Update Information Myanmar(UIM)

"သတိ လူဖမ်းပွဲရှိသည်"

ဒီဇင်ဘာ ၁၄၊ ၂၀၂၄

အာဏာသိမ်းစစ်ကောင်စီလက်အောက်ခံ လုံခြုံရေးတပ်သားတွေနဲ့ ပူးပေါင်း အဖွဲ့တွေက ရန်ကုန်မြို့က မြို့နယ်အချို့ရဲ့ ရပ်ကွက်တွေမှာ ညပိုင်းအချိန် လူငယ်ဖမ်းဆီးမှုတွေကို ယခုရက်ပိုင်းအတွင်းမှာ ဆက်တိုက်ပြုလုပ်လာတာတွေ မြင်တွေ့လာရပါတယ်။

ခပ်စိပ်စိပ် ဖြစ်လာတဲ့ အဖမ်းအဆီးတွေကြောင့် ညပိုင်းတွေမှာ အိမ်ပြန်ရတဲ့ အလုပ်သမားတွေအခက်အခဲဖြစ်လာတယ်လို့ ပြောပါတယ်။

ဒီဇင်ဘာ ၁၂ ရက်နေ့ လောက်ကစလို့ သာကေတ၊ ဒေါပုံ၊ တောင်ဥက္ကလာပ၊မြောက်ဒဂုံ၊ မြောက်ဥက္ကလာပနဲ့ လှိုင်သာယာ ရွှေပြည်သာ စတဲ့မြို့နယ်တွေက ရပ်ကွက်အချို့မှာ လူငယ်တွေအလုပ်ပြန်ချိန် ညပိုင်းအချိန်တွေမှာ ပေါ်တင်ဖမ်းဆီးခံနေရတယ်လို့ ရပ်ကွက်နေပြည်သူအချို့ဆီက သိရပါတယ်။

"လူငယ်ပျောက်တာတွေကိုခပ်စိပ်စိပ်တွေ့လာရတယ်။ ပေါ်တာဆွဲတာတွေကိုလည်း မျက်မြင်တွေ့သူတွေကတွေ့လာကြပြီဆိုတော့ ကျွန်တော်တို့လည်း ညဘက်အလုပ်ဆင်းချိန်တွေမှာ ၆ နာရီကတည်းကဆင်းပေးဖို့ သူဌေးကိုပြောထားရတယ်။ သူဌေးကလည်း သူလည်းသတင်းတွေကြားနေရလို့ ပြန်ဆင်းပေးမယ်ပြောတယ်။ ပြောမရတဲ့အလုပ်သမားတွေအတွက် စိတ်ပူရတယ်။ ည ၈ နာရီဆို စစ်ဆေးတာတွေဖမ်းဆီးတာတွေစနေပြီ အိမ်ထဲအောင်းနေမှရမယ်ထင်တယ်"လို့ လှိုင်သာယာမှာနေထိုင်တဲ့ အလုပ်သမားတစ်ဦးကဆိုပါတယ်။

အပြည့်အစုံဖတ်ရန် - https://www.facebook.com/share/1XejfnFJJY/?mibextid=wwXIfr

ကိုးကန့်တပ်ထိန်းချုပ်မှုအောက် လောက်ကိုင်မှာ ပထမဆုံးအကြိမ် သေဒဏ်ပေး

၁၀၂၇ စစ်ဆင်ရေးနဲ့အတူ သိမ်းပိုက်ရရှိခဲ့တဲ့ လောက်ကိုင်မြို့မှာ မနေ့ ဧပြီ ၂၄ ရက်တုန်းက ကိုးကန့်တပ် (MNDAA) က ပထမဆုံးအကြိမ် သေဒဏ်ပေးမှုပြုလုပ်ခဲ့တဲ့အကြောင်း ထုတ်ပြန်ပါတယ်။

