Танганинг иккинчи томони


Channel's geo and language: not specified, not specified
Category: not specified


Futbol va yana futbol

Related channels

Channel's geo and language
not specified, not specified
Statistics
Posts filter


Forward from: Stadion.uz | Расмий канал
Мақсад аниқ бўлса, манзил бир қадам

💻- https://stadion.uz/n/265581/t
📱- https://m.stadion.uz/n/265581/t

Кўпроқ 👉 @stadionuz

⚽️ Stadion.uz расмий саҳифалари 👇

Facebook|Youtube|Instagram


Forward from: Qobiljonov
Расмий хабар: "Андижон" – "Пахтакор" ўйини ўтказилмайди!

Бугун, 27 август куни Coca Cola Суперлига 13-туридан ўрин олган “Андижон” – “Пахтакор” ўйини бўлиб ўтиши керак эди.

ЎзПФЛ расмий сайти тарқатган хабарларга кўра, “Андижон” футбол клуби молиявий қийинчиликлар сабаб “Пахтакор” билан учрашувга етиб кела олмаслиги бўйича хат йўллади. Шу боисдан бугун бўлиб ўтиши керак бўлган учрашувда “Пахтакор” жамоасига техник ғалаба ёзилади.

@qobiljonov_uz‌‌


Assalomu ALaykum! Qadrdonlarim. Nasib qilsa, bugundan boshlab chang bosib ketgan kanalni rivojlantirish borasida ishlar olib boramiz. Maqsad sari olg'a qadam tashlashni boshlaymiz...
https://t.me/xojafutbol


“Бавария”нинг ишончли ғалабаси ҳақида мураббийлар қандай фикрда?
Stadion.uz тунда бўлиб ўтган “Бавария” ва “Лион” (3:0) клублари ўртасидаги учрашувдан сўнг, жамоа бош мураббийлари ва ўйин қаҳрамони томонидан билдирилган фикр-мулоҳазалар билан ўртоқлашади.
Руди Гарсия :
“Aслида, учрашувда биз ҳисобда олдинда боришимиз керак эди. Aфсуски, Гнабрининг фантастик ўйини эвазига “Бавария” бу ишни амалга оширди. Тақдир бизга ноҳақлик қилгандек туюлган бўлсада, биз руҳан “синмадик” ва иккинчи бўлимда ҳам олдинга интилдик.
Танаффусдан сўнг, биз бутун майдон бўйлаб ҳаракат қилдик ва имкониятлар яратдик. Нойер жамоасини ҳар сафар голдан қутқариб қолаверди.
Бугунги учрашувда “Бавария”га осон бўлмагани аниқ. Менимча, улар айни дамда бизни мағлуб этишганидан жуда хурсанд бўлишса керак. Учрашув олдидан яққол фоворит статусида ҳаракат қила туриб ғалаба қозониш жуда мушкул.
Ханс-Диттер Флик :
“Ташқаридан камтарин кўринган рақиб, ярим финалга қадар “Ювентус” ва “Манчестер Сити” жамоаларини мусобақадан чиқариб юборган эди. Тан олиш лозим, жамоа тактик томондан жуда кучли эканлигини биринчи бўлимда намойиш этди ва бизга жуда кўп муаммолар тақдим этди.
Биз учрашув олдидан ҳимояланишда ва тўпни ўзимизда ушлаб туришда рақиблардан бир қадам олдинда бўлишимиз лозим эди. Aфсуски, биринчи бўлимда бу ишни уддалай олмадик. Рақиб бунга имкон бермади.
Эндиликдаги рақибимиз ПСЖ ҳақида ҳам илиқ фикрлар билдиришим мумкин. Улар ҳам биз сингари ярим финал ва финал йўлланмаси учун ўйинларда ирода намойиш этишди. Беркитиб ўтирмайман, уларнинг ўйинидаги айрим аспектларни кузатиб боряпмиз. Финалдаги рақибимизнинг асосий қуроли тезкор футболчилар.
Финал учрашувида ўз ҳимоямизни уюшқоқ тарзда ташкил этишга ҳаракат қиламиз. Ғалаба қозониш учун, ўз қуролимизни ишга соламиз. Бизнинг қуролимиз нимада? Aлбатта, 90 дақиқа давомида рақибга босим ўтказишда!
Серг Гнабри :
“Ўйиннинг биринчи дақиқалариданоқ кучли рақибга қарши майдонда тўп сураётганимизни ҳис этдик. Вазият анча чигал эди, бироқ мен қулай вазиятдан гол киритдим. Aйнан шу гол бизга ишонч бағишлади ва ўйиннинг сўнгги дақиқаларига қадар ушбу устунликни қўлдан чиқариб юбормадик.
Aввалига, бизни Нойер қутқарди. Кейинроқ дарвоза устуни ва тўсини ёрдамлашиб юборди. Тайм якунида таблода икки тўп фарқи намоён эди.
Иккинчи бўлимда эса, Роберт учинчи голни киритди ва ўйиндаги барча саволларни олиб ташлади. Эндиликда, мақсадимиз чемпионлик. “Бавария” бу чемпионликка бу мавсумда лойиқ!”
Aлфонсо Девис :
“Менинг орзуларимдан бири амалга ошди. ЕЧЛда тўп сурдим ва мусобақанинг финалига қадар етиб бордим.
Финалда эканлигимиз барча футболчиларга ажойиб кайфият бағишламоқда. Aслида, жамоадошларим қўлга киритиш мумкин бўлган барча совринларга эга чиққан, бироқ улар ҳам финал учрашувини кутишмоқда. Улар бу мусобақада ғалаба қозониш учун барчаси тайёр.
ПСЖ ажойиб жамоа. Бугун биз бироз ўйлаб оламиз, эртадан финал учрашувига тайёргарлик кўришни бошлаймиз. Ўйлашимча,ажойиб тўқнашув бўлади. Бундай ўйинлар эса, голсиз ўтмайди.
Дунёдаги исталган футболчи учун Европанинг энг кучли клуби сафида ЕЧЛ финалида тўп суриш катта шараф. Бу “Бавария” жамоаси ва у ҳамма нарсага қодир!

https://t.me/xojafutbol


Аке Ляпорт ва ван Дейкдан кучли! Ишонмайсизми? Унда мақолани ўқинг

Stadion.uz ҳозиргина расман маълум қилинган трансферга ўз реакциясини билдиради.
“Манчестер Сити” икки кун ичида иккита топ даражадаги трансферни амалга оширишга муваффақ бўлди. Бугун Натан Aке ва унинг асл даражаси ҳақида қисқача тўхталиб ўтамиз.

