الملا طارق نصر الطائي

خادمة الحسين:
يا زمن -- كلشي انتهى من ودعت كفيلي
يا زمن -- غربة كبر يوم الرحل خليلي
يازمن
///////////
اليعيش ابلا فرح يلجم جروحه
التروح احبابه راحت منه روحه
مبين المهضوم من اهات نوحه
شرد اسولف والعمر جثه اعله لوحه

يافرح -- بعد الاهل اني الصرت وحيده
يافرح -- للي ترك فوك الثرى عضيده

/////////////
جمعة الاحباب فرحة كل مسيه
وانه نيران الخيم مستعره بيه
لو حظنت اطفال اخوتي ابين اديه
بيهم انظر كل مصاب الغاضريه

والدمع -- يشرح عذابي وونتي ونحيبي
والدمع -- اخر حجي ضل ابأثر حبيبي
--
///////////
اليودع غالي تذبح ذكرياته
وكل طعم مايبقه لسنينه وحياته
العايش ومر الهجر يشحط لهاته
كل صباح وكل مسه ايتاني مماته

والاجل -- اصعب سهم من دنيتي ابدليلي
والاجل -- حان ابارض جانت سبب لويلي
///////////
اليلوم ادموعي ماحس بالبواجي
ولاكبال اعيونه مسلوبه التراجي
هوه لو شايف جسم حلو المحاجي
كل كتر منه عله التربان راجي

كل جرح -- من كربله بيه ترك علامه
كل جرح -- اهون علي من ونت اليتامه
/////////////
المايضوك المر فلا يعرف مراره
مو حزين الماغفه ودمعه ايتجاره
التشب روحه اعله وجهه تشوف ناره
المو بديها الكيد شلها وي اليساره

انهظم -- لو عاينت كيد الاسه اباديه
انهظم -- اكثر لان ماحانت المنيه

أحمد عيسى البديري
خادمة الحسين:

قبل لا حـيدر يچي /// كفــــي دمعـچ والبچي
يمه زينب سنديني///قبل لا حيدر يجيني
وكفي دمعج والبچي
💥💥💥💥💥💥💥💥💥
علي لو شـافاني والله تـحل منيته
وماتضل روحه بحياته يعوف بيته
وانـــي وشـماخالق الله وكل بريته
انضيع ويـــضيع الامان وي مشيته


عمر حيدر لايطش /// وغيرة الكون تعطش
عالمصايب عاونيني/// قبل لاحيدر يجيني
وكفي دمعج والبچي

💥💥💥💥💥💥💥💥💥
كفي دمعج يالعقيله وحزنچ اخفيه
ويمه غطي الطفل بيدچ لايصد ليه
لايشــاهد حــــاله حيدر همه كافيه
وگلبه متفطر اعله طه وخايفه عليه


نخسر اي ولله الولي/// و علي ايموت وعلي
اخفي يايمه جنيني/// قبل لاحيدر يجيني
وكفي دمعج والبچي
💥💥💥💥💥💥💥💥💥
انه زهره وصعبه اعيش بأرض الاملاح
انـكسر يايمه عـودي وانــزف جــراح
هيبتي وعزي ودلالي ويـه النـبي راح
ومــــــابگه بـآيامي حسـبه والگبر لاح

لاح يم عيني النعش ///وخايفه اللمه تطش
يمه زينب حجبيني /// قبل لاحيدر يجيني
وكفي دمعج والبچي


💥💥💥💥💥💥💥💥💥

الامه من غاب النبي تحشدوا علينه
واحنه وي هـالناس يايمه اشـجنينه
ليش مـن بعد النبي ولـــيه انـولينه
مو عطايه هـالخلگ كـلهه من ادينه


بعد ياخير ارتجي /// و بالشتم صار الحچي
ابهل وصيه اسمعيني/// قبل لاحيدر يجيني
وكفي دمعج والبچي
💥💥💥💥💥💥💥💥💥

