل وهو يبعد عنها متوجه لخارج : لقد خرجتي من عندها اتصلي لي
غصون وهي تطلع : ناهي
وطلعت الدرج ودقدقت على عذاري لثواني وصلها صوت عذاري الواطي : من
غصون : انا غصون افتحي
وبسرعه افتتح الباب وظهرت عذاري الي شكلها يباااان عليه الزعل وان هي قد بكيت لما قالت ربي الله
وارتجمت بحجف غصون تبكي
اما غصون فخااافت عليها ودخلت الشقه وهي حاجفتها وغلقت الباب
غصون : مالش يا قلبي صلي على النبي
عذاري مواصلة تبكي وماردت
غصون تمسح على شعرها : عذاري اهدأي فديتش وحاكيني اقلقتيني عليش
عذاري ببكى : يااغصوون إيش اقلش وايش ااااهه منك يا احمد الله يقلعها زواجه
غصون حجفتها اكثر : لاتقوليش هكذا انفدالش فهميني فضفضي لي
عذاري بعدت عنها وهي تمسح دموعها ودخلت غرفة النوم وغصون لحقتها جالسين فوق السرير وبدأت عذاري تحكي لها من اول ليله لها بهذه الشقه .

عند اصيل ..
دخل الديوان بعدما عين خالته سميره وبناتها داخلات البيت وتوجه لسمير وسلم عليها وسألها على ناصر وقالت عيجي بعد شويه وعين اسعد اخوه جالس على حال لحاله فسار جلس جنبه عشان يتجنب انه يجلس قريب من شهاب لانه مش طايقه ابد
اسعد عينه ومد له قلص شاهي : ازقم تقهوا انفداك
علي : اي والله تفداه
اسعد يهز راسه : عد ادعمم يا اباه
عصام : لاتدعممش ازقم قلصك من فوق المدكى لايكترع فوق أخوك
اسعد عين للقلص: م عيكترع ولا
شهاب وهو يمسك ركبته ويقول برفعة حاجب : والله ياحبذا يكترع مدرو والثلج يذوب
علي وفهم نغزت شهاب : بعيد الشر على ولدي
اسعد انقهر من شهاب دهف القلص بالعاني واكترع فوق اصيل واصيل قام بسرعه يرفع الثوب من المكان الي اكترع فوقه الشاهي
علي بهرر : مالك يا اسعد !!
اسعد عين لشهاب وبصوت قوي بغير عادته : عشان اوري بعض ناس ان ماشي يغير شي
اصيل عين لاخوه منبهر من الموقف والكلام وتوجه لخارج الديوان وهو يشكر اسعد بقلبه لانه وبصدق حب الموقف رغم انه (حرق)

عند خطاب ..
خرج من غرفته ودخل غرفة ابوه وامه
وعين ابوه ممدد فوق السرير وبيده التلفون
خطاب جلس بطرف السرير : اباه
صالح : همم
خطاب : اشتي احاكيك بموضوع
صالح عينه : وانا والكل اشتي احاكيك
خطاب : يله ابدأ انت
صالح : ماشي اول اسمعك انت
خطاب وطى راسه: هو على شهد مرت عمر الله يرحمه
صالح قم جلس : مالها شهد؟؟
خطاب عين لابوه ثواني ورجع وطى راسه : اشتي اتزوجها
صالح عين لولده ثواني وهو فاتح فمه وقال بفرح وعيونه مدمعات : صدق يا خطاب
خطاب هز راسه بـ ايوه وهو كااارهه هذا الموضوع عين لابوه وقال : وانت إيش موضوعك ؟؟
صالح قرب وحجف ولده وقال وباين على صوته الفرح : هذا هو الموضوع الحمد لله يارب الحمد لله يا خطاب الي جت منك انت

دخل اصيل التلفون جيبه وهو ضااابح ومستغرب من احمد الي مختفي ومغلق تلفونه !!
قام بتكاسل لما عين عصام وشهاب داخلين الديوان
قرب علي من عصام وسلم عليه وهو يقول : اهلا وسهلا بأبو شهاب نورتم البيت
عصام : الله يحييك
قرب شهاب من علي وكان سلامهم (عادي)
عصام سلم على اصيل وهو يقول : كيف انت يانسيبنا
اصيل ببرود : الحمد لله
شهاب عين لاصيل وقرب له عشان يسلم وهو يقول : مش قلتلك عنجي للبيت نسلم
اصيل وهو يتوجه لخارج الديوان : مرحب بك يا ولد عم زوجتي