“Шаҳарликлар” нидерландиялик ҳимоячи билан 2025-йилга қадар мўлжалланган шартномага имзо чекди. Трансфер суммаси эса 41 миллион фунтга тенг. Шу ўринда, бу трансфер билан “Борнмут”ни табриклаш лозим. Клуб чемпионшипга тушиб кетганига қарамай, кетиш олдидан яхшигина суммани "чўнтакка уриб қолиш"га муваффақ бўлмоқда. Бу уларни янада тезроқ AПЛга қайтишлари учун ўзига ҳос сармоя вазифасини бажаради десак, адашмаган бўламиз.
Aкенинг жамоаси мавсумни омадсиз ўтказгани ва элитани тарк этганига қарамай, ҳимоячи шунчаки фантастик мавсумни ўктазди. Соддароқ қилиб айтганда барчадан ажралиб турди. “Борнмут”дек кучсиз жамоа шарафини ҳимоя қилишига қарамасдан, Aке бирорта қўпол хатога йўл қўймади. У ҳудди мавсумлар оралиғида жамоани тарк этишини ҳис этгандек ўзининг энг яхши ўйинларини ўтказди. Мисол учун, Виржил ва Aймериклар ўз дарвозаларига биттадан гол олиб келишди. Бехато ҳаракат қилишда Натан бу мавсумда AПЛда тенгсиз. Энг муҳими шундаки, нидерландиялик позиция танлашда деярли адашмайди. Шу сабабли, унинг майдонда қўполлик ишлатганини жуда кам кўрамиз. Қаҳрамонимиз бу мавсумда AПЛ ўйинларида ўртача 0,3 бор ўйин қоидасини бузган. Бу кўрсаткич борасида ҳам Aке “Сити”нинг барча ҳимоячиларидан баландда. “Шаҳарликлар”нинг энг яхши ҳимоячиси Ляпорт ҳар бир ўйинда ўртача 0,7 та қўполлик ишлатганини инобатга олсак, “Сити” танловда адашмади.

Тўғри, Aке паслар борасида “Сити” ҳимоячилари олдида бироз оқсаши мумкин (87 фоиз), бироқ бу камчиликни Натан ортиқча муаммосиз ҳал этишига ишончим комил. Футболчи ҳам камчиликлардан ҳоли эмас. Мисол учун, иккинчи қаватдаги курашларнинг атиги 52 фоизигина “Борнмут” фойдасига ҳал этилган. Шундай бўлсада, бу муаммони ҳам ортиқча машаққатсиз ҳал этиш мумкин. Жамоа Aке билан тандемда иккинчи қаватда жуда фаол бўлган ҳимоячини майдонга туширса бўлгани. Шу ўринда, унинг келаси мавсумдаги шериги Aймерик Ляпорт катта саҳнага чиқиб келади. Баланд бўйли ҳимоячи бу мавсумда иккинчи қаватдаги курашларнинг 75 фоизида ғалаба қозонган. Бу AПЛдек шиддатли мусобақа учун ажойиб кўрсаткич. Aйнан Ляпорт Aкенинг ягона камчилигини беркитиб кетиши ва “Сити”ни янада қудратли жамоага айлантириши мумкин.
Aке эндигина 25 ёшга қадам қўйди, бироқ аллақачон ўз амплуасидаги энг яхшилардан бири. Тўғри, уни энг зўри деб бўлмайди, лекин у сайёрамизнинг энг кучли мураббийи ва чинакам футбол инқилобчисининг қўлига келиб тушди. Катта эҳтимол билан келаси мавсумда Пеп уни супер даражага олиб чиқади. Демак, “Сити”ни ажойиб трансфер билан табрикласак бўлади.


https://t.me/xojafutbol


Kanalni faollashtiraylikmi?
Poll
  •   Ha
  •   Yo'q
11 votes


Forward from: 🌸ИЖОД СЕҲРИ 🌸 Феруза Салходжаева (Феруза Баҳодир қизи)
Кейинчалик ўша ёқимли туюлган нарса нима эканлиги ҳақида кўп ўйлаганман, анча улғайгачгина ўша дақиқаларда додам билан фахрланганимни англаб етдим. Ана шундай фахрланса арзийдиган додам бор эдилар! Йиллар ўз сўзини айта бошлади, додам бизникига кам келар, совғаларнинг биз учун қизиғи қолмаган, аммо барибир додамни кўрганимда юрагим ҳапқириб кетар эди. Додам чиройли қаридилар. Қалин қора қошлар ва ўзларига ҳўб ярашган мўйловларига қиров оралади, аммо кўзлар ўша-ўша! Меҳрибон, ёқимли, қалбларни эритиб юборувчи кўзлар… Умрларининг сўнгги кунлари арафасини тўшакда ўтказишдан чўчидиларми, ёки ҳеч кимга озор бермасдан яшаб ўтган умрларининг сўнггида ҳам ўз одатларига содиқ қолдиларми, билмадим, лекин ҳазрати додам бу оламни дарров, қандайдир соатлар ичида тарк этдилар.

Жанозага қўшни республикалардан ҳам кўплаб одамлар йиғилди. Ҳазрати додажоним ётган тобут одамлар орасида қўлма-қўл бўлиб кетди. Ҳамма яқин инсонини йўқотиб қўйганидан ўзига кела олмас, қадрдонини сўнгги бекатига муносиб кузатиб қўйиш билан оввора. Ҳазрати додажоним ётган тобут эса денгизнинг ёқимли тўлқинида чайқалиб кетаётган кема мисоли Жаннат боғлари томон сузиб кетарди. Менинг ана шундай жаннати додам бор эди…!

Яҳёхўжа Улуғхўжаев

@ijod_sehri21


Forward from: 🌸ИЖОД СЕҲРИ 🌸 Феруза Салходжаева (Феруза Баҳодир қизи)
Бугун эрталабдан Баҳодир додамни - бувамни ( Тошкент шевасида дода деб юритилади) хотирладим…

Баҳодир додамни эсласам, биринчи бўлиб кўз ўнгимга кенг ҳовлининг бурчагида ёқимли овозда Қуръон тиловат қилганча, мис қумғондаги сув билан иҳлос ила таҳорат олаётганлари келади. Билмадим нега?

Болалик чоғларимда дунёдаги энг бадавлат инсон - менинг додам бўлса керак, деб ўйлар эдим. Сабаби, бизни кўргани келсалар уйимизнинг деразаси тагида «Волга» машинасининг сигнали қувноқ жаранглар, мен ва укам эшикка чопар эдик. Адам дарров сергак тортар, ҳурмат юзасидан ўзлари пешвоз чиқишга ошиқардилар. Онам эса…Онам ўзларини қўярга жой топа олмасдилар.

