𝑇𝑒𝑎𝑟_𝑜𝑓_𝐻𝑜𝑝𝑒. シ︎

هيج حبي الك ما يستاهل تضحيله؟ ما يستاهل تحاوله ؟
ليش دمرت علاقتنه بهالسرعه ليش ما حاولت ويه نفسك ليش ما خليت حبنه اكبر من فكرتك لعفتني بسببها ...؟!💔ليش خذلتني و كسرت ثقتي و كلبي تعرفني اخاف من خذلان لبشر و بعيده عنهم و انت اول واحد وثقت بي و حبيته ليش هدمت روحي وخليتني ابني بقوتي من جديد واعيد كل تعب لتعبته بالسنين لفاتت ...💔

جنت حتى اصنع لفرص لملكانه رغم صعوبتها و شبه مستحيله بس جنت احاول و اتحمل وحتى لو جنت بعز تعبي و مرضي ادورك لان راحتي شوفتك و صوتك و ضحكتك ... ليش ما حاولت بيوم الي ؟!

حاولت لخاطرك هوايه ولان كلبي صدك حبك ورادك بس انت بي ... وانت ما شفتك حاولت لخاطري رخيت و تخليت و رحت لغيري بحجة لمادري " الغلط ما يتبرر " هدمت كلبي وعلاقتنه جنت اول واخر تجربه و محاوله توبه اسلم كلبي لبشر🖤.

جنت دكلي لازم نواجه المشاكل و نصبر و نتحمل حنواجه هوايه عقبات بس لازم نتحمل و نتخطاها سوه حتى تستمر علاقتنه ... سمعت كلامك و وفيت بوعدي وحاولت و حاربت حتى نفسي تحملت كل لصار تمسكت بيك بكل قوتي بس انت ليئست قبل لا تحاول و خسرتني .💔

الكاسر خاطري مو لانك عفتني لانك ما حاولت تحافظ على كلبي لحبك تخليت عني و بدلتني بثاني و كل هذا و انت تحبني لو تكرهني شسوي؟💔

ما مرَّ ذِكرك إلا وابتسمت له
‏كأنك العيد والباقون ايامُ💙

الظاهر خسرنه بعض للابد و حبنا بقى ذكرى ...💔🔥👍🏻

اريدك وماريد
كلبي حبك و رايدك بس معاملتك و سويته بيه فهمو عقلي لازم يبتعد حتى لو بعده لكلب يحب و يحن رايح مزوج غيري لو مهما كون مبرر هتصرف ما يغير انت زوجت غيري فكرت بغيري لزمت غيري مو اني لي اتحمل احد يشاركني ممتلكاتي لو الي وبس لو مو الي ازوجت غيري يعني ماعرف منو نخان خنتني وياها لو دتخونها ويايه؟ تحبني قبلها بس هي حلالك منو لصح و لغلط هسه؟
وصلتها لكرامتي علمود كلبي لحبك باقيه ويه شخص مزوج ويه شخص جان الي صار لغيري شون حتقبل و استوعب هشي لسويته بيه؟💔
يا ريت تحط روحك بمكاني يا ريت تحس احساسي يا ريت يصير بيك لصار بيه حتى تفهم قصدي دتحرك روحي حرك ماعرف بعد شي صار شهالحب لي خلاك تعوفني و بكم يوم تزوج غيري عبالك دتعاقبني ع غلط ممسويته شكد زينه وياك بعمري ما زعلتك بعمري ما نومتك زعلان وانت تنومني ع دموع و زعل و اهمال ولا مبالاة و بس اكلك روح لان زعلت بدل ما تراضيني تعوفني وتروح
لان ضمنت انو اني حرضى و ما حزعل منك فكمت عادي تزعلني ومتحس
ماعرف شسوي بس بعد ثقتي واماني بيك مدا يرجعون💔
قاهرتني فكرة انو مدا اوثق بيك واصدكك لان انت من لبدايه تعرفني ما اوثق بولد واخاف من خذلانهم و كذبهم و انت سويت لاكرهه و كسرتي ثقتي و خذلتني و عفتني و جرحتني بكلامك و بتصرفاتك تحملت كل معاملتك لتزعلني مرات لان اكول يمكن مضغوط رغم اني ملي ذنب ما ماذيتك بس تحملت لان احبك بس انت لا ما همك على مو بيدي و اذيتني و قهرتني و كسرت ثقتي بيك شون حرجع اصدكك مثل قبل💔شون حتقبلك وانت بيوم رحت لغيري؟💔اني كارهه روحي بسبب عالفكره بس مو بيدي كلبي لشافه منك مو قليل💔

يمكن انت اكثر انسان اذاني بحياتي نطيته اهتمام وحب ما ناطيته لاحد سامحتك بكل مره تزعلني بيها تزعلني واني اراضيك لان زعلت منك😂💔اموت وماعوفك ثانيه ضايج اريد افرحك باي طريقه شكد تعبانه بيومي و مشاكل وتعب بس من اجيك اجيك كلي طاقه و فرح و شغف بس بالمقابل جان برودك و اهمالك و فوك كل ذني ختمتها عليه بهالكسره هاي
ما اذيتك بيوم ليش اذيتني؟💔خذت كل طاقتي و حيلي و حياتي و مستقبلي هم انهدم كل شي بحياتي و لازم ارجع ابني روحي من جديد و احلم بمستقبل جديد اسعاله احققه .💔

كالها نزار قباني :
ستضل تسامح من تحب حتى تكرهه بقناعه .💔

كل مرة راح تباوع بيها للماضي
راح تتأكد أنك محارب قوي
حاولت حتى لمن الدنيا مانطتك
مجال تحاول و لمن چان الزعل
اكبر من الفرح دورت لنفسك
أسباب وابتسمت گدرت تگول
ميخالف لروحك بالوقت اللي
چان صعب عليك تگولها ..
و اذا هسه تعبت ، او يأست
فتذكر انك تستاهل تشوف
نفسك بمكان احسن
وتستاهل تكمل 💙