TGStat Bot

Bot to get channel statistics without leaving Telegram

TGAlertsBot

Monitoring of keywords in channels and chats

SearcheeBot

Your guide in the world of telegram channels

Telegram Analytics

Subscribe to stay informed about TGStat news.

Statistics Favorites

همسات شعرية

Channel's geo and language: not specified, not specified

Category: not specified

قناة متنوعة
كل مايكتب فيها من أبيات شعرية من كلماتي المتواضعة
للتواصل بوت القناة

@southsonbot
منشئ القناة
@southson1410

Related channels

Channel's geo and language

not specified, not specified

Category

not specified

Statistics

Posts filter

Hide deleted

Hide forwards

همسات شعرية

15 May 2021, 12:55

يالله ياللي بالسما ترزق الطير
يا خالقٍ تخشاك كل البريّة

نطلبْكِ تجعل في هلاله تباشير
تسعد بها قلوب الخلايق سويّة

و اجبر لنا يا ربّنا كلّ تقصير
و اغفر لنا يالله وزر الخطيّة

واجعل ثواب أعمالنا أجرٍ كبير
يا واليٍ منك العطايا سخيّة

و اكتب لنا في تالي أيامنا خير
يا عالمٍ بالحال صبح و عشيّة

تقبل الله منا ومنكم صالح الأعمال
وكل عام و أنتم بخير 🌹🌹🌹🌹

🌹🌹south son 🌹🌹

1k 1 3

همسات شعرية

11 Apr 2021, 02:38

لا شافتك عيني بعَد طول فرقى
يفز لك قلبي وروحي تناديك

لا غبت عن عيني ترى القلب يشقى
قلبٍ مولّع بالهوى حيل يغليك

South son

1.2k 0 1

همسات شعرية

9 Apr 2021, 03:28

بعض العذر خيرٍ لصاحبْه يخفيه
لا صار يجني من وراه الملامة

عذرٍ يجمّل بالعرب وجه راعيه
و الا سكوتٍ ما يقلّل مقامه

South son

1.1k 0 4

همسات شعرية

9 Apr 2021, 02:54

أهلاً هلا باللي له الروح تشتاق
فيك الحسن والزين تحلا وصوفه

مسكنك قلبي والحشا وسط الاعماق
يا زينِ له أنفاس روحي شغوفة

South son

1.1k 0 4

همسات شعرية

3 Apr 2021, 21:03

بيع الردي لا فارقك بأرخص ثمن
لحظة فراقه بالعمُر هي تنشرى

واجعل حياتك للفرح أجمل وطن
وارقى الثريا ما عليك من الثرى

طبع الردي غادر و لا هو يُؤتمن
عن طعنته وسط الحشا محدٍ درى

عيش لحياتك جنّب دروب المحن
والليل نامه و انسى كلّ ما جرى

العمْر غالي والتجارب كم حكن
للي يريد العالي ما يرجع ورا

والعقْلِ زينة بالشدايد و الفتن
من يتبعه راحة فؤاده قد شرى

South son

1k 0 5

همسات شعرية

2 Apr 2021, 03:14

يا هاجسي قول الشعر ما لك عذرِ لا تعتذر
قلبي هوى شبه البدِر ضي الشموس المقبلة

من شفت زول العيطموس فاضت شطورٍ بالهجوس
ميدانها حربٍ ضروس داخل فؤادي تشعله

قلت الشعر دون الشعور نظمٍ على كل البحور
بيّح دفينٍ بالصدور ما كلّ قلبٍ يحمله

عيني عساها ما تشوف غير القمر زين الوصوف
ريمٍ لها قلبي شغوف دون الصبايا مذهلة

طيف الظبي لو أقبلت بركان حبي أشعلت
في وسط قلبي اعتلت صرحٍ سما في منزله

العين هي عين الغزال الكحل فيها و الجمال
سحرٍ رقى حد الخيال سهم المنايا ترسله