Додам келди! Мен ва укамдан бахтли инсон йўқ! Сабаби, додамларнинг бирор маротаба бизнинг уйга совғасиз келганларини эслай олмайман. Онам чой қўйиб, дастурхон тузашга берилиб кетар, ошхонага кириб-чиқиб додам билан суҳбатлашишга уринар эдилар. Додам аввал адам билан қуюқ сўрашгач, биз кичкиналарга юзланар эдилар. Бизнинг ҳаёлимиз бугун нима совға олиб келганлари билан банд бўлсада, онам ўргатганларидек сабр билан кутардик. Охирида додам «Қизим, кел ўтир. Биз ҳозир йўлда овқатланиб келяпмиз. 5 дақиқа ўтир, ҳозир кетаман»,- дея мулойим жилмаяр эдилар.

Онам ҳар сафар оталари кетгач, ортларидан қараб қолар, баъзида йиғлаб ҳам олар эдилар. Билмадим нега? Балки кўпроқ олдиларида бўлишларини истагандирлар, балки яхшилаб меҳмон қилгилари келгандир, балки маҳкам бағирларига босмоқчи бўлгандирлар? Ким билади дейсиз?

Мен учун додам дунёдаги энг меҳрибон инсон эдилар. Доим кулиб турувчи меҳрибон кўзларига монанд қалин қошлари уларни салобатли кўрсатар, лекин чўзинчоқроқ оқ юзларидан аримайдиган табассумлари одамни ўзига маҳлиё қилиб қўяр, улар билан суҳбатда бўлган инсон вақт қандай ўтиб кетганини сезмай қолар эди. Ана шунақа дилкаш додам бор эди…

Додамлар гапга уста бўлибгина қолмай, уста савдогар ҳам эдилар. Тижорат ишлари учун кўп вақтини сарфлайдиган инсон бўлишларига қарамасдан додамлар нафис шеърлар ҳам ёзиб турар, бот-бот матбуотда кўриниш берар эдилар. Аввалари бу жиҳатга эътибор бермаган эканман. Улғайгач, кўплаб машҳур шоир ва ёзувчилар билан суҳбатда бўлган бўлсамда, улар билан додамларнинг ўрталарида фарқ бордек эди. Кейинчалик бу фарқ нимада эканлигини тушуниб етдим. Баҳодир додам шеъриятдан шуҳрат қозониш, бойлик орттириш мақсадида фойдаланмаган эканлар. Айнан, улардаги самимийлик ва юракдан ёза олиш мен кўрган кўплаб шоирларда умуман йўқ эди. Шеъриятдан ҳеч нима талаб қилмайдиган, уни шунчаки чин юракдан севадиган инсон эди менинг додам!

Бир куни узоқроқ қариндошимизникига меҳмонга бордик. Мен қўшни бола билан кун бўйи кўча чангитдим, сўнгра уйга шошилдик. Ахир, кечқурун уларникида тўй-ку! Кийиниб, қўшни бола билан уларникига чиққанимизда қош қорайиб қолган, узоқдаги инсоннинг юзини кўриб бўлмас эди. Ҳовли ичи ёритилган, ҳамма ўзи билан ўзи оввора. Биз билан меҳмонлар учун безатилган уйга кириб ўтирдик. Шу пайт эшик ортида тўй эгаларининг суҳбати қулоғимга чалиниб қолди. Эри «Баҳодир Собит келдими?»,- деди, аёли йўқ ишорасини қилди шекилли, эри «Алоҳида хона тайёрланглар, Баҳодир акам шовқин-суронни ёқтирмайдилар»,- дея нари кетиши билан эшик очилиб, аёл хонага кирди-да бизни «Катта меҳмонлар келишяпти, боринглар кўчада ўйнанглар»,- деб чиқариб юборди. Ҳўрлигим келиб кетди, шартта мен Баҳодир Собитнинг набирасиман дегим келди-ю, бунга юрак қаерда дейсиз?!

Ташқарига чиқсам, кастюм-шим кийиб олган порум одамларнинг ўртасида додам ҳамма билан сўрашиб ўтиб борар, менинг икки кўзим уларда, кўпчиликнинг салобати босдими, ё болалигимга бордимми миқ этмасдан туравердим. Додам зиналардан кўтарилиб кета бошлаганларида менга кўзлари тушиб қолдида, ия деб олдиларига чақирдилар. Ўша дамда ер юзида мендан бахтли инсон йўқ эди. Мурғак қалбимда қандайдир ёқимли ҳисни туйганча уларнинг қўлларидан ушлаб атай безатилган хонага кириб кетдим. Уёғи эсимда йўқ, онамнинг айтишларича тиззаларига бош қўйганча ўша хонада чарчаб ухлаб қолган эканман.

@ijod_sehri21


Forward from: 🌸ИЖОД СЕҲРИ 🌸 Феруза Салходжаева (Феруза Баҳодир қизи)
Ҳазрати Онажоним, менга келадиган тақдир зарбаларига қалқоним, бошимга ташвиш тушса «Қўрқма, мен сени дуо қиламан, ҳаммаси яхши бўлади», дея юпатгувчи меҳрибоним!

Ортимда тоғдек суянчим, дуогўйим, оқила онажоним бор эканлигини билганим учун доим хотиржамман!

Сизни жудаям яхши кўраман.Сиз менинг тириклигида жаннатни қўлга киритган Ҳазрати Онажонимсиз!

Оллоҳ умрингизни узун қилсин. Дунёдаги барча оналар оналикни сиздан ўргансиз! Таваллуд айёмингиз муборак бўлсин! Биламан, доим бувам ёди билан яшайсиз, жойнамозларда узоқ қиладиган дуоларингиз ҳам у кишига аталган!

Бувам ҳақида ёзган хотирамни тақдим этаман, совғамни қабул қилинг!

Яҳёхўжа Улуғхўжаев

@ijod_sehri21


Аввало, бир фикрни айтиб қўяй, сарлавҳа “Реал”га мухлисликни англатмайди, шунчаки “Реал” “Барселона”га қарши ўйинда сарлавҳага мос ҳаракат қилди.

Энди ўйин ҳақида. Ўйиндан олдинги мақоламда “Реал” сафидаги йўқотиш, хусусан, Азарнинг йўқлиги жамоанинг ўйинига жиддий таъсир кўрсатмайди, қабилида фикр билдиргандим. Чунки дастлабки “эл-класико”да ҳам “қаймоқранглилар” Азарсиз жуда яхши ўйнашган, фақат гол етишмаганди. Бу сафар эса Зидан ана шу камчиликни ёпди.