အမျိုးသားဒီမိုကရက်တစ်မဟာမိတ်တပ်မတော်(MNDAA )က အမျိုးသား ၁၀ ယောက်ကို အများပြည်သူတွေ့မြင်ရတဲ့နေရာမှာပဲ သေဒဏ်စီရင်တာဖြစ်ပြီး သူတို့ဟာ ကိုးကန့်တပ်ဖွဲ့ဝင်တွေလို့ သိရပါတယ်။

သေဒဏ်ပေးခံရသူတွေက ဘယ်သူတွေလဲ
ဒီသတင်းအပြည့်အစုံအပါအဝင် ဘီဘီစီရဲ့ ဧပြီ ၂၅ ရက် တိုက်ရိုက်သတင်းထုတ်လွှင့်ချက်ကို https://www.bbc.com/burmese/live/cglxj5gmrvgt ဒီလင့်ကနေ ဆက်လက်ဖတ်ရှုနိုင်ပါပြီ။

#ဘီဘီစီမြန်မာပိုင်း #ကိုးကန့်တပ် #MNDAA #လောက်ကိုင် #သေဒဏ် #၁၀၂၇စစ်ဆင်ရေး

စစ်မှုထမ်းဟောင်းများကို ဆင့်ခေါ်ကာ ၁ နှစ်တာ၀န် ထမ်းဆောင်ပါမည်ဟု လက်မှတ်ထိုးခိုင်းသည့်အပြင် နေအိမ်ရှိ လူကုန်ခေါ်ယူမှုများရှိနေ

ဧရာ၀တီတိုင်းမ်
ဧပြီ ၂၄ ရက်

စစ်ကောင်စီက အရန်တပ်ဖွဲ့ဥပဒေဖြင့် စစ်မှုထမ်း ဟောင်းများကို ဆင့်ခေါ်၍ စစ်သင်တန်းပေးရာတွင် တစ်နှစ်တာ၀န်ထမ်းဆောင်ပါမည်ဟု လက်မှတ်ရေးထိုးခိုင်း နေကြောင်း သိရသည်။

ပြီးခဲ့သည့် ဧပြီ ၁၁ ရက်နေ့က ပဲခူးတိုင်းအတွင်းရှိ စစ် မှုထမ်းဟောင်းများကို ဆင့်ခေါ်ရာတွင် ဆင့်ခေါ်သည့် နေ့မှစ၍ တစ်နှစ်တာ၀န်ထမ်းဆောင်ပါမည်ဆိုသည့် အကြောင်းကို လက်မှတ်ထိုးရကြောင်း စစ်မှုထမ်း ဟောင်းမိသားစု၀င်များထံက သိရသည်။

"အိမ်ကအဖေတော့ပါသွားတယ်။ သက်ပြည့်ပင်စင် ယူထားတာ မကြာသေးဘူး။ ခုပြန်ပါသွားပြီ။ သူတို့က ခေါ်တဲ့အခါမှာ သက်ပြည့်ပင်စင်လစာရော၊ အခုတာ၀န်ထမ်းဆောင်စရိတ်ရော ပေးမယ်ပြောတယ်။ အဖေကလည်း နားချင်နေတာ ငွေကြေးမမက်ပါဘူး။ တစ်နှစ်တာ၀န်ထမ်းဆောင်ရမယ်ဆိုပြီး လက်မှတ်ထိုးခိုင်းတယ်" ဟု စစ်မှုထမ်းဟောင်း မိသားစု၀င်တစ်ဦးက ဧရာ၀တီတိုင်းမ်ကို ပြောသည်။

သတင်းအပြည့်အစုံဖတ်ရန် - https://www.facebook.com/share/p/tdCRSiVg4mHWw4dm/?mibextid=WC7FNe

BGF အကူအညီဖြင့် မြဝတီ ခလရ (၂၇၅) ကို စစ်ကောင်စီပြန်ထိန်းချုပ်

စောရယ်/Myanmar Now

ပြီးခဲ့သည့် ဧပြီ ၁၁ ရက်နေ့က ကရင်တပ် KNU က သိမ်းပိုက်ထားသည့် ခလရ (၂၇၅) တပ်စခန်းကို စစ်ကောင်စီက ယနေ့တွင် ပြန်လည်သိမ်းပိုက်လိုက်သည်ဟု မြဝတီဒေသခံများကပြော