حضري نفسج باجر ايدور الزمان
ابأكاع مو هــــايه ولا هذا المكان
تركض خيول العده ركض الرهان
واعله خدرج ناويه اشـيل الامان


بعد ما ترحل هلج/// مثلي ضالم يسطرج
على همي ساعدني/// قبل لاحيدر يجيني
وكفي دمعج والبچي
💥💥💥💥💥💥💥💥💥

خادم الزهراء// ع// ابو احمد الطائي

#ويبقى_الحسين


زينب ع تخاطب العباس ع


يالتارس عيوني ضوة ... مر بية لو نسمة هوة
نبض الكلب ... بسمك يدك .... عباس عباس
......
يا نضبت اكليبي التدك ..... يا كلشي عندي
ما احتمل طاري الهجر ..... مرسال اودي
مو شيمتك يا با الفضل .... تتركني وحـدي
انه العقيلة ام الخــدر ... دمعي اعلى خدي

يل ماكو مثل امروتك ..... دنياتي وحشة ابروحتك
بيهة الحزن ... شيد وطن .... يا صاحب الباس
.....

بحلامي اشوفك ياشهم .... خوية نخيتك
بس نوم عيني ما خذت .... من فاركيتك
شهر انكظة يا سلوتي .... من ودعيتك
كـــل صبر ما بية بعد .... روحي فديتك

ادعيلي أبطل هالسهر ..... والليل انامة يا كمر
كثر السهر ... خلة الجفن .... فاكد للاحساس
....

عباس مات ومـــا يرد .... ما صـــدك بهــــاي
واعدني بالماي العذب .... يروي ضمة احشاي
وي روحي اسولف ياكمر .... ما ظلي كل راي
محتامة حـيل الشوفتك .... يــا نظر عيناي

موتك خذك مني غصب ..... يا اخر افراح الكلب
بعدك صبح .... يا كافلي .... لونة ابيض الراس

.....
كل اليوم الي مرني بسنة ... بعدك يكافــل
تشهـــد عـــلية غيــرتك .... يبن البواسل
ذابحني مــوتك يالاخــو .... مو مال اجامل
جم حسره جم لوعة الك .... دلالي شايـــل

حالي أبغيابك شوصفة … بعدك على الدنية العفة
يرخص الك… فدوة العمر… يا زين هالناس

........

الحمدلله رب العالمين
اللهم صل على محمد وال محمد
موسى الخادم

 ياحبيبي    ياطبيبي    ياشمس الشموس                              
 يارجائي   ياسمائي    ياغريبا في طوس

اكتب اسمك يالرضا
بدمعتي ضاك الفضا
********************
كون بالدمــعه القوافي تنكتب هالمعرفه
واعله ورقة حزني  اكتب جرحي ماظنه شفه
ونسج ابيات القصيده عن عقيده و عاطفه
أرد اگولن يبو محمد من عله دنيا العــفـه

 ياشفيعـــي   ياربيعـــي   ياشمس الشموس
 يارجائـــي   ياسمائـــي    ياغريبا في طوس

شوف دمع الرافضه

********************
كون كل حرف الأكتبه يجري ويايّ الدمع
كون چلماتي العزائك تنكتبلك بالظــــلـع
من اون اعليك وبچي ريت ونـي ينسمع
اليحبك يوم فگدك گلـــــبه لاشك مـنفـــجع

 دمعي ساجـم .. بالمـــآتم يا شمس الشموس
يارجـــائـــي   ياسمائي ... ياغريبا
في طوس

غصبا عله لما رضا
********************
ياوسيله ابكل دعـــائي ياشفيـــــع المذنبـــين
ياشمس فجري بحياتي للشمس وجهك جبين
اليوم ياخـيرالبــــريه مهجتي هزها الحــنين
كون يم گبرك انوح وگلبي مهموم وحــزيـن

ابهل المسيه  ...والرزيه  ..ياشمس الشموس
يارجـــائـــي   ياسمائـــي.. ياغريبا في طوس