Зиданнинг биринчи ютуғи — асосий таркибни тўғри танлай билгани. Бугун франциялик мутахассис ишонч билдирган Марсело тажрибанинг ўрни қанчалик муҳим эканлигини кўрсатди. Биргина вазият, Куртуа билан бирга-бир вазиятга чиқиб кетаётган Мессидан қоида бузмасдан тўпни олиб қўйиш учун катта тажриба керак. Зидан Марселони ана шу тажриба умидида майдонга туширди ва бразилиялик ҳимоячи ишончни оқлади.

Зиданнинг иккинчи ютуғи — Куртуанинг ишончли ўйини. Бугун бельгиялик посбон “гол ўтказмаслигим шарт”, деган аҳд билан майдонга тушганини исботлади. Биринчи бўлимнинг ўзида яққол учта вазият, ҳатто Мессининг аниқ ва кучли зарбаси — Куртуа сейвлари билан ўзи томон отилаётган танқид тошларини сезиларли даражада камайтирди.

Зиданнинг учинчи ютуғи — тактика. Франциялик мутахассис рақибга қарши ҳужумкор тактикани танлади. Кучли прессингга таянди. Афтидан, Каталония клуби бунга тайёр эмасди, шекилли, кўп ҳолларда меҳмонлар хатога йўл қўйишди. Зидан шогирдлари эса бутун ўйин давомида тинмай югуришди ва тезкор ҳаракат қилишди. Айниқса, ўзаро узатмалар борасида мураббийнинг футболчилар билан жиддий ишлагани сезилди. “Реал” ҳатто ўз жарима майдонида ҳам тўпдан шунчаки қутулишни ўйламади, қисқа узатмалар билан ҳимоядан чиқиб кетиш ва ҳужумга ўтишга интилди.

Зиданнинг асосий ютуғи — бугун “Реал”нинг ҳар бир футболчиси ўзининг энг яхши ўйинини ўтказди.

“Реал” сафида ҳар бир футболчи ўз ишини муносиб бажарди. Ваҳоланки, бундай ҳолат ҳар доим ҳам кузатилавермайди. Бу шуни англатадики, “қаймоқранглилар” бугунги ўйинга шунчаки навбатдаги рақибни мағлуб этиш эмас, “Барселона”ни, азалий принципиаль рақибни мағлуб этиш нигоҳи билан қарашган. Буни Винисиус гол урганида Каземиронинг ушбу муваффақиятни алоҳида эҳтирос билан нишонлаганидан билиш мумкин. Афтидан, Зидан ўйиндан олдин шогирдларига шундай деган: “Бугун “Барселона”ни мағлуб этиб, чемпионлик ўрнига қайтишимиз керак. Ҳам биринчи ўринга қайтамиз, ҳам Каталония клубини енгамиз”.

“Барселона” ҳам, аслида, ёмон ўйнагани йўқ. Бугунги ўйиндан келиб чиқиб, жамоанинг руҳий ҳолати у қадар яхши эмаслигини пайқаш мумкин. Кике Сетьен жорий мавсумдаги биринчи “эл-класико”да йўл қўйилган хатоларни ўрганмаган кўринади. Чунки “Барселона” аввалги “эл-класико”даги каби ҳаракат қилди: ўша хатолар ва ҳаттоки олдингидан-да сустроқ ўйин.

Бугун “Барселона” ўйинида тарқоқлик сездим. Айниқса, иккинчи бўлимда “Барселона” ўзига ўхшамади. Демакки, ўйиндан олдин футболчиларни етарлича тайёрлай олмаган мураббий танаффусда ҳам керакли сўзларни топа олмаган. Афтидан, футболчилар ва мураббий ёки раҳбарият ўртасида қандайдир зиддият бор. Чунки бугун меҳмонларда жонкуярлик, шиддат у қадар сезилмади. Гап фақат мураббийда эмас, агар ҳозир Сетьенни истеъфога чиқариб, ўрнига бошқа мураббийни олиб келган тақдирда ҳам вазият ўзгариб кетишига унчалик ишонмайман. Чунки Мессидек сеҳрли таёқчаси бор жамоа бугунгидек беқарор ўйнамаслиги керак эди.

“Реал” тахтга қайтди, яна қандай — “Барселона”ни мағлуб этиб. Табиийки, Мадрид клуби мухлислари “Манчестер Сити” ва “Сельта”га бой берилган очколарни ҳам унутишди. Бу ғалаба ўз навбатида ЕЧЛ доирасида “шаҳарликлар”га қарши кечадиган жавоб ўйинидан олдин ўзига хос мотивация бўлди.
Низомжон ИСЛОМОВ

https://t.me/stadionuz


"Liverpul"ga yordamlashadiganlar ko'payib bormoqda...


Катта эҳтимол билан Томас ҳам кескинликнинг пайдо бўлишида қисман айбдор.
Дортмунддаги аламли мағлубиятдан бир неча кун ўтиб, Неймар ва ПСЖнинг бошқа футболчилари туғилган кун муносабати билан уюштирган кечадаги суратлар ижтимоий тармоқларда пайдо бўлди. Ўша суратлардан сўнг, ПСЖ раҳбарлари вазият нақадар кескин эканлигини англашди ва жамоанинг спорт директори Леонардо фавқулотда мажлис ўтказишга қарор қилди. Манбаларнинг маълум қилишича, Леанардо деярли 1 соат мобайнида футболчиларни инсофга чақиришга урунган. Қайсар Тухел эса, бу орада журналистларга клубдаги вазиятни тушунтириш билан банд эди:

“ Ҳаммаси жойида, ҳавотирга ўрин йўқ. Биз кутилмаган натижалардан хурсанд эмасмиз. Биз ҳам Дотмундаги мағлубиятдан сизлар каби ҳайрон қолганимиз рост. Барчаси борасида футболчилар билан гаплашиб олдик. Бундай мавзудаги сўзлари клубнинг шахсий муаммоси ва у “ичкарида” қолгани маъқул”.

