Biz yeb koʻrmagan taom bemaza degani emas

Biz tashrif buyurmagan davlatlar xavfli degani emas

Biz sinab koʻrmagan narsalar hayotingizni buzib yuborishi mumkin boʻlgan nimadir degani emas

Bizga koʻchada shunchaki yordam bermoqchi boʻlgan hamma oʻgʻri yoki yomon niyatli emas

Ba'zida risk qilish yaxshi tanlov. Bilmadim nimalar yoʻqotasiz lekin umid yoʻqotishdan yaxshiroq.

Doimiy xavotir va tashvishlardan iborat emas bu dunyo. Ba'zıda chuqur nafas olish va yengilroq qaray olish ham baxt. Men yondim, siz yondingiz, biz yondik, bizdan keyingilar ham yonishi adolatdan emas.

Qoʻrqamiz, yaxshi hayotdan, yaxshi yashashdan.

Erta uygʻonib ishga ketmasdan ham yaxshi yashash mumkin, ketmon bilan dalada chopmasdan ham chiroyliroq umr kechirish mumkin. Yigʻlamasdan kulib yashash ham mumkin. Oʻtin yorib tashvish koʻtarmasdan ham qishni kutib olish mumkin. Chiroyli yashash mumkin. Tepada aytganlarim xunik hayot demayman. Aslida bizni bor qilgan, bizni qilgan hayot shu. Lekin biz ularni yashab boʻldik. Undan olgan emotsiya va xotiralarimiz talaygina. Endi boshqa tomonni ham sinab koʻrish kerak.

Xavotirlarsiz, tashvishlarsiz... Faqat bunga yoʻl qoʻyib berish kerak. Hayotni boshqa tomoni ham qabul qila olish kerak. Risk qilish kerak. Bilmadim bu risk nimalarga sababchi boʻladi, balkim hammasi juda yomon darajada boʻlar.
ㅤㅤㅤ
Balkim shunchaki sinab koʻrarmiz?