Shahnoza Soatova blogi


Channel's geo and language: Uzbekistan, Uzbek
Category: Blogs


Ki har ne olami sug‘roda mavjud,
Bori ul olami kubroda mavjud.
(Alisher Navoiy)
Murojaat uchun: @shahnozchatbot

Related channels

Channel's geo and language
Uzbekistan, Uzbek
Category
Blogs
Statistics
Posts filter


Азизанинг донат челленжи қаерга олиб борар экан деб бир ой кузатдим, хайрли манзилга олиб келди.

Азиза Қурбонова бир ой давомида “Tirikchilik” платформасида ўзига қилинган донатларни йиғиб, яна шунчани ёнидан қўшиб Андижоннинг Қўрғонтепа туманидаги санъат мактаби ўқувчиларининг Тошкентга бир неча кунлик саёҳати ва “ЗўрТВ” тонгги дастурида чиқиш қилиши учун ўтказибди.

Менга ҳам Tirikchilik да 50 минг сўм донат қилишган эди, шуни ўтказдим. Яна ўзим атаганимни ҳам ўтказдим. Tirikchilik —ўзи ижодни қўллаб-қувватлаш учун очилган майдонча.

Лекин камида 6 млн сўм керак экан. Шу пулни ҳайҳайлашиб йиғиб юборайлик, санъатга иштиёқманд болажонлар Тошкентга келиб айланиб кетишсин, “ЗўрТВ”га чиқишсин. Биз кўриб фахрланайлик, менинг ҳам ҳиссам бор деб хурсанд бўлайлик.

Пул ўтказишни истаганлар учун карта рақами ва бошқа маълумотлар Азизанинг постида.

Ази, маладес!

@shahnozxon


Tahrirchi muharrirlarga ish qoldirmasligi mumkin

Bir paytlar noshirlik nonini totib yurgan zamonlarimiz ustozlar qo‘lyozmani kitob holiga keltirish uchun muharrir va musahhihlar tomonidan kamida 7 marotaba o‘qilishi kerakligini uqdirishardi. Avvalgi kitoblar xatosiz bo‘lardi degan gap bejiz aytilmagan.

Ammo zamon jadallashib, zamonaviy texnologiyalar bu sohada hademay "inqilob" qilgudek.

2023-yilda "President Tech Award" tanlovida sun’iy intellekt texnologiyalari yo‘nalishida 1-o‘rinni egallab, 100 ming dollarlik mukofotni qo‘lga kiritgan Tahrirchi loyihasi ko‘z o‘ngimizda jadal o‘smoqda.

Tahrirchi — o‘zbek tilida matnlar imlosini tekshirib beruvchi dastur. Hozirda uning Tahrirchi.uz veb-sayti, brauzer kengaytmalari, kitoblar uchun InDesign kengaytmasi hamda @tahrirchi_uzbot telegram boti mavjud.

Tahrirchi'ning sayti va botida matndagi imloviy xatolarni tekinga tekshirish, ikkala alifboda bexato o‘girish mumkin. (O‘girishdagi ц(ts) bilan bog‘liq muammolarni ham yechishibdi). Premium tarifda esa Tahrirchi matndagi grammatik xatolarni ham tekshirar ekan.

Telegram botida ham xuddi shu imkoniyatlar mavjud. Yana eng qulay tomoni, botni kanalingizga admin qilib qo‘ysangiz, postlarda ko‘zdan qochirilgan imloviy xatoliklar haqida sizga xabar beradi.

Noshirlikni yangi darajaga olib chiqqan yangilik ham Tahrirchi'ga tegishli. Uning InDesign kengaytmasi yordamida kitoblarda bexato bo‘g‘in ko‘chirish mumkin. Ilgari bu bir xodimning ancha vaqti va kuchini talab etardi, lekin baribir xatolar o‘tib ketardi.

Loyihaning maqsadlari yuqori, u o‘zi yutib olgan 100 ming dollarni foydali sarflamoqchi.