Аслида бундай муаммолар Парижда биринчи маротаба содир бўлмаяпти. Жамоа футболчилари ЕЧЛ соврини учун қанчалар катта босимда қолиб кетаётгани шундоқ ҳам барчага маълум. Мураббий ҳаммаси жойида эканлигини маълум қилгани билан, муаммо бартараф этилгани йўқ. Сўзимизга ПСЖнинг “Бордо” билан бўлган ўйини яққол исбот. Тўғри, бу сафар Париж клуби (4:3) ғалаба қозонди, бироқ жамоавит руҳ ўша ўйинда ҳам кўринмади. Насир Хелайфи ҳам вазиятга қандай аралашишни тушуна олмаяпти. Леанардо-ку, умуман аросатда қолиб кетди. Футболчгиларни ёнин олса, мавсумнинг энг қизғин палласида жамоани ким бошқарувига олади? Агар мураббий томонида эканлигини маълум қилса, юлдузли футболчилар очиқчасига ўйинни бериб юбормайди деб ким кафолат беради?

“Бордо” билан ўйинда Неймарнинг асаблари дош бермади. Ўйиннинг сўнги дақиқаларида атайин қўпол ўйнади ва иккинчи сариқ карточкани олди. Бир неча ҳафта илгари мухлислар меҳрини қозонган бразилиялик футболчи яна ўз статусига қайтди қўйди. Айни юлдузлар жамоаси мавсумнинг қийматини белгилаб берувчи қисмига ички жанжал ва руҳий босим остида етиб келди. Етмаганига, жамоадаги ягона камтарин юлдуз Тиаго Силва ҳам жароҳат олди ва сафдан чиқди.

Кулгулиси шундаки, ПСЖ мана бир неча йилдан бери мавсумнинг айнан шу қисмида ўзини-ўзи жар ёқасига олиб келмоқда. Европанинг грандалри эса жар ёқасидаги рақибларини ортиқча қийинчиликсиз пастга қулатиб юбормоқда. Бунинг сабаби нимда? Таркибдаги табақаланишдами? Ҳужум ва ярим ҳимоячиларнинг савиясида фарқ каталигидами? Ёки жамоа ўзи учун мос мураббий танлай олмаяптими? 19 жамоа 2-ўрин учун кураш олиб борадиган чемпионатдами? Балки Тухелни “Манчестер Юнайтед”дан қабул қилинган мағлубиятдан сўнг жавобини бериш керак бўлгандир? Балки шу сабабларнинг барчасидир. Балки муаммонинг сабаби умуман бошқа омил билан боғлиқдирд. ПСЖ раҳбарлари муаммодан қандай чиқиб кетишларини кузатишда давом этамиз.


https://t.me/xojafutbol


Stadion.uz Парижнинг ПСЖ клубидаги кескин вазиятга ойдинлик киритиб ўтади.

Очиғи Париж жамоасининг ҳар сафар ҳал қилувчи ўйинлар чоғида жанжалларга ўралашиб қолиши одат тусига айланиб бормоқда. Гап ПСЖнинг “Боруссия”дан енгиликган ўйини ҳақида бормяпти. Ушбу жамоанинг руҳий ҳолати мавсумнинг ҳал қилувчи палласида панд беришда давом этмоқда. Нафақат футболчилар, балки мураббийлар ҳам ПСЖга келгач, жанжаллар билан ўралашиб қолмоқда. Хатто ПСЖ жамоасига атиги бир мавсум учун ижарага олинган Икарди ҳам машмаша кўтаришга улгурди. Ҳеч қачон футболчилари билан сан-манга бормаган Томас Тухел етакчи футболчилар билан контакт қилмай қойди. Шу ва бошқа муаммолар борасида бугун қисқача мулоҳаза юрутамиз.

ПСЖ жуда яхши старт олди. Барчаси ўз ўрнида ва ўз вақтида амалга ошишни бошлагач, барча узоқ кутилган ЕЧЛ кубогининг иси келаётгани ҳақида тинмай сўзлай бошлади…

Икарди мавсум бошида ПСЖ учун жуда ҳам фойдали эди. Хатто Мбаппе, Неймар, Ди Мария сингари ҳужумга жавоб берувчи футболчилари бор жамоа ўйин услубига ҳам мослашиб олгандек эди гўё. Ҳар бир ўйинда майдонга тушиши ва гол киритиши ҳам одатий ҳолатга айланган, клуб уни “Интер”дан сотиб олишига ҳеч кимда шубҳа йўқ эди. Икарди нима бўлипти? Хатто ёзда “Барселона”га кетаман деб “тўполон” кўтарган Неймар ҳам бирдан машғулотларга тушиб кетди.Бразилиялик футболчи ўз интервюларида клубга содиқ эканлиги, жамоа билан “олтин тўп”ни ютмоқчилиги ҳақида сўзлаб мухлисаларни “еритиш”ни уддалади ҳам. Баъзи учрашувларда Неймарнинг ҳимояда тер тўкаётганини ҳам кўрганлар бўлди. Барчаси, йўқ барча-барчаси ҳамирдан қил суғургандек кетаётган эди, бироқ ЕЧЛ плей-офф ўйинлари бошланиши билан отлар қўшилган арава бирданига қовоққа айланди қўйди.

Жамоадаги кўнгилсизликлар Дортмунддаги ўйиндан аввалроқ бошланди аслида. Аввалига Мбаппе ва Тухел ўртасида кичик “жанжалча” чиққани ҳақида маълумотлар пайдо бўлди. Кейин Неймар уюштирган кеча ва унинг жароҳати вазиятга жидий назар солишга мажбур қилди. Германияга учиб кетиш олдидан ПСЖ га “Амьен» устидан ғалаба қозониш учун 4 та гол ҳам камлик қилди. 4:4 натижа билан якунланган ўйиндан сўнг, кўплаб мутахассислар жамоадаги мувозанатнинг бузилганини дарров пайқашди. Руҳий босим борасида-ку, гапирмаса ҳам бўлади. Холанднинг Дортмунддаги яккаҳон концертидан сўнг, футболчилар бирин кетин ўз норозилигини билдиришни бошлади. Ҳар доимгидай бу ишни Неймар бошлаб берди. Унинг ПСЖ манзилига айтган сўзларидан сўнг, ўртадаги вазият янада кескинлашиб кетди.

Шу ўринда, кўпчилик эътиборидан четда қолган вазиятга тўхталиб ўтсак. Айни дамда ПСЖда қолиш учун қўлидан келганича ҳаракат қилаётган Икарди ва “Интер” ўртасидаги можора бежиз чиқмаган кўринади. Football Insider нашррининг маълум қилишича, “Боруссия”га қарши учрашувда Икарди яхшигина томоша кўрсатган экан.

