Uzbek Academic Club-ning Tokai hududidagi ilmiy majlislari davom etmoqda. O'tgan haftadagi yig'ilish Nagoya universitetida bo'lib o'tdi. Unda magistrlik darajasida tahsil olayotgan yurtdoshimiz Saidislombek Hakimovning "DIVERSIFICATION OF ADMINISTRATIVE LITIGATION IN UZBEKISTAN" mavzusidagi ilmiy ishini muhokama qildik.

Yurisprudensiya sohasi cheksiz ummonga o'xshaydi. O'rganaverasizu, chegarasi ko'rinmaydi. Mana shunday paytda amaliyotda mehnat qilib kelgan yosh akademiklarimizning dunyoqarashi va har bir muammoga yondashishi insonga ko'pgina bilimlarni beradi. Muhimi tavsiyalarni olishga va tanqidlarga doimo ochiq bo'lish insonga katta yutuqlarni beradi.

Nagoyadagi ilmiy majlislarimiz davom etadi. Unda qatnashishni istaganlarni kutib qolamiz. Majlislarimiz faqat offline tarzda amalga oshiriladi.