Tahrirchi'ni matn bilan ishlovchilarga tavsiya qilaman. Loyihaga doir yangiliklar bilan esa @tahrirchi_uz kanali orqali tanishishingiz mumkin.


Jamiyatdagi tushkunlik kayfiyati sababi nima?

Yashirin depressiya qanday oqibatlarga olib kelishi mumkinl?

Ruhiyatdagi buzilishni nima uchun psixolog davolay olmaydi?

Psixiatriyadan nima uchun qo‘rqmaslik kerak?

Jurnalist Visola Qarshiboyeva va 19 yillik oliy toifali shifokor, psixoterapevt, tibbiyot fanlari boʻyicha falsafa doktori Gavhar Darvish (Teshaboyeva) bilan kechgan suhbatda jamiyatimizning ruhiy va mental salomatligiga doir dolzarb masalalar tilga olinibdi.

Albatta tomosha qiling! https://youtu.be/PQEtFgtPvhk?si=cjLxqTkJImC8amsL


Video is unavailable for watching
Show in Telegram
"Исломда биронта жойда бирон одамни ўлдиришга ҳукм берилмаган. Ким шуни Ислом номидан қилса, у бутун умматга нисбатан, Пайғамбаримиз алайҳиссаломга нисбатан туҳмат қилибди".

Муфтий шайх Нуриддин Холиқназар ҳазратларидан муҳим мавзуда маъруза.

@shahnozxon




Ноқонуний тамаки маҳсулотлари ва унинг савдоси ҳақида хабар бериш молиявий рағбатлантирилади

Ўзбекистон Республикасида 2024 йил 15 февраль санасидан эътиборан, тамаки маҳсулотлари реализацияси учун махсус билдиришнома тартиби жорий қилинди. Яъни бундан буён билдиришномасиз ишлаб чиқарилган тамаки маҳсулотлари ноқонуний ҳисобланади ва қонунда белгиланган тартибда жавобгарликка сабаб бўлади. Ушбу тизим ишлашининг самарадорлигини янада ошириш мақсадида Soliq.uz иловаси орқали ноқонуний тамаки маҳсулотлари ва унинг савдоси ҳақида хабар берган фуқароларга ундирилган жариманинг 20% миқдорида пул маблағи берилиши кўзда тутилди.

Шу ҳам таъкидлаш жоизки, айниқса 2023 йилнинг сўнгги чорагида мамлакат бўйлаб ҳуқуқ тартибот ва божхона органлари ҳодимлари томонидан контрабанда маҳсулотлари савдосига қарши курашиш доирасида йирик рейд тадбирлари кучайтирилди ва 120 миллион дона контрабанда маҳсулотлари мусодара қилиниб, 8.6 миллион дона маҳсулотлар йўқ қилинди. Умуман олганда, бундай тадбирларда барча ҳуқуқни муҳофаза қилувчи органлар ва бефарқ бўлмаган бизнес ҳамда жамоатчилик вакилларининг фаол иштироки ушбу самарали натижаларнинг асосий омили бўлди.
Шунингдек, ноқонуний тамаки маҳсулотлари савдосига чек қўйишга қаратилган бундай рейд тадбирларини олиб боришда юртимиздаги барча ҳуқуқни муҳофаза қилувчи давлат органлари ва божхона қўмитаси ходимларининг муваффақиятларини ҳам алоҳида таъкидлаш зарур.


Президент Шавкат Мирзиёев Россиянинг Москва вилоятидаги "Крокус Сити Холл" концерт залида содир бўлган фожиа оқибатида ўнлаб бегуноҳ инсонлар қурбон бўлгани ва жиддий жароҳат олгани муносабати билан Президент Владимир Путинга таъзия йўллади.

Мактубда Ўзбекистон тинч аҳолига қарши қаратилган бу террорчилик ҳаракатини қатъий қоралаши
билдирилган”.