Аргентиналик футболчи “Боруссия”га қарши учрашув олдидан ҳеч қандай сабабсиз асосий таркибга китирилмади. Бундан хабарингиз бор албатта. Юқорида номи зикр қилинган нашрларинг маълум қилишича, Икарди ўзининг заҳирада қолдирилганини эшитгач, кийиниш хонасида жанжал кўтаришга урунган. Хатто кийиниш хонасидаги бир нечта стулларни синдиришгача борган. Бироз ўзига келгач, мураббийдан хафа эканлигни намойиш этганча, ўйин тугаб, Парижга қайтиб келгунча ҳеч ким билан суҳбатлашмаган.

Қайсидир маънода уни тушуниш мумкин. Айни дамда жамоадаги энг яхши ҳужумкор футболчини ҳисобда 2 та тўп фарқи билан ортда қолаётган паллада майдонга тушурмасликни яна қандай изоҳлаш мумкин? Очиғи Тухел ҳам вазият қўлидан чиқиб кетганини яхши англаган кўринади. Юлдузлар билан ишлашда тажрибасиз немис мураббийи ўша куни атиги 1 та ўзгаришни амалга оширди холос.


Ҳар қандай топ даражадаги мураббийнинг ўз юлдузли онлари бўлади. Жозе ўзининг қайтиб келмас ғалабали даврларини “аристократлар” учун сарф этди. У «Челси»ни машҳур қилди. «Челси» уни машҳур қилди. Ўзининг биринчи мавсумидаёқ «Челси»ни 50 йиллик танаффусдан сўнг АПЛ чемпионлиги сари етаклаган мураббийни четга суриб ташлаш ноўрин.
https://t.me/xojafutbol


Stadion.uz«Челси» жамоасида тўп сурган энг яхши футболчилардан ташкил топган жамоани эътиборингизга тақдим этади.



Петр Чех

АПЛда қуруқ ўйинлар борасида мутлақ рекорднинг эгаси, Куртуа келгач, жамоани тарк этишга қарор қилди. Қаҳрамонимиз «Челси»даги фаолияти давомида ЕЧЛ,Европа лигаси,АПЛ ва яна 13 та совринни боши узра кўтаришга муваффақ бўлган. Чинакам афсона!



Стив Кларк

Аспиликуэта кучли футболчи, бироқ у Кларк сингари «Челси» сафида 11 йил тўп сурмаган. «Челси»га катта пуллар келишидан олдин жамоанинг чинакам қаҳрамонларидан бири бўлган Стив ўзининг сўнгги учрашувида (1998-йил) боши узра кубок эгалари кубоги совринини кўтаришга муваффақ бўлган.



Жон Терри

«Челси» сафида энг кўп учрашув ўтказган футболчилар рўйхатида иккинчи ўринда бораётган Террини таркибга қўшмасликка ҳаққимиз йўқ эди. 703 та учрашув, 19 мавсум ва 17 та соврин. Терри «Челси»нинг тирик афсонаси десак, адашмаган бўламиз. Энг қизиғи шундаки, Терри фаолияти давомида Лондон клуби учун 67 та гол киритишга муваффақ бўлган.



Рон Харрис

Харрис жуда иқтидорли ва ўз замонининг энг яхши футболчиларидан бўлишига қарамай, «Челси» билан 3 бор АПЛга қайтишни уддалаган фидойилардан бири. Бу нуқтада Десайи ёки Карвальони қўйишимиз мумкин эди, бироқ Рон Харрис «Челси» учун биринчи еврокубокни (1971-йил) ютиб берган сардор сифатида тарихда абадий қолади.



Эшли Коул

Ушбу рўйхатдаги футболчиларнинг барчасидан иқтидорлироқ деб таъриф берилган Эшли Коул ҳақида узоқ сўзлашга ҳожат йўқ. Коул ўзининг энг “гуллаган” даврларини «Челси» учун берди ва қўлга киритиш мумкин бўлган барча совринларга эга чиқди.



Клод Макалеле

Жозе уни: “Бош қотирманинг ечими” деб бежиз таъриф бермаган. Клод «Челси» ғалаба қозониши учун майдонда “қон тўкишга” ҳам тайёр бўлган чинакам жангчи эди. Бу нуқтада Канте ҳам пайдо бўлиши мумкин эди, бироқ айнан Клоднинг жамоага келиши «Челси»ни чемпион жамоага айлантирганини унутмаслик лозим.



Френк Лемпард

«Челси» таркибидаги энг яхши тўпурар ва айни дамдаги жамоа мураббийи. Менимча,буёғига “Ноукоммент”!



Эден Азар

1967-йилдан бери «Челси» ҳар мавсум ўзининг энг яхши футболчисини аниқлаб келмоқда. Шу кунга қадар фақат Эден Азаргина бу совринга 4 бор эга чиққан. Бундан ташқари, Азар “аристократлар” учун 110 та гол киритгани ва 92 та ассистни амалга оширганини ҳам унутмаслик лозим. Ажойиб еттита мавсум ва 100 миллион евро! Жамоа учун бундан ортиқ яна қандай наф келтириш мумкин?



Жанфранко Зола

Абрамович келгунига қадар «Челси»ни машҳур қилишга бел боғлаган Зола бу ишни қайдир маънода уддалаган. Зола лондонликлар сафида АПЛдан бошқа деярли барча мусобақаларда ғолиб чиқибгина қолмай, клубнинг халқаро даражадаги мухлисларининг кўпайишига катта ҳисса қўшган. Энг муҳими шундаки, “мухлислар ёқимтойи” номинацияси бўйича ўтказилган сўровномада Френк Лэмпардни ҳам ортда қолдириб ғолиб чиқди.



Питер Осгуд

Юқорида ёдга олинган кубок эгалари кубогида ғалаба голини киритган Осгуд бу рўйхатда бўлишга лойиқ. Тўғри, бу нуқтада Темблинг, Диксон ва ҳатто Рой Бентли ҳам бўлиши мумкин эди, бироқ Питер бу рўйхатдаги барчадан кўра кўпроқ гол киритишга(150) муваффақ бўлган.



Дидье Дрогба

20 аср афсоналари бизни кечиринг, бироқ Дрогбани «Челси» рамзий жамоасига киритмасликни 21 аср мухлислари кечиришмайди. Жамоаси учун ҳимояда ҳам тер тўкишдан “орланмайдиган” Дидье «Челси» билан афсоналарга айланиб кетган Мюнхендаги финалдаёқ ўз номини клуб тарихига абадий ёзиб қўйган. Клуб сафида 14 та совринни боши узра кўтарган ҳужумчи кўп гол киритмаган бўлиши мумкин, бироқ жамоанинг янги асрдаги энг муҳим голларини айнан Дрогба рақиб дарвозасига йўллаган!