بالقضا دوم أرتضا
*******************
تنحب اعليك السماء وتبچي مهضومه الأرض
والحزن عالكـون كله يالرضا أصبح فرض
قدر موتك ندري حتمي وحاشه أحنـه نعتـرض
لاچن اخلافك مصايب بدت ماترضه تفـض

هم غيابك..  وبمصابك ... ياشمس الشموس
 يارجائـــي    ياسمائــي .. ياغريبا في طوس

جمرتي نار الغضا
********************
امك ليله الزچـــيه تصــرخ ابلوعه وقـهر
ليش سموك  الشماته  وحدك محد حضر
جرح فگدك ياولينه خلف اجــروح شكـثـر
وضلع من عدها تدري  شلون بالباب انــكسر
بالوديعه...  بالفجيعه  .... ياشمس الشموس
يارجائـــي    ياسمائــــي ... ياغريبا في طوس

جبده بالسم هم كضه
********************
يوم فگدك يوم دمعه تجري من عين المحب
واحنه ابو محمد  أملنه احباب گلـــبك ننحسب
انريد هليله دمعنه ابسجل حــــــزنك ينكتـب
احنه لمصابك دمعنه ابلوعه وبـــهم ينسچـب

ياأملنـــه ..  صحنه كلنه ... ياشمس الشموس
يارجائـــي    ياسمائــــي ... ياغريبا في طوس

حسرتي  نار  افتضه
*******************

خادمكم  المقصر 
يوسف  الفتلاوي

العجل يبن الزهراء


💔💔💔💔💔💔💔💔


بيدك حلها. وانته اتفلها
عجل تانيناك اسنين


💔💔💔💔💔💔💔

طالت يبن الزهره المده
وكل ضالم يتماده ابجنده
غيرك ياهو ايوگفه ابحده

سيوفك سلها. رؤس اعزلها
عن اجساد الخانو دين


💔💔💔💔💔💔💔💔

عجل وانه وياك اتقدم
حتئ نخلي الضدك يندم
بغضأ بيك الدارك هدم

عدكم شلها. الوادم كلها
تطلب ثار بيوم حنين


💔💔💔💔💔💔💔💔💔

چم حره انذلت بغيابك
من ناس الفرحت بمصابك
حشم سيفك لف انگابك

گوم اكتلها. وبيدك ذلها
خل الحره اتگر العين


💔💔💔💔💔💔💔💔💔

شفنه الما ينشاف وادهه
اهواي العبرت دخنه ابعدهه
بداعت زينب گوم وجدهه

اگطع غلها. الخاطر ضلها
بيها انحلفك والسبعين


💔💔💔💔💔💔💔💔💔


چم عله بعله النخفيها
وانته التعلم قطعأ بيها
اطلع يل مهدي وصفيها

العينك ولها. روحي اتخلها
شافت ضيم وروح حسين


💔💔💔💔💔💔💔💔💔


من ضالم للضالم وابرص
ياكل حگنه ومنه اتملص
نحسد گمنه المات وخلص

ارتاح انگلها. الروح انملها
نتنفس لاكن ميتين



💔💔💔💔💔💔💔💔




فاضل الغريباوي

الليالي الفاطميه
لسان حال مولاتي زينب تخاطب امها بعد استشهادها

يمه يا زهرة زماني ـــ الفرح بعدچ نساني
ليش عفتــيني غريبه
طفله مااحمل مصيبه
يمه يازهرة زماني



موسهل يمه اليتـــــم وشلون بيــــه
عمـــري ورده وذبلت بنــــار الرزيـــه
يمه بطلي امـــن السفر ردي عليـــــه
البيت وحشه من يحل وقت المسيه

انظر المحراب خالي ــ طولچ ايعن اعله بالي
دمعــي ينزل يالحبيبه
طفله مااحمل مصيبه
يمه يازهرة زماني

*

من يجينه الليل ويحل بضلامه
يعيل بيه وعيـني ما تقبل تنامه
اذكـر اربـاچ واحن حن الحمامه
وانتـي اعلم مني ابحال اليتامه