Теракт жуда даҳшатли экани билан ажралиб турибди. Террорчилар ҳеч кимни гаровга олмади, музокара сўрамади, учраганни “контр страйк” ўйинидек отаверди. Мақсад имкон қадар кўпроқ одам ўлдириб, мудҳиш ва тарихни ўзгартирувчи теракт содир этишга ўхшади. Худди 2001 йил 11 сентябр Нью Йоркдагидек.

Бу даҳшат!

Тинчлик бўлсин🤲

@shahnozxon


Эслатма: ўн беш дақиқадан сўнг “Миллий” телеканалда кўринглар, ўтказворманглар🔥


“Ўзбекфильм киностудиясида суратга олинган”

Улар бизни Ҳолливуднинг ўнлаб “Оскар” олган фильмларидан ҳам кўпроқ мафтун этган. Улар бизники – ўзимиз ҳақимизда ҳикоя қилади. Байрам кунлари оилавий кўриш учун рўйхат ва қизиқ фактлар

Айниқса, Абдулла Қаҳҳорнинг “Маҳаллада дув-дув гап” сценарийси устидаги иши — даҳолик!

@shahnozxon


Тизимда техник профилактика ишлари ўтказилиш муносабати билан байрам кунлари давлат хизматлари марказлари ишламаслиги маълум қилинади.

21–24 март кунлари Ягона интерактив давлат хизматлари портали жойлашган сервер қурилмаларини "Рақамли ҳукумат лойиҳаларини бошқариш маркази" давлат муассасасининг Маълумотларни қайта ишлаш марказига кўчириш ҳамда Солиқ қўмитаси веб-ресурслари фаолиятини оптималлаштириш ва серверлар имкониятларини кенгайтириш муносабати билан 21 март соат 21:00 дан 23 март соат 09:00га қадар Давлат хизматларини кўрсатиш тизими, "Нотариус" автоматлаштирилган ахборот тизими, Лицензия ва Тадбиркорлик субектларини давлат рўйхатидан ўтказиш тизимлари орқали хизмат кўрсатиш имкониятлари вақтинчалик чекланиши маълум қилинади.

Қўшимча маълумотлар ва саволлар бўйича "1008" ва “1148” рақамига мурожаат қилишингиз мумкин.


Video is unavailable for watching
Show in Telegram
Бу сафар “Заковат”да яна бизнинг жамоа чиқади. Ўтказворманглар!

Тизеридан ҳам кўриниб турибди, роса қизиқарли ва қизғин ўйин бўлди. Жума , байрам куни, соат 22:10 да “Миллий ТВ”да, албатта кўринглар а)

Фикрларингизни ёзарсизлар кейин.

@shahnozxon


Video is unavailable for watching
Show in Telegram
Ижтимоий ҳимоя миллий агентлиги Ўзбекистондаги ногиронлиги бор шахслар учун тўсиқсиз муҳит яратиш, уларни жамиятга интеграция қилиш учун халқаро стандартларга мос тизимни жорий этиш йўлидаги ҳаракатларда давом этмоқда.

Агентлик раҳбарияти ногиронлиги бўлган болалар учун мўлжалланган муасассада бўлиб, у ерда кичкинтойлар учун яратилган шарт-шароитларни ўрганди.

Қалби шундоқ ҳам ўксик болаларнинг елкасига офтоб тегаётгани рост бўлсин! Болалар ногиронлиги бўлгани сабабли таълим олишдан ёки шахсий ривожланишдан маҳрум бўлмасин

Барча болалар бахтли бўлиши керак❗️

@shahnozxon


Video is unavailable for watching
Show in Telegram
Мадина отасига машина совға қилди!

Тошкентлик дизайнер ва IT мутахассиси Мадина Мавлонова ўз меҳнати билан ишлаб топган пулларига “Кобальт” сотиб олди ва отасига совға қилди.

“Қиз бола ўқиб шаҳар олиб берармиди” деб бошланувчи талай стереотипларга тупуриб қизини ўқитган отанинг мукофоти шудир. Бу ҳали бошланиши. Мадина жуда келажаги порлоқ қиз!