عند عذاري ..
دخلت غرفة النوم وعينت احمد مسنب جنب التسريحة ليمشط شعره ..
قالت وهي زاعله من الي حصل : احمد انا إيش ذنبي ليش زاعل مني ؟
احمد عين لعندها برفعة حاجب وهز راسه والتفت يكمل يمشط شعره
عذاري قالت وقد هي عتبكي : احمااااااد لاتوقعش ها كذا
احمد رجم المشاط من يده لفوق التسريحة وقال بصوت عالي غاضب : اخري من قبالي ياعذاري لا اخرج الي داخلي فوقش
عذاري بكيت : وانا إيش ذنبي

★ٱلبـــــــ17ـــارت السابع عشر ..


انا اتحداك وأتحدى عيونك
حين القاك ماتلفت صليا

يمين الله ماتسخا جفونك
ولو حاولت ياباهي المحيا

حاول بس تتركني بدونك
وتهجرني وتتكبر عليا

ورب البيت لا يجنن جنونك
وتتمنى تقلي الف حيا

امانه بي لاتخفي شجونك
انا داري وعالم مامعيا

حرام ان الهواء مالي جفونك
ونار الشوق في وسط المحيا

فكيف انساك او انسى عيونك
وانت البدر في وسط الثريا

احبك ولايمكن اخونك
وحق الله ماغيرك لديا

حبيبي آآح لومالت غصونك
وقالت ياحبيب القلب هيا

انا المملوك في قلبي اصونك
ولك روحي وما تملك يديا
.
.
.
.
دخلت غرفة اصيل وعينته رااقد
قالت بصوت الضيق واضح عليه : اصيل قوم جاوب التلفون
اصيل .. لا رد
غصون جلست بطرف السرير وقالت بصوت اعلا شويه : يااااصيل قم جاوب التلفون
اصيل فتح عيونه وبعد ثواني بهدوء : من؟
غصون بعدت نظرها عنه وقال وهي تتوجه للتسريحه : سلطان بتلفون البيت
اصيل هز راسه بصمت وقام سحب فنيله من الدولاب ولبسها وهو مركز على غصون الي الضيق باين عليها وخرج من الغرفه همس لما جا صليهم : صباح الخير
الكل بأصوات مختلفه: صبااح النور
رفع سماعة البيت وقال بصوت بااارد : الو .. صباح النور .. ماشي .. معد اجيش .. مشغول .. خير ان شاء الله .. مع السلامه
وقفل التلفون والتفت قد هو عيتوجه لغرفته بس وقفه صوت ابوه : اصيل لاعد ترقد عيجوا عندنا ضيوف
اصيل التفت لهم وقال بصوته الهادي : م عليا من الضيوف
والتفت يتوجه لغرفته بس مره ثانيه وقفه صوت ابوه
علي والي ععااااارف كره ولده لضيوف اليوم : بيت عم غصون عيجوا
حنان : وعنعزم اعمامك وخالتك سميره ومي دوله قد هي مره
اصيل تنهد وتوجه للكرسي مكانه المعتاد وعرف سبب ضيق غصون التفت لامه وقال : غصون اكلت ؟؟
سهير : لجعتين
قام اصيل وتوجه لغرفته وخرج وهو ماسك يد غصون ويسحبها بعده وقال بصوت هامس وصل لها وحدها : اصتبحي وقومي بعدما اقوم
وجلس مكانه وهي جلست مكانها جنبه
سهير : كيف عتفعلي دكتور الاسنان ي غصون ؟؟
علي : نأجله لها عادي او إيش ياغصون ؟؟
غصون هزت راسها وم ردت
وبعد دقايق فضيت الصالة من الكل عدا اصيل وغصون
التفت لها وقال : اليوم دعممي الكل مثل ماعد افعل انا
غصون بابتسامة مكر : انت دعمم شهاب وانا ادعمم تسنيم
اصيل بأبتسامه حاليه : احمدي الله انهي تسنيم وحدها لا امها ولا ابوها ولا اخوتها داريين بتصرفاتها ولوهم داريين ماعيسكتوا لها
غصون بضحكة : الله يعيننا اليوم هذا
اصيل قام : يله تشتي تقومي قومي
غصون قامت : جننننهه الي قمت
اصيل وهو يتوجه للغرفه : تستاهلي


عند خطاب ..