၂၇၅မှ စစ်ကောင်စီတပ်ဖွဲ့ဝင်များသည် ကုန်တင်ယာဉ်ရပ်နားဝင်းတွင် နေထိုင်ကာ ခံစစ်ပြင်ခဲ့ပြီး ဧပြီလ ၁၉ ရက် ညပိုင်းနှင့် ၂၀ ရက် နံနက်ပိုင်းတွင် KNLA နှင့် ပူးပေါင်းတပ်ဖွဲ့များ၏ စစ်ဆင်တိုက်ခိုက်မှုကို ရင်ဆိုင်ခဲ့ရသည်။

ဧပြီလ ၂၁ ရက်နံနက်ပိုင်းတွင် ပစ်ခတ်မှုရပ်စဲသွားသည်။ KNLA နှင့် ပူးပေါင်းတပ်ဖွဲ့များက တပ်ဆုတ်ပေးလိုက်သဖြင့် တိုက်ပွဲရပ်သွားခြင်းဖြစ်သည်။

ထို့နောက် ဧပြီလ ၂၃ ရက် နေ့လယ်ပိုင်းတွင် မြဝတီမြို့ကို လုံခြုံရေးယူထားသည့် ကရင်ပြည်နယ်နယ်ခြားစောင့်တပ် (BGF) ၏ အကူအညီရယူပြီး အမှတ် (၂) တံတားမှ စစ်ကောင်စီတပ်ဖွဲ့ဝင်များသည် ခလရ (၂၇၅) အတွင်း ပြန်လည် ဝင်ရောက်နေရာယူလိုက်ခြင်းဖြစ်ကြောင်း မြဝတီဒေသခံတစ်ဦးက Myanmar Now ကို ပြောသည်။

သတင်းအပြည့်အစုံ -

https://www.facebook.com/share/p/fjpAYbNuCv61bEVn/?mibextid=WC7FNe

မြဝတီတိုက်ပွဲအတွင်းဒဏ်ရာရရှိသူ ၄၀ ကျော်ကို နယ်စပ်ထိုင်းဆေးရုံတွင် ကုသပေးထား
****

သံလွင်ခက်
ဧပြီ ၂၃၊ ၂၀၂၄။


ထိုင်း - မြန်မာနယ်စပ်အနီးတိုက်ပွဲများအတွင်း ထိခိုက်ဒဏ်ရာရရှိခဲ့သူ ၃၈ ဦးကို မဲဆောက်မြို့ရှိဆေးရုံ ၁ ရုံတွင် ဆေးကုသမှုပေးထားသည်ဟု ပြည်သူ့ကျန်းမာရေးဝန်ကြီး Cholnan Srikaew ကပြောသည်။

"သူတို့အခြေအနေအရ ကျွန်တော်တို့က ဆေးကုသပေးနေတယ်။ အများစုကတော့ ခွဲစိတ်ကုသရမယ့် အခြေအနေ မှာရှိပါတယ်"ဟု မဲဆောက်အထွေထွေရောဂါကုဆေးရုံကြီးတွင် ယမန်နေ့ကကျင်းပခဲ့သည့် သတင်းစာရှင်းလင်းပွဲ တွင် ၎င်းကပြောသည်။

"ပြီးခဲ့တဲ့ စနေနေ့က လူနာ ၂၂ ယောက်လက်ခံခဲ့ပြီး နောက်ထပ် ၁၆ ယောက်ကတော့ တနင်္ဂနွေနေ့က ရောက်လာ ကြတယ်"

ဒဏ်ရာရရှိသဖြင့် ဆေးကုသမှုခံယူနေရသူများတွင် စစ်ကောင်စီတပ်ဖွဲ့ဝင်အရေအတွက် မည်မျှရှိကြောင်းနှင့် တော်လှန်ရေးတပ်ဖွဲ့ဝင်အရေအတွက် မည်မျှရှိကြောင်းကိုတော့ ကျန်းမာရေးဝန်ကြီးကဖြေဆိုခဲ့ခြင်းမရှိပါ။

