خادم وافتخر خادم
عمري ما اظن نادم
مثلك ماخفت ظالم
----------------------------------------------

هنيالي لو وي الخدم كل عام اشد احزامي
واتسمه خادم وانقبل عند الذيح الضامي
امنيتي لو اجري الدمع اكضيهه كل ايامي
مااريد كلشي بدنيتي بس خدمتك باحلامي

هيجي ويبتسم حضي
وعمري بخدمتك يكضي
تشفع انت الي حالم
________________________________

مولاي جنني العشك كمت اني اشم انفاسك
كلما اشوف انه رمح اركض احس بيه راسك
يالعايش انته بكل وكت عالحك تعلم ناسك
شما عوزت غيرة الخلك تكصد كبر عباسك

ثابت بالكلب حبك
يعمه المامشه بدربك
واصله الله بيه عالم
_____________________________

يحسين حبك مدرسة ع التضحية يربينه
رزع الكرامه شما قست الايام يزرع بينه
يادنيا تكسر شوكته العاش بضميره حسينه
شما نبرد اعله الحق نرد ودموعك تجوينه

كلمن باعلك روحه
يعرف يسحك جروحه
تاج وقبلة للوادم
___________________________

صوت اليحبك يرتفع هيهات من الذله
ماينصه راسه ويرتفع بالعز منو اليوصله
ميجامل الباطل ابد درب العدل يندله
الما يحبك سيدي تفكيره اظن بيه خله

اسمك ثورة ما تطفه
جرحك بيه مايشفه
وانه البلعشك فاهم
#الشاعر
حسين المحامي