والشَّعْر زينه بالنظر يسلب عقولٍ للبشر
بين المحاسن لانذكر للزين مضرب أمثلة

لونه تقِل ليلٍ تشوف يسدل على حلو الكتوف
ما توصفه جزل الحروف سبحان ربٍّ جمَّله

و الوجه شوفه مثلما بدرٍ تعلّى بالسما
يروي فؤادي لا ظما من زود حبه و الوله

في مبسمه شهدٍ زلال لكن صعيبٍ بالمنال
ليته وليفي بالحلال زلزل فؤادي زلزله

و الخصر لينه كالغصِن رياَّنِ زاهي بالحسِن
كم عاقلٍ به ينفتن سبحان ربٍّ كمَّله

والعنق سيفٍ يعربي عنق المها عنق الظبي
مستور زينه بالعبي سترٍ يزيده منزلة

والنحر شوفه يا عرب موتٍ لقلبي واقترب
من دمّي المغرم شَرب يا هول شيٍّ يفعله

فيه الوصوف الباهية فيه الخصال الزاهية
فيه المحاسن راهية سربل فؤادي سربلة

من راسه لحدرَ القدم زول القمر وأقسم قسم
ريمٍ جعل قلبي عدَم محدٍ جماله يوصله

South son

975 0 3

همسات شعرية

29 Mar 2021, 12:42

الخوة اللي ما عليها مخافة
خوة رجال (ن) بالمواقف أشانيب

والعشرة اللي ما عليها حسافة
عشرة ردي (ن) بالخفا ينكر الطيب

ناس (ن) تشرّفها سلوم الضيافة
السن يضحك من فعول المواجيب

ما هم مثِل ناس (ن) تبيع السخافة
بالوجه تمدح والقفا فعلٍ يعيب

بعض البشر حتى طباعه تعافه
وبعض البشر طبعه دروس وتجاريب

أحد(ن) قريب (ن) لو تباعد مسافة
مفقود زوله في كبار المصاعيب

و أحد (ن) بعيد (ن) ما عليه الكلافة
مهما قرِب ما تنقضي به مطاليب

South son

918 0 5

همسات شعرية

27 Mar 2021, 12:58

يابنت ياللي بالنظر حيل مزيونة
مثل القمر وسط السما زاهيٍ ضوّه

زينك عجَب كل المخاليق يطرونه
كل الخصايل تنذكر فيك محلوّة

South son

870 0 2

همسات شعرية

19 Mar 2021, 04:40

يا صاحبي بعض التجاهل غنيمة
ينجي فؤادك من هموم و نكادة

كم من ردي دايم عديم الحشيمة
طنش ولا تعطيه قدر واشادة

جنّب علومه والنوايا سليمة
وارفع مقامك في صروح الريادة

بهالزمن خاوي قوي العزيمة
اللي كما البارود يقدح زناده

واسفه قلوبٍ بالضغاين سقيمة
اتعيش عمرك في سرور سعادة

واحذر تطاوع ناقلين النميمة
اللي لهم شر السواليف عادة

والصبر لا تحسب وجوده هزيمة
الصبر في بعض المواقف عبادة

South son

939 0 3

همسات شعرية

19 Mar 2021, 04:03

جمّل فعولك بالوفا كل حزَّة
ما دام عندك للوفا مقدريَّة

وان ماوفيت عذرٍ بالرسايل تدزّه
بلسمْ يداوي من بلاوي شقيّة

South son

807 0 0

همسات شعرية

5 Mar 2021, 02:28

يوم أقبلت ست الحسن الزين فيها والدلال
مياسةٍ مثل الغصِن تشلع قلوب العاشقين

في وجهها كل الحلا نور القمر كحل الغزال
ريمٍ مثِل ريم الفلا تسحر عيون الناظرين

South son

890 0 4

همسات شعرية

5 Mar 2021, 02:14

يا بنت ياللي بالخصايل تباهى
قلبي ترى ما يحتمل منك نظرة

رمشك قلوبٍ للخلايق سباها
ما شفت سحرٍ بالهوى مثل سحره

وجهك كما شمسٍ تلالا ضياها
والخشم سيفٍ والقلِب طوع أمره

South son

847 0 2

همسات شعرية

5 Mar 2021, 02:09

طلت علي بمبسمٍ يشبه الشمس
يضوي جماله بالنظر حيل باهي

بدرٍ تعلّى في سما اليوم والامس
