الخادم سيد ياسر الموسوي

🌙لشهر رمضان خصوصية مباركة وعظيمة ينبغي علينا أن نستغلها كي لا نفوت هذه الفرصة من بين أيدينا .

🌟 يقول إمامنا السجاد " عليه السلام" :
السَّلَامُ عَلَيكَ يَا شَهرَ اللَّهِ الأكبَرَ ، وَ يَا عِيدَ أَولِيَائِهِ .
السَّلَامُ عَلَيكَ يَا أَكرَمَ مَصحُوبٍ مِنَ الأَوقَاتِ ، وَ يَا خَيرَ شَهرٍ فِي الأَيَّامِ وَ السَّاعَاتِ .


يمكن أن نحقق فائدة لو وضعنا برنامج مُنظم نتمكن فيه من استغلال الأوقات المباركة لهذا الشهر ضع عدة نقاط في جدولك كما يمكنك أن تستفاد من هذه الأفكار :

1⃣ وضع برنامج خاص لقراءة القرآن سواء بالإستماع والقراءة مع الختمات التي تُبث من العتبات المُقدسة أو بإقامة محفل قرآني بسيط في البيت يتشارك فيه أفراد العائلة على قلتهم ، تكون الغاية منه للبركة والإستفادة بتعلم القراءة الصحيحة وعيش أجواء قرآنية روحية.

2⃣ الإهتمام بأوقات الصلاة ومحاولة قراءة بعض الأحاديث أو الكتب التي تساعد على الخشوع في الصلاة ،

بالإضافة إلى الإهتمام بمكان الصلاة فمثلًا من باب الإستعداد نقوم بغسل ملابس الصلاة والسجادة ونعطرها ونقوم بتهيئة مكان خاص للصلاة فيه أجواء روحانية جميلة مثل وضع القرآن وكتب الأدعية والكتب الدينية في هذا المكان .


3⃣ قراءة بعض الكتب الدينية سواء كانت عقائدية أو فقهية أو عن حياة الأئمة، وترك الكتب عديمة الفائدة.

4⃣ فكرة لطيفة تتضمن وضع أوراق صغيرة بعدد 30 ورقة في علبة ما أو صندوق تحتوي هذه الأوراق في طياتها على مختلف الأعمال مثلا :
دعاء الجوشن الصغير ، دعاء التوسل ، زيارة آل يس ، زيارة عاشوراء ، صلاة الإمام علي "عليه السلام" ، حفظ سورة معينة قصيرة من القرآن، قراءة إحدى مناجيات الإمام السجاد عليه السلام، .....، صلة رحم ، عمل نوع من الحلويات للأهل ، أو أي عمل ترغبون بالقيام به قربةً لله .
ثم كل يوم تقومون بسحب ورقة وتؤدون هذا العمل.


5⃣ ترك مشاهدة الأفلام والمسلسلات وغيرها من البرامج الضارة التي تُضيع علينا أوقات هذا الشهر المبارك .

6⃣ يمكن أن نقلل أوقات إستخدام مواقع التواصل الاجتماعي خلال هذا الشهر وحتى يمكن أن نحذف مؤقتا أي تطبيق نراه يأخذ منا وقتاً طويلاً بالإستخدام لأن أوقات هذا الشهر لا يمكن أن تعوض وأي منشور أو تعليق ممكن أن نراه لاحقا.

💡ولنتذكر أن الله منحنا هذه الفرصة العظيمة فلنجتهدن ولنسأل الله التوفيق ونسأل مولانا الحُجة "عجل الله فرجه" الدعاء .

⏳وختامًا يقول الإمام السجاد "عليه السلام" في دعاء وداع شهر رمضان :
السَّلَامُ عَلَيكَ مَا كَانَ أَحرَصَنَا بِالأَمسِ عَلَيكَ ، وَ أَشَدَّ شَوقَنَا غَداً إِلَيكَ .
السَّلَامُ عَلَيكَ وَ عَلَى فَضلِكَ الَّذِي حُرِمنَاهُ ، وَ عَلَى مَاضٍ مِن بَرَكَاتِكَ سُلِبنَاهُ .

اللهمَّ صَلِّ عَلَى مُحَمَّدٍ وآل مُحَمَّد

اهواي عني تأخريت ليش توك يلا اجيت
تدري صار اشكد اتاني وأحسب الجيتك ثواني
**********
شعطلك ياموت عني ليش توك يلا جاي
عكب ما كطعو جبدي عكب ما سالت دماي
جايني تخلصني توك عكب ما ذبحو ضواي
والسناسل كلت أيدي والصياط أكلت كفاي

بالسجن كل عمري راح أمنيتي اموتن واستراح
بالسجن ظليت أعاني وأحسب الجيتك ثواني
*******
ماتنام الليل عيني بالسجن راووني ويل
وحته ما اعرف نهاري اسنيني صارت كلها ليل
بصوطه سجاني عله متني جان بيه يضربني حيل
الزم امتوني بديه وحتى اون ما بيه حيل

محد ايخلصني جان وظلمه ياموت المكان
تدري اشكد عذباني وأحسب الجيتك ثواني
************
بالسجن عافيتي راحت وتدري حالي شكد صعب
لا أهل لا إبن يمي عمري كضيته بغرب
سجن مامش بيه حصيره وجنت انام عله الترب
وذكرت ذيج الخرابه وكامت ادموعي تصب