يمه يالكلچ محنه ــ وياچ ضيعنه املنه
گلــبي ما بطل نحيبه
طفله مااحمل مصيبه
يمه يازهرة زماني

*

بعـــد المن ضـــاله وانتـــي رحلتـــي
اشما اشوف اخواني يمه تهل دمعتي
والاشـــد واعظم عليه امن انضربتي
بعيني انضــر يوم صطروچ اوگعـتي

تألمت يمه اعله حالچ ــ اوياچ أودعــنه دلالچ
الصبر يمه امنين اجيبه
طفله ما احمل مصيــبه
يمه يازهرة زماني


*

اذكر ارباچ وســـهر ذيــــچ اليالي
وحيل احن الشوفتچ ونده تعالي
يمه احلفچ بالفحل ردي ســؤالي
اني من بعــدچ ييمه مـــن بگالي

بعدچ اتوضه ابدمعتي ــ يالي عفتيني اورحلتي
چنتي لجروحي طبيبه
طفله ما احمل مصـيبه
يمه يازهرة زماني



يمه من بعدچ يتـامه احنه بگينه
يم سوالف دافيه وطيبه وحنينه
ثگل همنه بغيبـــتچ يمه وبچينه
بالگــبر نمتـي ييمه وما تجـــينه

اشلون نتحمل غيابچ ــ آه يالوعة مصابچ
راح حضن البيه طيبه
طفله مااحمل مصيبه
يمه يازهرة زماني

**

تم بعون الله تعالى وبركاته الامام المهدي عج
✍ام زين العابدين اللامي من يرغب من الاخوه الرواديد قراءة القصيده يذكر هذا الاسم (زين العابدين الزبيدي) والله ولي التوفيق

اسالكم الدعاء لي والوالدي

أستشهاد مولاتي الزهراء عليها السلام
لسان حال الحوراء زينب عليها السلام

ــــــــــــــــــــــــــــــــــــــــــــــــــــ
تموت امنياتي ..بفگد الزچيـــه
يــمه وحــياتي ..تصعب عليـــه
انـــه العقيلــه انــه العقيلــــه

▪️▪️1▪️▪️
يــمه بغيابچ بچينه ونزلت دموع شكثـــر
كون مــن بعدچ ييمه لاطول هـــذ العمر
طفله وبأول حياتي من نويتي اعله السفر
ماشفت راح برحيلچ گلبي مايحمل هجــر
گلبي بوداعه من ودع امنه
مو هذا ظني يطول هجرنه
انــه العقيلــه انـه العقيلــه
▪️▪️2▪️▪️
يمه عفتيني ومشيتي وتنهظم روحي هظم
وانه شاهدت بعيوني وسمعة كسر العظـم
وطيحت المحسن شفتها وزادت بگلبي الم
مــن دفع بابچ بدينه شاهدت صورة خيــم
ناري اعله نارچ حرگن گلبنه
وشبت عباتي وهم انظربنــه
انــه العقيلــه انــه العقيلــه
▪️▪️3▪️▪️
تنطفي شمعة حياتي وعيني مـابيها ضوه
واختنگ من ذكرياتي وينشف بريتي الهوه
يـمه من ساعة غيابچ خدي بالدمعه ارتوه
وبـالنفس دخان اشمن يــمه دلالي انچوه
الباب وعصرته وظــالم سطرنه
وعصرت دليلي بسوطه ويسبنه
انـــه العقيلــه انــه العقيلــــه
▪️▪️4▪️▪️
وردة احلامي ازرعتها وترست ايامي ورد
منجل الفرگه گطعها والحلم مني ابتعـد
وراحت ايامي العشتها بفيچ ومااظن ترد طفله من تفارگ امها مايظل عدها سنــد
ورده اعله ورده لمن ذبلنه
بچف الاعادي من اندفعنه
انــه العقيلــه انـه العقيلــه
▪️▪️5▪️▪️
بويه شاهدتك تعاني وهذا گلبك ينفجع
برجعتك مــن غسلتها بونتك زاد الوجع
گتلي مر چفي عليها ولزمت كسر الضلع
راسمه السطره اصابع ولاثر طابع طبــع
چف اعله خدها مرسومه شفنه
هــدتلي حيلـي وبيها انفجعنـه
انـــه العقيلــه انــه العقيلــــه
▪️▪️6▪️▪️
انتي يايمه الحنينه وللصبر صرتي جبـل
مـــن تروحين شبدينه يندفن بينه الامل
واليتيم دموع عينه تجري لو واحد سال
چـم سؤال يمر علينه وشكثر دمع النزل
دمعه اعله دمعه ويغرگ جفنه
اسچب يدمعي اليوم انسألنـــه
انـــه العقيلــه انــه العقيلــــه
▪️▪️7▪️▪️
يـمه لو رحتي مصايب ينترس بيها الگـلب
والحسن چبده يتگطع والخدر يمه انسلب
بــــعدچ بعيني اشاهد كربله وبيها العجب
وخيمه محتركه وأدينه تنچوي بـنار ولهب
وفوگ الشريعه يوگع گمرنه
وبظيم اليالــي يايمه حرنــه
انــه العقيلــه انــه العقيلـــه
ــــــــــــــــــــــــــــــــــــــــــــــــــــ
تـمـت
بـحــمــد
الــــلــــــــه
(٢٠١٨/١١/٢٦)
نــســألــــكـــم
الــــدعــــــــــــاء
كـلمــات خـادم أهــل الـبـيـت ع
الـشاعر عـباس فـاضـل الـشمـري