ما شفت مثله بالحلا حيل زاهي

South son

814 0 2

همسات شعرية

5 Mar 2021, 01:59

مشتاق لك ليه يالغالي تعذّبني
ارحم فؤادي ترى فرقاك ماابيها

لا غبت عنّي طيوفك هي تطبّبني
بلسم جروحي ليا زادت تداويها

روحك وليفة لروحي غصب تجذبني
والعين لا غبت عنها هلّ باكيها

بالصدر صبري نفذ والشوق يغلبني
مااقدر أقاوم عيونك مغرمٍ فيها

ياروح روحي ترى شوقي متعّبني
بالقلب علة وشوفك طب يبريها

ودي بحضنك ثواني لو تعاتبني
حضنك لوحده دوا روحي يكَفّيها

عطشان شوقٍ وثغرك مزن يشربني
طيفك ليا من ضمَت أشواقي يرويها

لا لا تفارق ترى عالموت تغصبني
صدمة فراقك عظيمة في بلاويها

يكفي ترى قلبي الملتاع متعبني
فرقاك غيمة حزِن مااحب طاريها

يكفي حبيبي جفا سامح وقرّبني
فرقاك علة وأنا ما اقدر أقاويها

South son

795 0 4

همسات شعرية

6 May 2020, 03:29

Forward from: حمد البريدي

00:26

Video is unavailable for watching

Show in Telegram

2.3k 0 2

همسات شعرية

11 Mar 2020, 01:42

يا بنت ياللي خذت .. قلبي شمال ويمين
يا وردةٍ حبها.. كل المشاعر غمَر

فيك الشعِر ننظمه ..والقاف بك هو يزين
شطره مزون السما.. غيث السعد وانهمر

ياللي غلاتك بقت ..في وسط قلبي سنين
وسط الحشا مسكنك.. و أنتِ العشِق والعمِر

أنتِ الهوى والغلا.. لك بالحنايا دفين
لو تطلبي الروح لك .. كل المطالب أمِر

حبّك قيود الهوى.. قلبي بها هو سجين
يا جازلٍ بالحلا ..و النور نور القمر

العين عين المها.. فيها منى العاشقين
فيك الحسن والدلع ..بستان حلو الثمر

الخصر عودٍ غضي ..كلّه نعومة و لين
و الشعْر ليلٍ سَدَل.. هو يطرب أهل السمَر

الوجه بدرٍ ضوى .. يسحر فؤاد الرزين
والخشم سيفٍ سطع ..به كلّ موتٍ حمَر

والفمّ خاتم نبي ..معروف بالأولين
و الخّد تفاح من .. ريّ المزِن ما ضمَر

يا بنت يالمترفة .. بالرمش كم تذبحين
حبّك شعَل في حشا .. قلب المولّع جمر

أبيك دايم معي .. أرجاك لا تبعدين
حبك سكن للأبد .. في نبض دمي عمَر

مااقدر أجابه ألم .. قلبي دموع و حنين
دونك حياتي أسى .. والحزْن فيها استمر

..

3.2k 0 5

همسات شعرية

11 Dec 2019, 19:22

04:18

Video is unavailable for watching

Show in Telegram

3.5k 0 0

همسات شعرية

24 Nov 2019, 00:30

يا بنت ياللي بالحلا دوم موصوفة
يا مهرةٍ فيها صفات الزين مسميّة

يالمترفة ياللي سمَت بالزين معروفة
يانجمةٍ وسط السما دوم مضويّة

لا لاح زولك قلت يازين هالشوفة
زولك كما غصن الشجر باهيٍ فيّة

كل الدلع والزين فيك أجمل صنوفه
فيك الحلا بين البشر نادرٍ زيّه

شفتي القمر يالغالية حزة خسوفه
من نور وجهك يالغلا ضايعٍ ضيّه

شفتي الزهر في جيتك فاتح كفوفه
يا زهرةٍ بالحب والطيب مرويّة

.......

3.6k 0 6

همسات شعرية

31 Oct 2019, 21:04

3.5k 0 0

همسات شعرية

21 Oct 2019, 05:49

00:29

Video is unavailable for watching

Show in Telegram

3.4k 0 1

20 last posts shown.

490

subscribers

Channel statistics