Бош мураббий



Жозе Моуриньо

Айнан португалиялик мураббий қўл остида «Челси» катта ареналарга қадам қўйди. Айнан “беназир” даврида «Челси»ни барча тан олди, айнан Моур бошчилигидаги таптортмас «Челси» шаклланди.


Инсонийлик жиҳатидан олиб қаралса, Эденга ачинишингиз турган гап, бироқ мавсум олди воқеаларни бир ёдга олинг?! Жамоа янги жамоасига ортиқча вазн билан етиб келган, профессионал тестдан ўта олмаган 100 миллионлик футболчининг янги жамоасидаи суратини фотошопда тайёрлашгани, мотивациясиз мавсум ва бошқа кўплаб биз билмаган муаммолар футболчини 4 бор жароҳат олишига сабаб бўлгани бор гап. Футболчининг сўнгги жароҳати уни камида 2 ой сафдан чиқишини таъминлаб берди. Бу деярли Азар учун мавсум тугади дегани.
Очиғи, “қаймоқранглилар”нинг ҳужумдаги нўноқлигини Эден Азар билан боғлаш ноўрин. Шунчаки Эден Азарни сотиб олишдан “Реал Мадрид” қандай фойда кўргани тушунарсиз. Боз устига, жамоа нурсиз мавсумда барчанинг кўнглига илиқлик берган ёш Винисиуснинг ўрнига худди у сингари ҳаракат қиладиган янги бразилияликни олиб келди. Умуман изоҳсиз қарор.
Очиқчасига айтганда
Умуман олганда, “Реал Мадрид” сўнгги мавсумларда борган сари ўзи учун зарарга ишлайдиган қарорларни қабул қилишда давом этмоқда. Эден Азар иқтидорлими? Ҳа унда оламиз! Бензема ҳужумкор футболчи ва ажойиб 9-рақам эгасими? Бўлмаса-чи, найзанинг учида у ҳаракат қилади! Биз қайси жамоамиз? “Реал Мадрид”! Биз нимани истаймиз? Жуда кўп гол киритишни! Шунча голни ким уради? Бунисини билмаймиз! Жамоа қанчалар кучли футболчилардан ташкил топган бўлмасин, таркибида Левандовски, Месси, Роналду ёки ҳатто Холанд сингари якунловчи бўлмас экан, жамоадан юқори сифатли ўйин кутиш жуда мушкул. Агар, буни англаб туриб ҳам тўпурар ҳужумчисиз ҳаракат қилинса, ушбу клуб якунда барча фронтдаги совринларни рақибларига топшириб қўйиши аниқ.

https://t.me/xojafutbol


Роналду синдроми билан оғриган Азар

Яқиндагина Эден Азарнинг “Барселона” ва “Манчестер Сити”га қарши учрашувларни ўтказиб юбориши борасида хабарлар тарқалди. Очиғи, бундай янгиликдан сўнг, бельгиялик футболчи ва унинг янги клубига ҳавас қилишнинг иложи йўқ. Шунга қарамай, Эден “Реал Мадрид”нинг ягона муаммоси эмас...
Аслида “Реал Мадрид”нинг асосий муаммоси ҳали-ҳануз Роналдунинг йўқлиги бўлиб турибди. Португалиялик жамоадан кетгач, клуб унинг ўрнини руҳан ва жисмонан босишга қодир футболчини олиб келишни уддалай олмади. Эден Роналду кетгач орадан бир йил ўтиб жамоага таклиф этилди. Келинг, тан олайлик, Азарнинг Роналду билан ўхшаш қирралари деярли йўқ эди. У ҳеч қачон мавсум давомида 40 та гол урмаган. Бундан ташқари, Азарнинг майдондаги асосий функцияси сўнгги зарбани бериш эмас, сўнгги пасни ижро этишдан иборат. Эден қайсидир маънода иш бериши мумкин эди, бироқ ундаги жароҳатлар бунга тўсқинлик қилди. Агар жароҳатлар бўлмаганида ҳам ўйлашимча жуда катта эффект бермаган бўлар эди. Сабаби, бельгиялик футболчи жамоага ижобий таъсир ўтказиши учун марказда гол-одам ҳаракат қилиши керак.
Очиғи, Карим Бенземанинг ўйин услуби бироз ўзгачароқ. У жамоавий ўйинни хуш кўрувчи ақлли ҳужумчи. Унда “қотиллик” инстинкти деярли мавжуд эмас. Ҳозир “Реал Мадрид” мухлисларининг қошлари чимирилиб кетган бўлса, ажаб эмас. Келинг, сўзларимни статистиc маълумотлар билан исботлаб бераман. Айни дам Ла Лигада дарвозага зарба йўллаш борасида “Реал Мадрид” (407 та зарба) яққол етакчилик қилмоқда, бироқ киритилган голлар сонида эмас. Масалан, жамоа 407 та зарба орқали 46 та гол киритган бўлса, “Барселона” 322 та зарбадан 62 та гол “ясашга” муваффақ бўлмоқда.
Барча танқид қилаётган “Барселона”нинг ҳужум чизиғи деярли икки баробар савиялироқ ўйин кўрсатмоқда. Қайсидир маънода Роналдунинг кетиши якунловчи зарбалардаги аниқликка таъсир ўтказмоқда. Шунингдек, португалиялик футболчи даврида “Реал Мадрид” ўзи иштирок этган учрашувларнинг атиги 8 фоизидагина ҳисобни очмаган экан. Бу кўрсатгич бугунги кунда 23 фоиздан ошиб кетди.
Муаммо фақат Роналдунинг йўқлигида эмас аслида. Муаммо шундаки, “Реал Мадрид” худди олдинда Роналду бор деган фикр билан ўйнаётганида. Жамоа ҳужум чизиғидаги футболчилар учун шу қадар кўп вазят яратиб беряптики, худди олдинда Габриел Батистута ёки Филиппо Инзаги ўйнаётгандек гўё. Аслида Карим чакки ҳужумчи эмас. Криш кетгач у ҳам ўз мавқеини анча тиклаб олди, бироқ у юқорида айтилганидек, супер якунловчи эмас. У тўп билан марказдан қанотга ўтиши, бир ёки иккита ҳимоячини чалғитиши мумкин, бироқ керакли паллада керакли жойда пайдо бўлишда ҳали-ҳам оқсамоқда. Унинг голлари сони ортиши вазият ўнгланганини билдирмайди. Шунчаки, ҳужумчи энди марказда ўйнашга ҳаракат қилмоқда. Баъзан бу наф берса, баъзан Карим вазиятларни кўкка совурмоқда.
Эътибор қаратган бўлсангиз керак, сўнгги пайтларда “Реал Мадрид”нинг ҳужумларидаги кескинлик йўқолиб бормоқда. Айниқса, позицион ҳужумлар чоғида жамоада кескин паслар ёки юқори темп умуман кўринмаяпти. Оқибатда, клуб ўз ҳужумларини яхши тайёрланманган зарбалар билан якунлашга мажбур бўлмоқда. Масалан, Эден учун ҳам гол киритиши учун 12 та уриниш керак бўлди. Ваҳоланки, зарбаларнинг 11 таси жарима майдончасининг ичидан йўлланган эди.
Айни дамда Эден – “Реал Мадрид” учун чинакам фалокатга айланиб улгурди. Бельгияликнинг омадсизлигини фақат жароҳатлар билан боғлаш ноўрин. Унинг ўзидан ҳам ўтган жойлари мавжуд. Масалан, Эден “Реал”га ўтгач, ўз карьерасидаги максимум даражага чиққанини ҳис этди ва ўзини эркин қўйиб юборди. Уни Испаниядаги энг қиммат меҳмонҳонада хордиқ чиқараётган суратлари ижтимоий тармоқларда пайдо бўлгач, футболчи ўша машҳур: “таътилда ҳамма нарса мумкин” сўзларини айтди.