#استشهاد_الزهراء_عليها_السلام

ياعلي الله العينك هل مسيه
كلبك الودع ورد اسمه الزجيه

داير للحسن عين ..... وعين تباري الحسين
يعينك الله ويعين
كلبك الودع ورد اسمه الزجيه

*
الله ولاحد يا علي من اضربوها
الجنه كامت تعثر بدمعات ابوها
حسين كض خاصرته لمن درفعوها
الورده وردة الله جا ليش اعصروها

الله منطي الكوثر .. والطشت يم حيدر .. يبقى بس المنحر .. يم الخيام

يمها دمعك ما هد .. وادري بي ما يبرد .. يجري جوه من الخد .. يم الخيام

على هذا تعب السنين ... يعينك الله ويعين
كلبك الودع ورد اسمه الزجيه

*

الباب سالوفة نهر والظلع جربه
يكسر الخاطر ترى اليمشي اليحبه
كلفة لو طاح الدمع جدام غربه
صعبة فركَت فاطمه ندريها صعبه

ما تلومك ناسك .. يبجي كلشي براسك .. دمعه دمعه احساسك .. يوكع شلون

بالي حالي وحالي .. ينظر اعله الغالي .. المحسن اتراوالي .. يوكع شلون

اصرخ انه كل حين ... يعينك الله ويعين
كلبك الودع ورد اسمه الزجيه

*

يشكف عيونه الهوى لومر عليكم
حْنْان من كد الترف نعشك حجيكم
شكد حمام يناشغ بنشغت بجيكم
فاطمه لحيدر وحيدر كلشي بيكم

هسه دور المسمار ... باجر يصير حجار ... فوك ابن الكرار .. يا هضيمه

والظلع بالموضوع ...حافر وجومه ظلوع .. وابنك يضل موجوع .. يا هضيمه

وتصرخ زينبك وين ... يعينك الله ويعين
كلبك الودع ورد اسمه الزجيه

*
ايتام عندك يا علي لأمهم يحنون
بكل فجر يبجي النمل لوبس يونون
تكسر جناح الملك دمعات العيون
راحوا احبابك بعد ما ظن يردون

بالكلب طك سباح ... من عكب ماكو صياح ... هسه ظل بس نياح .. يم عتبتك

ما شفت منبع هيل ... باللحد يكضي الليل... الونه تهدل كل حيل .. يم عتبتك

اجيبن فاطمه منين ... يعينك الله ويعين
كلبك الودع ورد اسمه الزجيه

*

بعيونك مخضر حجي وكليبك يحن
والرمش حدب سيدي مثل المتن
ايتام عندك ما تحب طاري الحزن
مثل حظن الام بعد ما مش حظن

بيا كَبر متعافي ... هسه نورك غافي ... والكمر ظل طافي .. بالفجيعه .

