ግጥም እና ፍቅር - የኔታ ፍቄ

ይላል አፍቃሪ

፡
ከመሄድ ማንም አይቀርም ያልሽውን አስታውሳለው፣
ዳሩ አንቺ ማንም ስላልሆንሽ ሄደሽም አለች እላለው፡፡


#ሼር

@sheelff

@yeneta

እንዴት አልወድሽም ከዚያች እፅ በኋላ••••
•
ስሜ ብቻ ያ ለግብር~መሰናከያ ነው አንዳች መጥፎ እጣ
ፃድቅ ጠልፎ የሚጥል~ከፃድቅ 'ርስቱ ገነት አንዳይወጣ
ነብያቱ ሁሉ ቅዱስ ያደርጉና~የድል መዝሙራቸው "ምን አረግንሽ ሔዋን ?"
የመርገም ጨርቅ ሆነ~ስራችን በሙሉ በስምሽ እርግማን
ይሔንን መሸከም ~ለሴት ዘር ይከብዳል
ከከለዳውያን የእሳት ነድ እጥፍ~ነፍስ አጥንት ያነዳል
•
ስሜን አዳንሽልኝ!!
•
የኢሳያስን ግርማ~ፈርቶ ቆም ያላለ
ከደግ አብርሀም ቤት~አዝኖለት ያልዋለ
ሲሔድ የነበረ~ሲያስለቅስ የኖረ
ትህትናሽ ጣለው~እግርሽ ስር አደረ
አመሰግናለሁ~ደግሞ እወድሻለሁ
ከማንም ከምንም~የዳነው ስሜ ነው
•
እንዴት ያለ አምላክ~ለዛ ሁሉ ፃድቅ ምህረት የነፈገ
ያ የጨከነ መልክ~ደስ ላሰኘው ልብ ጥቂት ያልፈገገ
ምን ቢያገኝ ደስ አለው~አንዴት ያለ መባ
የሺ ዘመንን ሰው~ይሁን በጄ ብሎ ገነት የሚያስገባ ?
•
ስምሽ ይገርመኛል ~ብቻ ስሜ ዳነ !
በጠሉኝ ብሉያን ለፅድቅ ተለመነ
ሴትነቴ አበበ ቀና አረገኝ ክብርሽ
ከአዳምስ በላይ~እንዴት እኔ አልወድሽ ?
•
ከዚያች እፅ በኋላ ላየው ያልደፈርኩት ሰማይ ኮከብ ሆነ
አመሰግናለሁ~ ማርያም በሚል ስም ሴትነቴ ዳነ!!