اذكرت زينب والخيام وعالترب جانت تنام
تصيح وين الدللاني وأحسب الجيتك ثواني
*************
ياحسافه اسنيني خلصت وآنه عن أهلي بعيد
الغربه تكتل وانته تدري غير شوفتهم شريد
شما تطول المده جانت شوكي لحبابي يزيد
ادعي ودموعي عله خدي ألياوكت أبقى وحيد

بالسجن شفت العذاب ورمشي من الدمعه شاب
دهري بالغربه رماني وأحسب الجيتك ثواني
*********
اهواي تدري عذبوني وبالسجن عمري انطوه
جرعوني السم بديهم وذبحو بعيني الضوه
آنه والدنيه وعذابي بالسجن متنه سوه
خذني أرد ارتاح بلكت الكه لجروحي دوه

ادري اموت آنه غريب وحته ما يحضر حبيب
ومحد من اهلي اجاني وأحسب الجيتك ثواني
**********
آنه أمير الكاظميه آنه للحاجات باب
والله ما خاب الكصدني آنه انطي بلا حساب
احلف بدمعة رقيه شكد أحب هاي الشباب
واليحبني وعنده حاجه من أيدي خل ياخذ ثواب

العنده حاجه وتكظي راد ايطبلي من باب المراد
ما ارجعه اكظيها آني وأحسب الجيتك ثواني
**********
تمت
ميثم العمري

شوط كربلائي للإمام الكاظم ع

مسموم اعتنه المسموم وكلمن سولف العنده
بين البالسجن سموه وبين البالطشت جبده
****
تعنه من البقيع اليوم الحسن ودموعه سجابه
وكعد يم موسى ابن جعفر وظل ينحب عله مصابه
منظرهم يهد الحيل كلف كل واحد اصوابه
مظلوم اشتكه المظلوم كل واحد كضه مسموم
الحسن سولف لجن مهموم
اجيتك والجمر بحشاي وجمر احشاي شيبرده
***
كعدوا بالصحن ويلاه الغالي مكابل الغالي
واحد سولف الواحد انوب اشابكو تالي
الكاظم خنكته العبره وكامت دمعته تلالي
صاح اشجابك بهاليل هو شظل بعد بالحيل
راواني زماني الويل
جرحي وجرحك اينزفن وجرح الكلب شيضمده
**



اجيت بجبدي المكطع أمشي واعثر بممشاي
غالي ولازم اوصلك يالكاظم وبث شكواي
أشعر عمي بآلامك لأن نفس الألم بحشاي
مثل ماجبدك تكطع بالسم جبدي اتبضع
وزينب اجت بالمدمع
عنها الطشت ضميته وخايف زينب تصده
*
آنه الكاظم المعروف وانه الكضاي كل حاجه
جم زاير اجاني ينوح وتلاطم دمعه بمواجه
لزمته وكتله لا تحتار وبيدي لبست تاجه
انه الكاظم يعرفوني وأبو طلبه يسموني
ابشاره لليزوروني
الكصدني براية العباس والعباس مارده
****
تمت
ميثم العمري

يالگلبك حنين .. ساكن مدري وين
دليني عليك ارد اوصلك مولاي
تايه بين الذنوب وخطر دنياي
ساكن مدري وين
.......

ما اندلك بيا صوب يا مولاي ساكن
گلي بيا مكان الگاك وهواي الأماكن
گلبي بغيبتك فد نوب صحره وجيّتك ماي
ولجيتك اتاني اهواي بيهه ارتاح ضامن

ارجع گلبي صاح .. رايد استراح
عطشان لظهورك تدري بيه هواي
تايه بين الذنوب وخطر دنياي

ساكن مدري وين
.......
تعرف باليحب ايعيش ايامه يراقب
هلبت ينظر المحبوب والمحبوب غايب
حبيتك جرح ميطيب يلچم بيه كل يوم
خاطر ابقه اسولف بيك يا اغله الحبايب

يالكلك حنان .. محتاجك أمان
يا ساعه اشوفك لليحبك جاي
تايه بين الذنوب وخطر دنياي
ساكن مدري وين
.........

مر بيه يريت بطيف هم ارضه تجيني
فيض الماي من الجود فايضلك حنيني
والزهره انه ابلياك اروحن وين محتار
اتحسر واطگ ابراح يسراي بيميني

انته بيا مكان .. يا مهدي الزمان
خليني احس بوجودك انته وياي
تايه بين الذنوب وخطر دنياي
ساكن مدري وين
.......
خنگه الدنيه كلهه اهموم وجروح ومآسي
وبُعدك عاليحبك حيل يا مولاي قاسي
ما بيه احمل آنه اغياب واتحمل معاناة
شيب گلبي من فرگاك مو بس شاب راسي

موحش وكتي صار .. طال الانتظار
وذبلن من بواچيهن الك عيناي
تايه بين الذنوب وخطر دنياي
ساكن مدري وين
...........
عاشگ بيك أنه انجنيت حگي وبيك هايم
وانته اتحبني اعرفك زين ممنونك يقائم
عيشه بغيبتك ما اريد عايش گلبي مكسور
چي مجنونك ايلومون بيه هواي وادم

گالو ما يجيك .. يتأخر عليك
وكل احچايه اسمعهه تزيد ابچاي
تايه بين الذنوب وخطر دنياي
ساكن مدري وين
......


علي عبدالله المفرجي