منين اجيب يفهمه ... كلبك من الرحمه ... شلون يرضى يلجمه .. بالفجيعه

من كثر ما لك ونين ... يعينك الله يعين
كلبك الودع وره اسمه الزجيه


*

سيد احمد الميالي

حيدر بآخر نفس عند الزجيه
كعد يمهه ويكسر الخاطر خطيه

بين الشيب بلحيتي. عود بعدج مامشيتي

يا زهراء. يا زهراء
......

لا تروحين. بداعت العِشره الگضيناهه سوه
لا تروحين. اخلاف عينج ريتي يخنگهه الهوه
لا تروحين. لو شمس بالبيت هم مابي ضوه
لا تروحين. حيلي من الله لجن حيلي خوه

خلاف عينج ياهو الي @ ظلي الخاطر علي

يا زهراء. يا زهراء
.............

يم الحسين. حسين عگبج حاله يكسر خاطر
يم الحسين. گام يتراواله يوم العاشر
يم الحسين. عمري ما كاره بشر من صاير
يم الحسين. هاي اول مره اكره باجر

باجر الخل يفترگ. ويندفن سر العشگ

يا زهراء يا زهراء
.........

ياهو الينام. وراح من عنده اليريح باله
ياهو الينام. گاعده اگباله وتنوح اعياله
ياهو الينام. وظلت من العمر عنده اوشاله
ياهو الينام. ساعه ويفارگ جميع آماله

صعبه لن عشرة عمر . تنگضي بدمعه وگبر

يازهراء. يا زهراء

........

بس تغمضين. بعد عينج اقره ع الراحه السلام
بس تغمضين. حالي حال اليحترگ عشهه الحمام
بس تغمضين. روحي راح اتسير الوادي السلام
بس تغمضين. عيوني تصبح للبجي مو للمنام

فاطمه فراكج صعب. جسد ويعوفه الگلب

يازهراء. يازهراء

الخادم موسى البطلي

لحن قصيدة يمه ملا باسم الكربلائي


ميته. وحيره محتاره بزماني
ميته. الاخو وينه ما اجاني
ميته. بيوم ذبحوهم اخواني

ميته ميته_______

انه ميته من شفت بل طف ابو اليمه
بعيني شفت الحافر بصدره ويهشمه
جرح گلبي خويه بعدك من يلزمه
وانه اختك بل مواقف جني زلمه

ضهري. خويه بچفاك انكسر
ضهري. بنار عگبك استعر
ضهري. محزم وهوه الولاني

ميته ميته______


انه اختك يابو فاظل ونته داري
لو تجي وشوف حالي بياهي ناري
حرگو الخيمه اولوني نبص نهاري
ودمك اعله الگاع خويه باقي جاري

ويلي. دمه يجري بمهجته
ويلي. فدوه اروح الجربته
ويلي. عل خيمه اضل متاني

ميته ميته____


خويه رحنه بلا ضوه وراسك ضوانه
من صعدنه عله الناگه الهم اجانه
امصيبه فوگ امصيبه ايركضن ورانه
وإنه ادعي الباري الي بسابع سمانه


شدعي. والفكلني بلا نحر
شدعي. طيحتي ولا بل گمر
شدعي. خويه گدامك خذاني

ميته ميته____


جرحي ما ينزف بعد خلصت ادمومه
من شفت عباس طايح عله الحومه
انه وحدي والضعينه صرنه كومه
وراسك انته اعله الرمح شنهي علومه


وحدي. حائره بروس اخوتي
وحدي. لا كفيلي وجربتي
وحدي. منل الشمر طگاني

ميته ميته_____


الشاعر: حسين علي الدليمي