#عروض_فك_الحظر_الحصرية

1.ما شايل 500 جنيه للمواصلات ماتمرق... ولو طالب جامعى فكر أنك تحول إنتساب !!
2. خليك عارف إنك حتمشى كدارى لامن تسيح!!
3. أوعك تفكر تاكل فى مطعم ولا تتظارف وتعزم زول.
4. ما تحاول تشترى حاجة من السوق نهائى!!
5. حاول إتذكر طعم الفواكه لأنك تانى ما حتشوفا إلا تحسن عملك وتخش الجنة بأذن الله.
6. لازم تتحول لكائن نباتى.... لأنك لو إشتهيت اللحمة إلا تاكل صوابعك.
7. صلح علاقاتك مع أى زول سايق عربية فى حلتكم عشان ثقافة الملح ويا عمك حتكون هى المسيطرة فى الفترة القادمة.
8. العلاقات العاطفية الفيها خلط فى الكافيهات وهدايا وقصص جليها وأنهيها.
9. أحفظ جدول القطوعات بتاع الكهرباء عشان كل يوم تمشى ( تبرشت) عند زول بحجة صلة الرحم الإتقطعت مع الحظر
10. أنا بقترح عليكم ترجعوا تتحظروا برااااكم.... المارقين ليها شنو؟
لا شغل....لا حياة...
أقعدوا أرجوا رحمة ربنا ومعجزاتو وبس.

الحمد لله على كل حال

إنا لله وإنا إليه راجعون💔🚶🏻‍♀