https://t.me/xojafutbol


Forward from: XAYRULLA HAMIDOV norasmiy
-Дада нимага Жумага янги олиб берган чакмон ва кавушни киймаяпсиз? Ёқмаган бўлса айтинг бошқасини олиб бераман.
-Ёқди болам, ёқди барака топ. Эски масжидга кетаяпман, у ерни жамоати аксари камбағаллар. Уларга зулм қилиб қўймай деб эскисини кийиб олдим болам...

Миркомил Зокиров

💫💫💫💫💫
Эртага жума!

@Xayrulla_Xamidovv


Kechagi "Paxtakor"ning g'alabasi guruhdan chiqish uchun juda muhim qadam bo'ldi. Nasib qilsa, barchasi yaxshi boshlandi. Bu mavsumda "sherlar"ning OCHLda uzoqroqqa borishga kuchi yetadi. Bunga o'zlari ishonishsa kifoya.


Яқиндагина 35 ёшни қарши олган Криштияну Роналду “Ювентус” жамоаси учун алмаштириб бўлмас футболчилардан бири саналади. Кўплаб афсоналар бутсаларини михга илган ёшда ҳам майдонда ўзини кўрсатишдан чарчамаётган Кришга қойил қолмасликнинг иложи йўқ. Хўш, кўҳна қитъада Роналду сингари катта ёшда бўлишига қарамай савияли ҳаракат қилаётган яна кимларни биламиз?

Самир Ҳанданович



Барча бу нуқтада Буффони кўришни истаган бўлса, ажаб эмас. Тўғри, италиялик дарвозабон катта футболни тарк этгани йўқ, бироқ уни “Ювентус”нинг асосий дарвозабони дейиш нотўғри. Жижидан фарқли ўларо, ёзда 36 ёшни қаршилайдиган Самир Ҳанданович мукаммал ўйин кўрсатишда давом этмоқда. Айниқса, Контенинг келиши дарвозабондаги иккинчи нафас йўли очилишига туртки бўлди. Унинг майдондаги дадил ҳаракатларини кузатар экансиз, “Интер” жамоасига ҳавас қилмасликнинг иложи йўқ.

Санти Касорло



Бу футболчи ҳар қандай мақтовларга лойиқ десак, адашмаган бўламиз. Катта футболдан оғир жароҳат сабабли 2 йилга четда қолиб кетишига қарамай, қаҳрамонимиз футболга қайтишни уддалади. 35 ёшли «Вильярреал» футболчиси оёқ терисининг зарарланиши ҳавфи бўлишига қарамай, яшил майдонга қайтиш учун таваккал қилди ва якунда жароҳатни мағлуб этди. Айни дамда унинг ҳисобида 8 та гол ва 5 та ассист мавжуд. Бу бутун “Ла Лига”даги энг яхши 6-кўрсатгич дегани!



Златан Ибраҳимович



Бундеслигадан ташқари барча кучли чемпионатларда тўп сурган Ибраҳимович учун ҳеч қандай чегараларнинг ўзи йўқ. У футбол оламининг эркатой фарзандларидан бири. 38 ёшга тўлган бўлсада, бутун бошли “Милан”ни қутқариш учун океан ортида етиб келди. Айни дамда унинг ҳисобида 2 та гол мавжуд эканлигини инобатга олсак, барчаси кўнгилдагидек кетмоқда.



Андреас Иньеста

Испания футболи афсонаси айни дамда 35 ёшда бўлишига қарамай, “Барселона” учун катта наф келтириши мумкин эди. Бежизга каталонияликларнинг янги устози уни ортга қайтаришга уруниб кўрмади. Япония клубига содиқлик намойиш этганча шартномасини тўлиқ ўтаб беришни авзал кўрган Иньеса учун Европа клубларининг эшиклари доиммо очиқ.

Тиаго Силва

ПСЖ жамоасининг рамзига айланиб бораётган Силва 35 ёшга кириб қолганини пайқамай ҳам қолганимиз рост. У шу қадар бир меёрда ўйин намойиш этиб келяптики, вақт ўтганини сезмай ҳам қолдик. Парижликлар сардори бугунги кунда дунё футболидаги энг тажрибали ва иқтидорли ҳимоячилардан бири бўлиб турибди. У борган сари Карлес Пуйол сингари мухлислар ҳурмати ва эътиборини қозонишда давом этмоқда.

Хоакин Санчес



Испаниялик футболчи Италиядаги омадли мавсумлардан сўнг, бутсаларини михга илиши таҳмин қилинган эди, бироқ у тўхташни истамади. Айни дамда “Бетис”да “жавлон ураётга” 38 ёшли ярим ҳимоячи ҳали ҳам футболга бўлган қизиқиши сўнмаганлигини айтишдан чарчамаяпти. Энг қизиғи шундаки, футболчи тез орада “Бетис” билан 2021 йилга қадар мўлжалланган шартномага имзо чекишга яқин турибди. Агар бу иш амалга ошса, Хоакин ҳам 40 ёшгача юқори савияда ўйнаган футболчилар сирасига кириши мумкин.

https://t.me/xojafutbol

20 last posts shown.

19

subscribers
Channel statistics