သတင်းအပြည့်အစုံဖတ်ရန် -

https://www.facebook.com/share/Tg8bpQXBipnAMC6Q/?mibextid=WC7FNe

Emergency 🚨
———————-

ယခုပုံပါကားပိုင်ရှင်ခင်ဗျာ
သုဝဏ္ဏ ဒေါင်လဘက်ရည်ဆိုင် သံသုမာလမ်းမကြီးရှေ့သို့
အမြန်လာရောက်ပေးပါရန် ခိုးခံရတဲ့ကားလို့သိရပါတယ် သူခိုးကမောင်းလာတာ ဘိန်းတစ်စုံပါကျွတ်ထွက်နေပီ

ဘဘကတော့စစ်ကူဆိုပီးပို့တာပဲ မြွေစာဖစ်ဖစ်သွားတာလေးပဲရှိတယ် 🫢

မြဝတီမြို့ကိုစစ်ကူလာသည့် “အောင်ဇေယျ” ကြောင်းမှ ဗိုလ်ကြီး (၁)ဦး နှင့် ဗိုလ်လေး တစ်ဦး အပါအဝင် (၆) ဦးသေဆုံး။
ခလရ-၂၇၅ မှ တပ်မ ၄၄ မှူး ဗိုလ်မှူးကြီး စိုးမင်းထက်အပါအဝင် ၃၀ ဦး နှင့်အထက်ဒဏ်ရာရ

Salween Press
ဧပြီလ ၂၂ ရက် ၂၀၂၄

မြဝတီမြို့သို့ ထိုးစစ်ဆင်လာသော စစ်ကောင်စီတပ်များအား ကရင်အမျိုးသား လွတ်မြောက်ရေး တပ်မတော် KNLA မှ ဦးဆောင်၍ ကြားဖြတ်တိုက်ခိုက်ခဲ့ရာ သံချပ်ကာယာဉ် ၁ စီး၊ စစ်သုံးကား ၂ စီး အပါအဝင် လက်နက်ခဲယမ်း များစွာ သိမ်းဆီးရမိပြီး ဗိုလ်ကြီး (၁)ဦး နှင့် ဗိုလ်လေး တစ်ဦး အပါအဝင် (၆) ဦးသေဆုံးခဲ့သည်ဟု KNU ၏ ဒူးပလာယာခရိုင် - သတင်းနှင့်ပြန်ကြားရေးက သတင်းထုတ်ပြန်ပါတယ်။

ဧပြီလ ၂၀ ရက်နေ့တွင် စခန်းအားစွန့်ခွာ၍ မြဝတီ ထိုင်း−မြန်မာချစ်ကြည်ရေး တံတား အမှတ် (၂) အောက်သို့ ထွက်ပြေးတိမ်းရှောင် ခိုအောင်းနေသော ခလရ-၂၇၅ မှ အာဏာသိမ်း အကြမ်းဖက် စစ်ကောင်စီတပ်များအား KNLA နှင့် PDF တို့က ပူးပေါင်းတိုက်ခိုက်ခဲ့ရာမှာလည်း စစ်ကောင်စီတပ်မှ ၃၀ ဦးအထက် သေဆုံးခဲ့ပြီး တပ်မ(၄၄) မှူး ဗိုလ်မှူးကြီး စိုးမင်းထက်အပါအဝင် (၃၀) ဦး နှင့်အထက် ဒဏ်ရာရခဲ့သည်။

အပြည့်အစုံဖတ်ရန် - https://www.facebook.com/share/p/SyrCN7BhseMCXKtc/?mibextid=WC7FNe