Қизларингизни ўқитинг, яхши даромад олишади, илмли-зиёли аёллар бўлишади, нафақат билимли авлод тарбиялашади, балки моддий қиймат яратишади, эзгу ғояларга муаллифлик қилишади, эл-юрт олдида юзларингизни ёруғ қилишади!

@shahnozxon

13.1k 3 154 11 118

Қонунчилигимизда миллий қадриятлар ва ижтимоий ахлоққа зид ахборотни тарқатиш масаласи қандай тартибга солинган? Қандай тоифадаги ахборотни тарқатиш тақиқланган? Ушбу чекловга риоя этилмаса, нима бўлади?

Саволларга жавобни бу ерда ўқиш мумкин.

Ҳабикатура эса ҳар доимгидек қойилмақом👌👍

@shahnozxon


Яхши подкаст тавсия қиламан.

Бугунги кунда оила институтининг инқирози, қадриятлар ўзгаргани ҳақида кўпчилик гапиряпти.

Лекин бунинг сабаблари нимада, масъулият кимнинг зиммасида, келажакда оилалар қандай кўринишда бўлади - бу саволлар жавобсиз қолмоқда.

Мен кеча кўрган подкастда айнан шу мавзулар кўтариб чиқилган, эксперт мантиқан тўғри фикрларни билдирган.

Сизларга ҳам кўришни тавсия қиламан: https://youtu.be/6vkP3Kq87jg?si=GIW0mxL8RJVvWryE


Forward from: hudud24.uz | Расмий канал
Video is unavailable for watching
Show in Telegram
Блогер ўз пости остидаги изоҳларга жавобгарми? Озод Шукруллоев "Ҳуқуқшунос ошхонаси"да

Баҳаво тоғ этагида шинам ошхона, мазали таом тайёрлаш завқи ва муҳим ҳуқуқий маълумотлар билан бойитилган мароқли суҳбат.

Hudud24.uz янги лойиҳа бошлади. "Ҳуқуқшунос ошхонаси"да халқ севган санъаткорлар, блогерлар ва турли соҳа эгалари билан мазали таом тайёрланиб, ҳуқуқий мавзуда қизиқарли суҳбатлар олиб борилади.

Лойиҳанинг илк меҳмони Озод Шукруллоев. "Ҳуқуқшунос ошхонаси" унга блогерлик фаолияти, ҳуқуқлари ва мажбуриятлари билан боғлиқ муҳим тавсияларни берди.

Тўлиқ видео 👉 https://youtu.be/k8SEvliJFuI

Telegram | Instagram | Facebook | Sayt


Машина нархлари оширилмайди. UzAutoMotors бунақа қарор йўқлигини маълум қилди

Ҳозирда контрактация жараёнлари олиб борилмаётганини инобатга олган ҳолда, Chevrolet.uz сайтида кўрсатилган нархлар 2024-йилнинг 4-чораги учун прогноз кўрсаткичлари асосида ҳисоблаб чиқилгани айтилди.

Нархларни ошириш бўйича эса якуний қарор қабул қилинмаган.

@shahnozxon


Шу кунларнинг мавзуси ҳақида.

Гапирмай десам, қўйишмаяпти, нимага жимсан, демак, ҳамфикрсан деб.

Асло йўқ!

Ҳар кимнинг танаси, жинсий ҳаёти – шахсий ҳудуди. Агар Алимжонов "қизлар бу масалани ўзи ҳал қилиши керак" деганида ҳам икки бошловчининг реакциясини тушуниш мумкин эди. Бироқ бокира қизларни "лузер"га, "иккинчи навли"га чиқариш худдики зўрлик оқибатида ё севиб-алданиб бокираликдан айрилган қизларни фоҳишага чиқариш билан тенгдир. Бу гаплардан аёллар ҳуқуқи учун курашаётганларнинг қаттиқ жаҳли чиқиши керак. Бокира қизлар Алимжоновни судга берса арзийди шу гаплари учун.

