اتفقنا كل يوم هنزل دعاء جديد ونشرحه مع بعض ونحفظه وندعي بيه في الصلاه واوقات الاجابه ❤️❤️
دعاء النهارده👇🏻

"اللهم إجعل لي أثر في الدُنيا كأثر إبراهيم عليه السلام" 💙

طب هو إيه أثر سيدنا إبراهيم إللي سايبه لينا ؟ - الكعبة .
شوف أكتر من ١٤٠٠ سنة هو أول حد حط أساس الكعبة و بناها ، شوف كام ملايين مـ الخلق بتشتاق ليها ؟! و لـ قيام الساعة الكعبة هتفضل موجودة و هيفضل يشتاق لها إللي راحها و إللي مراحهاش ، الكعبة كانت دعوة سيدنا إبراهيم :)) ، فـ أنت لما بتدعي الدعوة دي بتطلب من ربنا يجعل ليك أثر في الدنيا زي ما سيدنا إبراهيم أثره موجود دلوقتي و لـ أخر ساعة في الدُنيا " الكعبة " ، بتطلب منه يجعل لك أثر طيب = مكان روحته صليت فيه ركعتين لله و مشيت فـ أرضه تشهدلك يوم القيامة ، جبرت خاطر حد و مشفتهوش تاني لكن هو مش ناسيك من وقتها ، وقفت جمب صاحبك في شدته وقت ما الكُل سابه ، رفعت روح معنوية في شخص كان فاقد الأمل في نفسه و فـ حياته فـ كان كلامك ليه بمثابة الطوق إللي نجاه !

الدعوة دي أثارها عجيبة في حياة أي حد بيدعي بيها ، واحدة صاحبتي بتقولي أول ما ابتديت ادعيها لقيت ربنا بيجيبلي الأعمال الصالحة لحد عندي :)) ! ، كأنه رايد يسيبلي أثر عملي الصالح في كل مكان بروحه و في قلب أي حد بقابله ، حتى دلوقتي متأكدة إني لو مُت سيرتي الطيبة مش هتموت ! و ده كله كان بفضل اللّٰه ثم بفضل الدعوة دي ! ❤
-شهنده وليد-

يلا نحفظه و ندعي بيه دايما 🤲🏻

#دعاء_يومي_مع_status ♥️