နေပြည်တော် လေတပ် အတိုက်ခံရအပြီး အုပ်ချုပ်ရေးမှူးများနှင့် ဒေသခံများ အဖမ်းခံရ
----------------
စစ်ကောင်စီရုံးစိုက်ရာ နေပြည်တော်ရှိ အေလာလေတပ်စခန်း ရှော့တိုက်ဒုံးဖြင့် တိုက်ခိုက်ခံရပြီးနောက် ထိုလေဆိပ်အနီးရှိ ကျေးရွာ ၂ ရွာမှ အုပ်ချုပ်ရေးမှူးများအပါအဝင် ဒေသခံ ၇ ဦးကို စစ်တပ်က ဖမ်းဆီးထားသည်။

ဖမ်းဆီးခံရသူများနှင့် ပတ်သက်၍ ပျဉ်းမနားနှင့် လယ်ဝေး ရဲစခန်းများသို့ လိုက်လံ စုံစမ်းမေးမြန်းသော်လည်း မသိရှိကြောင်းနှင့် သိရှိပါက အကြောင်းကြားပေးမည်ဟု ပြောဆိုမှုသာရှိသည်၊ ၁၀ ရက်ကျော်သည်အထိ အဆက်အသွယ်မရရှိသေးသည့်အတွက် မိသားစုဝင်များမှာ လွန်စွာစိတ်ပူပန်နေကြသည်။

အပြည့်အစုံဖတ်ရန် > https://myanmar-now.org/mm/news/51420/

ပုံစာ - Power of Ababil တပ်ဖွဲ့ဝင်တစ်ဦး ဒရုန်းလွှတ်တင်နေသည်ကို ၂၀၂၃ နှစ်ကုန်ပိုင်းက တွေ့ရစဉ်။ (ဓာတ်ပုံ-POA)

#MyanmarNow #Naypyitaw #နေပြည်တော်

မြဝတီမြို့ ပြင်းထန်တိုက်ပွဲကြားက သေဆုံးခဲ့ရသော ပြည်သူများ
------------------–---------------------

ဧပြီလ ၂၀ ရက်တွင် ဖြစ်ပွားခဲ့သော ကရင်ပြည်နယ်၊ မြဝတီမြို့၊ အမှတ် ၂ တံတားအနီးတိုက်ပွဲတွင် ရပ်ကွက်နေပြည်သူ ၈ ဦးထက်မနည်း သေဆုံးခဲ့ရသည်ဟု ကူညီကယ်ဆယ်ရေးလုပ်ဆောင်နေသူများထံမှ သိရသည်။

သေဆုံးခဲ့သူများမှာ ထိတွေ့တိုက်ပွဲနှင့် လေကြောင်းပစ်ခတ်မှုများဖြစ်ပွားခဲ့သည့် မြဝတီမြို့ ရပ်ကွက် ၄ နှင့် ၅ အတွင်း နေထိုင်သူများဖြစ်သည်။

စစ်ရှောင်ရန်နေအိမ်မှထွက်ခွာပြီး မိနစ်အနည်းငယ်အတွင်း ရပ်ကွက် ၄ အဝင်၊ လမ်းမပေါ်၌ ပစ်ခတ်ခံရခြင်းဖြစ်ပြီး အဆိုပါ အိမ်စီးကားအား အမှတ် ၂ အဝင်လမ်းဘေးနေရာသို့ ထိုးကျနေသည်ကို တွေ့ရသည်။

“ကားပေါ်မှာက လူကြီး ၂ ယောက် ပါတယ်။ သူ့ချွေးမနဲ့ သမီး ၂ ယောက်ပါတယ်။ မြေးအသေးလေး ၂ယောက်နဲ့ ဆိုင်မှာ အလုပ်လုပ်တဲ့ ကလေးတစ်ယောက် ပါတယ်။ ကလေး ၃ ယောက်၊ လူကြီး ငါးယောက်ပါတာ။ အဲဒီအထဲမှာ ချွေးမနဲ့ သမီးအငယ်ရယ်၊ ဆိုင်မှာ အလုပ်လုပ်တဲ့ ကလေးရယ် သေသွားတယ်” ဟု မိသားစုနှင့် ဆွေမျိုးတော်စပ်သူ ကိုဇက ပြောသည်။