ቤተልሔም ታችበል

ቻናላችንን ይቀላቀሉ

ሼር @sheelff

ሀሳብ አስተያየት @yeneta

* እብድ ነኝ *
የኔታ ፍቄ(ግጥም እና ፍቅር)
፡
እብድ ነኝ ጨለሌ አቅሌንም የሳትኩ፣
ከዚ አለም ወጥቼ ብቻዬን የከተምኩ፣
ዘንድሮም ወፍፌ አለሁኝ እንዳበድኩ፣
በሆነው ባልሆነው እንደ ሞኝ እየሳኩ፣
አዎ እኔ እብድ ነኝ እያወኩኝ ያበድኩ፣
፡
እብደቴን ወድጄው አብጄ ኖራለው፣
ጤናዬን ጠልቼ በሩቅ ሸሸዋለው፣
፡
አዎ እኔ እብድ ነኝ፣
ማጣት ያሳበደኝ፣
ፍቅር ያናወዘኝ፣
ጤናዬን ያጣሁኝ፣
፡
ታውቃታለህ ስሉኝ አላውቃትም ብዬ፣
በእብደቴ ልረሳሽ ሞከርኩኝ አንቺዬ፣
፡
ስምሽን ሲጠሩብኝ እንደ ሞኝ ስቄ፣
የውስጤን በውስጤ አፍኜ አምቄ፣
አስመስላለሁኝ እውነቱን ደብቄ፣
አላውቃትም እያልኩ እንደ ጅሉ ስቄ፣
፡
አንቺማ ረስተሽኝ ስሜም ጠፍቶብሻል፣
አረ ከነ አካቴው አላውቅም ብለሻል፣
፡
እኔ ግን በእብደቴ አስታውስሻለው፣
ምስልሽን ከቦዩ ከገንዳ አየዋለው፣
ከሰንደሉ ሽታ ጠረንሽን ስባለው፣
ከቅዳጁ ልብሴ ዘንጠሽ ስላለው፣
ካደፈው ገላዬ ነፅተሽ አይሻለው፣
ካልተገራው ፀጉሬ ዞማሽን ዳሳለው፣
ከገረጣው ፊቴ ፊትሽን ነካለው፣
ካመዳሙ ወዜ ወዝሽን ጠቅሳለው፣
ከህዝቡ ጫጫታ ድምፅሽን ሰርቃለው፣
ከተራማጅ መሀል ኮቴሽን እሻለው፣
ወፍፌ አብጄ መች ረሳሻለው፣
፡
ቁር ካቆረፈደው ቆዳዬ ዘልዬ፣
አስታውስሻለሁ ደግሜ አንቺዬ፣
፡
በጫቱ ገረባ መሬቱን ሞንጭሬ፣
አካልሽን ነድፋለው በእንጨቱ ብዕሬ፣
፡
ካፌ ቢሚወጣው የሲጋራ ጭሰት፣
ውልብ ይላል ፊቴ ያለፈው የኛ ወቅት፣
፡
እንድረሳሽ ነበር አውቄ ማበዴ፣
ግን አልወጣ አለኝ እግርሽ ከመንገዴ፣
፡
አይኔ በቆሻሻ ሊታወር ተቃርቦ፣
ያይሻል በስሱ በዕንባ ተከቦ፣
፡
ነፍሴም ከሞት አፋፍ በር ላይ ቁጭ ብላ፣
ንስሀም አልገባች አለች አንቺን ብላ፣
፡
አንጀቴም ተርቦ በጠኔ ተመቶ፣
አንቺን አንቺን ይላል ከምግብ ተጣልቶ፣
፡
አቅሌም ሌላ አያስብ መች ይታየውና፣
ካንቺ ነው ሚኖረው አካሌ ጎዳና፣
፡
ዝም ብዬ ስቃለሁ ደስታው ሳይታየኝ፣
ባንቺ የተነሳ አዎ እኔ እብድ ነኝ፣
፡
የሚል ስንኝ ከላይ ለካ ሰድሬያለሁ፣
ለማንስ ነው የፃፍኩት እኔኮ አብጃለሁ፡፡
፡
21/12/08...ቅዳሜ....3:30 ጠዋት

@yeneta

#ሼር

@sheelff

Betelhem Tachbel
በቀል
.
አንድ ቄሬናዊ~ስምኦን የሚባል ሰው፤
በርባን ከተባለ~ክፉ ወንበዴ ጋራ መጥፎ ቂም ነበረው
ከእለታት አንድ ቀን..
ይህ ክፉ ወንበዴ~ከወህኒ መውረዱን ስምኦን ድንገት ሰማ፤
ሊበቀለው ሻታ....
መስቀያውን እንጨት~እሱ እንደሚሰራው ከአይሁድ ተስማማ
(አይሁዳውያኑ...ወንጀልን የሰራ ተሰቅሎ ይገደል~ስለሚል ህጋቸው፤
ስምኦን ይህን አውቆ~እርጥብ ከባድ መስቀል ሰርቶ አስረከባቸው)
.
ምን ያደርጋል
.
ፍርድ ተሳሳተ~ወንበዴውም በርባን ከእስር ተፈታ፤
በምትኩ ታስሮ~የሚወደው መምህር ቆመ ሊንገላታ
ያንን ከባድ መስቀል..
አሸክመው ገፋት~ደጋግሞ ወደቀ አልቻለውምና፤
ስምኦን ልቡ አልቻለም~ጥፋቱን አሰቦ እንዴት ነብሱ ትፅና?
.
ኢየሱስ መምህሩ~በሰራው መስቀል ላይ ታርዶ ተሰቀለ፤
ለጠላት ያለው ዕፅ~ወዶ ያልጠገበውን ወዳጁን ገደለ!!

#ሼር

@Sheelff