Алимжонов аёл кишига жинсий объект сифатида қараб сексист гаплар айтди. "Мени Алимжонов ўпган деб мақтаниб юрасан" деган гаплари эса ўтакетган манманлик.

Албатта, сўз эркинлиги – тамал ҳуқуқлардан. Конституция ҳам уларни ҳимоялайди. 33-моддада "Ҳар ким фикрлаш, сўз ва эътиқод эркинлиги ҳуқуқига эга." дейилган. Бироқ модданинг давомида "ижтимоий ахлоқ"қа зид ахборотлар чекланиши ҳақида ҳам гап боради.

"Ижтимоий ахлоқ" нима? Қонунларда бунга ҳозирча аниқ таъриф берилмаган. Аммо қайсидир қатламни камситувчи ҳар қандай ахборот ва маълумот ижтимоий ахлоққа зид. Бировни камситмаслик, танловиларини ва табиий ҳолатини ҳурмат қилиш – умуминсоний қадрият.

Бугун жамоатчилик фикрининг жунбишга келгани сабаби ҳам шу – либералдир, муҳофазакордир, феминистдир, гендерчидир – ҳар кимга тегди, ҳар томондан эътироз бўляпти.

Бу тажриба "Парда подкаст" учун балки керак эди. Ҳар ҳолда, энди суҳбатдош танлашда ҳушёр бўлишади, ҳар мавзунинг ўз мутахассисига мурожаат қилишади деб умид қиламан. Аёллар ҳуқуқи, алданган ё зўрланган қизлар йўналишида аниқ кейслар билан ишлаган мутахассис бўлса керак, ҳар ҳолда.

@shahnozxon


Payme #AyolTadbirkorligiTarafida

Тадбиркор аёллар ўзларининг энг яхши лойиҳаларини тақдим этадиган тадбир — PizzaPitch Women лойиҳаси PayMe томонидан қўллаб-қувватланди. 9 март куни U-ENTER кўргазмаси доирасида 45 нафар аёл тажрибали бизнесмен ва инвесторлар гуруҳига ўз ғояларини тақдим этишди.

Тақдим этилган лойиҳалардан 5таси бештасининг ҳар бири Payme компанияси томонидан 10 миллион сўмдан пул мукофотини қўлга киритди. Маблағлар уларнинг бизнесини ривожлантириш ва савдо ҳажмини оширишга йўналтирилади. Шунингдек, ғолиблар келажакда ўз лойиҳаларини муваффақиятли олиб боришлари учун Payme экспертларидан консултация олиш имконига ҳам эга бўлдилар.

Демак, ғолиб лойиҳалар билан танишинг: Choose and Cook, QarzSiz, Mendeleev Kids & Juniors, Vision, Cook to book. Ҳар бири ўзига хос ва оригинал ғоялар. Шунақа тадбирлар орқали далда бериб турилса, қизларимизга, опа-сингилларимиз бундан ҳам каттароқ лойиҳаларни уддалашларига ишончим комил.


Video is unavailable for watching
Show in Telegram
“TBC Bank Uzbekistan”ga olqishlarim – ayollar sportini qo‘llamoqda!👍👏

Bank va O‘zbekiston regbi federatsiyasi o‘rtasida hamkorlik memorandumi imzolandi. Kelishuv, jumladan, ayollar regbisini ommalashtirishga qaratilgan.

O‘zaro hamkorlik doirasida videorolik yaratildi. U atrofimizdagi ayollar haqida: ular oddiy hayot kechirishadi, biroq ularni go’zallik, ijodkorlik, g‘amxo‘rlik, do‘stona munosabatlar va, albatta, sport birlashtirib turadi. Qahramonlarimizning har biri shunday shijoatga egaki, bu kuch ularni o‘yin maydonida haqiqiy jangchilarga aylantiradi. “Biz siz ko‘rib turganingizdanda ziyodamiz” – deyiladi rolikda.

20 last posts shown.