သတင်းအပြည့်အစုံဖတ်ရန် -

https://www.facebook.com/share/1gmjTAqeiXeSAtZF/?mibextid=WC7FNe

အာဏာသိမ်းမှုစတင်ခဲ့တဲ့ Febuary 1 ရက်နေ့ 2021မှစ၍ April.19ရက်နေ့ 2024ထိ သုံးနှစ်တာ စစ်တမ်းကောက်ချက်အရ အာဏာရူးစစ်တပ်ရဲ့ ရမ်းကားစွာပစ်ခတ်မှုကြောင့် ကျဆုံး ပြည်သူဦးရေ ၄၉၀၀ ဦးခန့် ရှိပီး မတရားဖမ်းဆီးခံထားရသော ပြည်သူ ၂၆၅၄၅ ယောက်၊ လွတ်ငြိမ်းခွင့်ဖြင့်ပြန်လွတ်လာသူ ၆၁၉၆ ယောက် နှင့် မတရားပုဒ်မတပ် ဖမ်းဝရမ်းထုတ်ဖမ်းစီးခံထားရဆဲလူ ၂၀၃၄၉ ဦး ခန့် ရှိပီဖြစ်ကြောင်း သိရှိရပါတယ်

မူရင်း Link- https://x.com/aapp_burma/status/1781268788245418475?s=46

စစ်ကောင်စီက စစ်မှုထမ်းဥပဒေဖြင့် လူငယ် ၅၀၀၀ ဝန်းကျင် တပ်သားသစ် စုဆောင်းခဲ့ပြီးနောက် ဒုတိယအသုတ်အတွက် တပ်သားသစ်ခေါ်ယူရန် ထပ်မံလုပ်ဆောင်လာ

နိုင်မင်းလွင်/ဧရာဝတီတိုင်းမ်
ဧပြီ ၂၁ ရက်

စစ်ရေးအပါအဝင် ဘက်ပေါင်းစုံတွင် မရှုမလှ ရှုံးနိမ့်လာသည့် အာဏာသိမ်း စစ်ကောင်စီက တပ်သားအင်အား အရေးပေါ် လိုအပ်ချက်ကို ဖြည့်တင်းနိုင်ရေးအတွက် အသက်သွင်းလိုက်သော ပြည်သူ့စစ်မှုထမ်း ဥပဒေအရ နှစ်လအတွင်း လူငယ် ၅၀၀၀ ဦးဝန်းကျင်ကို တပ်သားသစ်အဖြစ် စုဆောင်းခံခဲ့ရပြီးနောက် လက်ရှိတွင် ဒုတိယအသုတ် အတွက် ထပ်မံလှုပ်ရှားလာကြောင်း လေ့လာစောင့်ကြည့်သူများထံက သိရသည်။

ဥပဒေနှင့် ပတ်သက်၍ နည်းဥပဒေ ထွက်ရှိရန်ကိုပင် မစောင့်တော့ဘဲ ၎င်းတို့၏ အခြေခံအကျဆုံး ယန္တရားဖြစ်သော ရပ်ကျေးအုပ်ချုပ်ရေး မှူးများဖြင့် ခြေလှမ်းသွက်သွက်ဖြင့် အကောင်အထည်ဖော်ခဲ့ရာ နှစ်လအတွင်း လူငယ် ၅၀၀၀ ဦးဝန်းကျင်ကို ပထမအသုတ်အဖြစ် စုဆောင်းနိုင်ခဲ့ကြောင်း ဗမာ့ရေးရာနှင့် ပဋိပက္ခလေ့ လာရေးအဖွဲ့ (BACS) က အစီရင်ခံစာ ထုတ်ပြန်ခဲ့သည်။

သတင်းအပြည့်အစုံဖတ်ရန် - https://www.facebook.com/share/fnxb4U4xpg2JVZpN/?mibextid=WC7FNe